هذي هي ملازم السريرية في حال احد كان معدهيا هي الملازم الاساسيه المعتمدة للشرح
وفي حال كانت في كليه احدى محاضراتها غير موجودة في منهج جامعة بغداد او فيها اختلاف كبير نحاول نشرحها الهم بشكل منفصل خاص بيهم ✨🙏

هذا شرح المقدمة والتنفسي وراح اعمل هذا البوست رفرنس نضيف عليه كل المحاضرات فقط تضغطون ع اسم المحاضرة مباشرة تحولكم للفديو الخاص بيها وخليتها رساله مثبته حتى الكل تقدر توصلها بكل سهوله

نُكمِل …

من اسباب الارق
تقييم المريض المصاب بالارق

A-Age:
‏كبار العمر بشكل عام وقت نومهم أقل من المعتاد وهذا الشيء طبيعي بالنسبة لهم كذلك يصير عندهم انه يستيقظون خلال الليل بس مع ذلك نشوف كبار العمر يبحثون عن أمور تخلي نومهم أفضل و أعمق ، كذلك اذا كانوا ياخذون قيلولة خلال النهار (وقت الظهر مثلا) ‏هذا الشيء ممكن يؤثر على نومهم بالليل .

اللي أعمارهم تحت سن الـ16 وعدهم ارق بدون سبب واضح يفضل يحالون الى الطبيب

B-Duration:
إذا الأرق كان مستمر أكثر من ثلاث أسابيع يفضل الإحاله إلى الطبيب

C-Recent travel:
تكلمنا عن هاي النقطة سابقا انه الشخص من يسافر مثلا يسافر باليل (المفروض متعود الشخص هذا وقت نومه) يوصل للدولة الثانية الصبح فيصير اضطراب بشي اسمه الساعة البايلوجية .
D-Depression:
من أهم أسباب الأرق هي الاكتئاب المريض المكتئب يستيقظ من الصبح من وقت و يقول من يوصف حالته أنه ما عنده مشكلة ويقدر ينام بسهولة ولكن المشكلة أنه يستيقظ من وقت وما يقدر يرجع ينام ، هنا لازم الصيدلي يتأكد أن المريض عنده اكتئاب أو لا من خلال أنه يسأل المريض عن بقية الأعراض مثل التعب ،مزاج سيئ ،فقدان الشهية،الشعور بالذنب، صعوبة بالتركيز ، الإمساك .

إذا شكينا أنه المريض عنده اكتئاب فيحال إلى الطبيب .
E-Anxiety:
كذلك القلق من أهم أسباب الأرق وعادة ‏يكون المريض اللي عنده قلق بصعوبة يلا ينام بسبب التفكير والقلق الزائد ‏وهذا القلق يصير بسبب شي مهم راح يصير ثاني يوم ، مثلا امتحان أو مقابلة عمل وهكذا إلى هنا طبيعي أما إذا استمر القلق لفترات طويلة هنا لازم المريض يتعالج من القلق .

F-Contributing factors :
1 -تغير شفت العمل يعني يتغير وقت العمل من وقت الى وقت ثاني غير معتاد عليه الشخص .
2 -اسباب اخرى مثل فقدان الوظيفة ،الانتقال الى بيت جديد ،فقدان احد الاقرباء ، الدورة الشهرية .
3 -السمنة ممكن تسبب الارق عن طريق انقطاع النفس اثناء النوم وبعدها يفز الشخص من الوم او بسبب الشخير فراح يكون نومه متقطع بالتالي راح يشتكي من الارق .
4 -تناول الكحول بإفراط .
#M_A_F

أكو أدوية تسبب أرق ⁉️
أكيد …

من الادوية الي ممكن تسبب الـ insomnia (الارق) :

♦️Stimulants
🔹Caffeine, theophylline, sympathomimetics amines (e.g., pseudoephedrine), MAOIs (especially in early treatment).

♦️Antiepileptics
🔹Carbamazepine, phenytoin.

♦️Alcohol
🔹Low to moderate amounts can promote sleep but when taken in excess or over a long period, it can disturb sleep

♦️Beta-blockers
🔹Can cause nightmares, especially propranolol. Limit by swapping to a beta-blocker that does not readily cross the blood-brain barrier.

♦️SSRIs
🔹Especially fluoxetine.

♦️Diuretics
🔹Ensure doses not taken after midday to stop the need to urinate at night.

♦️Griseofulvin
♦️MAOIs, monoamine oxidase inhibitors; SSRIs, selective serotonin reuptake inhibitors.

