​Святлана Ціханоўская: «Сёння мела гонар паразмаўляць з Наталляй Пінчук. І пры асабістай сустрэчы яшчэ раз пераканалася, якая ж гэта мужная, смелая жанчына з добрым сэрцам. Я ведаю, што гэта такое, калі твой муж за кратамі, калі не ведаеш, як ён сябе адчувае і як яму дапамагчы. І мяне сапраўды натхняе, што нягледзячы на выпрабаванні, Наталля не ачарсцвела і не паказвае нават стомленасці. Яна выпраменьвае столькі неймавернай цеплыні, што і мне становіцца лягчэй. Захапляюся яе сілай і сілай Алеся Бяляцкага. Гэтыя людзі — сапраўдны гонар Беларусі».

​Вынесці пытанне пра пагрозу незалежнасці Беларусі на разгляд Рады Бяспекі ААН і Генасамблеі ААН

Сёння Святлана Ціханоўская прыняла ў сваім офісе міністарку замежных справаў Францыі Катрын Калону. На сустрэчы абмеркавалі прыцягненне рэжыму Лукашэнкі да адказнасці, каб ён не застаўся беспакараным і панёс поўную адказнасць за злачынствы супраць беларусаў і за ўдзел у вайне ва Украіне.

Таксама гаворка ішла пра нядаўнюю заяву Пуціна пра размяшчэнне сховішча ядзернай зброі ў Беларусі. Святлана Ціханоўская адзначыла, што Лукашэнка публічна здае нацыянальную бяспеку і суверэнітэт Беларусі Пуціну, і заклікала Францыю вынесці пытанне пра пагрозу незалежнасці Беларусі на разгляд Рады Бяспекі ААН і Генасамблеі ААН.

Святлана Ціханоўская – Радзе Бяспекі ААН: «Падыход «пачакаем і ўбачым» не працуе. Разгортванне ядзернай зброі ў Беларусі павінна быць прадухіленае»

Сёння адбылося паседжанне Рады Бяспекі ААН наконт рашэння Расіі аб размяшчэнні ядзернай зброі на тэрыторыі Беларусі насуперак волі беларускага народа. Перад гэтым абмеркаваннем сярод чальцоў Рады быў распаўсюджаны ліст Святланы Ціханоўскай да прэзідэнта Рады Бяспекі ААН – ад імя прадстаўніцы беларускага народа.

«Расійская дзяржава, якая неаднаразова праяўляла агрэсіўныя паводзіны ў дачыненні да нашых суседзяў, можа нанесці ядзерны ўдар з тэрыторыі Беларусі. Беларусь не мае кантролю над гэтым узбраеннем – і ўжо пацярпела ад наступстваў Чарнобыльскай катастрофы.

Пасля пачатку палітычнага і гуманітарнага крызісу ў Беларусі ў 2020 годзе мы заклікалі да рашучых крокаў для яго ўрэгулявання, перш чым ён ператворыцца ў рэальную пагрозу міжнароднаму міру і бяспецы. З таго часу Лукашэнка захапіў замежны камерцыйны самалёт, зладзіў міграцыйны крызіс на мяжы з Еўрапейскім Саюзам, стаў су-агрэсарам у вайне супраць Украіны і працягвае рэпрэсаваць тысячы беларусаў. Цяпер ён дазваляе Расіі выкарыстоўваць нашую зямлю для аднаўлення глабальнай гонкі ўзбраенняў.

Відавочна, што падыход «пачакаем і ўбачым» не працуе. Гэтае разгортванне ядзернай зброі павінна быць прадухіленае, і накіраваныя на гэта дзеянні павінны пачацца тут, у Радзе Бяспекі, у органе, які быў створаны Статутам ААН «каб выратаваць наступныя пакаленні ад бедстваў вайны». Мы таксама настойліва заклікаем свет запатрабаваць вываду расійскіх войскаў з Беларусі і спынення ўдзелу Беларусі ў расійскай агрэсіі супраць Украіны. Нарэшце, мы падтрымліваем патрабаванне Украіны пра пазбаўленне Расійскай Федэрацыі статуту сталага чальца Рады Бяспекі ААН».

