شلون تعرف التفريغ متعوب عليه ؟
حتى الـ أهلاً بيكو مال د. عبد المتعال تلكيها مكتوبة

استبيان بحث التخرج لطلبة كلية الصيدلة

🔺يرجى الإجابة فقط من الصيادلة والاطباء المعينين او العاملين في القطاعات الصحية لفترة أكثر من سنة على الأقل

الإستبيان مياخذ من وقتكم بس 5 دقايق 👍
وشكراً جزيلاً لحضراتكم

https://docs.google.com/forms/u/1/d/e/1FAIpQLSfAp8ejE78duT1yIlasbTCWpfj6NLgs3MMJFKCL4bMkX8ZLcA/viewform?usp=send_form

شنو تتوقعون الي دا يصير للـ Rat بهذا الوضع ⁉️

مكان مرتفع ومتقاطع

بي جزء اذا دخل بي الـ rat فهو شي امان ومراح يسقط على الارض

وبي جزء غير محمي اذا مشى عليه الـRat فاحتمال يسقط على الارض

اذا نسهلها شوية
فهو
Animal model of………. .

#M_A_F

♦️من ألطف ما قرأت بالمصادر …
هذا الي بالصورة يسموه
The ‘elevated cross maze’ is a widely used test model

وهو يعتبر
🔺ANIMAL MODELS OF ANXIETY

🔹شافو انه الفئران لمن يخلوها على هذا التركيب المرتفع اغلب الوقت تبقى بالتقاطع الي بيه مثل الحوامي او الجدار الي (مؤشر عليه باللون الاخضر) لان هذا شي يعتبر امان الها وهذا شي يعبر عن قلقلها وخوفها من انه تسقط من هذا الارتفاع على الارض فتدخل بهذا المكان الي بي حوامي يحميها من السقوط .


👈هنا شافو لمن يعطون anxiolytic drug

انه الفئران كامت تطلع مرات اكثر من المكان الي بيه حوامي الى المكان الي ما بيه حوامي (الي مؤشر عليه باللون الاحمر) وتبقى وقت اكثر بيه

🔸يعني بإختصار
قبل الـ anxiolytic drug
كانت تبقى بالمكان الي بيه حوامي وقت اكثر واذا طلعت منه فتبقى شوية وترجع

أما بعد اعطائها الـ anixyolytic drugs
كامت تطلع من المكان الي بيه الحوامي الى المكان الي ما بيه حوامي (يعتبرخطر وشي مسبب للقلق الها ) مرات أكثر وكذلك من تطلع تبقى فترة اطول قبل لا ترجع .
#M_A_F

هنا مثلاً الـ Diazepam
يعتبر من مزيلات القلق

قبل لا يعطون اي جرعة كان الوقت الي يقضيه الـRat بالجزء الي ما بيه حوامي (الي يعتبر مكان غير آمن وممكن يسقط على الأرض من هذا الإرتفاع) فقط 3 ثواني

أما بعد اعطاء الـ Diazepam

بدأو يزيدون الجرعة تدريجياً الى أن وصلوا الى 3mg/kg فالـ Rat بقى بالجزء الي ما بيه حوامي (الي يعتبر مكان غير آمن ) حوالي 80 ثانية … فرق كبير

وأكيد بسبب الدواء لأن قلل عنده الـ Anxiety
معلومات أكثر بالتعليقات ⬇️لمن يرغب
#M_A_F

شنو يجي ابالكم indication لهذا الثنائي غير استخدامهم الأساسي

"إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"

اللهم صل وسلم وبارك على حبيبنا محمد وعلى اله وصحبه وسلم تسليما كثيراً

استخدام هذا الثنائي كـ Prophylaxis of Migraine يعني لأشهر وسنوات بشكل يومي

ومتنفع من ياخذها المريض بالـ acute attack

بس ممكن حتى بالجرعات القليلة تظهر الاثار الجانبية

مثلا الـ propranolol يصير عند المرضى احلام مزعجة وميرتاح بنومه
وكذلك الـ fatigue يكول المريض حيلي واكع خلال اليوم

والـ Amitriptylin يسبب نعاس فياخذوه باليل افضل كذلك تكون عنده anticholinergic effect وتكون مزعجة خصوصاً عند كبار العمر الي عدهم prostate enlargement و الـ glucoma مثلاً


الـacute attack ياخذون الها الـ NSAID والـ Triptans تكون فعالة

#M_A_F

⛔️هذي فرصتكم الي متتعوض طلاب الصيدليه المرحلة الرابعة كورس ثاني
مادة السريرية المنهج الوزاري 🔥
كامل الشرح مالته باكثر تفصيل ممكن تشوفوا بحياتكم 👌
بشرح د انسام عدنان
استغلوا العطله وكملوا المادة واسبقوا أقرانكم وحصلوا الامتياز 💯
لان ثقوا مع هذا الشرح والتفصيل واذا اشتركتوا هسة ماكو اي سبب يحول بينكم وبين الامتياز 💯
واسألوا مشتركي الدورة السابقة
للاشتراك وكافه التفاصيل مراسه المعرف
@CoMind_Supporting
لتضيعون الفرصه وبلشوا من هسة 👌

