الغرض من السؤال هو حتى نفهم المريض لمن يقول أني دا اشوف احلام مزعجة بعد ما اخذت هذا الدواء (يقصد الـ propranolol)
‏

مثل منعرف وقت العصر أحيانا يكون النوم بي مزعج وغير مريح والأحلام اللي نشوفها غير مفهومة وممكن تكون مخيفة (مثلا يحلم الشخص يسقط من عمارة على الارض)

وهذا اللي بيصير مع المرضى اللي ياخذون الـ propranolol

‏بحيث يشوفون أحلام لمن ينامون (اقصد نوم الليل) تكون مزعجة، غريبة، أحداثها متداخلة ،غير مفهومة، مخيفة و تكون كوابيس تخلي المريض يگعد المريض خايف ونومه يكون مضطرب لان يخاف اذا يرجع ينام يرجع يحلم بهذا الحلم المزعج .

فبما انه احنا مارين بحالة مشابهة الى حد ما وهي (احلام العصر) وكيف تأثر علينا ، ممكن ،بهذا الربط نفهم المريض اكثر ونعرف الموضوع شكد مزعج .

وكون الـ propranolol يسبب هذا الشي أكثر من غيره من عائلة الـ beta blocker
كونه highly lipid soluble ويعبر ال BBB بسهولة ويوصل للـ brain

ولكن بنفس الوقت استخداماته كثيرة فلذلك خلو ابالكم هذا الـ advers effect

الحل شنو ؟

🔸ممكن يقللون الدوز
🔸يستبدل بـ beta blocker ثاني اقل وصولا للدماغ
🔸او ممكن يضل عليه لان ممكن بس بالبداية راح يسبب عند المريض هذا التأثير

- https://docs.google.com/forms/d/e/1FAIpQLSdCOLuxaDMbpsuwiGR7hrKoJjVw4rYsD0irEnNkE69CyyYj3A/viewform?usp=sf_link

*استبيان بحث تخرج عن Sunscreen املوا طلاب ما ياخذ من وقتكم دقيقة وبميزان حسناتكم.🩵

خلي ابالك صحيح أنه
Prevention is better than cure

ولكن اذا كان الـ Prevention يكلف المريض أكثر من الـcure فالمريض مراح يعتمد على الـprevention ، حتى اذا اصابه المرض حينها يبدأ يبحث عن الـcure

وأقصد بالكلفة هنا
المال
الوقت
الجهد
وقد تكون الكلفة على شكل أحد هذهِ الصور الثلاثة او تكون بعضها او جميعها .

يله ناخذ أمثلة عن المنشور السابق
(اقروها تفيدكم)

✅ المال مثلا
اذا الشخص يريد يتبع نمط الحياة الصحية من أكل وشرب ورياضة

فالزيوت الضارة ارخص من الزيوت النافعة غير الضارة مثل (زيت الزيتون الاصلي غالي )
العسل الطبيعي غالي
اللحوم الي ترعى غالية والمستورد رخيص وهكذا…

بالمقابل الاطعمة والمشروبات الضارة والمعلبات رخيصة
(اني اعرف هسة تكولون ممكن يتبع نظام حياة صحي بدون ميصرف واكو بدائل بالاطعمة والمشروبات وغيرها هذا الشي اني وانتو نعرفه المرضى ميعرفوه ، هم متخيلين الحياة الصحية مكلفة أكثر وهنا واجبكم توعية المرضى واقتراح البدائل الصحية الارخص)

وكذلك مننسى التحاليل

هواية مرضى ميسوون تحاليل او زيارات للمراكز التخصصية للكشف عن الامراض ومعالجتها او ادارتها بشكل مبكر مثل السكر والضغط والدهون وبعض انواع السرطانات (مثل سرطان الثدي) عافانا الله وإياكم

فالـ prevention هنا يكلف 💰💸



✅ الوقت ⏰والجهد 💪
مثلاً لو كان اكو شخص يحاول مينصاب بالانفلونزا ، لمن يجي فصل الشتاء لازم يبقى بشكل يومي يخلي كمامة (ماسك) على وجهة وميصافح احد او يصافح عدد قليل من الي يواجهم بالمدرسة او الكلية او العمل الو التجمعات بشكل عام .

شكد ياخذ منه وكت هذا الشي ؟ وشكد ياخذ منه جهد ولازم يوضحلهم انه ما يصافحهم ويكول الهم (اني اخاف انصاب بالانفلونزا واذا انصابيت اتأذى وابقى ايام كثيرة ما اطيب لان مناعتي ضعيفة )

وتعرفون احنا المصافحة والتقبيل عدنا من العادات فلازم كل شخص متصافحه لازم توضحله

👈راح تمل من الموضوع وتتعب وتكول الله كريم عود لو انصبت اخذ علاج وهاهية .


