السلام عليكم ورحمة الله
اليوم نحجي عن نصائح للمريض الي عنده ارتجاع مريئي او يسموا المرضى جالي او حرقة اعلى المعدة

بعض النصائح لمرضى الـ Gerd (الارتجاع المريئي) :

1)يتجنب الحالات الي تزود الضغط داخل البطن ، مثلاً :

♦️الانحناء (ينصح بتقليل الانحناء الا للضرورة)
♦️الامساك (ينصح بمعالجة الامساك)
♦️السعال (ينصح بمعالجة السعال)
♦️التمارين الشديدة (ينصح بتقليل شدة التمارين)
♦️الملابس الضيقة او الحزام اذا كان مشدود زيادة (ارتداء ملابس مناسبة او واسعة)
♦️السمنة (ينصح بتقليل الوزن)

2)ننصح المريض يبقى كاعد بعد الاكل وميتمدد او ينام 🛏️ .

3)ياكل وجبات صغيرة يعني بدل 3 وجبات باليوم كبيرة يسويها اربع وجبات بس اقل او خمس وجبات وتكون اقل من الـ4 وجبات كـ كمية شي اكيد .

4)تقليل الطعام الي يحتوي على توابل كثيرة (يوصي اهل البيت انه يقللون توابل واذا اكل مطعم وبي توابل فيتجنبه اساسا ) ، كذلك يوصى المريض بتجنب العصائر الحمضية(مثل عصير البرتقال)والقهوة المشروبات الكحولية والواجبات الصغيرة قبل وقت النوم(على أساس أنها وجبات صغيرة ولا تضر ولكنها سوف تضر المريض وتسبب ارتجاع مريئي )،تجنب الاطعمة التي تحتوي على كمية كاربوهيدرات ودهون عالية(لان تبقى فترات طويلة بالمعدة كذلك الدهون ترخي العضلة العاصرة بالتالي تسوي ارتجاع مريئي ويصير احساس بالحرقة) .

4)اخر وجبة يأكلها المريض يجب ان تكون قبل النوم بساعتين الى ثلاث ساعات .

5)من الافضل يكون الرأس مرتفع عند النوم يعني ننصح المريض يستخدم مخدات 2 (وسادة) بدل وحدة بشرط متأثر على رقبته بس نتجنبها لان ممكن تضغط على المعدة وتتفاقم الحالة (الاحساس بالحرقة وارتجاع الطعام) والافضل والاكثر فعالية واقل ضرر هو انه يرفع رأس السرير من جهة الرأس (شوفو الصورة حتى تفهمون قصدي).

6)اكيد التدخين ممنوع 🚭

7)مراجعة الادوية (التي ممكن تسبب ارتخاء بعضلة المريء ويصير جوع للأكل) مع المختص .

8)النوم على الجانب الايسر مو على الجانب الايمن هذا الشي يساعد بعدم الارتجاع (شوفو الصورة)(مو كل المصادر تذكر هاي النقطة).

🔸ممكن النصائح تكفي وميحتاج ادوية المريض اذا التزم بيها .
#M_A_F

⭕ليش في الجلطات الوريديه نستخدم anticoagulant  بينما ف الجلطات  الشرايانيه نستخدم عادة antiplatelet⁉🤔‼

السبب ‼
🔴في الجلطات الوريدية (veins)
مثل DVT يكون سبب الجلطه ناتج عن  نشاط عوامل التجلط(clotting factors )
سنستخدم في هاي الحالة الاادوية التي ثتبط عوامل التجلط  anticoagulant ✅

بأختصار:
الخثره الي تتكون بالاورده تحتوي على fibrin اكثر
Fibrib rich clot✅

لهذا ننطي مضادات تخثر مثل وارفارين او هيبارين او كلكسان

🔴بينما في الجلطات الشريانية يكون سبب الجلطة ناتج عن endothelial injery بالتالي يحدث تجمع للصفائح الدموية لذا سنتخدم في هذه الحالة  antiplateltet✅

بأختصار:
الجلطه الي تتكون بالشرايين غالبا تكون تحتوي على صفائح دمويه
Platelets rich clot✅

لهذا ننطي antipatelate
مثل اسبرين او بلافكس

ملاحظه مهمه:
هاي الادويه ما تذوب الجلطه الي متكونه سابقا
وانما تمنع حدوث الجلطه✅

◇|| الادويه الي تذوب الجلطه هي
Thrombolytic drugs

Alteplase, Streptokinase, Urokinase
كلهن تعطى I.V only لحالات الطوارئ

#Tibawisam

اللهم اكفنا ما اهمَّنا

نتكلم اليوم عن الـ Insomnia (الارق)

🔹بالبداية ناخذ مقدمة عن الارق وشنو تعريفه

عدد الساعات الي يحتاجها جسم الانسان من النوم تكون مختلفة من شخص لشخص ثاني ، ولكن بشكل عام الاشخاص الي اعمارهم بين 20 سنة الى 45 سنة يحتاجون 7 الى 8 ساعات نوم 💤 ياليوم .

