🇺🇿 🇮🇷 #Xalqaro_hamkorlik!

Bugun Eron Islom Respublikasining Fors viloyati hokimi Xosseyn Ali Amiriy boshchiligidagi delegatsiya TDTU Termiz filialiga tashrif buyurdi.

Mehmonlar filial direktori F. Otamuradov va jamoa tomonidan samimiy kutib olindi.

Tashrif davomida delegatsiya a’zolariga filialning ta’lim jarayoni, axborot-resurs markazi hamda simulyatsion xonalar tanishtirildi.

Suhbat yakunida tomonlar kelgusidagi hamkorlik yo‘nalishlari bo‘yicha kelishuvga erishdilar.

Uchrashuv O‘zbekiston va Eron o‘rtasidagi ta’lim, ilm-fan hamda sog‘liqni saqlash sohalaridagi hamkorlikni yanada mustahkamlash yo‘lida muhim qadam bo‘ldi!

👀Bizni kuzating

📨Telegram | 📷Instagram | 📱Facebook | 📺YouTube | ✅Web-sayt

#Tabrik!

Hurmatli tibbiyot sohasining fidoyi vakillari!

Siz azizlarni Sog‘liqni saqlash sohasi xodimlari kuni munosabati bilan chin yurakdan tabriklayman!

Har bir inson hayoti, sog‘lig‘i va baxt-saodati uchun fidokorona mehnat qilayotgan sizlarning faoliyatingiz eng yuksak e’tirofga loyiqdir. Tibbiyot xodimi bo‘lish — bu nafaqat kasb, balki yuksak insoniylik, sabr-toqat, rahm-shafqat va mas’uliyat timsolidir. Sizlar kechayu kunduz inson salomatligi yo‘lida mehnat qilib, hayotning eng muhim ne’matini — sog‘liqni asrashdek ulug‘ va sharafli vazifani ado etmoqdasizlar.

Aziz hamkasblar!
Bugungi kunda mamlakatimizda sog‘liqni saqlash tizimini isloh qilish, zamonaviy tibbiyot yutuqlarini amaliyotga joriy etish, malakali kadrlar tayyorlashda sizlarning bilim va tajribangiz, fidoyilikingiz beqiyos ahamiyat kasb etadi. Ayniqsa, yosh mutaxassislarni tayyorlashda, ularda kasbga muhabbat va insonparvarlik tuyg‘ularini shakllantirishda sizlarning o‘rningiz alohidadir.

Tibbiyot xodimlarining kundalik mehnati insonlarning minnatdorchilik duolari, shifolangan bemorlarning samimiy tabassumi bilan qadrlanadi. Sizlarning mehnatingiz — xalqimizning sog‘lom, baxtli va farovon hayoti uchun mustahkam zamin yaratadi.

Hurmatli sog‘liqni saqlash sohasi vakillari!
Sizlarga mustahkam sog‘liq, tinchlik, oilaviy farovonlik, kasbiy faoliyatingizda ulkan muvaffaqiyatlar, ilmiy izlanishlaringizда yangi yutuqlar tilayman. Mehnatingiz samarasidan xalqimiz doimo rozi bo‘lsin, hayotingizda ezgulik va shodlik hamroh bo‘lsin.

Bayramingiz muborak bo‘lsin!

Otamuradov Furqat Abdukarimovich
Toshkent davlat tibbiyot universiteti
Termiz filiali direktori

👀Bizni kuzating

📨Telegram | 📷Instagram | 📱Facebook | 📺YouTube | ✅Web-sayt

O‘zbekiston Respublikasi Prezidentining "Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida"gi Farmoni
—
Указ Президента Республики Узбекистан "О награждении группы работников сферы здравоохранения в связи с Днем медицинских работников"

🔵@ssvuz|🔵@ssvmatbuotkotibi|👥Facebook | 📷Instagram

💐 Bir guruh tibbiyot xodimlari davlatimizning faxriy unvon, orden va medallari bilan taqdirlandilar!

Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida O‘zbekiston Respublikasi Prezidentining Farmoni e’lon qilindi.

Unga ko‘ra, bir guruh yurtdoshlarimiz davlatimizning faxriy unvon, orden va medallari bilan taqdirlandi. Ana shunday fidoyi va jonkuyar insonlar qatorida surxondaryolik mazkur soha xodimlari ham bor, jumladan:

🏅 II darajali «Sog‘lom avlod uchun» ordeni bilan,
Nurova Zamira Annakulovna - Toshkent davlat tibbiyot universitetining Termiz filiali tibbiy biologiya va gistologiya kafedrasi mudiri.

🏅 II darajali «Salomatlik» ordeni bilan,
Djumayeva Mexriniso Abdulxamidovna - Qumqo‘rg‘on tumanlararo perinatal markazining chaqaloqlar reanimatsiyasi bo‘limi mudiri.

🏅 «Sog‘lom turmush» medali bilan,
Avazova Muqaddas Binoyevna - Angor tumanidagi «Q.Tulakov» oilaviy poliklinikasi patronaj hamshirasi.

🏅 «Shuhrat» medali bilan,
Elamanov Kenja Gulbayevich - Respublika tez tibbiy yordam markazining Uzun tumani bo‘limi haydovchisi.

👏 Davlatimizning yuksak mukofotlariga munosib ko‘rilgan vohadoshlarimizni viloyat hokimligi va jamoatchiligi nomidan samimiy qutlaymiz!

Surxondaryo.uz | Telegram | Facebook | Instagram | YouTube | X