👍👍👍 | #dolzarb_90_kun | #sport

📝 “Talabalar ligasi” sport tadbirlarida stol tennisi bo‘yicha o‘tkazilgan musobaqa talabalar orasida katta qiziqish bilan kutib olindi. Ushbu o‘yinda nafaqat jismoniy chaqqonlik, balki tez fikrlash, reaksiya va aniqlik muhim ahamiyatga ega bo‘ldi. Bellashuvlarda talabalar individual tarzda ishtirok etib, har bir set uchun keskin kurash olib borildi.

⚡️ Musobaqa davomida bir nechta bosqichli saralash o‘yinlari tashkil etildi. Har bir ishtirokchi o‘z mahoratini namoyon etar ekan, ularning o‘yin madaniyati, qoidabuzarliklarsiz bahs olib borishi alohida e’tiborga sazovor bo‘ldi.

📊 Yakuniy natijalarga ko'ra,
🥇 1-o'rinni Sayfullayev Bunyodbek;
🥈 2-o'rinni Erkinov Muhammadamin;
🥉 3-o'rinni Ilhomov Muhammadali egallashdi.

🏆 G‘oliblikni qo‘lga kiritgan talabalar fakultet nomidan maxsus diplom va esdalik sovg‘alari bilan taqdirlandilar.

🤝 Bu musobaqa nafaqat sport mahoratini oshirdi, balki sog‘lom turmush tarzini targ‘ib qilishda muhim qadam bo‘ldi. Shuningdek, stol tennisi musobaqasi o‘zaro hurmat, birdamlik va do‘stlik ruhini mustahkamladi.

🔔 Biz ijtimoiy tarmoqlarda:
🚀 Telegram | 📷 Instagram

👍👍👍 | #dolzarb_90_kun | #sport

✅ Zamonaviy sport yo‘nalishlaridan biri bo‘lgan street work out musobaqasi “Dolzarb 90 kun” loyihasi doirasidagi eng noodatiy va ilhomlantiruvchi tadbirlardan biri bo‘ldi. Unda fakultet talabalari hamda Olmazor tumani Talabalar shaharchasi yoshlari o‘zlarining jismoniy tayyorgarligi, bardoshliligi va irodasini sinovdan o‘tkazish imkoniga ega bo‘lishdi.

📝 Musobaqada asosiy e’tibor brus tortilish, turnikda mashqlar bajarish, anjimaniya mashqlariga qaratildi. Ishtirokchilar har bir bosqichda o‘z imkoniyatlarini namoyon etar ekan, hakamlar tomonidan texnika, davomiylik va aniqlik mezonlariga ko‘ra baholandi.

📊 Yakuniy natijalarga ko'ra,
🥇 1-o'rinni Atamuradov Behruz;
🥈 2-o'rinni Erkinov Muhammadamin;
🥉 3-o'rinni Nizomiddinov Elyor egallashdi.

⚡️ Street work out nafaqat jismoniy mashqlarni, balki sog‘lom turmush tarzini, o‘z ustida ishlashni va iroda kuchini shakllantirishni targ‘ib qiladi. Ushbu yo‘nalishda g‘olib bo‘lgan talabalar alohida rag‘batlantirildi va bu musobaqa ko‘pchilik yoshlar orasida katta ilhom uyg‘otdi.

🏆 G‘oliblikni qo‘lga kiritgan talabalar fakultet nomidan maxsus diplom va esdalik sovg‘alari bilan taqdirlandilar.

👉 Batafsil va FOTOlar...

🔍Bizni ijtimoiy tarmoqlarda kuzatib boring:
🚀 Telegram | 📷 Instagram

❤️‍🔥❤️‍🔥❤️‍🔥💙💙💙

⚠️⚠️⚠️⚠️⚠️

📚 Intensiv kurs (kredit modul, qayta o'qish) ga ariza yuborish tugashiga 1️⃣ kun qoldi.

