حبونه حتى الي بالسمه
متفضلين على الگمر
نجماته من يمرها تعب
يأمنها بيد سطوحنه
من شحت الدنيه سهر
ضل بينه شوگ بكد بحر
كل السوك ماضل بي رمش
واحنه ازدحام بسوگنه
من نسكت نيتم حجي
كلمات مابيها طعم
تطلع عسل بحلوگنه

وبكيفك بعد

بعدني اتذكرك
لا تظن سهلة انساك
وحگك ما نسيتك
و العشگ عفته
مكانك جان خالي
البي هذاك اليوم
غيرك بي گعد
و توقعت انت

سواد الليل يخلص وانتَ تبدي
حبيبي بيا گلب حبيت بعدي؟

معناها انتهت والراح خل يروح
معناها انتهينة وفضت العشرة
اعرفك ما ترد بس ما طبكت الباب
مثل ميت عزيزة يعود ينتظرة
سهل من تبتعد بس صعب
تلكة انسان شايل طيبتي ويهواك عل فطرة
باجر من ترد ماتلكة شي موجود ..

اعترفلك ما نسيتك وما
كدرت اتخطى حزني
لهسه من اذكر ضحكتك
مدري شيطيح مني

وتقربتلك وأنتهت
كُل القساوة العندي
من تبتسم أنسى الحچي
وما أعرف منين أبدي
حبيتك بگد ما چنت
خايف أظل وحدي

على غيرك جذب ماترهم الروح
ومنو غيرك يسد حاجه نظرنا
يا ابن الناس غيرك ماكو موضوع
هلبت بلجذب شخصك ذكرنا
نسولف بيك لأخر لحظه بليل
وترد من الصبح تشغل فكرنا

انا گد ما چنت وياك متساهل
من گالوا يذمك وين ما يرتاح
ماين گلت ما گلتلهم شگايل

ثنين جانوا الك
وماكو بحياتك فقط
انا ونظر عينك
وعينك درتها ورحت
ولا جني منك جنت
وبكل سهوله خسرت
واحد من ثنينك

ويا غيري الضحك واصل لسابع جار
وتجي يمي حزين بكل تفاصيلك

ليش اهتم ؟
وعليمن محترك گلبي ويطك الدم
اذا جاسوا طرف شعرك واذا شموك
غير انت اشتهيت الشم

شتظن أقتنع بعد
بحچاية بعد الصار ؟
ما أصدك بعد أي كلمة تحجيها
سبحان الجمعنا بصدفة هذاك اليوم
صدفة وياك صار شگد أتانيها

طرف ثالث برودك مو ابنادم جان

ابجي يمي ، حتى زين اشوف روحك
حتى اقراك بوضوح
ولا تضن الدمعه ماي
الدمعه روح ..

طشرنا القصايد بالهوى الهاب
وحلفنه نموت شوگ ومانجيكم
وكسر حلفانا وذلنا الهوى وراح
فرهن بالسما وذبهن عليكم

دزيتلك روحي بظرف
من توصل أنت اقراها
لو تبقى يمك للابد
لو ترجع أنت وياها

يالچنت أدورك بالسما
خليتني أختار العمى
ولا صدفة عيني تلمحك

گلتلك عوف ناسك
اني اغار عليك
و بديت تعوف
بس منين
من عندي

عليمن باچيه
من فدوة لعيونچ
هاي الناس كلها
مايشبهونچ الكمر ينزل
بس انت التضلين
والنجمه الطافيه ننطيها من لونج