等埋英格蘭先？
蘇格蘭回收計劃押後至2025年

過去我哋喺香港都有接觸過 #環保署 推行嘅回收計劃，包括 #綠在區區 透過社區回收概念店推行嘅分類回收，積分回收計劃 讓大家養成垃圾分類同回收嘅習慣。子健離港兩年，但仍偶有聽聞回收雜物被縱火、市民無從回收舊家品等，減廢嘅目標仍然相當漫長。

相比起香港批量回收膠樽、紙皮，或者係綠在區區咁樣推出積分計劃鼓勵回收，蘇格蘭 有更積極嘅回收計劃：一個名為Deposit Return Scheme（按金回贈計劃）原定於2024年啟用。公眾購買即棄飲品嘅時候，支付價格已經包含20p （$2港幣）按金費用，公眾可以喺享用完飲品後，透過零售店嘅回收機，或者喺車站、購物中心嘅回收點退回空樽以收取按金。

雖然呢個計劃未開始，但係 #蘇格蘭 部份超市已經放置咗計劃裏面提及嘅回收機，並且推行先導計劃，以5p一個樽嘅價錢，回收 #鋁罐 、#膠樽 ，甚至 #玻璃樽 等，退回鋁罐或膠樽後，回收機會打印購物代用券（Vouchers）讓顧客喺店內購物。蘇格蘭 回收品兌換現金購物券嘅方式，比起香港嘅積分推廣計劃更進取，讓公眾有更高嘅動力參與回收計劃。

不過事與願違，美好嘅願景順利落實之前，蘇格蘭政府仍然要克服諸多嘅難關。雖然根據英國體制，環保回收政策主要係下放地方政府嘅權力範圍。蘇格蘭嘅環保政策受到 #蘇格蘭議會 和 蘇格蘭政府 嘅管轄，地方政府擁有制定和執行地方環保政策嘅權力。然而，基於全國性環保政策和指導方針，喺執行和具體實施方面，呢啲政策仍然受到中央政府同埋全國性法律牽制。2023年6月，蘇格蘭政府宣佈：由於英國政府拒絕讓蘇格蘭豁免《內部市場法》限制，令「按金回贈計劃」無法立即執行，並至少要推遲至 2025 年 10 月才能啟動。

今個禮拜起，有推出先導計劃嘅超市 #Farmfoods 表示會移除擺放回收機；Sainsbury‘s本身亦有擺放回收機，不過陸續都有分店停用，繼續開放回收嘅分店，回收機亦經常爆滿，街坊對以上情況感到惋惜。究竟兩年後計劃是否能夠順利推行，大家拭目以待！

移民嚟到英國嘅大家日常會點處理垃圾分類同回收？歡迎留言同大家分享！

Sky News相關報道
https://news.sky.com/story/amp/scotlands-deposit-return-scheme-recycling-initiative-cannot-go-ahead-as-planned-minister-says-12897625

2023年6月7日 蘇格蘭政府宣佈回收至少延遲至2025年10月
https://www.gov.scot/news/deposit-return/

#蘇格蘭生活 #蘇格蘭香港人 #環保回收 #按樽收費 #源頭分類