Уся заява Святланы Ціханоўскай – на сайце.

Што ў Вашынгтоне думаюць пра Беларусь, рэжым і ядзерную пагрозу? Ціханоўская – пра візіт у ЗША

– Падчас візіту Злучаныя Штаты аб’явілі аб запуску стратэгічнага дыялогу з дэмакратычнай Беларуссю. Гэта значыць, што ўжо напрыканцы гэтага году дэмсілы фармалізуюць супрацу з урадам ЗША. Да дыялогу запросяць прадстаўнікоў Каардынацыйнай рады і грамадзянскай супольнасці Беларусі. Дэмсілы выпрацуюць стратэгію беларуска-амерыканскіх адносінаў, і адновяць усе кантакты, якія былі разбураныя Лукашэнкам.

– У бліжэйшыя некалькі месяцаў ЗША прызначаць спецпасланніка для супрацы з дэмакратычнымі сіламі. Ён будзе галоўнай кантактнай асобай паміж дэмакратычнай Беларуссю і Вашынгтонам.

– ЗША не падтрымліваюць змякчэнне санкцыяў на транзіт калійных угнаенняў праз краіны ЕС, над чым актыўна працуюць лабісты рэжыму.

– Нас запэўнілі, што ЗША захаваюць памер дапамогі Беларусі ў аб’ёме 30 мільёнаў долараў. Гэтыя грошы пойдуць на падтрымку незалежных СМІ, праваабаронцаў, НДА і рэпрэсаваных.

– У Кангрэсе пачалася праца над новым законам аб дэмакратыі, суверэнітэце і правах чалавека ў Беларусі. Гэты закон дапаможа зрабіць падтрымку ЗША больш сістэмнай і паслядоўнай.

Як прайшоў візіт Святланы Ціханоўскай і Аб'яднанага пераходнага кабінета – глядзіце ў відэа: https://youtu.be/_B58IlySy_M

Новыя праграмы міжнароднай падтрымкі для беларускіх студэнтаў і даследчыкаў. Выйшаў новы выпуск дайджэста «Асвета»

Дарагія беларусы, каманда Офіса па адукацыі і навуцы, якую ўзначальвае Таццяна Шчытцова, штомесяц выпускае дайджэст «Асвета», дзе сабраныя самыя актуальныя навіны і міжнародныя магчымасці для беларускіх студэнтаў і даследчыкаў.

На сайце «Асветы» ўжо з'явіўся новы выпуск, дзе можна знайсці мноства магчымасцяў працягнуць ці атрымаць адукацыю па розных напрамках. Напрыклад, Літоўскі Фонд прапануе дзяржаўныя стыпендыі і гранты для беларусаў на атрыманне адукацыі ў вышэйшых навучальных установах Літвы на 2023 год. Пра гэтую і іншыя магчымасці чытайце па спасылцы.

І не забывайцеся пра асобны дадатак з міжнароднымі магчымасцямі для беларусаў на ўвесь 2023 год, які таксама падрыхтавала каманда Офіса па адукацыі. Дасылайце інфармацыю пра адукацыйныя магчымасці вашым сябрам ці калегам.

​22-23 красавіка ў Вільні адбудзецца Канферэнцыя беларусаў свету ІІ, ініцыяваная Офісам Святланы Ціханоўскай

Гэтая Канферэнцыя працягвае практыку збіраць прадстаўнікоў беларускай дыяспары разам з дэмсіламі Беларусі на адной пляцоўцы, каб наладжваць супрацоўніцтва.

На канферэнцыі будуць абмяркоўвацца:

– актуальная палітычная стратэгія Офіса, Аб’яднанага Пераходнага Кабінета і Каардынацыйнай Рады;
– падтрымка дзейнасці дыяспаральных арганізацый;
– сумесныя намаганні ў кірунку нацыянальнага адраджэння Беларусі: культуры, адукацыі, гісторыі;
– каардынацыя дзеянняў паміж палітычнымі і дыяспаральнымі структурамі;
– стратэгіі больш паглыбленай супрацы паміж рознымі актарамі дэмакратычнага руху і грамадзянскай супольнасці.