كذلك ممكن بسبب امراض اخرى مثل :
امراض السبب بيها الالم يمنع الشخص من النوم او النوم العميق المريح ، مثلاً :

Angina
arthritis
cancer
GERD

امراض تسبب للمريض صعوبة بالتنفس (بالتالي يصير عنده ارق) ، مثلاً :
heart failure, COPD, and asthma
او اذا المريض يتعرق باليل مثلا بسبب
hyperthyroidism
menopausal symptoms (hot flushes)
Parkinson's disease
#M_A_F

نبدي بالنصائح للمرضى الي يعانون من أرق

حتى يكون النوم مريح للشخص
Key steps to good sleep hygiene

1-Establish a regular bedtime and waking time .
وقت النوم ووقت الاستيقاظ يكون منتظم ثابت
2-Consciously create a relaxation period before bedtime
يسترخي الشخص قبل النوم وميسوي نشاطات
3-No meals just before bedtime
عدم الاكل قبل النوم
4-No naps during the daytime
القيلولة خلال النهار ممكن تكون هي السبب بصعوبة النوم باليل او سبب للنوم المتقطع ليلاً فيفضل يتركها اذا كان هذا الشي ميأثر على نشاطاته باقي اليوم
5-No caffeine after early afternoon
اكيد الكافيين بالچاي والكهوة يأثر على النوم ولكن متعودين عليه منكدر نعوف الچاي (العذر الي ممكن تسمعوه) ، والحل انه نقلل الكمية بدل كوبين كوب واحد باليل واذا ميشرب باليل افضل يخلي اخر كوب چاي العصر .
6-Reduce extraneous noise (use earplugs if necessary)
تقليل الضوضاء والاصوات واذا اضطر يستخدم سدادات للأُذن
7-Get up if you can’t sleep – go back to bed when you feel ‘sleepy, tired’
يعني اذا الشخص يريد ينام وهو بالفراش وما كدر ينام فَـ يفضل انه يقوم وما يبقى الفراش ومن يجيه النوم ويحس عنده رغبة بالنوم يرجع للفراش وينام .

8-Avoid alcohol
9-Restrict nicotine intake immediately before bedtime
عدم اسخدام النيكوتين قبل النوم مباشرة (مثلا المدخنين او الي ياخذون النيكوتين على شكل gum حتى يتركون التدخين)
10-Avoid sleeping in very warm rooms
اكيد جو الغرف يكون مناسب لا حار ولا بارد
11-No strenuous mental activity at bedtime (e.g., doing a crossword in bed)
‏يحاول يكون هادئ بدون أن يسوي شغلات تخلي الذهن نشط وبحالة تفكير
12-Associate bed with sleep – try not to watch TV
‏أكيد ميشوف تلفزيون أو أنواع الشاشات الأخرى تلفون او iPad قبل موعد النوم

#M_A_F

العلاج يتضمن

A-Antihistamine: Diphenhydramine and promethazine:

يستخدمون عادة الـantihistamine هي استخدامها بالاصل للحساسية لان تغلق رسبترات الهستامين بالجسم اما الي تغلق رسبترات الهستامين بالـbrain هنا راح تسبب دوخة ونعاس لان الهستامين الي موجود بالدماغ من وظائفه هو اليقظة ، بالتالي لازم الـ antihistamine الي نعطيها تعبر الblood brain Barrie وتوصل للدماغ ، باختصار لازم من الجيل الاول حتى تعطي مفعول لان الجيل الثاني عبوره قليل للدماغ والي ياخذه غالباً ميشعر بالنعاس .
انتي هستامين من الجيل الاول مثلا
Promethazine
Diphenhydramine
هو المشهور والكثير يستخدم الDiphenhydramine يجي مع البارايستامول باسم بنادول نايت
تستخدم هذه الادوية من 16 سنة فصاعداً ومصادر تكول من 12 سنة فصاعداً يصير تستخدم .

🔹شنو تفيد هاي الادوية
‏أولا تقل الوقت اللي يحتاجه الشخص حتى ينام
‏ثانيا تقلل الاستيقاظ أثناء النوم يعني أنه الشخص يقعد من النوم ويرجع ينام هذا تقلله

♦️Diphenhydramine
ياخذه قبل النوم بـ 20-30 دقيقة والجرعة هي 50mg (يعني حبايتين من بنادول نايت)
♦️Promethazine
الجرعة 20mg الى 25mg ياخذه بساعة قبل النوم
ننصح المريض أنه يستمر بأخذ العلاج لمدة ثلاثة أيام ثم في الليلة الرابعة ما يأخذ العلاج ويشوف نفسه يقدر ينام بدون علاج إذا ما يقدر ينام يستمر لثلاثة أيام أخرى كذلك اليوم الرابع يشوف نفسه يقدر ينام بدون العلاج إذا بقى عنده الأرق عشر أيام يفضل يراجع طبيب.