والامثال كثيرة …


✅ كذلك نضيف عليها الخوف
طيب ، مثل شنو ؟
الخوف من اللقاحات ، الناس تخاف تاخذها (بسبب الجهل وعدم الوعي الصحي عند المرضى ) ويمنعون اطفالهم انه ياخذوها ومن ينصابون بالمرض المعدي وتصير اصابتهم قوية ويتأذون بوقتها يبدون ياخذون علاجات ويراجعون اطباء هواية بحثاً عن الـ cure .

ومن البداية لان لو ماخذين اللقاح كان صارت اصابتهم خفيفة مو قوية .

كذلك الي يستحوون اذا كانت طرق الـ prevention تتعارض مع العادات والتقاليد ، فحتى لا يتعرضون للإنتقاد مضطرين يتركوها .

منو يحب يذكر النا أمثلة ثانية يتفضل بالتعليقات ⬇️
#M_A_F

🔹شباب نصيحة من القلب، انتم هسة بمرحلة كلش مهمة(مرحلة الجامعة)، فلا تخلون الأمور السياسية أو الأحداث اللي تصير بالبلد او خارج البلد تأثر على دراستكم وتسببلكم قلق وتوتر .

هاي الشغلات أكبر منكم وما بيدكم تغيروها، بس مستقبلكم بيدكم وتقدرون تبنوه بالنجاح والاجتهاد. لا تضيعون وقتكم بشي ما يفيدكم، ركزوا على دروسكم وامتحاناتكم، لأن هذي هي الفرصة اللي راح تحدد طريقكم بالحياة. خلو أولويتكم الدراسة، والباقي كله يصير بعدين، لأن الوقت اذا راح صعب يرجع، رالي تزرعوه اليوم تحصدوه عن قريب بإذن الله .

هذا ميعني انه منقدم الي نكدر عليه من دعاء لإخوانا وغيرها من الطرق المشروعة 👍.
#M_A_F

كتاب قصير جدا
ولكن التغيير والفارق الذي سيصنعه في حياتكم كبير جدا انصح بقرائته وبشدة
واذا نفعكم انفعوا به غيركم ✨🪽🙏

مشاركة احمد خيري العمري الذين لم يولدوا بعد .pdf

✨دعاء وقت السَّحَر ✨

مع نسمات وقت السَّحَر ، نرفع أيدينا إلى سائلين الله القبول والتوفيق:

اللهم في هذه الساعات المباركة، نسألك أن تغفر لنا ذنوبنا، وتقبل أعمالنا الصالحة، وتكتب لنا الخير في الدنيا والآخرة. اللهم اجعل لنا من كل همٍّ فرجًا، ومن كل ضيقٍ مخرجًا، وارزقنا من حيث لا نحتسب.

اللهم وفِّق طلابنا في دراستهم وامتحاناتهم، سهّل عليهم كل صعب، وبارك لهم في أوقاتهم وجهودهم، وأرزقهم الفهم والتيسير والتفوق. اللهم اجعل النجاح حليفهم، واكتب لهم التوفيق في كل خطوة، واملأ قلوبهم طمأنينة .

يا رب، في هذا الوقت المبارك، استجب دعاءنا، وارزقنا الإخلاص في القول والعمل، وأكرمنا بنور الهداية والتوفيق.

اللهم آمين يا رب العالمين

حسن الاستماع للوالدين…

من تجلس ويا أمك وأبوك، لا تحاول تبين نفسك أنك فاهم كل شي وما تحتاج أحد يعلمك، حتى لو كنت عندك علم ومعرفة، خفّف من نفسك، وخلي عندك تواضع، حسّسهم انه بعدك تتعلم منهم، لأن هذا الشي يفرحهم ويخليهم يحسون أن دورهم بحياتك ما انتهى.

مهما كبرت وصرت مستقل، تبقى بنظر أهلك طفلهم اللي يحتاج توجيه ونصيحة. وهذا مو انتقاص منك، هذا حب ورحمة وخوف عليك.

لذلك، لما تكون سامع معلومة وقد تكون تعرفها بأدق تفاصيلها، وامك او ابوك يسولفوها الك ، لا تقاطعهم ولا تسابقهم بالحچي، خليهم يسولفون على راحتهم، استمع لهم بكل احترام، لأن هذا من حسن الأدب، ومن البر اللي يجيب لك رضاهم ورضا الله.

أكو طلاب من تجي فترة الامتحانات، يصير عندهم دافع غريب يغيرون بيه حياتهم!
يبدون يلتزمون بأكل صحي، يسوون دايت، يتمشّون، أو حتى يقررون يرتبون حياتهم ويغيرون روتينهم بالكامل!