👈الاخ دا ينشر طريقة شلون نحصل على مقاومه للازيثرومايسين خلال كم سنة
بعد ظهور مقاومة للمضادات الحيوية مثل الأموكسيل وغيره الدور جاي على الأزيثرومايسين

شوفو الطريقة هنا

https://t.me/Academyleader22/s/10

الطريقه انه تقول للمرضى انه هذا الدواء :

✅فعال

✅آمن

✅رخيص

✅متوفر

✅مره واحده باليوم ينأخذ (اتشجعهم أكثر)

✅ولكل شي يشتغل تيده للجهاز التنفسي تيده للجهاز المعوي للإلتهابات الجلدية جوكر مسويه


👈👈يعني بعد شيريد المريض دلال مدليليكم الدخلاء يروح لأقرب صيدلية ويجيبله فد باكيتين ويسوي الدواء مثل الكرزات شوكت ما عجبه ياخذ منه


🔹أول مرة شفت الفديو الأخ كال بنهاية الفديو ( يرحم والديكم …) كلت بگلبي اي راح يكول لاتاخذوه الا بوصفة طبيب الا بإستشارة صيدلاني حتى المرضى لا ياخذون من كيفهم

طلع يكول ( يرحم والديكم اذا الفديو حلو سووله إعادة نشر ترى تعبت )
هذا شتحجي وياه ‼️‼️‼️‼️‼️

النتيجة شنو ⁉️

مقاومه المضادات الحيوية يخلي المجتمع امام كارثه كبيره جدا واحتمالية الرجوع الى الفترة الي كان الناس يموتون بسبب ظهور حباية على الجلد فقط (التهاب بكتيري) قبل لا تكتشف المضادات الحيوية هذا كان حال الناس يموتون من التهاب بكتيري جلدي بسيط وانتو تخيلوا الوضع …

والجماعة يريدون يرجعونا لهيچ وضع

فضلا عن عدم شفاء او صعوبة شفاء كثير حالات من الالتهابات البكترية الي دا نشوفها بالواقع حالياً اقصد بسبب المقاومة الي سووتها البكتريا للمضادات الحيوية

ويبقى المريض اشهر ياخذ مضادات حيوية حتى تقضي على الالتهابات البكتيرية ومع ذلك بصعوبة شديدة يله يقضي على البكتريا

#الدخلاء_خطر_على_المجتمع
#M_A_F

حتى لا تنسون الـ spacer جماعة الرابع ! الي يستخدم مع بخاخات الربو
شوفو الفديو
https://t.me/Academyleader22/s/11

راح تاخذوه بموضوع الربو بالكورس الثاني ان شاءالله بمادة السريرية
بس ليش يستخدموه ؟!
#M_A_F

الغرض من السؤال هو حتى نفهم المريض لمن يقول أني دا اشوف احلام مزعجة بعد ما اخذت هذا الدواء (يقصد الـ propranolol)
‏

مثل منعرف وقت العصر أحيانا يكون النوم بي مزعج وغير مريح والأحلام اللي نشوفها غير مفهومة وممكن تكون مخيفة (مثلا يحلم الشخص يسقط من عمارة على الارض)

وهذا اللي بيصير مع المرضى اللي ياخذون الـ propranolol

‏بحيث يشوفون أحلام لمن ينامون (اقصد نوم الليل) تكون مزعجة، غريبة، أحداثها متداخلة ،غير مفهومة، مخيفة و تكون كوابيس تخلي المريض يگعد المريض خايف ونومه يكون مضطرب لان يخاف اذا يرجع ينام يرجع يحلم بهذا الحلم المزعج .

فبما انه احنا مارين بحالة مشابهة الى حد ما وهي (احلام العصر) وكيف تأثر علينا ، ممكن ،بهذا الربط نفهم المريض اكثر ونعرف الموضوع شكد مزعج .

وكون الـ propranolol يسبب هذا الشي أكثر من غيره من عائلة الـ beta blocker
كونه highly lipid soluble ويعبر ال BBB بسهولة ويوصل للـ brain

ولكن بنفس الوقت استخداماته كثيرة فلذلك خلو ابالكم هذا الـ advers effect

الحل شنو ؟

🔸ممكن يقللون الدوز
🔸يستبدل بـ beta blocker ثاني اقل وصولا للدماغ
🔸او ممكن يضل عليه لان ممكن بس بالبداية راح يسبب عند المريض هذا التأثير

- https://docs.google.com/forms/d/e/1FAIpQLSdCOLuxaDMbpsuwiGR7hrKoJjVw4rYsD0irEnNkE69CyyYj3A/viewform?usp=sf_link

*استبيان بحث تخرج عن Sunscreen املوا طلاب ما ياخذ من وقتكم دقيقة وبميزان حسناتكم.🩵

خلي ابالك صحيح أنه
Prevention is better than cure

ولكن اذا كان الـ Prevention يكلف المريض أكثر من الـcure فالمريض مراح يعتمد على الـprevention ، حتى اذا اصابه المرض حينها يبدأ يبحث عن الـcure

وأقصد بالكلفة هنا
المال
الوقت
الجهد
وقد تكون الكلفة على شكل أحد هذهِ الصور الثلاثة او تكون بعضها او جميعها .