Больш інфармацыі на сайце – https://bydiaspora.net/

Колькасць удзельнікаў і ўдзельніцаў абмежаваная, таму прапануем дасылаць вашыя заяўкі ўжо цяпер. Зрабіць гэта можна па спасылцы: https://forms.gle/WCL9zo4Eo63NhejY8.

Будзем радыя бачыць беларусаў і беларусак замежжа!

«Беларусь – не ядзерная сметніца Расіі». Ціханоўская – пра «дзень яднання з Расіяй»

Беларусь – не ядзерная сметніца Расіі. Не палігон, не губерня і не кавалачак зямлі. Беларусь – гэта суверэнная дзяржава і свабодны беларускі народ. Нам не блізкія імперскія ідэі. Беларусам не патрэбная ні Саюзная дзяржава, ні АДКБ, якія прыводзяць да размяшчэння ядзернай зброі ў нашай краіне. Свабодная Беларусь адкрые для сябе супрацу з Еўропай. Беларусь будзе далучацца і ствараць такія саюзы, якія абараняюць жыцці, бяспеку і дабрабыт беларусаў, а не ставяць пад пагрозу будучыню нашых дзяцей.

https://youtu.be/-w6IOZV-KZ4

​4 красавіка Сейм Літвы прыняў у другім чытанні законапраект аб увядзенні абмежавальных мераў у дачыненні да ваеннай агрэсіі супраць Украіны. Дарадца Ціханоўскай па прававых пытаннях Крысціна Рыхтэр тлумачыць, што можа змяніцца для беларусаў.

«Ранейшая рэдакцыя законапраекта ўсталёўвала сур’ёзныя абмежаванні ў дачыненні да беларусаў у магчымасці атрымання візаў, падачы на від на жыхарства, грамадзянства, статус е-рэзідэнцтва і ў атрыманні электроннага подпісу.

Згодна з афіцыйным рэлізам на сайце Сейма, які з’явіўся адразу пасля правядзення галасавання па праекце закона, у канчатковай рэдакцыі законапраекта засталіся наступныя абмежаванні:

– прыпыненне падачы заяваў на атрыманне візы ў візавых службах Літвы за мяжой за выключэннем выпадкаў, калі пасярэднікам выступае МЗС Літвы. Гэтае абмежаванне ўжо дзейнічала ў дачыненні да беларусаў і ўведзенае падчас надзвычайнага становішча ў Літве.

– атрыманне статуса е-рэзідэнцтва і электроннага подпісу для грамадзянаў Беларусі, за выключэннем тых, хто мае часовы ці пастаянны від на жыхарства ў Літве. Звяртаем увагу, што часовы від на жыхарства таксама адзначаны ў афіцыйным рэлізе Сейма. Фактычна, раней статус е-рэзідэнцтва і электронны подпіс маглі атрымаць менавіта тыя людзі, якія трапляюць у выключэнні з гэтых абмежаванняў.

– увоз на тэрыторыю Літвы ўкраінскіх грыўняў.

Падчас заканатворчага працэсу Офіс камунікаваў з прадстаўнікамі палітычных партый, распрацоўнікамі законапраекта, прадстаўнікамі ўлады Літвы. Падчас камунікацый была перададзеная пазіцыя пра недапушчальнасць абмежаванняў і прапановы, распрацаваныя юрыстамі Офіса, пра іх змякчэнне, якія ў выніку былі ўлічаныя падчас другога чытання ў Сейме. Выключаныя абмежаванні па падачы на від на жыхарства, грамадзянства і падачы на е-рэзідэнцтва.

Адзначым, што заканатворчы працэс не скончаны. Згодна з Кантытуцыяй Літвы, закон павінен падпісаць прэзідэнт ці накіраваць да паўторнага разгляду з указаннем прычынаў».

Святлана Ціханоўская запрашае на асабістыя размовы з беларусамі ў пятніцу

Вы можаце зарэгістравацца на асабістую размову са Святланай і дарадцай Ціханоўскай па прававых пытаннях Крысцінай Рыхтэр па гэтай спасылцы: https://us06web.zoom.us/meeting/register/tZ0rfuGrqDorGtF5ptvmXPP-YYgo60klKMge

Размова пройдзе ў пятніцу, 7 красавіка, з 13:00 да 15:00 па Мінску. Пасля рэгістрацыі вы атрымаеце персанальны час для званка, на якім зможаце падзяліцца сваімі ідэямі, задаць пытанне і абмеркаваць сваю праблему.

