واكو شرابات لرفع مستوى iron اما وحدها او وياها عناصر ثانية مثل يلي بالصورة.

#TEBA_SAKIN

🟦انيميا بسبب نقصvit B12:

عندي parenteral Vit B12 وهو كلش فعال واكو oral من1000 الى2000mcg daily، ف نعالج الانيميا و الاعراض العصبية يلي تظهر على مريض الانيميا بسبب نقصB12.

#TEBA_SAKIN

🟦علاج الانيميا بس نقص folic acid:

ننطي folic acid tab(1_5mg) daily لمدة اربع اشهر... والابر نادر استخدامها..... والفولك اسد موجود باشكال ثانية مع مكونات ثانية كما في الصورة اعلاه.

#TEBA_SAKIN

كلمة Explore هي الكلمة الوحيدة الي لكيتها تجمعلنا عائلة الppi كلها

هاي الكلمة معناها استكشاف وعادة متظهر النا بالسوشيل ميديا والترندات ,
افضل مما نربطها بالترندات خل نربطها بـاستكشاف الغابات والبحار والحياة البرية وغيرها وهو هذا معناها .

عائلة الppi الي تستخدم لعلاج قرحة المعدة والاثني عشر والـ gerd وضمن علاجات جرثومة المعدة

عائلة الـ PPi

Esomeprazole (the S-isomer of omeprazole)
Dexlansoprazole (the R-enantiomer of lansoprazole)
Pantoprazole
Lansoprazole
Omeprazole
Rabeprazole

ليش الصيدلاني ( مالك الصيدلية ) _البعض ميصبر على الصيدلاني/ة الخريج جديد الى ان يستذكر المعلومات وياخذ على شغل الصيدلية

بينما يصبر على الدخيل يربيه من هو صغير الى اني يكبره ويسويه (( بياع محترف )) ويصبر على هفواته واخطائه بالأسعار واخطائه بالجرعات والتداخلات وتعظيم الكيسات البسيطة والتقليل من خطر الكيسات الخطرة وهذا كله جهلاً منه مو عن علم ابداُ

جرأة الدخلاء بالصرف جاية من جهلهم بمخاطر الأدوية مو من علمهم أبداً

ليش بالاعلانات مال تواجد يذكرون عبارات
أريد صيدلاني سبع
أريد صيدلاني قوي بالباي هاند
أريد صيدلاني عنده خبره

هو نفسه هذا الصيدلاني (الي تيده سبع) لمن كان طالب وجا يريد يدرب بعد المرحلة الثانية كلتله (دكتور متستفاد هسة بعدك ما اخذت فارما !؟ )
جاك بعد المرحلة الثالثة وتكول اله ( دكتور جوي متدربين قبلك ما اكدر استقبل متدربين)
وبعد المرحلة الرابعة اذا قبلته تكله انت ادرب وحدك وابحث واذا سألك تجاوبه نص جواب .

تيده من يتخرج يصير سبع ومن اول يوم يلزم شفت ؟!!!

حسبنا الله ونعم الوكيل عليهم

أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، ربّ أسألك خير ما في هذا اليوم وخير ما بعده، وأعوذ بك من شر ما في هذه الليلة وشر ما بعدها ربّ أعوذ بك من الكسل وسوء الكبر، ربّ أعوذ بك من عذاب في النار، وعذاب في القبر.

صبحكم الله بالخير والعافية .

استراحَ و أراح ...

طبعا للطرفة فقط

هذي الاكلات تكون حامضة وتأذي الي عنده قرحة وتخلي عميلة التئام القرحة يتأخر لذلك لازم يمتنع عنها قبل واثناء وبعد العلاج سواء كانت عنده جرثومة مسببتله قرحة او من المسكنات او stress ulcer

و للمعلومة حسب اخر شي قريته بالمصادر انه
هذي الاكلات
وبقية الاكلات الحارة والي بيها شطة وثوم وعمبة وصاص ودبس الرمان وغيرها من الاضافات الي تكون قوية على المعدة لوحدها لا تسبب قرحة ، يعني اذا الشخص سليم ما عنده قرحه من الاساس فمراح تصير عنده ولكن راح يحس بارتجاع مريئي وممكن عسر هضم واكيد يوصى بعدم الاكثار من هاي الاكلات او هاي الاضافات لان ممكن تضعف جدار المعدة وتخلي المريض اكثر عرضة لنشوء القرحة


ولكن اذا عنده قرحة راح تأذيه هواية وتأخر الشفاء لذلك يوصى بالابتعاد عنها واكل بعض الاطعمة الي تكون باردة على المعدة مثل الخيار واللبن والحليب والاكلات الي بدون بهارات أو بكميات قليلة الى ان يصير التئام healing للقرحة .

التحسس من الادوية - مقابلة مع صديق

السلام عليكم دكتور سيف (مسؤول وحدة العناية مركزة)

وعليكم السلام اهلا محمد (الكاتب)

🔸️محمد : دكتور اني سامع عن حساسية penicillin بس اليوم واحد اخذ من صدليتنا ابرة olfen ويكول صارت عنده حساسية.

🔹️د.سيف : حمودي الحساسية استجابة مناعية لها صور مختلفة تشمل اي مادة يعتبرها الجسم غريبة.