#ESLATMA
⚠️ Ariza berishning oxirgi muddati 2025-yil 25-iyun kuni soat 17:30 ga qadar. ❌Ushbu muddatdan keyin taqdim etilgan arizalar ko‘rib chiqilmaydi.

✅Yuborilgan arizalarning tasdiqlash jarayoni esa 2025-yil 25-iyundan boshlanadi.

1️⃣2️⃣3️⃣4️⃣5️⃣ | #dolzarb_90_kun | #sport

✅ "TALABALAR LIGASI": MINI FUTBOL BAHSLARIDA DO‘STLIK VA RAQOBAT UYG‘UNLASHDI

📆 "Dolzarb 90 kun" loyihasi doirasida Xalqaro huquq va qiyosiy huquqshunoslik fakulteti tashabbusi bilan talabalar turar joyida "Talabalar ligasi" nomi ostida mini futbol musobaqasi o‘tkazildi. Ushbu sport tadbiri fakultet yoshlari orasida sog‘lom turmush tarzini targ‘ib qilish, jamoaviylikni mustahkamlash va ijtimoiy faollikni oshirish maqsadida tashkil etildi.

⚽️ Musobaqa davomida talabalar jamoalari o‘zaro kuch sinashib, do‘stona, ammo shiddatli bahslarda ishtirok etishdi. Qizg‘in kechgan o‘yinlarni fakultet dekanati bevosita kuzatib borib, hakamlik vazifasini bajardi. Bu esa o‘yin jarayonining shaffof va adolatli o‘tishini ta'minladi.

📊 Musobaqa natijalariga ko‘ra:

🥇 1-o'rinni "TSUL UNN" jamoasi;
🥈 2-o'rinni "YURISTLAR" jamoasi;
🥉 3-o'rinni "OLMAZOR YOSHLARI" jamoasi egalladi.

🏆 G‘olib jamoalarga esdalik sovg‘alar va darajali diplomlar topshirildi. Bu ular uchun nafaqat sportdagi muvaffaqiyat, balki jamoaviylik va mashaqqatli mehnat evaziga erishilgan faxrli yutuq bo‘ldi.

🤝 Musobaqada Talabalar shaharchasi yoshlari ham faol ishtirok etdi. Ularning ishtiroki sportga bo‘lgan qiziqish, sog‘lom raqobat ruhini kuchaytirgan holda, talabalar o‘rtasidagi do‘stlik rishtalarini mustahkamladi.

👉 Batafsil va FOTOlar...

🔍Bizni ijtimoiy tarmoqlarda kuzatib boring:
🚀 Telegram | 📷 Instagram

#dolzarb_90_kun
Yozgi ta’til uchun talabalar uchun yaxshi taklif mavjud!

"Dolzarb 90 kun" dasturi doirasida Toshkent davlat yuridik universiteti talabalari uchun “Bunyodkor yoshlar” mehnat otryadi faoliyati yo‘lga qo‘yildi.

Mehnat otryadi a'zolariga quyidagi imkoniyatlar taqdim etiladi:
- maxsus kiyim-kechak;
- bepul yotoqxona;
- dam olish kunlarida ko‘ngilochar joylarga sayohat;
- eng muhimi moddiy rag‘batlantirish.

“Bunyodkor yoshlar” mehnat otryadida ishlash istagida bo‘lgan talabalar quyidagi havola orqali ro‘yhatdan o‘tishlari so‘raladi!

Ro‘yxatdan o‘tish

Ro'yxatdan o'tgan talabalar suxbat asosida saralanib olinadi.

Roʻyxatdan oʻtish muddati 2025-yil 27-iyun soat 17:00ga qadar!

#dolzarb_90_kun

✈️TDYU_Manaviyat

1️⃣2️⃣3️⃣ | #bitiruvchi_2025

✅ Joriy yilning 23-iyun kuni “Bitiruvchi 2025” nomi ostida tashkil etilgan gala-konsert dasturi Olmazor tumani yoshlari uchun unutilmas bayramona kechaga aylandi. Ushbu tantanali tadbirda Toshkent davlat yuridik universitetining iqtidorli va faol talabalari ishtirok etdi.