Мы хочам быць упэўненыя, што ўсім, хто зарэгістраваўся, хопіць часу на званок, таму колькасць рэгістрацый абмежаваная. Калі вы не паспееце зарэгістравацца на гэтым тыдні, зможаце зрабіць гэта на наступным. Адзначым, што такія размовы праходзяць кожны тыдзень. У першую чаргу прымаюцца людзі, якія раней не ўдзельнічалі ў размовах.

Прачытаць пра тое, што такое асабістыя размовы і як яны праходзяць можна тут.

​Закон аб абмежавальных мерах, працоўная група з МУС Літвы, гуманітарны ВНЖ на даўжэйшы тэрмін: сустрэча Ціханоўскай з міністаркай унутраных справаў Літвы Агнэ Білатайтэ

Святлана Ціханоўская падзякавала міністарцы за пачутыя і прынятыя прапановы беларусаў па зменах у законапраект «Аб увядзенні абмежавальных мераў у дачыненні да ваеннай агрэсіі супраць Украіны». У новай версіі законапраекта абмежавальныя меры ў дачыненні да грамадзянаў Беларусі значна больш мяккія ў параўнанні з першапачатковым праектам.

Падчас перамоваў Ціханоўская і Білатайтэ дамовіліся стварыць працоўную групу, якая будзе ўключаць прадстаўнікоў Аб'яднанага Пераходнага Кабінета, ОСЦ і МУС Літвы для вырашэння пытанняў у сферы міграцыі і грамадскай бяспекі. Падобная група ў Польшчы паказала сваю эфектыўнасць: дзякуючы ёй былі прынятыя гуманітарныя ВНЖ і бясплатны праязны дакумент замест пашпарта для беларусаў.

На сустрэчы з кіраўніцай Дэпартамента міграцыі МУС Літвы Эвеліне Гудзінскайтэ абмяркоўваліся магчымасці спрасціць патрабаванні для беларусаў пры падачы на ВНЖ, у прыватнасці, каб была магчымасць не даваць даведку пра неасуджанасць або апастыль для тых грамадзянаў Беларусі, якія не могуць вярнуцца ў Беларусь. Таксама Святлана Ціханоўская ўзняла пытанне выдачы ВНЖ па гуманітарных падставах на даўжэйшы перыяд часу, што таксама спрасціла б атрыманне пашпарта замежніка.

​Канферэнцыя дазволіць дыяспары і палітычным цэнтрам абмеркаваць набалелыя пытанні

22-23 красавіка ў Вільні адбудзецца Канферэнцыя беларусаў свету II для арганізацый, суполак і ініцыятываў беларусаў замежжа, ініцыяваная Святланай Ціханоўскай. Першая Канферэнцыя такога фармату прайшла ў верасні 2021 года і сабрала прадстаўнікоў 40 арганізацый беларускай дыяспары з 26 краінаў. Чакаецца, што ў красавіцкай двухдзённай Канферэнцыі прымуць удзел больш за 100 беларусаў і беларусак ад дыяспараў, а таксама прадстаўнікі структураў дэмакратычных сілаў.

Каардынатар Офіса Святланы Ціханоўскай па працы з дыяспарамі і кантактная асоба Канферэнцыі Данііл Гаркавы распавядае падрабязнасці:

«Канферэнцыя – гэта адказ на агучаную нам дыяспарай неабходнасць абмеркаваць набалелыя пытанні. Мы і самі заўважаем, што не хапае каардынацыі паміж палітычнымі структурамі і грамадзянскімі ініцыятывамі. Нам усім важна вучыцца слухаць і чуць адно аднаго.

