✅️الجانب العملي

✅️خلو ابالكم
* هاي التعليمات وطريقة الاستخدام والجرع بنسة 90% نفسها لكل انواع الغسولات الملحية ثابتة يعني 
* احيانا تصير نغزات او حرقة داخل الانف لذلك تلاحظون بالمكونات Hyaluronic acid
حتى يرطب الاغشية المخاطية

* الماء المستخدم لازم نضيف %100 لان اي ملوث ممكن يسبب التهاب بكتيري او فايروسي

* الماء المستخدم لازم يكون بدرجة حرارة الغرفة(25-30) أو دافئ وخلو خط جوا دافئ لا حار ولا بارد ،اذا حار راح يتاذى المريض واذا بارد كذلك يتأذى
*اذا المريض يستخدم مي الحنفية لازم بالبداية يغليه على النار ثم ينتظره يدفى او الى اني يصير بدرجة حرارة الغرفة  25-30 وراها يستخدمة .

*الـ Jedcosinus اللي موجود بهاي الصورة أقصى اليمين ممكن يستعمل كغسول للفم ببعض الحالات.. فما نحتاج نستخدم العلبة اللي نستخدمها لغسل الانف وانما نحتاج الظرف نخليه بكوب ماء ويستخدمه المريض يتمضمض بي.. ونفس شروط الماء اللي ذكرناها فوك ⬆️من نظافة ودرجة حرارة .

* بالصورة SINUS A 
حرف A هنا دلالة على كلمة Adult يعني للكبار ( 12-13 سنة وفوك)

*اما SINUS C
الـ C هنا دلالة على كلمة Children يعني للأطفال (6 الى 12 سنة)
#محمد_عبدالعزيز

مو كل ألم ينحل بالـ باراسيتامول 😅

مرات نشوف أمراض أو حالات قوية جداً، ونحاول نسيطر عليها بعلاج تأثيره محدود، فيصير الوضع مثل واحد يحاول يسحب طيارة بدراجة أو يحرر سفينة بحفارة صغيرة .

✅ الباراسيتامول يفيد بتخفيف الألم والحرارة.
❌ورغم امانه العالي واثاره الجانبية التي تكاد تكون معدومة لا يكفي وحده ببعض الحالات الشديدة مثل الروماتويد أو نوبات الشقيقة القوية.

مدمنين بس مو مدمنين ...

شلون

الادوية الي يطلبوها المراجعين ⬆️ باستمرار وتعودوا عليها تقريبا لحد الادمان

🔹️قطرات الديكساميثازون للعين (او اي كورتيزون ثاني)

🔹️الملينات( بسكوديل + senna)

🔹️مسكنات الصداع (بارسيتامول +بروفين وغيرها)

🔹️الم الشقيقة - الزوميتان

🔹️الدرمودين والبتنوسام والنستاكورت ( للوجه او للطفح الحفاظات عند الاطفال)

🔹️المضادات الحيوية ( الاموكسل للبلاعيم ..الفلاجيل للاسهال)

🔹️مضادات الحموضة ( حب كرط - H2RA- PPI)

🔹️قطرات وبخاخات الاوترفين

🔹️(حب الكولونا) لعلاج القولون

🔹️المكملات (هوس المكملات)

بحيث كلما يخلص باكيت اوقطرة يشترون مباشرة !

توضيح

فيما يخص قطرات العين اللي بيها كورتيزون، استخدامها لفترة طويلة ممكن يسبب تثبيط للمناعة، وإذا انقطعت فجأة ممكن تصير حُمرة وحكة بالعين وأعراض تزعج المريض، فكلما يخلص القطرة يرجع يجيب وحدة ثانية ويستمر عليها.

أما الملينات، فإذا استُخدمت لفترة طويلة ممكن تسبب كسل بالأمعاء، يعني المريض بعدين ما يگدر يتخلص من الإمساك إلا إذا استخدم الملينات.

وبالنسبة لقطرات الأوتريفين، فإن كثرة استخدامها تسبب حالة اسمها الاحتقان الارتدادي (Rebound Congestion)، يعني الأنف ينسد أكثر من قبل بعد ما يروح مفعول القطرة. لذلك الاستخدام الصحيح إلها يكون من 3 إلى 5 أيام، وبحد أقصى 7 أيام.

أما المسكنات، فكثرة استخدامها ممكن تسبب الصداع الارتدادي (Medication Overuse Headache). وهذا يشمل الباراسيتامول والإيبوبروفين، وحتى أدوية الشقيقة مثل الزولميتريبتان، لأن الإفراط باستخدامها ممكن يخلي نوبات الشقيقة أقوى وأكثر تكراراً.

أما الكريمات والمراهم اللي بيها كورتيزون مثل نيستاكورت وديرميدين وبيتنوسام، والمستخدمة لطفح الحفاضات أو بعض مشاكل الجلد بالوجه، فإذا انتركت بشكل مفاجئ ممكن ترجع الحالة أسوأ من قبل. فطفح الحفاضات ممكن يزيد بشكل واضح، والحبوب أو الالتهابات الجلدية ممكن ترجع، وإذا كانت تُستخدم للكلف أو التصبغات فغالباً ترجع التصبغات مثل ما كانت أو تبين بصورة أوضح بعد ترك العلاج.

قطرات العيون مو كلها نفس الشي، قسم يجي على شكل Solution (محلول) وقسم يجي على شكل Suspension (معلّق).

الـ Solution يكون الدواء ذائب بالكامل داخل السائل، لذلك ما يحتاج رج قبل الاستعمال، لأن المادة الفعالة تكون متوزعة بشكل متساوي داخل القطرة.

أما الـ Suspension فتكون المادة الفعالة على شكل جسيمات دقيقة معلقة بالسائل، ومع الوقت ممكن تترسب بأسفل العبوة، لذلك لازم نرج القطرة جيداً قبل كل استخدام حتى تتوزع المادة الفعالة بشكل متساوٍ ونضمن أخذ الجرعة الصحيحة.