شوفوا

هذا كلّه مو صدفة، هذا “محاولة من عقلنا انه يقلل من الضغط الي عليه (لان اغلبنا باليومي منقرا وبالامتحانات نقرا ساعات هواية)”.
يعني عقلك يتهرب من التوتر والضغط الدراسي، فيخدعك إن التغيير هو الحل، بينما بالحقيقة هذا مو وقته.


تغيير العادات والسلوكيات يحتاج طاقة وتركيز، وإنت حالياً محتاج تركّز كل طاقتك على الامتحانات وبس.
خلّ التغيير بعدين، بعد ما تخلص ضغطك، وتركز براحتك على نفسك.

ومننسى ،الأشياء المحرّمة أو اللي تضر غيرك، هاي لازم تتركها فوراً وبدون تأجيل، سواءً بفترة الامتحانات أو غيرها.

فلا تنخدع، وركّز على هدفك الأول حالياً: “النجاح والتفوق بالامتحانات”.
التغييرات الثانية كلها تكدر تأجلها، بس الامتحان ما ينتظر!

بالتوفيق للجميع.

من جديد🎉 وبالنسخة الثالثة المتكامله يعود كورس التدريب الصيفي المقدم من اكاديمية
💊Train Help Fly 💊

✌️هذي السنه حيكون كورس التدريب الصيفي متميز ومختلف جدا عن اي كورس ممكن ياخذة الطالب بحياته👍
راح نحقق وياكم رؤية الاكاديمية train اي التدرب بافضل افضل طريقة ممكنه وبالتالي نقدر تقدم ال help للناس الي تحتاجة بافضل طريقة ممكنه وبالتالي fly في العلم والمكانة والخير 🦾
مميزات الكورس
1️⃣هذا الكورس تم اعدادة بطريقة كانو تدريب حقيقي تسهيلا للطلبه الي ميقدرون يحصلون صيدليات يتدربون بيها او ماكو احد يدربهم 💊
2️⃣الكورس يتضمن كيسات من المستشفى مع تداخلاتها الكامله حتى يكون مفيد الكم بالتدريب الصيفي والامتحان التدريبي والاهم من تتعينون بالمستشفى

3️⃣المختلف بالكورس انو الشرح فديوهات معدة بطريقة منهج السريرية مقدمة عن المرض التشخيص العلامات السريرية على المريض ثم الدخول في الادوية وعوائلها وافرادها وجرعها وصورها

4️⃣محتويات الكورس راح تكون ع جزأين تتضمن اهم اهم السستمات الي يحتاجها الطالب او الخريج بالتدريب او الدراسه

5️⃣بعد كل سستم ينهي الطالب في امتحان يكافىء ويعادل التدريب الواقعي ويعتبر شرط نجاح بي حتى ينفتح للمتدرب السستم الي بعدة

6️⃣كل جمعة في ميت لمدة ساعة للاجابه على كافه اسئلة المتدربين حول الكورس التدريبي او الاشياء الي تواجههم بالصيدليه سواء علميه او تتعلق بالكوميونكيشن سكل

7️⃣تدريب على حساب الجرع من ضمن منهج التدريب سواء كانت حبوب شرابات او ابر 💉

8️⃣راح تكون اكو فقرات تفاعليه وتنافسيه كل اسبوع وممكن ع اثرها يصير تخفيض او هديه للمتدرب الاكثر تفاعلا وانضباطا 🎯

9️⃣في فديوهات من السنه الماضيه على اليوتيوب تقدرن تطلعون ع الشرح والتفصيل والتدقيق الي بي وتقارنها بنفسكم وية اي شرح ثاني وانتوا بعدها تقررون
🔟 كذلك يتضمن فويسات او فديوهات عن الكوميونكيشن سكل وكذلك تحفيز للتدريب والدراسه

هذا نموذج من الفديوهات وادخلوا ع قناة اليوتيوب في نماذج اكثر واكثر ✌️
https://youtu.be/NczeYn5Vvgc?si=9YMeP35O9w9vbU1_

🔸للإشتراك @Academyleader22

🔸️ تفاصيل كورس التدريب الصيفي للصيادلة وطلبة كلية الصيدلة 🔸️

مبلغ الكورس الكامل: 50,000
🔹️ الجزء الأول فقط: 25,000
🔹️ بإمكانكم الدفع على قسمين (لكل جزء على حدة) أو دفع المبلغ كاملًا دفعة واحدة حسب راحتكم.