У сакавіку каманда арганізатараў Канферэнцыі, якая складаецца з прадстаўнікоў Офіса, Аб'яднанага пераходнага кабінета і Каардынацыйнай Рады, збірала зваротную сувязь ад прадстаўнікоў дыяспары. Самай важнай тэмай, якая трапіла ў праграму менавіта з ініцыятывы дыяспары, стала пытанне спосабаў інстытуцыйнай падтрымкі дыяспаральных арганізацый, многія з якіх, па сутнасці, да гэтага часу існуюць на валанцёрскіх асновах. Мы сфармавалі 4 тэматычныя напрамкі, якія цяпер удакладняем і дапрацоўваем. Падрабязная праграма канферэнцыі будзе паведамленая пазней. Сачыце за абнаўленнямі на сайце bydiaspora.net».

Нагадваем, каб узяць удзел у Канферэнцыі, вы як прадстаўнік ці прадстаўніца арганізацыі беларускай дыяспары павінны даслаць заяўку да 9 красавіка ўключна па гэтай спасылцы: https://forms.gle/WCL9zo4Eo63NhejY8. Калі заяўка будзе ўхваленая, вам прыйдзе пацверджанне. Таксама вы можаце задаць пытанні наконт Канферэнцыі тут: @conf_bel_diaspora

Будзем радыя бачыць беларусаў і беларусак замежжа!

​Святлана Ціханоўская: «Сёння, 7 красавіка, адзначаецца Сусветны дзень здароўя. Кожная краіна зацікаўленая ў тым, каб яе грамадзяне былі здаровымі, бо такія грамадзяне не бяруць бальнічныя, а працуюць, прыносяць карысць, плацяць падаткі.

А што з аховай здароўя ў Беларусі? Баюся, што вы цудоўна ведаеце. Усе памятаюць, як дзяржава называла каранавірус «псіхозам» і прапаноўвала дапамагаць хворым трактарамі, хакеем, лазняй, чым заўгодна, але толькі не рэальнай медыцынскай дапамогай. Лекарам не толькі не дапамагалі, але і заміналі – пакуль іх ратавалі валанцёры ініцыятывы ByCovid19.

І зараз дастаткова паглядзець апошнія актуальныя навіны пра медыцыну. Напрыклад, у Слоніме мясцовая бальніца шукае 58 новых супрацоўнікаў. Гэта прыкладна палова штата ўсёй установы. Гэта значыць, у горадзе, дзе жыве амаль 50 тысячаў чалавек, яна ўкамплектаваная супрацоўнікамі толькі напалову!

Думаеце, Слонімская бальніца адзіная такая ў Беларусі? Не, у нашай краіне дзясяткі такіх установаў, дзе не хапае людзей. Таму што лекараў арыштоўваюць, саджаюць, непажаданых «скарачаюць» ці звальняюць па загадзя складзеных ідэолагамі спісах. Бо дзяржаве ўсё роўна, дзе будуць лячыцца беларусы. Сілавікі не будуць хадзіць у «звычайныя» бальніцы, адкуль звальняюць лекараў, яны пойдуць у свае, «элітныя».

А беларусы, на жаль, застаюцца сам-насам з сабой. Лекараў і медперсаналу не хапае літаральна паўсюль, але нават нягледзячы на рэпрэсіі і жудасныя ўмовы, ёсць тыя, хто застаюцца працаваць у Беларусі. І гэта нашыя сапраўдныя героі».

​Ініцыятывы пра сапраўдную гісторыю Беларусі

Святлана Ціханоўская: «Рэжым не першы год перапісвае гісторыю нашай краіны. Ён сцірае з падручнікаў імёны нашых герояў і найважнейшыя падзеі, падмяняе факты, расказваючы пра салодкае жыццё пры расійскай акупацыі. Замест таго, каб прызнаць беларускую лацінку гісторыка-культурнай каштоўнасцю, рэжым яе забараняе. Цяпер ён прапіхвае імперскую ідэалогію «братэрскіх сувязяў» асабліва ўпарта, прымушаючы дзяцей ад садкоў да ўніверсітэтаў слухаць хлусню сілавікоў і прапагандыстаў. Ідэя сцерці нашую памяць не прыйшла ім у галаву проста так. Яны разумеюць, што нашая гісторыя – гэта нашая прышчэпка супраць памылак мінулага і наш шанец на лепшую будучыню.

