#ғалаба75
#Олмалиқ

Вилоят ҳокимлиги томонидан уруш фахрийсига уй туҳфа қилинди

🏡Бугун Олмалиқ шаҳридаги иккинчи жаҳон уруши қатнашчиси, 101 ёшли Абдураҳим ота Мавлонов янги уйга кўчиб ўтди.

🎖Олмалиқ шаҳридаги шинам хонадонга кўчиб ўтган уруш фахрийси Абдураҳим отага Ўзбекистон Республикаси Президентининг табрик мактуби ўқиб эшиттирилди ҳамда "Ғалабанинг 75 йиллиги" эсдалик медали, 10 миллион сўм пул мукофоти топширилди.

✍️Бундан 2 ой аввал Абдураҳим ота ўзи истиқомат қилаётган ҳудуд шаҳардан узоқроқда, чекка ҳудудда бўлганлиги сабабли, коммуникациядан қийналаётганини, иложи бўлса, шаҳар марказидан уй ажратишини сўраб, вилоят ҳокимига мурожаат қилган.

✅Отахоннинг бу мурожаати инобатга олиниб, Тошкент вилояти ҳокими Р.Холматовнинг топшириғига кўра, Олмалиқ шаҳри марказидан 1 хонали хонадон жиҳозланган ҳолда ажратилди.

🎁Абдураҳим отага уйнинг калитини вилоят ҳокимининг ўринбосарлари Илҳом Худойберганов, Акмал Умаралиев ҳамда Олмалиқ шаҳар ҳокими Усмон Раҳимов тантанали равишда топширди.

Web-site| Facebook