الاسبوع الثاني
اليوم الاول من التدريب

الكيس الاول acute appendicitis

الكيس الثاني كومة امراض + Renal Failure

نقاش مهم

الكيس الثالث

الكيس الرابع

الكيس الخامس

من الاصوات الطبيعية بالطوارئ
احنة بروتتنا يمكن ثلاثة ماتوا
الله يرحمهم جميعاً🙏🏻

هنا الدكتور اختصاص جراحة طوارئ اجة ياخذ هستري من الحالة
البنية عدها 15 سنة اجت بسبب الم قوي بالجهة اليمنى الالم بدأ عدها بمنتصف البطن
وينزل ليجوة
البنية عدها هستري يعني هاي مو اول مرة تحس بالالم والي هوة شي غريب مايناسب
acute appendicis ال
الدكتورة كالت ممكن يكون subacute المهم انها راحت لطبيب قبل والظاهر ماكان تشخيص دقيق او مشوها بس على مسكنات
الالم ازداد عدها كلش فأجت للطوارئ الدكتور سؤالها عن التالي
١- حرارة جسمها
شهيتها للاكل
مكان الالم وهل يضرب على مكان اخر
تقيأت لولا
دورتها منتظمة لولا حتى يستثني الاشياء النسائية مثلاً cysts. وغيرها ( دزوها تحليل حمل هم حتى يستثنون الectopic
بس ماكالواهالكلام لاهلها حتة لا
ينفهم غلط ) ودزوها على Ultrasound على الرغم هالشي ميعتمد عليه لكن للاحتياط لان حسب السكور تعتبر suspected وليس
definitive
اثناء الفحص تبين عدها Tenderness ولمن يضغط على المنطقة ممكن الالم ايضا ينتقل للجهة الثانية وكل هالتفاصيل حتوضحها
المقيمة بالفديو الجاي

فديو مهم جداً ‼️
وشرح جداً لطيف ومفيد تطبيقي على الكيس الفوك

هذه شفنا كيس بالطوارئ كنت مصورتها بس مداالكة الفديو المهم اخذنا منها هستري والحجية كان عدها كومة مشاكل ضغط وسكر وفشل بالقلب وبالتنفس وعدها مشكلة اضافية الا وهية عجز بالكلى

زين حجية انتي تاخذين ادوية ؟ لا والله

زين تسوين غسيل كلى ؟ لا والله
شلون لعد
الحجية تكول كل فترة تتخربط سواء مشكلة تنفس او كلاتها وتجي تدخل مستشفى وهالكلام هواي متكرر لكن من اسألها على الكلى ماعدها اجوبة او هستري من ناحية مراجعات وكذا وهية عدها HTN ,HF ،DM. يعني منطقي تتضرر كلاتها

تكول الحجية الم مثل سجاجين ويضرب على ظهري وكل فترة تنفخ جوة عيونها وقبتها ورجليها واصابعها وتجي مستشفى ينطوها اشباء تخفف الوضع من ضمنها جان اوكسجين علمود التنفس وبعدها ترجع فااحنة بعد مااخذنا منها هستري رحنة للمقيم الاقدم نناقش الموضوع حتى نعرف ليش مدينتبهون لموضوع كليتها على الرغم انو ادرارها توقف من دخلت مستشفى

الدكتور هنا ناقشنا ووصلنا الى فد نقطة وهية انو اكو احتمالية اهمال من قبل المريض نفسه والدليل انها تدخل مستشفى كل فترة ورى ماتطيح
(حتى من سألتها يمته تحسين بالالم كالت من اتعب بالشغل كتلها حجية غير ترتاحين يا شغل تكول لا مااكدر لازم اكوم حتلو اتأذى ومن تطيح يلة تجي مستشفى ) فنصحناها تروح استشارية بعد ماتستقر حالتها حتى تتابع موضوع الكلى

ختمنا الطوارئ بنقاش طويل مع دكتور مقيم متميز كان موجود هناك الفديو طويل شوفولكم وقت فارغ وشغلوا تكدرون هم تسرعوا بس بي كلام مهم يصورلكم طريقة عمل الطوارئ بالاضافة لانصائح لطلاب الطب بشكل عام وشلون يكدرون يتابعون المواد ويتعاملون مع الجانب العملي للمراحل الدراسية رابع خامس سادس

لا تنسون تدزولنا شنو اخذتو من كيسات 🌸🩷🩷.