І зараз, калі рэжым спрабуе адабраць у нас нацыянальную ідэнтычнасць, каб пазбавіць нас свабоднай будучыні, мы павінны супраціўляцца. І яшчэ лепш ведаць свае карані, захоўваць праўду пра нашую краіну хаця б у сабе, а лепш – дзяліцца з іншымі.

Мая каманда падзялілася цэлым спісам беларускіх ініцыятываў, якія расказваюць сапраўдную гісторыю Беларусі. Многім пра гэтыя праекты распавялі іх дзеці школьнага ўзросту. А якія каналы вы глядзіце ці чытаеце, каб лепш даведацца гісторыю нашай краіны? Ці абмяркоўваеце яе з дзецьмі, якія могуць атрымліваць скажоную інфармацыю ў школе?»

Вусы Скарыны
Instagram: https://www.Instagram.com/vusy_skaryny
Facebook: https://www.facebook.com/VusySkaryny

Гісторыя Беларусі
Facebook: https://www.facebook.com/BelarusHistory

Belhistory
Facebook: https://www.facebook.com/belhistorycom

Беларуская гісторыя
Instagram: https://www.instagram.com/histby/

Гісторыя Беларусі | Альгерд ужо ня той
Instagram: https://www.instagram.com/historyjabielarusi/

Back to Belarus
Instagram: https://www.instagram.com/backtobelarus/
Telegram: https://t.me/backtobelarus

Гісторыя Беларусі
Instagram: https://www.instagram.com/bielarusianhistory/

Палявая пошта
Instagram: https://www.instagram.com/poshtabel/

Лыжка гісторыі
Instagram: https://www.instagram.com/belarusianhistory/

«Гісторыя на Свабодзе»
YouTube: https://www.youtube.com/@svaboda-historyja

Святлана Ціханоўская віншуе беларусаў, якія сёння святкуюць Вялікдзень

«Гэты Вялікдзень трэці, калі мы з Сяргеем вымушана знаходзімся ў розных краінах і ў розных умовах. І зараз такіх сем’яў, як нашая, якія рэжым падзяліў, вельмі шмат.

Сем’і падзяліліся, бо мама ці тата, сын ці дачка за кратамі па палітычных прычынах. Сем’і падзяліліся, бо бабуля ці дзядуля глядзяць тэлевізар, вераць кожнаму слову і не хочуць разумець, што іх пенсіі змяншаюцца не праз «бразгат гусеніц» на Захадзе, а таму што рэжым уступіў у вайну. Яны кажуць, нібыта дзяржава абараняе іх і «ў нас няма вайны», пакуль рэжым дамаўляецца пра размяшчэнне ядзернай зброі ў Беларусі.

Але ўсё ж Вялікдзень мусіць аб’ядноўваць сем’і. Як аб’ядналіся ў 2020 годзе беларусы, якія сталі адной вялікай сям’ёй. І сем’і, якія падзяліў рэжым, таксама аб’яднаюцца. Людзі выйдуць з-за кратаў, а бабулі з дзядулямі будуць ведаць праўду, бо мы не апусцім рукі.

Я зычу кожнай сям’і міру і дабрабыту. Беражыце сябе і сваіх родных».

Поддержите политзаключённых и их семьи

Каждый день в Беларуси продолжают задерживать людей по политическим причинам. В Дзержинске прошёл «хапун», во время которого задержали не меньше 45 человек. Репрессии доходят до беспрецедентного абсурда – беларуску арестовывают за лайк, который поставил её умерший муж, предпринимателя задерживают за три тысячи «экстремистских комментариев», а минчанина – за якобы связь со спецслужбами Украины и Польши.

Только по данным «Весны» сейчас в Беларуси 1486 политзаключённых, и ещё тысячи задержанных по политическим причинам. И их количество растет каждый день. Каждый день появляется беларус или беларуска, которым нужна помощь в сборе средств для оплаты адвоката и передач, выплатах штрафов, реабилитации после освобождения и помощи семье.

Семью Войтеховичей из Борисова арестовали после «нападения» на дом Олега Гайдукевича. Силовики заставили их признаться в «желании нанести вред имуществу». К сожалению, все мы прекрасно знаем, как выбиваются такие «признания».