🇺🇿 Konsert mashhur san’atkorlar ishtirokida, yuqori saviyada tashkil etildi. O‘zbek estradasining taniqli vakillari tomonidan ijro etilgan kuy-qo‘shiqlar, raqslar va sahna chiqishlari bayramona kayfiyat ulashdi.

🎙 Tadbir chog‘ida Talabalar kengashi raisi S.Sayfiddinov qisqacha intervyu berar ekan, quyidagi fikrlarni bildirdi:

“Bugungi konsert — yoshlar uchun katta e’tibor ifodasidir. Universitetimiz talabalari bu kabi madaniy-ma’rifiy tadbirlarda faol ishtirok etish orqali ijtimoiy hayotning ajralmas qismiga aylanganini ko‘rsatmoqda. Taniqli san’atkorlarning chiqishlari bizga ko‘tarinki kayfiyat bag‘ishladi. Bunday tadbirlar yoshlar hayotida unutilmas iz qoldiradi. ‘Bitiruvchi 2025’ — bu nafaqat yakun, balki yangi bosqichning boshlanishidir” , — dedi u.

⚡️ Konsert yakunida Olmazor tumanidagi yoshlarga, xususan bitiruvchilarga qaratilgan tabrik so‘zlar yangradi, ularning kelajakdagi yutuqlari tilandi. Tadbir ko‘pchilikda iliq taassurot qoldirdi va talabalar tomonidan faol tarzda ijtimoiy tarmoqlarda yoritildi.

🔔 Biz ijtimoiy tarmoqlarda:
🚀 Telegram | 📷 Instagram

1️⃣2️⃣3️⃣4️⃣5️⃣ | #dolzarb_90_kun | #kitobxonlik

✅ Toshkent davlat yuridik universiteti talabalari “Dolzarb 90 kun” loyihasi doirasida Ziyo mahallasi kutubxonasiga tashrif buyurishdi.

📝 Mazkur tashrifning asosiy maqsadi — yoshlar orasida kitobxonlik madaniyatini kengaytirish, mahalla kutubxonalari faoliyatini qo‘llab-quvvatlash va o‘zaro ma’naviy hamkorlikni rivojlantirishdan iborat bo‘ldi.

📚 Tashrif davomida talabalar Ziyo mahallasi kutubxonasi bilan yaqindan tanishib, uning fondi, kitoblar soni va yangi adabiyotlar bilan boyitilish holati haqida kutubxona xodimlaridan ma’lumot olishdi. Mahalla faollari bilan bo‘lib o‘tgan samimiy muloqotda talabalar kitobning hayotimizdagi o‘rni, zamonaviy yoshlarning mutolaa madaniyatini rivojlantirish bo‘yicha o‘z fikr-mulohazalarini bildirishdi.

🎓 Shuningdek, talabalarning aksariyati kutubxona o‘quv zalida sevimli kitoblaridan qisqacha parcha o‘qib berishdi va bir-birlariga tavsiya etishdi. Bu esa kutubxona muhitini yanada qiziqarli va jonli tarzda o‘tkazishga xizmat qildi.

📖 Mahalla kutubxonasi xodimlari bunday tashriflar yoshlar orasida kitobga bo‘lgan qiziqishni oshirishi, o‘zaro madaniy va ma’naviy aloqalarni mustahkamlashi haqida alohida ta’kidlashdi. O‘z navbatida talabalar ham ushbu tashrifdan olgan taassurotlari bilan o‘rtoqlashib, kutubxona fondini yangi huquqiy va badiiy adabiyotlar bilan boyitishga o‘z hissalarini qo‘shishga tayyor ekanliklarini bildirishdi.

🇺🇿 “Dolzarb 90 kun” loyihasi davomida Toshkent davlat yuridik universiteti talabalari yoshlar o‘rtasida ma’naviyat va kitobxonlik madaniyatini yuksaltirish yo‘lida bundan buyon ham qator tashabbuslar bilan faol ishtirok etishadi.