وصلت كيسات حلوة هم حنزلها بس كون نرتبهم اول

عندي بعد كيسات من ردهات الجملة العصبية + افترينا على مختبرات المستشفى وشفنا الاجهزة والتحاليل الموجودة (غالبا محنزلهن لان مو شغلنا لكن اكو توضيح على تحليل السكر التراكمي هذا حنزل عنه)

بس هذا كلة ياخذ وقت وجهد وحالياً صارت خربطة وضاعت جزء من الفديوات الي مصوريها فلازم نعيد كتابة الكيس على ذاكرتنا فلازم تنتظرون😭😭


كيسات الجملة العصبية( تذكرون الطفل مقتدى الي كان عندة CP وصرع بردهة الاطفال ) بالجملة العصبية دخلنا على كيس لشخص حسيت لوهلة اني دااشوف مستقبل مقتدى (الله يشفيه يارب) البيشنت عمرة 31 وحالتة حالة ان شاءالله نرتبلكم الكيس وننزلة واذا لكينا الفديو بعد احسن حتى تسمعون الهستري بشكل مباشر من اخو المريض والاصوات الي كان يطلعها المريض من دخلنا +صورت الادوية الي ياخذها والتحاليل بس حاليا كل هالتصويرات اختفن

مو صحيح تنشرون حزن الناس

على الاقل خصوصية

هذا الكلام من البوت

من ناحية ممكن اتفق وياج لو كان بس دااكول شوفوا هذا خطية او مثلا لو ناشري بفد مكان نحصل بي مشاهدات وكذا لكن هذه قناة لطلاب الطب واني صراحة اشوف بهذه القصة رسالة تخلينا نفكر اكثر من مرة قبل لا نتهور بتشخيص او نتسرع ونتجاهل انو الي بين ايدينا حياة انسان هذا اولاً

اما ثانياً فاحنة نوهنا باول رسالة بالقناة انو احنة نستأذن لمن نصور او نسجل معلومات المريض فماكو انتهاك خصوصية


ثالثاً جنت اكدر انزل القصة كالتالي
واحد سوة عملية بسبب ورم بالدماغ قبلها مشخصي غلط وهسة ديعاني من الم شديد وصلى الله وبارك لكن اني حاولت انقللكم الكيس بالطريقة الي اني شفتها وحسيتها بخلاف بقية الكيسات واذا متحبون هالشي هم حطوا دس لايك عادي بالنهاية طريقة الطرح ماراح تغير الحقيقة وحتى لو نشرت الكيس بدون مشاعر ماراح تتغير معطيات الكيس ولكن من ننشر بهالطريقة بالذات للكيسات الي فعلاً مأثرة والي تعرضت لاخطاء طبية او غيرها فهذا يخلينا نصفن للحظة ونستوعب انو صح احنة نشوف الموضوع انترستينك واحنة رايحين نفتر ونجمع كيسات لكن الانترستينك كيس هذا هو عبارة عن انسان ديعاني بكل لحظة ولازم ننتبه اكثر ونركز سواء بدراستنا حالياً او بالمستقبل بعملنا حتى نكون كد هالامانة ومانكون سبب بمعاناة الناس

اما هذا الفديو فسؤال اكسب بي عواطف على شنو؟ اني متدربة دتفتر بالطوارئ اني مو صاحبة المصيبة حتى اجمع تعاطف اذا كان التعاطف مفيد اصلاً

من ناحية ثانية القناة دتنقل صورة كاملة للي دنعيشة بايام التدريب واتحدى واحد راح وكعد بالطوارئ وماشاف ولو حالة وحدة مثل هاي فهذا شي احنة نتعامل ويا كل يوم كاطباء بالمستقبل وحتى كمتدربين دنشوفة فمن انشرة هو بس كجزء من التجربة بالطوارئ