Ціханоўская ў Google: лакалізацыя сэрвісаў, беларускі кантэнт замест расійскага, трэнінгі для медыя

Падчас Сусветнага эканамічнага форума беларуская лідарка наведала Дом Google у Давосе, дзе сустрэлася з віцэ-прэзідэнткай кампаніі Анэт Кробер-Рыель. Бакі абмеркавалі шэраг актуальных пытанняў, звязаных з Беларуссю, пасля чаго Ціханоўская перадала спіс канкрэтных запытаў ад беларускіх журналістаў і грамадзянскай супольнасці.

У прыватнасці, просьбы датычыліся:

1️⃣ прыярытэзацыі беларускага кантэнту над расійскім для карыстальнікаў з нашай краіны;

2️⃣ лакалізацыі сэрвісаў Google для Беларусі;

3️⃣ падтрымкі беларускамоўнага кантэнту;

4️⃣ прадастаўлення інструментаў Google, а таксама арганізацыі трэнінгаў для медыя і грамадзянскай супольнасці;

5️⃣ стварэння беларускага інтэрфейсу сэрвісу Gmail.

Напрыканцы размовы Святлана Ціханоўская і Анэт Кробер-Рыель дамовіліся пра наступную сустрэчу. Яна адбудзецца падчас Мюнхенскага форуму па бяспецы 16-18 лютага бягучага года.

Прэм’ер-міністры Нідэрландаў і Ірландыі: пра што з імі размаўляла Ціханоўская

Удзел у Сусветным эканамічным форуме ў Давосе Святлана Ціханоўская завяршыла шэрагам сустрэчаў на вышэйшым узроўні.

🇳🇱 Лідарка абмеркавала сітуацыю ў Беларусі з прэм’ер-міністрам Нідэрландаў Маркам Рутэ. Палітыкі гаварылі пра крокі па прыцягненні Лукашэнкі і яго паплечнікаў да адказнасці за злачынствы супраць чалавечнасці і вываз украінскіх дзяцей. Ціханоўская прапанавала, каб Нідэрланды ўзнялі гэтае пытанне перад Міжнародным крымінальным судом.

Асобна абмеркавалі пытанні легалізацыі беларусаў у Нідэрландах і магчымасць атрымання праязных дакументаў. Рутэ пацвердзіў, што гэтае пытанне зараз вырашаецца.

🇮🇪 Святлана Ціханоўская правяла размову з прэм’ер-міністрам Ірландыі Леа Варадкарам. Лідарка падзякавала прэм’еру за падтрымку беларускіх культурніцкіх ініцыятываў. Палітыкі абмеркавалі далейшыя крокі, якія можа зрабіць Ірландыя, каб дапамагчы дэмакратычнай Беларусі на міжнароднай арэне.

🇫🇮 Акрамя таго, беларуская лідарка сустрэлася з былой прэм’ер-міністаркай Фінляндыі Санай Марын. Зараз яна працуе ў Інстытуце Тоні Блэра, які, у тым ліку, кансультуе ўрады Малдовы і Украіны. Бакі абмеркавалі магчымае супрацоўніцтва паміж дэмакратычнымі сіламі Беларусі і Інстытутам Блэра, а таксама прааналізавалі вынікі беларуска-фінскай Канферэнцыі.

Асобную ўвагу Святлана Ціханоўская надала праблеме беларускіх палітвязняў – і прапанавала Сане Марын узяць патранаж над адным са зняволеных.

Закрытыя сустрэчы сусветных лідараў, выступы ў асноўнай праграме, сайд-івэнт па Беларусі: Ціханоўская – на форуме ў Давосе

Святлана Ціханоўская другі год запар удзельнічала ў Сусветным эканамічным форуме ў Давосе, каб прадставіць інтарэсы беларусаў, заручыцца падтрымкай міжнародных арганізацыяў і палітычных лідараў, а таксама знайсці новых саюзнікаў і партнёраў.

📌 Якія вынікі?

1️⃣ Беларуская лідарка двойчы выступіла на закрытых сустрэчах сусветных лідараў, а менавіта – на дыскусіях па тэмах «Падрыхтоўка да новай геапалітычнай эры» і «Аднавіць веру ў глабальную сістэму». На гэтых сустрэчах былі прадстаўлены каля 50 краінаў, а таксама ўдзельнічалі лідары ААН, міжнародных арганізацыяў і карпарацыяў.

2️⃣ Святлана Ціханоўская двойчы была спікеркай падчас асноўнай праграмы форума. Першая дыскусія датычылася калектыўнай бяспекі Еўропы і праходзіла разам з лідарамі Польшчы, Харватыі і міністрам замежных справаў Украіны. Другая дыскусія была прысвечаная сітуацыі са свабодай слова ў свеце.

3️⃣ Лідарка правяла шэраг сустрэчаў з сусветнымі палітыкамі, дзе актуалізавала важныя для Беларусі пытанні: вызваленне палітвязняў, падтрымка незалежных медыя, пагроза незалежнасці Беларусі з боку Расіі. Таксама лідарка абмяркоўвала легалізацыю беларусаў за мяжой і прызнанне новага беларускага пашпарта. Удалося ўсталяваць кантакты з прадстаўнікамі Венгрыі, Коста-Рыкі, Косава і Эквадора.

4️⃣ Святлана Ціханоўская наведала Дом Google, дзе сустрэлася з віцэ-прэзідэнткай кампаніі Анэт Кробер-Рыель. Палітык перадала шэраг прапановаў, якія датычыліся лакалізацыі сэрвісаў для Беларусі, падтрымкі беларускамоўнага кантэнту і яго прыярэтызацыі над расійскім, а таксама арганізацыі трэнінгаў для незалежных медыя.

5️⃣ Разам з прадстаўнікамі эканамічнай каманды Офіса, НАУ і АВВА Святлана Ціханоўская выступіла на сайд-івэнце па Беларусі, які прайшоў у Грэцкім Доме. Таксама лідарка ўзяла ўдзел у дыскусіі ў Доме Бельгіі, што датычыўся лёсу дэмакратыі ў свеце.

Хочаце дапамагаць камандзе Святланы Ціханоўскай? Вось усё, што вам трэба ведаць пра валанцёрскую праграму Офіса

Расказваем у картках, якая дапамога патрэбная камандзе, колькі часу вам спатрэбіцца і навошта вам гэта. Спойлер: усё вельмі гнутка.

Далучайцеся да валанцёрскай праграмы праз @AskOffice_bot – проста абярыце «Стаць валанцёрам Офіса» і адкажыце на пытанні.