⸻

🧠 محتوى الكورس مُقسّم إلى جزأين:

🔻 الجزء الأول يشمل:
• الجهاز الهضمي (GIT)
• الجهاز القلبي الوعائي (Cardio)
• الجهاز التنفسي (Respiratory)
• المضادات الحيوية (Antibiotics)
• الكريمات والمراهم الجلدية (Creams & Ointments)

🔻 الجزء الثاني يشمل:
• الفيتامينات والمعادن (Vitamins & Minerals)
• المسكنات (Analgesics)
• الكورتيزونات الفموية والحقن (Oral & Injectable Corticosteroids)
• مضادات الهيستامين (Antihistamines)
• أدوية الغدة الدرقية (Thyroid Medications)
• أدوية السكري (Diabetes Medications)
• أدوية العيون (Eye Drops & Ointments)
• الأدوية النسائية (Gynecology Drugs)

⸻

📌 ملاحظة: الاشتراك مرن، بإمكانك دفع مبلغ الجزء الأول فقط، ثم استكمال الجزء الثاني لاحقًا، أو تسديد الكورس كاملًا دفعة واحدة.

📌 الدفع على زين كاش أو على الماستر
📞 للتسجيل أو الاستفسار
@Academyleader22

نصيحة✨
خليك وسط بالتعامل المريض
يعني شلون ⁉️

🔹لا تخوفه من الادوية وتبدي تذكر اله الاثار الجانبية كلها الشائعة وغير الشائعة وشنو ممكن الدوا يسوي مثلاً
يرفع الضغط
يسوي قرحة
يأذي الكلية
وووو الخ
(خصوصا اذا يثق بيك)
بالتالي المريض يكوم يخاف ياخذ ادوية حتى لو لمن يكون مريض ومحتاج ياحذ علاج مراح ياخذ يكول الادوية مضرة وتأذي وتسوي كذا وكذا ،
مثلا عباله الفولتارين من يرفع الضغط خلص بعد مينزل او يأذي الكلية بشكل كبير او يسوي قرحة من اول كم حبة

▫️بالتالي انت هنا خوفته زيادة عن اللزوم
لازم توضحله انه الادوية بمتابعة الصيدلاني والطبيب متأذيك وتفيدك بس استشير المختص قبل لا تاخذ الادوية .

🔸بالطرف المقابل تلاكي مريض ميدير بال ،مسوي الادوية مثل الكرزات ياخذ شنو يريد وشوكت ميريد وبالجرعة الي يريدها … هذا النوع من المرضى لازم نخوفهم يعني كله الادوية تأذيك واذكر اله الاثار الجانبية وشنو ممكن يصير بالاستخدام الكثير للادوية ( مثلاً المقاومة للمضادات الحيوية ) واذكر اله انه اكو تدخلات بين الادوية مع الادوية والادوية مع الطعام ولازم تستشير الصيدلاني حتى يچيِّك🔎 ادويتك اذا بيها تداخل او لا وشلون ممكن تستفاد من الادوية بشكل افضل والاستشارة مجانية متكلفك شي
هالشكل يكون التصرف الصحيح

🔺لهذا كلت بالبداية خليك وسط مع المريض ، يعني شلون ؟

الجواب /اكلك اخذ وانطي وياه بالحجي ، وانطيه مساحة يحجي ويكول الي يريده حتى تعرف هو

📍 من النوع الاول الي يخاف زيادة (فبالتالي لازم تطمنه وتوجهه على الشي الصحيح )

📍لو من النوع الثاني الي متساهل وميدير بال (هنا لازم تخلي يخاف شوية علمود مصلحته وصحته )

📍لو هو انسان معتدل لا من النوع الاول ولا الثاني✅
👈👈كورس التدريب الصيفي
👈بوت التواصل بهوية مجهولة @THFchatbot لكافة الاستفسارات
#M_A_F

نصيحة للطلاب المقبلين على التدريب الصيفي ، تعاملك مع المريض ميقل اهمية عن علميتك ، لذلك اشتغل على الاثنين سوية اثناء تدريبك .

خل نعرف سوا شنو معنى هذا المصطلح المهم 💯

✅الـ "prototype" مال الأدوية هو الدواء الأم أو الأول في مجموعة أدوية معينة. يكون هو المثال الأساسي الي يقارنون فيه باقي الأدوية الجديدة، ويكون اول دواء مكتشف بالمجموعة الدوائية ( الـclass) .

👈👈الصفات الاساسية :
1. أول دواء في المجموعة– غالباً هو أول دواء يكتشف في هالصنف.
- مثال: المورفين (prototype of opioids ).
2. المقياس للمقارنة – الأدوية الجاية بعده بتكون شبيهة فيه أو معدلة.
- مثال: البروبرانولول (prototype of beta-blocker)، والأدوية الجديدة مثل atenolole تقارن فيه.
3. يمكن ما يكون الأفضل– الأدوية الجديدة غالباً تحمل مواصفات افضل منه من ناحية الـ pharmacokinetic والـpharmacodynamics.

@THFchatbot

يله ناخذ كوزات عن الprototype لأهم فئات الأدوية