🇹🇷🇦🇿🇦🇲 ԱԳՆ Հաքան Ֆիդան.

«Մենք Ադրբեջանի և Հայաստանի միջև համաձայնագիրը շատ կարևոր ենք համարում տարածաշրջանում կայունության և խաղաղության համար: Մենք գոհ ենք, որ կողմերը համաձայնության են եկել: Վերջին սահմանային համաձայնագիրը այս առաջընթացի լավ օրինակ է: Ադրբեջանի և Հայաստանի միջև համաձայնագրի ստորագրումից հետո Թուրքիայի և Հայաստանի հարաբերությունները նույնպես կկարգավորվեն»։

«Թուրքիան այսօր» լրատվական
ալիք | @turkey2day

🇹🇷🇺🇸 Նախագահ Էրդողանը շնորհավորել է Դոնալդ Թրամփին ԱՄՆ նախագահ ընտրվելու կապակցությամբ.

Շնորհավորում եմ իմ ընկեր Դոնալդ Թրամփին, ով մեծ պայքարից հետո հաղթեց ԱՄՆ նախագահական ընտրություններում և վերընտրվեց ԱՄՆ նախագահի պաշտոնում։ Այս նոր դարաշրջանում, որը կսկսվի Ամերիկայի ժողովրդի ընտրությամբ, մենք հուսով ենք, որ Թուրքիա-ԱՄՆ հարաբերությունները կամրապնդվեն, և տարածաշրջանային և գլոբալ ճգնաժամերն ու պատերազմները, հատկապես Պաղեստինի հարցը և Ռուսաստան-Ուկրաինա պատերազմը, կավարտվեն։

Ես հավատում եմ, որ ավելի շատ ջանքեր կգործադրվեն ավելի արդար աշխարհի համար: Հուսով եմ, որ ընտրությունները շահավետ կլինեն ԱՄՆ-ի բարեկամ, դաշնակից ժողովրդի և ողջ մարդկության համար։

«Թուրքիան այսօր» լրատվական
ալիք | @turkey2day

❗️ Էրդողանը հայտարարել է, որ Թուրքիան, Ադրբեջանը և ինքնահռչակ Հյուսիսային Կիպրոսը պատրաստ են անցնել մեկ թյուրքական այբուբենի:

«Սպասում ենք Ղազախստանի, Ղրղզստանի, Ուզբեկստանի, Թուրքմենստանի որոշմանը»։

«Թուրքիան այսօր» լրատվական
ալիք | @turkey2day

Լույս է տեսել «թուրանական հուշադրամը»։

Հուշադրամի դիմերեսին Թուրքական պետությունների կազմակերպության դրոշն է, իսկ դարձերեսին՝ 8 երկրների դրոշները (Թուրքիա, Ղազախստան, Ուզբեկստան, Թուրքմենստան, օկուպացված Հյուսիսային Կիպրոս, Հունգարիա, Ղրղզստան, Ադրբեջան)։

Գրված է նաև պանթյուրքիզմի հիմնադիրներից մեկը համարվող Իսմաիլ Գասպըրալըի խոսքը, որը դարձել է պանթյուրքիստների կարգախոսը՝ «Միասնություն լեզվի, մտքի, աշխատանքի մեջ»։

«Թուրքիան այսօր» լրատվական
ալիք | @turkey2day

🇹🇷🇺🇸 Նախագահ Ռեջեփ Թայիփ Էրդողանը հեռախոսազրույց է ունեցել Ամերիկայի Միացյալ Նահանգների նորընտիր նախագահ Դոնալդ Թրամփի հետ։

Զրույցի ընթացքում Էրդողանը շնորհավորել է Թրամփին ընտրություններում տարած հաղթանակի կապակցությամբ։

Նա նաև ցանկություն է հայտնել զարգացնել Թուրքիայի և ԱՄՆ-ի միջև համագործակցությունը նոր շրջանում։

«Թուրքիան այսօր» լրատվական
ալիք | @turkey2day

🇹🇷🇦🇿 Էրդողանը շնորհավորական ուղերձ է հղել Ալիևին.