Инга Рейндольф находилась под стражей 3 месяца, после чего её приговорили к 2,5 годам «химии». Она воспитывает 8-летнего сына, с которым решила сбежать из-под ареста без вещей и практически без денег.

Сергей Сацук – журналист-расследователь, бывший редактор портала «Ежедневник». Он раскрыл коррупционные схемы в Минздраве. В 2023 году его приговорили к 8 годам тюрьмы и должен заплатить режиму более 28 тысяч рублей. Уже арестована часть имущества его семьи.

Это только несколько историй людей, которых вы можете поддержать прямо сейчас. Но вы можете помочь и другим политзаключённым благодаря фондам BYSOL и «Страна для жизни», инициативам INeedHelpBY, Dissidentby, politzek.me. Задержанным по политическим причинам нужна наша помощь и наша солидарность.

​Святлана Ціханоўская: «Сёння свой 87-мы дзень народзінаў адзначае Івонка Сурвіла – кіраўніца Рады БНР. Яна ўвасабляе сабой гістарычную пераемнасць беларускай дзяржаўнасці – ад айцоў-заснавальнікаў БНР да сучаснасці. Але Івонка Сурвіла – гэта не толькі Рада БНР.

Усё яе жыццё аддадзенае на карысць Беларусі. Напрыклад, у 1980-я гады Івонка Сурвіла заснавала Канадскі фонд, які дапамагаў беларусам ліквідаваць наступствы аварыі на Чарнобыльскай АЭС. Дзякуючы працы фонда беларускія дзеткі атрымалі магчымасць лячыцца за мяжой, а ў пацярпелыя раёны перадавалі лекі і медычнае абсталяванне коштам у мільёны даляраў.

Раней мы толькі стэлефаноўваліся, а год таму я мела гонар сустрэцца з ёй асабіста. І я кожны раз падчас нашых размоваў адчуваю сябе так, нібыта размаўляю са сваёй бабуляй. Так шмат клопату і цеплыні заўсёды адчуваеш ад гэтай цудоўнай жанчыны з добрым сэрцам! Шчыра захапляюся яе мужнасцю і любоўю да роднага краю.

Моцнага здароўя вам, шаноўная Івонка, і доўгіх гадоў жыцця!»

​Призыв студентов в армию «как в СССР» тянет Беларусь назад в прошлое

Светлана Тихановская: «Беларусь продолжают тянуть в прошлое. Очередной режимный чиновник предлагает «инновацию» в сфере образования: призывать студентов в армию прямо во время учёбы, как это делали в СССР. Старики, чья молодость прошла при советской системе, видят страну только такой – не уважающей человека, пренебрегающей личностью, стремящейся подавить любую индивидуальность. В том числе через «сапоги».

Теперь военные считают, что могут рассказывать беларусам, как должно выглядеть образование. И что это якобы охотно примут все. Но что думают сами студенты о таких нововведениях? Вчера я прочитала прекрасный материал с их мнениями на Zerkalo.io:

– «Не хочется терять целый год».

– «Это просто убитое время. После срочной службы не выходят обученные и подготовленные солдаты. Это, скорее всего, делается для отупения молодёжи и отравления пропагандой».

– «Обязательный призыв – это маразм, после которого люди выходят психически нестабильными».

Все эти пропагандисты, идеологи и прочие люди в погонах не осознают, что молодые беларусы считают армию бессмысленной, а срочную службу – пережитком прошлого. Любители СССР в самом деле думают, что «не служил – не мужик» и «после армии девушкам будешь больше нравиться». Вот только на дворе давно не 1970-е.

Такие нововведения откинут Беларусь в развитии ещё дальше. У молодёжи отберут желание получать знания для профессии в родной стране. Ведь абитуриенты предпочтут выбрать университет там, где их не отправят на втором или третьем курсе подметать плац и строить дачу генералам. Беларусь – это страна с огромным потенциалом, которая заслуживает не падать в бездну тёмного прошлого, а строить европейское будущее, ведь, как сказал глава МИД Польши Збигнев Рау, место беларусов – в общем европейском доме. И оно наступит – когда законы будут принимать не в угоду одного человека, а всех 9 миллионов беларусов».