🔔 Biz ijtimoiy tarmoqlarda:
🚀 Telegram | 📷 Instagram

1️⃣2️⃣3️⃣ | #tavallud_ayyom

• Bugun Toshkent davlat yuridik universiteti 1-sonli Talabalar turar joyi mudiri Imomnazarov Hasanboy Ixtiyor o‘g‘li o‘zining tavallud ayyomini nishonlamoqdalar.

• Universitet jamoasi Hasanboy Ixtiyor o‘g‘lini mas'uliyatli, jonkuyar va samimiy xodim, ibratli va namunali inson sifatida biladi.

• Toshkent davlat yuridik universiteti Talabalar turar joyi jamoasi Imomnazarov Hasanboyni samimiy qutlab, ularga mustahkam sog‘liq, uzoq umr, mehnat faoliyatlarida kuch-g‘ayrat va doimo hamkasblari hamda yaqinlari ardog‘ida bo‘lishlikni tilab qoladi.

🔔 Biz ijtimoiy tarmoqlarda:
🚀 Telegram | 📷 Instagram

👍👍👍 | #yongin_xavfsizligi

✅ Joriy yilning 2-iyul kuni Olmazor tumanidagi 2-sonli Talabalar turar joyida xodimlar ishtirokida yong‘in va texnika xavfsizligi bo‘yicha tushuntirish ishlari olib borildi.

📆 Tadbirda Olmazor tuman Favqulodda vaziyatlar bo‘limi (FVB) PvaNB inspektori kapitan K. Badriddinov, shuningdek Olmazor tumani Ichki ishlar organlari faoliyatini muvofiqlashtirish boshqarmasi profilaktika katta inspektori, podpolkovnik G‘anijon Sobitov va 1-sonli TTJ mudiri H. Imomnazarov faol ishtirok etdilar.

📝 Uchrashuv davomida xodimlarga yong‘in xavfsizligi qoidalariga qat’iy rioya etish, binolarni yong‘inga qarshi texnik jihozlash, avariyaviy vaziyatlarda harakatlanish tartibi yuzasidan batafsil tushuntirishlar berildi. Mutaxassislar tomonidan yong‘in sodir bo‘lganda birinchi navbatda bajarilishi lozim bo‘lgan harakatlar, o‘t o‘chirish vositalaridan to‘g‘ri foydalanish bo‘yicha amaliy ko‘rsatmalar ham o‘tkazildi.

⚡️ Shuningdek, texnika xavfsizligini ta’minlashda xodimlarning shaxsiy mas’uliyati va umumiy jamoaviy nazoratning o‘rni alohida ta’kidlandi. Tadbir davomida mavjud xavfsizlik vositalarining texnik holati ko‘rib chiqildi, ulardan to‘g‘ri foydalanish bo‘yicha zarur tavsiyalar berildi.

📊 Uchrashuv yakunida xodimlar o‘zlarini qiziqtirgan savollarga javob olishdi va yong‘in xavfsizligini ta’minlash bo‘yicha amaliy ko‘nikmalarini mustahkamlashdi. Bunday tushuntirish ishlari muntazam ravishda olib borilib, Talabalar turar joyida xavfsiz va osoyishta muhitni ta’minlashga xizmat qiladi.

👉 Batafsil va FOTOlar...

📭 Murojaat etish uchun:
👉 @tdyu_ttj_bot

🔔 Biz ijtimoiy tarmoqlarda:
🚀 Telegram | 📷 Instagram

1️⃣2️⃣3️⃣ | #bitiruvchi_2025

🇺🇿 Aziz va qadrli bitiruvchilar!

⚖️ Bugun fakultetimiz hayotidagi eng hayajonli, eng quvonchli va bir oz g‘amgin kunlardan biri. Chunki sizlar — bizning eng ajoyib avlodlarimizdan biri — bugun o‘z yo‘lingizni mustaqil boshlab, hayot maktabining navbatdagi sahifasiga qadam qo‘yyapsiz.
Sizlar bilan birgalikda kechgan har bir dars, har bir muhokama, har bir muvaffaqiyat bizning yodimizda abadiy qoladi.