حاجة الجسم للنوم تقل مع تقدم العمر يعني مثلاً الأشخاص اللي عمرهم أكثر من 70 سنة عادةً 6 ساعات من النوم تكون كافية إلهم ، لذلك إذا احد كبير بالبيت ممكن يكون نومكم بنفس الوقت ولكن يستيقظون قبلكم لأن جسمهم أخذ كفايته من النوم وهي 6 ساعات .
#M_A_F

🔹أكو 4 دلالات على الارق :

1-Difficulty in initiating sleep
اول شي هو صعوبة انه الشخص ينام .

2-difficulty in maintaining sleep
او صعوبة انه يبقى نايم ،اقصد نومه يكون متقطع(اثناء اليوم يكعد اكثر من مرة) .

3-waking up too early
هنا ينام بسهولة وينام زين بس يكعد من وكت قبل لا يكمل عدد ساعات كافية مثلاً أقل من 7 ساعات .

4-sleep that is perceived to be nonrestorative (i.e. not restore the body from the day’s exertions) or of poor quality
هنا نكدر انكول انه النوم مَ يكون راحة للشخص بعد يوم من العمل والتعب ، يعني النوم مديحقق هذا الشي ،لان النوم المفروض يكون راحة للجسم .

‏بالتالي الأرق راح يؤثر على يقظة الشخص باليوم الي بعده ، كذلك راح يكون تعبان بالتالي ما راح يدرس بشكل صحيح ولا راح يعمل بشكل صحيح لأن ما نام بشكل صحيح .
#M_A_F

🔹الأرق يصنف حسب المدة الى :

1)transient (lasting less than 1 week)
هنا اقل من اسبوع يستمر وسبب هذا النوع بسبب الضوضاء الكثيرة الي تصير احيانا تمنع الشخص انه ينام او بسبب انه تتغير على الشخص بيئة النوم مثلاً هو متعود ينام ببيتهم وسافر فاضطر ينام بفندق فهنا ممكن يصير عنده ارق او بسبب السفر مثلا يسافر باليل (المفروض متعود الشخص هذا وقت نومه) يوصل للدولة الثانية الصبح فيصير اضطراب بشي اسمه الساعة البايلوجية او بسبب الجو مثلا درجات حرارة عالية وميكدر ينام .
2)shortterm (up to 3 weeks)
هنا يستمر الى ثلاث اسابيع
من اسبابه مثلاً مشكلة كبيرة يمر بيها الشخص ، شخص ينفصل من وظيفته ،الانتقال الى بيت جديد .
3)chronic (greater than 3 weeks)
هنا يستمر اكثر من ثلاث اسابيع
نتعامل مع الحالة الاول والثاني يعني الـ transient والـ shortterm اما الـ chronic يفضل تحال الى طبيب .

هسة عرفنا شنو الارق المنشور القادم نتكلم عن اسبابه ان شاء الله 👍
#M_A_F

الكتاب الي يشرح عليه دكتور عبد المتعال فودة
الجزء الأول يفيد طلاب الثالثة بالكورس الثاني وطلاب الرابعة (جابتر الـDiuretics)
متكون من 3 جابترات
♦️CHAPTER 1: GENERAL PRINCIPLES

♦️CHAPTER 2: AUTONOMIC PHARMACOLOGY

♦️CHAPTER 3: DIURETIC AGENTS AND VOLUME BALANCE
بعد جزأين ان شاء الله انزلها
#M_A_F

⚠️ بالنسبة للـDosage and Administration :

تتوفر مكملات الجنكة بيلوبا في أشكال مختلفة، مثلcapsules وtablets وliquid extracts
تتراوح الجرعات الشائعة من 60mg إلى 240mg يوميًا ، مقسمة عادةً إلى جرعتين أو ثلاث جرعات.
+ من الافضل البدء بجرعة أقل لتقييم مدى تحملك للدواء وبعدها ارفع الجرعة تدريجيًا.