‏المفروض المريض يتحسن خلال أيام إذا ما تحسن خلال أيام ممكن يحال
‏
وها الأدوية احتمال يصير لها tolerance يعني تقل فعاليتها بحيث يأخذها المريض وما ينام إلا يأخذ جرعة عالية وهذا الشيء أبداً مو صحيح

‏🔹الأدوية اثنينها اللي ذكرناها لا ينصح بإستخدامها للحامل ولا للمرضع

‏🔹شنو الآثار الجانبية اللي ممكن تسببها
Dry mouth ، sedation
‏🔹إذا المريض ياخذ أدوية ثانية مع هذه الأدوية ممكن يزيد عنده الـ sedation مثل
alcohol, opioid analgesics, anxiolytics, hypnotics and antidepressants
‏🔹كذلك هذه الأدوية يفضل تجنبها للمرضى اللي عندهم
Glaucoma, prostate hypertrophy

B-Melatonin:
‏الملاتونين هو هرمون يفرز بالجسم من الـ pineal gland خلال الظلام ويعتقد انه مسؤول عن تنظيم النوم .
‏ يستخدم لاضطرابات النوم وخصوصا ما يسمى jet lag
وهو اضطراب الرحلات الجوية الطويلة ببساطة (بسبب السفر مثلا يسافر باليل (المفروض متعود الشخص هذا وقت نومه) يوصل للدولة الثانية الصبح فيصير اضطراب بشي اسمه الساعة البايلوجية )
هنا لعلاج الـ jet lag

The timing of the dose is critical. It has to be taken at bedtime (1) (1–2 hours before bedtime) (5) after darkness has fallen on the first day of travel then again in the same way on the second, and any subsequent day, of travel. Once at the final destination it should be taken for the following few days at the same time (1) .

ياخذه قبل النوم بياعة الى ساعتين (ليلاً يؤخذ) وضروري بنفس الوقت يومية خلال السفر ماله وحتى من يرجع الى بلده يستمر كم يوم عليه .
مناسب للأطفال كذلك .

#M_A_F

موضوع الأرق بالتفصيل جمعت كل المنشورات بهذا الملف
احفظوه يمكم يفيدكم
اعتمدت بالمعلومات على ملزمة د، ضياء
#M_A_F

🔹‏حتى نفهم هاي الصورة خلي نتكلم شوية عن الشق الشرجي (بالعامية بلهجتنا يعني ، يسموه الفطر الشرجي) وهو عبارة عن شق (نكدر نكول مثل الجرح) في الطبقة التي تسمى mucosa التي تبطن الـ anal canal يعني (القناة الشرجية) .
‏
🔹المريض يعاني من ألم وممكن يصاحب الألم نزف ويلاحظ المريض الدم من يدخل للحمام يكون بلون الدم الطبيعي .

يصير عند الأطفال يصير عند البالغين كذلك
‏أهم أهم أهم أسباب الشق الشرجي هو الإمساك لفترات طويلة

هاي الصورة بدايةً المريض يصير عنده إمساك لأن ما يتحرك وما يأكل ألياف كافية خلال اليوم وما يشرب ماي كمية كافية بالتالي يصير عنده إمساك لفترة طويلة (اسابيع وممكن اشهر) بعد الإمساك راح يصير عنده الشق الشرجي مثل ما ذكرنا

من أعراض الشق الشرجي هو الألم والألم قد يكون شديد جدا لا يُحتمل ، والألم يظهر ويزداد عند قضاء الحاجة يعني عند دخول الحمام بالتالي المريض يعمل على عدم دخول الحمام وتأخير دخول الحمام

زين واذا اخر الدخول للحمام شراح يصير ⁉️
اللي راح يصير الجزء الأخير من الأمعاء الغليظة سوف يستمر في امتصاص السوائل من البراز حيث سيصبح البراز صلب جدا لأن المريض تأخر في دخول الحمام عند الشعور في رغبة في الدخول الى الحمام (خوفاً من الألم)

هنا اللي راح يصير بعد يوم أو يومين راح يدخل المريض إلى الحمام بس البراز اصبح صلب راح يسبب ضغط على هذا الشق فيوسع الشق ويصبح أكبر ولا يلتأم (مو كلنا هو مثل الجرح اذا الجرح الي بإيدك مثلا تبقى بين فترة وفترة تضغط عليه يطيب ؟ اكيد ميطيب ) يعني ما يطيب بسبب الضغط الذي سببه الإمساك

وهو ما دخل الحمام بسبب ألم الشق الشرجي اللي هو بالأصل منين اجانا
اجانا من الإمساك (لفترة طويلة) فَـ المريض راح يدخل بدائرة مغلقة ، والخروج من هذه الدائرة يكون بالكشف المبكر عن الشق الشرجي ومعالجته ومنع حدوث الإمساك (خلال فترة حدوث العلاج والفترة الي بعدها) من خلال اتباع سلوك حياة صحي (حركة يومية +الياف بالطعام + ماء كافي) وتناول بعض الأدوية الملينة اذا احتاجت الحالة .

صورة بالتعليقات للفطر الشرجي ⬇️
#M_A_F

"إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"

اللهم صل وسلم وبارك على حبيبنا محمد وعلى اله وصحبه وسلم تسليما كثيراً

كثير طلاب مرحله رابعةً من شتى الجامعات يعانون من قوانين البايو وكذلك التحويلات والمسائل فان شاء الله هذي الفديوهات تساعدكم

https://youtu.be/YP63OZZ6sxE?si=Ewtn900ZEIMa_dBn

ايجاد ال C0 بجميع قوانينها