بروحي شايلك نهر وسنيني گاع منين ما اميل يتبدل وماكرهت مناطرك باقي انتظر

شجاك اطيح يالمحَّد عرف ميعاد لغروبك

شيلمني اطشرت بين الهلا ولا هلا

كافي انتِظرته عُمر
هيج انتَ متساهِل
كلتلهُم ابقَه انتظُر
موطعمَه بس يختِلف
المِنتَظره يستاهِل

اثكل شوية يكلبي
مرة خليهم محطه وانت سافر

والله لو حبنا رسايل جان هسه بماي احرگه.

باچر واحنا ناس كبار
كلمة صغيرة تكتلنا
باچر ننشمر ؏ الگاع
واحنا الما قبلنا بيوم
ينشمرن رسايلنا.

من عندي ابد لا تستحي
عاد استحي من الله.

من اوگع تگلي وجع
بمكان الأسم الله ؟

المثلك و لا ينغفر
لو مو يصلي عمر ينحسب و لا صله

موش انت نفسك من طحت لفيتك بثوبي ؟
چا ليش لمن تنسأل تحسبني ع الناس الغرب
متگول محبوّبي !

كلها تموت صفره الموت هم بيه لون
عاجبني الكَطن للموت ميهادن

عد يا عصب بالراس شيمة
يمحي التفاصيل القديمة.

على غصن انتضارك ريح ما هبيت
وزرعت الميل بيه و خضرت دگته.

انت العلمتني
شلون افك ذرعان
للملگه.. الموادع ما تعلمته.

من يكبر فراغك صدري چان يضيگ
و اني البد بعطرك ما تنفسته.

بس و حگك باچر يعوفوك كلهم
وَحدك ترجعلي ذابل.

باچر اثار الغرب
هوسه على خصرك
اكثر من اثار بابل.

الفراغ البين اصابيعك بعد ميهمني
انه هواي الك ضحّيت
وانت هواي تلچمني.

انا الماله داعي ؟
شلون صارت هاي
خليها على روحك شوف تقنعها ؟

انا الما أهمك هيچ صرت اليوم ؟
و انا بكل أمورك چنت مرجعها.