يله ناخذ أمثلة عن المنشور السابق
(اقروها تفيدكم)

✅ المال مثلا
اذا الشخص يريد يتبع نمط الحياة الصحية من أكل وشرب ورياضة

فالزيوت الضارة ارخص من الزيوت النافعة غير الضارة مثل (زيت الزيتون الاصلي غالي )
العسل الطبيعي غالي
اللحوم الي ترعى غالية والمستورد رخيص وهكذا…

بالمقابل الاطعمة والمشروبات الضارة والمعلبات رخيصة
(اني اعرف هسة تكولون ممكن يتبع نظام حياة صحي بدون ميصرف واكو بدائل بالاطعمة والمشروبات وغيرها هذا الشي اني وانتو نعرفه المرضى ميعرفوه ، هم متخيلين الحياة الصحية مكلفة أكثر وهنا واجبكم توعية المرضى واقتراح البدائل الصحية الارخص)

وكذلك مننسى التحاليل

هواية مرضى ميسوون تحاليل او زيارات للمراكز التخصصية للكشف عن الامراض ومعالجتها او ادارتها بشكل مبكر مثل السكر والضغط والدهون وبعض انواع السرطانات (مثل سرطان الثدي) عافانا الله وإياكم

فالـ prevention هنا يكلف 💰💸



✅ الوقت ⏰والجهد 💪
مثلاً لو كان اكو شخص يحاول مينصاب بالانفلونزا ، لمن يجي فصل الشتاء لازم يبقى بشكل يومي يخلي كمامة (ماسك) على وجهة وميصافح احد او يصافح عدد قليل من الي يواجهم بالمدرسة او الكلية او العمل الو التجمعات بشكل عام .

شكد ياخذ منه وكت هذا الشي ؟ وشكد ياخذ منه جهد ولازم يوضحلهم انه ما يصافحهم ويكول الهم (اني اخاف انصاب بالانفلونزا واذا انصابيت اتأذى وابقى ايام كثيرة ما اطيب لان مناعتي ضعيفة )

وتعرفون احنا المصافحة والتقبيل عدنا من العادات فلازم كل شخص متصافحه لازم توضحله

👈راح تمل من الموضوع وتتعب وتكول الله كريم عود لو انصبت اخذ علاج وهاهية .


والامثال كثيرة …


✅ كذلك نضيف عليها الخوف
طيب ، مثل شنو ؟
الخوف من اللقاحات ، الناس تخاف تاخذها (بسبب الجهل وعدم الوعي الصحي عند المرضى ) ويمنعون اطفالهم انه ياخذوها ومن ينصابون بالمرض المعدي وتصير اصابتهم قوية ويتأذون بوقتها يبدون ياخذون علاجات ويراجعون اطباء هواية بحثاً عن الـ cure .

ومن البداية لان لو ماخذين اللقاح كان صارت اصابتهم خفيفة مو قوية .

كذلك الي يستحوون اذا كانت طرق الـ prevention تتعارض مع العادات والتقاليد ، فحتى لا يتعرضون للإنتقاد مضطرين يتركوها .

منو يحب يذكر النا أمثلة ثانية يتفضل بالتعليقات ⬇️
#M_A_F

🔹شباب نصيحة من القلب، انتم هسة بمرحلة كلش مهمة(مرحلة الجامعة)، فلا تخلون الأمور السياسية أو الأحداث اللي تصير بالبلد او خارج البلد تأثر على دراستكم وتسببلكم قلق وتوتر .

هاي الشغلات أكبر منكم وما بيدكم تغيروها، بس مستقبلكم بيدكم وتقدرون تبنوه بالنجاح والاجتهاد. لا تضيعون وقتكم بشي ما يفيدكم، ركزوا على دروسكم وامتحاناتكم، لأن هذي هي الفرصة اللي راح تحدد طريقكم بالحياة. خلو أولويتكم الدراسة، والباقي كله يصير بعدين، لأن الوقت اذا راح صعب يرجع، رالي تزرعوه اليوم تحصدوه عن قريب بإذن الله .

هذا ميعني انه منقدم الي نكدر عليه من دعاء لإخوانا وغيرها من الطرق المشروعة 👍.
#M_A_F