🔹‏حتى نفهم هاي الصورة خلي نتكلم شوية عن الشق الشرجي (بالعامية بلهجتنا يعني ، يسموه الفطر الشرجي) وهو عبارة عن شق (نكدر نكول مثل الجرح) في الطبقة التي تسمى mucosa التي تبطن الـ anal canal يعني (القناة الشرجية) .
‏
🔹المريض يعاني من ألم وممكن يصاحب الألم نزف ويلاحظ المريض الدم من يدخل للحمام يكون بلون الدم الطبيعي .

يصير عند الأطفال يصير عند البالغين كذلك
‏أهم أهم أهم أسباب الشق الشرجي هو الإمساك لفترات طويلة

هاي الصورة بدايةً المريض يصير عنده إمساك لأن ما يتحرك وما يأكل ألياف كافية خلال اليوم وما يشرب ماي كمية كافية بالتالي يصير عنده إمساك لفترة طويلة (اسابيع وممكن اشهر) بعد الإمساك راح يصير عنده الشق الشرجي مثل ما ذكرنا

من أعراض الشق الشرجي هو الألم والألم قد يكون شديد جدا لا يُحتمل ، والألم يظهر ويزداد عند قضاء الحاجة يعني عند دخول الحمام بالتالي المريض يعمل على عدم دخول الحمام وتأخير دخول الحمام

زين واذا اخر الدخول للحمام شراح يصير ⁉️
اللي راح يصير الجزء الأخير من الأمعاء الغليظة سوف يستمر في امتصاص السوائل من البراز حيث سيصبح البراز صلب جدا لأن المريض تأخر في دخول الحمام عند الشعور في رغبة في الدخول الى الحمام (خوفاً من الألم)

هنا اللي راح يصير بعد يوم أو يومين راح يدخل المريض إلى الحمام بس البراز اصبح صلب راح يسبب ضغط على هذا الشق فيوسع الشق ويصبح أكبر ولا يلتأم (مو كلنا هو مثل الجرح اذا الجرح الي بإيدك مثلا تبقى بين فترة وفترة تضغط عليه يطيب ؟ اكيد ميطيب ) يعني ما يطيب بسبب الضغط الذي سببه الإمساك

وهو ما دخل الحمام بسبب ألم الشق الشرجي اللي هو بالأصل منين اجانا
اجانا من الإمساك (لفترة طويلة) فَـ المريض راح يدخل بدائرة مغلقة ، والخروج من هذه الدائرة يكون بالكشف المبكر عن الشق الشرجي ومعالجته ومنع حدوث الإمساك (خلال فترة حدوث العلاج والفترة الي بعدها) من خلال اتباع سلوك حياة صحي (حركة يومية +الياف بالطعام + ماء كافي) وتناول بعض الأدوية الملينة اذا احتاجت الحالة .

صورة بالتعليقات للفطر الشرجي ⬇️
#M_A_F

"إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"

اللهم صل وسلم وبارك على حبيبنا محمد وعلى اله وصحبه وسلم تسليما كثيراً

كثير طلاب مرحله رابعةً من شتى الجامعات يعانون من قوانين البايو وكذلك التحويلات والمسائل فان شاء الله هذي الفديوهات تساعدكم

https://youtu.be/YP63OZZ6sxE?si=Ewtn900ZEIMa_dBn

ايجاد ال C0 بجميع قوانينها

https://youtu.be/qHQgTl315Yw?si=3W8B_aTM3BGXxc3Z

طريقة حساب ال elemination rate constant K

https://youtu.be/3bibNY8IIGo?si=EEP6MUnMNLfwJRMM
نماذج لمسائل جامعة اهم افكار المادة مع طريقة وضع الخطه وحلها وحساباتها المفصله

تم تجهيز تفريغ جزئية الفارما لسستم
Gastrointestinal Tract (GIT)

تفريغات د/عبد المتعال فودا شامِلًا لجميع الفديوهات بعونِ اللهِ وتوفيقه..

