#kitobxonlik_haftaligi_2025
#beshinchi_kun

TOSHLOQ TUMANI AXBOROT-KUTUBXONA MARKAZIDA “DAVLAT XIZMATCHISI – KUTUBXONADA BIR KUN” LOYIHASI AMALGA OSHIRILDI.

Jamiyatda kitobxonlik madaniyatini yuksaltirish, aholi o‘rtasida ma’naviy-ma’rifiy muhitni mustahkamlash hamda davlat xizmatchilari faoliyatini keng jamoatchilikka yaqinlashtirish maqsadida Toshloq tuman axborot-kutubxona markazida “Davlat xizmatchisi – kutubxonada bir kun” loyihasi amalga oshirildi.

Ushbu tashabbus doirasida tumandagi turli davlat tashkilotlarida faoliyat yurituvchi davlat xizmatchilari tuman Axborot-kutubxona markaziga tashrif buyurib, u yerdagi faoliyat bilan yaqindan tanishdilar. Kun davomida ular kitobxonlar bilan muloqot qilib, o‘zlarining xizmat sohalari bo‘yicha maslahatlar berdilar, kitob o‘qish, bilim va tafakkurni boyitish borasidagi tajribalari bilan o‘rtoqlashdilar.
Davlat xizmatchilari kutubxona muhitining ahamiyati, ayniqsa yoshlar tarbiyasidagi o‘rni haqida fikr bildirib, kutubxonadagi kitob fondidan foydalanish imkoniyatlarini yanada kengaytirish bo‘yicha takliflarini ham ilgari surdilar.

Loyiha doirasida o‘tkazilgan tadbirlar orqali aholi va davlat xizmatchilari o‘rtasida yaqin aloqalar mustahkamlandi. Bu esa nafaqat kitobga muhabbatni oshirish, balki davlat xizmatchilari faoliyatining ochiq va shaffofligini ta’minlashda ham muhim qadam bo‘ldi.