تستوعب الصدمة بس تبقى مصدوم
تموت من القلق و يكتلك اللوم.

تكره روحك و من نفسك تخاف
و تركض ع الضلام تدور النوم.

اليسهر ليله كله و يغفى گوه
و صدره من الجگاير بيه بلوة.

كل هذا التعب ع الفارغ يروح ؟
و لا واحد رغبني و گلي تسوه.

بعد مو مال اجلب بيك
انت الرايد الفرگه.

العلاقة البلبرود تموت
ماتستاهل الحرگه
بـاجر تندم وتشتاك
وتحس بانانيتك
بعد منين تلكة انسان
يتحمل مزاجيتك.

حَتى ماأغثك ولا أغث روحي بيك
عِفتَك وخليت للجَيه حدُود 
تنگطع أهون عليه وهم عليك
العلاقة ولا يمر بيها برود .

منين نجيب مثلك حتى ننساك
ومنو مثلک يعوضك لو خسرنة
الشبه كل اربعين حجاية تنكال
وأذا واحد يصح چان انتضرنه

چا عيوني الذبلتهـن بالهـجر ماشورن.

ذبلت ايامي و بعد ما بيه ليل
خلگ ماكو بجفني يتلگه السهر

مر علي بمرورتك و انكتني حيل
أطيح من راسي محطات السفر.

وگالولي عنك كملت
قصة حياتك بعدي.

وگالولي حيل تشابهن
حلمك وخدك وردي.

بچوّني واني اللي چنت
ما اقبل اتمشه بمطر
و يصير مي بخدي.

ها يمسعد تضحك بكل السنون
ومن زمان احنه الضحچ ناسينه

مدري شعثر بــ الگلب مامش غنى الليله
دگاته يتسابگن چن موت يوميله

سواد الليل يبقى وتطفى الالوان
وأعيد بذكرياتك والمشاهد

أعاتب روحي مدري شلون ردتك
انا عاكولي اترف من وردتك

الـ ماراد يمك لعب
هيچ بسبب عملتك ينلعب بـ أعصابه؟
و من كثر ما محترگ
وصلت لسابع سَلف ريحة العطابة
و اليحب من ينطعن
ألا بگبر يندفن حتىٰ يبرد صوابه.

چم أسبوع تانيتك واردن للسبت وابدي .