Թուրք ժողովրդի և իմ անունից անկեղծորեն շնորհավորում եմ ձեզ, ինչպես նաև մեր բոլոր ադրբեջանցի եղբայրներին ու քույրերին «Հաղթանակի օրվա» չորրորդ տարեդարձի կապակցությամբ, որը վերջ դրեց «պատմական ադրբեջանական հողերի օկուպացիային»։ Այս հաղթանակը հպարտության աղբյուր է ողջ թյուրքական աշխարհի համար:

Մեզ ուրախացրեց նաև, որ այս տարի 30 տարվա մեջ առաջին անգամ այս հողերում անցկացվեցին խորհրդարանական ընտրություններ, որտեղ դուք լիարժեք վերահսկողություն ապահովեցիք անցյալ տարի Ղարաբաղում «հաջող հակաահաբեկչական գործողության» շնորհիվ։

«Թուրքիան այսօր» լրատվական
ալիք | @turkey2day

🇹🇷🇬🇷 ԱԳ նախարար Հաքան Ֆիդանը այցով Հունաստանում է։

Նրան Աթենքում ընդունել է իր հույն գործընկեր Յորղոս Գերապետրիտիսը։

«Թուրքիան այսօր» լրատվական
ալիք | @turkey2day

🇹🇷🇦🇿🇺🇿🇰🇿🇰🇬Խոսենք ԹՊԿ-ի հեռանկարների մասին Բիշքեկի գագաթնաժողովից հետո

Թյուրքական պետությունների կազմակերպության 15-ամյակին Բիշքեկում տեղի ունեցավ ԹՊԿ գագաթնաժողովը, որը ներկայացվեց որպես դարաշրջանային իրադարձություն, որին կհետևեն հիմնարար փոփոխություններ և բարեփոխումներ։ Իսկ հիմա ամփոփենք գագաթնաժողովի արդյունքները։

▪️Միջոցառման մասնակիցների կազմը մնացել է նույնը, սակայն հատուկ ուշադրություն է դարձվել Հունգարիայի վարչապետ Վիկտոր Օրբանի ժամանմանը, ով արժանացել է պատվավոր մրցանակի։ Այս տարի նույնպես որոշվեց պաշտոնականացնել քաղաքական միավորումը հաստատելով ԹՊԿ֊ի դրոշը:


❗️Թյուրքական աշխարհը միավորելու գաղափարն իր ներկայիս տեսքով չափազանց անհավանական է թվում։

➖Առաջին՝ մասնակից երկրները գտնվում են տարբեր քաղաքական ուժերի ազդեցության տարբեր ուղեծրերում։ Կենտրոնական Ասիայի մի զգալի մասը գտնվում է Ռուսաստանի ազդեցության տակ, թեկուզ միայն այն պատճառով, որ այդ երկրների բնակչության հսկայական մասը աշխատում է Ռուսաստանում, իսկ մյուս մասն էլ ունի ուժեղ կախվածություն Չինաստանից։

Ադրբեջանը, անկախ նրանից, թե թուրքերը խոսում են մեկ ազգի մասին, այնուամենայնիվ, գտնվում է լեռնային հրեաների ազդեցության տակ, որոնք հոգով մոտ են Իսրայելի ծայրահեղ օրթոդոքսալ կառավարությանը։

➖Երկրորդ՝ ֆինանսական խնդիրներ կան։ Թուրքերը կարող են ներդրումներ կատարել այս երկրներում, ներդրումներ կատարել տնտեսական զարգացման համար, բայց նրանց համար կարճաժամկետ հեռանկարում արդյունք չի լինի։ Կենտրոնական Ասիայի հանրապետությունները կվերցնեն փողը ասելով «շնորհակալություն» և վերջ։

Դա հաստատում է Ուզբեկստանի նախագահ Շավքաթ Միրզիյոևի խոսքերը։ Նա առաջարկել է ստեղծել Թուրքական ներդրումային ֆորում։ Թուրքերը դա ներկայացնում են որպես ազդեցություն ամրապնդելու միջոց, բայց եթե կարդում ենք տողատակերը հարմարեցված տեղական մտածելակերպին, ապա ստանում ենք «եկեք ավելի շատ փող վերցնենք»։

➖Երրորդ, ԹՊԿ-ի գլխավոր խնդիրն առաջիկա տարիներին Չինաստանից առևտրային հոսքեր վաստակելն է՝ Ռուսաստանին տարածաշրջանից հանելով։ Հավաքական Արևմուտքի շահերից է բխում, որպեսզի ակտիվանան Միջին միջանցքի և ԹՊԿ-ի վրա աշխատանքները:

Այնուամենայնիվ, դրա համար անհրաժեշտ են միլիարդավոր դոլարների ներդրումներ ենթակառուցվածքներում, որոնք այնքան թանկ կլինեն, որ ոչ բոլորը կարող են դա թույլ տալ: Միաժամանակ անհրաժեշտ են աշխատողներ և մասնագետներ, որոնք չկան Կենտրոնական Ասիայում, քանի որ աշխատունակ բնակչության մեծ մասը արտագաղթել է Ռուսաստան կամ Եվրոպա։