🔸️محمد : اي مادة حتى الاكل 😱
🔹️د.سيف : ليش ما سامع بحساسية الفول السوداني والحليب والحنطة

🔸️محمد : دكتور شلون اعرف تحسس المريض من العلاج ؟
سيف: ابني راح تتعبني اليوم😔 المهم ، تتقسم الى اربعة مراحل الحساسية :

1:mild anaphylaxis وتشمل طفح واحمرار و حكة وبطبوطات محدودة
2:moderate anaphylaxis تشمل تمدد اعراض المرحلة الاولى مع انتفاخ الشفاه واللسان
3:severe anaphylaxis وتشمل صعوبة التنفس وانخفاض ضغط الدم والدوار الشديد وهنا ندخل او نقرب على shock🫠
4:life threatening anaphylaxis وتشمل فقدان الوعي والقدرة على التنفس وكذلك بعض الاحيان نتيجة فقدان الارواء في الاعضاء الحيوية واذا ما تعالج في غضون دقائق ممكن يتوفى المريض.

🔸️محمد : شنو الدائرة الحمراء اللي يرسموها على مكان الحقن من يسوون اختبار التحسس🎨 ويكول حتى اعرف شدة التحسس .

🔹️د.سيف : هاي بس حتى نعرف مكان الحقن، وين بالضبط ونشوف اذا صار تحسس او لا.

🔸️محمد : جمال المضمد يكول خمس دقايق حقن بالجلد و تطلع النتيجة
🔹️د.سيف : والله جننتني بجمال المضمد ادري ترى الدنيا بها بروفسورات مختصين بالحساسية وما عدهم الثقة اللي عنده😎 المهم عندنا عدة طرق للاختبار راح اعدها لك بس عموما anaphylaxis ممكن يوصل لل peak بغضون 30min
1_ممكن اخلي قطرة من الدواء على الجلد مباشرة واخدش الجلد ب syringe او متشابه
2_احقن تحت epiderm بزاوية قليلة.
3_ادفع كمية قليلة جدا ومخفف بنسبة عالية I.V .
4_اعمل تحدي الدواء وادفع كميات قليلة جدا جدا وبشكل بطيء جدا وهذا المخضرمين مثلي هههههه 😆بس لازم الدواء مخفف ببطل N.S وراقب باستمرار متى ما ظهر تحسس اقطع مباشرة.. ذكرني احجيلك قصة صارت وياي ايام كورونا.

🔹️د.سيف : شو صافن
🔸️محمد : لا دكتور بس كنت اسأل شنو اكثر الادوية اللي تسوي تحسس
🔹️د.سيف : penicillin و NSAIDs و صبغات القسطرة و CT

🔸️محمد : عندي سؤال حاير بيه يجوز ما تعرف عنه خلي اسأله للصيادلة😉.

🔹️د.سيف : لا اسأل عمك يعرف كلشي😎.

🔸️محمد : اذا هو التحسس من penicillin كثير المفروض كل واحد ياخذ Cephalosporines يتحسس لان يتشاركون beta lactam ring بس ليش اقل هم🧐.
🔹️د.سيف : ترا ما يرادلها شي اذا كان التحسس من beta lactam راح يتحسس منهم الاثنين واذا من ال side chain ممكن يتحسس اذا تشابهت وعادة الاجيال المتقدمة من ال cephalosporines اقل تسببا بالتحسس.

🔸️محمد : زين دكتور اختلاف الشركات لنفس الدواء ممكن يسبب حساسية 🤨.
🔹️د.سيف : ما اعرف صراحة بس لاحظت امثلة عليه خلال الخمس السنوات اللي داومت بيها هنا.

🔸️محمد : اني خلي احجيلك عن شي اسمه Excipients وهي مكونات الدواء اللي ما يكون لها تأثير علاجي لكن توضع لغرض زيادة الذوبانية واستقراية الدواء بالعربي يتسمى سواغات باوربا اكو قانون يلزم الشركات باستخدام نفس السواغات لنفس الدواء.
🔹️د.سيف : فعلا معلومة حلوة 😲

🔸️محمد : طبعا حلوة سيد لعد خمس سنوات صيدلة شنو كنا نسوي.. زين اذا الدواء ماكو غيره شلون(يعني كمادة فعالة ماكو الها بديل ومضطرين حيل نستخدمها) .
🔹️د.سيف : صراحة ما مرت عليه حالة مشابه بس بهاي الحالة يعمل desensitization يعني يضحكون على الجهاز المناعي يعطونه الدواء على شكل جرعات قليلة ومستمرة حتى نصل full dose وتمشي الامور.

🔸️محمد : يعني اكو حل للحساسية🤩.
🔹️د.سيف : للاسف يرجع يتحسس بعد فترة منه👻.
🔸️محمد : زين دكتور منو الاشخاص اللي اخاف منهم وما اسوي اختبار حساسية حتى لو عندي علاجات التحسس .
🔹️د.سيف : جماعة امراض القلب و الرئة والربو.

🔸️محمد : والمعنى
🔹️د.سيف : ابو القلب ما يتحمل ويروح فيها و ابو الرئة ممكن يحتاج جهاز اوكسجين والربو هو اصلا ضيق تنفس شلون اذا صار عنده bronchospasms اكثر .

🔸️محمد : زين شنو ادوية ال anaphylactic shock .
🔹️د.سيف : عد وياي
1_epinphrine مرات يحتاج اعادة بعد ربع ساعة
2_allermine
3_H.C
4_O²
5_theophilline مرات دكاترة يمشوه ومرات
لا يكولون ما يفيد
By:
#MOHAMMED.K.SHIHAB