⚖️ Sizlar xalqaro huquq darslarida insoniyat taqdirini belgilovchi normalarni o‘rgangansiz. Qiyosiy huquq bilan dunyo yuristlari qanday fikrlashini anglagansiz. Bu bilimlar sizlarni nafaqat malakali mutaxassis, balki keng tafakkurli, global mas’uliyatga ega shaxs sifatida kamol toptirdi.

Xususan, biz faxr bilan tilga olamiz:
• Qo‘shma ta’lim dasturlarimiz doirasida ikki universitet diplomiga ega bo‘lish yo‘lida matonat bilan harakat qilgan va har ikki ta’lim tizimini birdek muvaffaqiyatli egallagan siz, aziz talabalar, ilm-fan va madaniyatlararo muloqot elchilariga aylangansiz.

• Magistratura bosqichida chuqur ilmiy izlanishlar olib borgan, xalqaro huquqning nozik jihatlarini puxta o‘zlashtirgan yosh olimlarimiz esa ertangi kunda fanimiz va xalqaro yuridik amaliyotga yangicha nafas olib kiradi, degan ishonchdamiz.

• Ayniqsa, xalqaro arenalarda g‘oliblikni qo‘lga kiritgan, xalqaro sud modellarida, moot court musobaqalarida, xalqaro huquq bo‘yicha tanlovlarda universitetimiz bayrog‘ini baland tutgan sizlar bilan har qancha faxrlansak arziydi!

🇺🇿 Sizlarning har bir yutug‘ingiz – bu nafaqat shaxsiy muvaffaqiyat, bu – fakultetimizning, universitetimizning, Vatanimizning yutug‘idir.

• Shu o‘rinda bir haqiqatni yana bir bor aytmoqchiman: hayotdagi eng muhim ishlar — bu halollik bilan, yurak bilan, insoniyat uchun bajarilgan ishlardir. Sizlar xalqaro huquq vositalari orqali adolatni himoya qiladigan avlod bo‘lasiz. Yodingizda bo‘lsin: qonun bilimi — bu kuchdir. Ammo bu kuch faqat adolatga xizmat qilgandagina qadrli bo‘ladi.

🤝 Sizlarga mustahkam sog‘lik, cheksiz imkoniyatlar va hech qachon so‘nmaydigan orzular tilayman. Boshlagan yo‘lingizni sharaf bilan davom ettiring. Universitetimiz va fakultetimiz eshiklari har doim sizlar uchun ochiq bo‘lib qoladi.
Kelajakdagi har bir yutug‘ingizda fakultetimiz ruhi, ustozlaringiz ishonchi va ilm nuri hamroh bo‘lsin.

👏 Yana bir bor bitiruv bilan tabriklayman, azizlar!

©️ Hurmat bilan,
Umarxanova Dildora Sharipxanovna
Toshkent davlat yuridik universiteti
Xalqaro huquq va qiyosiy huquqshunoslik fakulteti dekani, yuridik fanlari doktori, professor

✅ • TDYU faxri: 2025-yil bitiruvchilari qanday kuzatildi

👉 “Xalqlar doʻstligi” saroyida “TDYU bitiruvchisi — 2025” — bitiruvchilarga diplom topshirish marosimi oʻtkazildi...

✅ • Гордость ТГЮУ: как провожали выпускников 2025 года

👉 Во Дворце «Дружбы народов» состоялась церемония вручения дипломов выпускникам «Выпускник ТГЮУ — 2025»...

✅ • The Pride of TSUL: Farewell to the Class of 2025

👉 A graduation ceremony for the “TSUL Graduate — 2025” class was held at the Palace of Friendship of Peoples...

⚫ 🔴 🔵 🟣 ⚪ @tsulofficial #bitiruv2025 #выпуск2025 #graduate2025