🔻Ամփոփելով վերը նշվածը, մենք ստանում ենք եզրակացություն. ԹՊԿ-ն այն տեսքով, որով այժմ գտնվում է, պոպուլիստական-տնտեսական նախագիծ է, որում Արևմուտքը, առաջին հերթին Բրիտանիան, Թուրքիայի օգնությամբ փորձում են Ռուսաստանի և Չինաստանի տնտեսական և քաղաքական ազդեցությունը Կենտրոնական Ասիայում թուլացնել։

Բայց դա անելու համար թուրքերին ԹՊԿ-ի շրջանակներում անհրաժեշտ է համաձայնության գալ տարածաշրջանում մասնակից երկրների՝ Չինաստանի և Ռուսաստանի հետ։ Իրական նախաձեռնությունների հասնելն անգամ իրար մեջ դժվար կլինի, իսկ այստեղ կան նաև Ռուսաստանն ու Չինաստանը, որոնք ձեռքերը ծալած չեն նստի։

❗️Կարճաժամկետ հեռանկարում դաշինքի ընդլայնման ծրագրերը դժվար թե հասնեն ցանկալի կետին՝ բազմաթիվ խնդիրների և հսկայական ներդրումների անհրաժեշտության պատճառով։ Անգամ մշակութային ասպարեզում թուրքերը փորձում են առաջ տանել իրենց շահերը, բայց միակ բանը, որում թեկուզ փոքր-ինչ հաջողության են հասել, դա այբուբենն է։

Բայց նոր այբուբենի անցումը այնքան ժամանակատար գործընթաց է և նաև ֆինանսապես թանկ, որ դեռ վաղ է խոսել հեռանկարների մասին: Եվ քանի դեռ տեղացիները գնում են Ռուսաստան, Չինաստան և Եվրոպա աշխատելու, ապա թուրքական էքսպանսիան առաջընթաց չի գրանցի։

Բայց ԹՊԿ նախագիծը չի կարելի թերագնահատել: Եթե ​​ԹՊԿ-ը շահագրգիռ կողմերի կողմից դիտարկվի որպես Կենտրոնական Ասիայում ազդեցության ամրապնդման երկարաժամկետ նախագիծ, ապա հետագայում կարող են լուրջ խնդիրներ առաջանացնել նախ և առաջ Հայաստանի համար։ Ավելին, ռազմական ոլորտում ԹՊԿ-ն փորձում է զարգացնել համագործակցությունը տարբեր զորավարժություններ անցկացնելով կողմերի միջև պաշտպանական համաձայնագրեր ստորագրելով։

«Թուրքիան այսօր» լրատվական
ալիք | @turkey2day

🇹🇷Այսօր Թուրքիայի Հանրապետության հիմնադիր Մուստաֆա Քեմալ Աթաթուրքի մահվան 86֊րդ տարելիցն է։

‼️Թեև Էրդողանն այցելել է Աթաթուրքի դամբարան `հարգանքի տուրք մատուցելով նրան,հանդես է եկել նաև հայտարարությամբ ,որով ևս մեկ անգամ շեշտում է իր կառավարման տարիների կարևորությունն ու առաջնահերթությունը Թուրքիայի համար։

«2002-ից 2024 թվականներն ընկած 22 տարիները հիշողության մեջ դաջվել են որպես մեր Հանրապետության պատմության ամենափառահեղ տարիներ՝ ծառայության, աշխատանքի, ներդրումների և բարգավաճման առումով»:

«Թուրքիան այսօր» լրատվական
ալիք | @turkey2day

🇹🇷Թուրքիայի նախագահ Ռեջեփ Թայիփ Էրդողանը լքեց դահլիճը, երբ Սիրիայի առաջնորդ Բաշար ալ-Ասադը սկսեց իր ելույթը Սաուդյան Արաբիայում Իսլամական համագործակցության կազմակերպության և Արաբական լիգայի գագաթնաժողովում։

«Թուրքիան այսօր» լրատվական
ալիք | @turkey2day

Բաքվում մեկնարկել է COP29-ը, որին մասնակցում է նաև Էրդողանը։

Այն ընթանում է առանց համաշխարհային առաջնորդների, Բաքու չեն ժամանել ԱՄՆ-ի, Ռուսաստանի, Ֆրանսիայի, Իրանի, Չինաստանի նախագահները, Գերմանիայի կանցլերը, Ավստրալիայի, Կանադայի, Հնդկաստանի, Նիդերլանդների վարչապետները։

«Թուրքիան այսօր» լրատվական
ալիք | @turkey2day

🇦🇿🇹🇷 Բաքվում կայացել է Էրդողանի և Ալիևի հանդիպումը.

❗️ Թուրքիան դիմել է ՄԱԿ-ի Կլիմայի փոփոխության շրջանակային կոնվենցիայի 31-րդ նստաշրջանը (COP31) հյուրընկալելու համար։

«Թուրքիան այսօր» լրատվական
ալիք | @turkey2day