🟢 مميزات النسخة:
1⃣ خط كمبيوتر + ملونة
2⃣ متضمنة رسومات وصور توضيحية
3⃣ محتوية على جزئيات كتاب المنصورة (الذي يشرح منه الدكتور) كل جزئية تلي الجزئية التي تم شرحها مباشرة

اللجنة_العلمية_للدفعة_23
https://t.me/tafrighat

الي يدرسون الفارما على دكتور عبد المتعال (طلاب الرابع خصوصاً)
هاي تفريغات لسستم #الهضمي و #الكارديو حيل مرتبة يعني صراحة شي فوك الممتاز على سنتنا ما كان اكو هيج ترتيب

تفريغ يعني كلشي ذاكره الدكتور بالفديو موجود بالملف
الحقوق محفوظة لأصحابها
* بقية السستمات بعد ما مسوين الها تفريغات مثل هذا الترتيب
#M_A_F

تفريغ محاضرات الـ renal system للدكتور عبد المتعال
فارماكولوجي - مرحلة رابعة

شلون تعرف التفريغ متعوب عليه ؟
حتى الـ أهلاً بيكو مال د. عبد المتعال تلكيها مكتوبة

استبيان بحث التخرج لطلبة كلية الصيدلة

🔺يرجى الإجابة فقط من الصيادلة والاطباء المعينين او العاملين في القطاعات الصحية لفترة أكثر من سنة على الأقل

الإستبيان مياخذ من وقتكم بس 5 دقايق 👍
وشكراً جزيلاً لحضراتكم

https://docs.google.com/forms/u/1/d/e/1FAIpQLSfAp8ejE78duT1yIlasbTCWpfj6NLgs3MMJFKCL4bMkX8ZLcA/viewform?usp=send_form

شنو تتوقعون الي دا يصير للـ Rat بهذا الوضع ⁉️

مكان مرتفع ومتقاطع

بي جزء اذا دخل بي الـ rat فهو شي امان ومراح يسقط على الارض

وبي جزء غير محمي اذا مشى عليه الـRat فاحتمال يسقط على الارض

اذا نسهلها شوية
فهو
Animal model of………. .

#M_A_F

♦️من ألطف ما قرأت بالمصادر …
هذا الي بالصورة يسموه
The ‘elevated cross maze’ is a widely used test model

وهو يعتبر
🔺ANIMAL MODELS OF ANXIETY

🔹شافو انه الفئران لمن يخلوها على هذا التركيب المرتفع اغلب الوقت تبقى بالتقاطع الي بيه مثل الحوامي او الجدار الي (مؤشر عليه باللون الاخضر) لان هذا شي يعتبر امان الها وهذا شي يعبر عن قلقلها وخوفها من انه تسقط من هذا الارتفاع على الارض فتدخل بهذا المكان الي بي حوامي يحميها من السقوط .


👈هنا شافو لمن يعطون anxiolytic drug

انه الفئران كامت تطلع مرات اكثر من المكان الي بيه حوامي الى المكان الي ما بيه حوامي (الي مؤشر عليه باللون الاحمر) وتبقى وقت اكثر بيه

🔸يعني بإختصار
قبل الـ anxiolytic drug
كانت تبقى بالمكان الي بيه حوامي وقت اكثر واذا طلعت منه فتبقى شوية وترجع

أما بعد اعطائها الـ anixyolytic drugs
كامت تطلع من المكان الي بيه الحوامي الى المكان الي ما بيه حوامي (يعتبرخطر وشي مسبب للقلق الها ) مرات أكثر وكذلك من تطلع تبقى فترة اطول قبل لا ترجع .
#M_A_F

هنا مثلاً الـ Diazepam
يعتبر من مزيلات القلق

قبل لا يعطون اي جرعة كان الوقت الي يقضيه الـRat بالجزء الي ما بيه حوامي (الي يعتبر مكان غير آمن وممكن يسقط على الأرض من هذا الإرتفاع) فقط 3 ثواني

أما بعد اعطاء الـ Diazepam

بدأو يزيدون الجرعة تدريجياً الى أن وصلوا الى 3mg/kg فالـ Rat بقى بالجزء الي ما بيه حوامي (الي يعتبر مكان غير آمن ) حوالي 80 ثانية … فرق كبير

وأكيد بسبب الدواء لأن قلل عنده الـ Anxiety
معلومات أكثر بالتعليقات ⬇️لمن يرغب
#M_A_F

شنو يجي ابالكم indication لهذا الثنائي غير استخدامهم الأساسي