السلام عليكم ورحمة الله وبركاته
مبدئيا مبروك التخرج من الثانوي وحاب انصحكم نصائح بتفيدكم في حياتكم الجامعيه وان شاء الله انها تساعدكم وياليت لو كان فيه اي شي ينصحنا ولو بشي قليل مثل كذا ( السنه الاولى اهم سنه وهي الاساس في كل شي حتى ف المعدل وف التحويل )

بسم الله نبدا اولاً كل شخص طموحه يحصل على مرتبه شرف ومابعد مرتبة الشرف الاولى شي يريح بالك وكل شي ويهون عليك التعب اللي قضيته من روحه وجيه وبرضو مرتبة الشرف الثانيه ترا رهيبه انا الحين قاعد احاول اني اخذها تدرون ليش لان محد علمني ان السنه الاولى هي الاساس

بختصر لكم وشنهي مرتبة الشرف الاولى ووش مرتبة الشرف الثانيه ، المعدل من 4

مرتبة الشرف الاولى : من معدل 3.75 الى 4 تقدير ممتاز

مرتبة الشرف الثانيه : تجي على قسمين قسم تقدير ممتاز وقسم تقدير جيد جداً
تقدير ممتاز راح يكون من 3.50 الى 3.74
تقدير جيد جدا راح يكون من 3.25 الى 3.49

يعني بالمختصر اذا جبت معدل 3.25 وفوق راح تاخذ مرتبة شرف ي اولى ي ثانيه ونتمنى تاخذون الاولى وبالدرجه الكامله يارب

نجي للمواد وكيف طريقتها وكيف نعرف نشد وكيف نعرف نخف اقولكم الصدق بعض المواد صعبه وبعض المواد بسيطه والمشكله المواد الصعبه تكون ساعاتها عاليه ولو جبنا درجة سيئة فيها بينزل المعدل عشان كذا بقولكم تكنيك رهيب مرهه


المواد تبدا من ساعتين واكثر وتوصل بعضها 8 معلومه ماني متاكد منها الصدق بس عندنا فيه ماده 6 ساعات

طيب بقولكم شي مهم قبل نبداً لو اخذت B+ في كل المواد في الجامعه تدرون كم بيكون المعدل !!!!! بيكون 3.50 من 4 يعني شي عجيب بس لو نضبط الاوضاع والله بتفرحون

ركزو على سالفه النقاط تراها مهمه جداً بقولكم ليه
انا عندي 4 مواد

كلها من 4 ساعات حلوين حلوين

الماده الاولى جبت فيها A+ شي حلو يعني 4 نقاط في 4 ساعات كذا عندي 16 نقطه

الماده الثانيه جبت فيها B+ يعني عندي 3.5 نقاط في 4 ساعات كذا عندي 14 نقطه

الماده الثالثه جبت فيها B يعني عندي 3 نقاط في 4 ساعات كذا عندي 12 نقطه

الماده الرابعه جبت فيها D يعني عندي نقطه في 4 ساعات كذا عندي 4 نقاط بس

شفتو الفرق المهول لما جبت D كم اخذت نقطه ولما جبت B+ وفوق كم اخذت نقطه والله شي يعني حلو انكم تعرفون D كيف مخيسه مرهه

نرجع للموضوع الاساسي كيف نحسب المعدل

نجمع عدد النقاط = 16+14+12+4. ‏ = 46
________. _______. __. = 2.875
عدد الساعات = 16 = 16


اللي طيح المعدل يوم جبت D

مثال توضيحي اكثر

ركزو في النقاط ذي ترا والله بتفيدكم فائده عظيمه


اهم شي المرشد الاكاديمي ترسلون له كل شي وحاولو لاتحذفون ترا الحذف ينكب الشغله


معلومه : لو رسبت لاقدر الله راح تضيع منك مرتبة الشرف

اي استفسار بخصوص اي شي خذو راحتكم @ii_y8y