​​❗️Hurmatli hamshaharlar va shahrimiz mehmonlari!

O‘zbekiston musulmonlari idorasi Ulamolar kengashining Qurbon hayitining birinchi kuni 16-iyun to‘g‘ri kelishi haqidagi qarorini inobatga olib, 2024-yilning 16-iyun kuni poytaxtimizdagi 121 ta masjidda hayit namozi o‘qilishi kutilmoqda.

Hayit namozini yuqori saviyada va tartibli o‘tkazish, fuqarolarga zarur shart-sharoit yaratish va ularning xavfsizligini ta’minlash maqsadida 16-iyun soat 00:00 dan 7.00 gacha poytaxtning quyidagi ko‘chalari va yo‘llarda avtotransport vositalarining harakati to‘liq cheklanadi:

Mirzo Ulug‘bek tumani :

🕌"To‘ra buva" masjidi oldidagi Buyuk Ipak yo‘li ko‘chasi - Sho‘rtepa ko‘chasidan, Buyuk Ipak yo‘li - Sultoniya ko‘chasigacha.

Bektemir tumani :

🕌“Xo‘ton”" masjidi oldidagi Bektemir shoh ko‘chasi - Husayn Boyqaro ko‘chasidan Bektemir yo‘li ko‘chasigacha.

Olmazor tumani:

🕌“Islomobod” masjidi oldidagi KXAY ko‘chasi - KXAY– Sag‘bon ko‘chalari chorrahasidan, Nurafshon – Sag‘bon ko‘chalari chorrahasigacha.

🕌"Hazrati imom" masjidi oldidagi Qorasaroy ko‘chasi – Qorasaroy – Nurafshon ko‘chalari chorrahasidan, Qorasaroy – Abdulla Qodiriy ko‘chalari chorrahasigacha.

Shayxontoxur tumani:

🕌“Shayx Zayniddin” masjidi oldidagi Ko‘kcha Darvoza – Nurafshon ko‘chalari chorrahasidan Ko‘kcha Darvoza – Beshqayrag‘och ko‘chalari chorrahasigacha.

🕌"Xo‘ja Alambardor" masjidi oldidagi Bunyodkor - Kamolon ko‘chalari chorrahasidan Kamolon - Ustazoda 2-tor ko‘chalari chorrahasigacha.

🕌“Kox ota” masjidi oldidagi Sebzor ko‘chasi – Nurafshon – Sebzor ko‘chalari chorrahasidan Nurafshon – Labzak ko‘chalari chorrahasigacha.

Chilonzor tumani:

🕌“Ubay ibn Ka’b” masjidi oldidagi Al-Xorazmiy ko‘chasi – Al Xorazmiy – Xirmontepa ko‘chalari chorrahasidan Al Xorazmiy – Katta qani chorraxasigacha.

🕌"Katta Qozirobod" masjidi oldidagi Chilonzor ko‘chasi – Chilonzor – Cho‘ponota ko‘chalari chorrahasidan Chilonzor – Nurxon ko‘chalari chorrahasigacha.

🕌“Shayx Muhammad Sodiq Muhammad Yusuf” masjidi oldidagi So‘galli ota ko‘chasi – Al-Xorazmiy – So‘galli ota ko‘chalari kesishmasidan Xonabod 2-berk ko‘chasidan – So‘galli ota ko‘chasigacha.

🕌“Novza” masjidi oldidagi Bunyodkor-Muqumiy ko‘chalari kesishgan ko‘prik ostidan Oliy Majlis binosi qarshisigacha bo‘lgan yo‘lda harakat cheklanadi.

Uchtepa tumani:

🕌“Abdullox ibn Ma’sud” masjidi oldidagi Lutfiy ko‘chasi – Lutfiy – Xirmontepa ko‘chalari chorrahasidan Lutfiy – Katta qa’ni ko‘chalari chorrahasigacha.

🕌"Hazrati Ali” masjidi Nazarbek-Maxorat ko‘chalari chorraxasidan Nazarbek-Zamaxshariy 1-tor ko‘chalari chorrahasigacha.

Yunusobod tumani:

🕌“Minor” masjidi oldidagi KXAY ko‘chasi – KXAY va Ko‘rgazma ko‘chalari chorrahasidan KXAY –Sh.Rashidov ko‘chalari chorrahasigacha.

🕌“Mirzo Yusuf” masjidi oldidagi Bog‘ishamol ko‘chasi – Bog‘ishamol ko‘chasidan Shivli ko‘chasigacha.

Yakkasaroy tumani:

🕌“Usmon bin Ma’zun” masjidi oldidagi KXAY ko‘chasi – KXAY – Qushbegi chorrahasidan KXAY – Fayzli Toshkent ko‘chalari chorrahasigacha.

Yashnobod tumani:

🕌“Islom ota” masjidi oldidagi Farg‘ona yo‘li ko‘chasi – Farg‘ona yo‘li – Fitrat ko‘chalari chorrahasidan Farg‘ona yo‘li – Tolimarjon ko‘chalari chorrahasigacha.

🕌"Ali ibn Abu Tolib" masjidi oldidagi Cho‘lpon ko‘chasi - Imom Buxoriy - Cho‘lpon ko‘chalari chorrahasidan, Cho‘lpon - Salohiyat ko‘chalari chorrahasigacha.

Mirobod tumani:

🕌“Qo‘yliq ota” masjidi oldidagi TXAY ko‘chasi – Qo‘yliq bozori ko‘prik ostidan TXAY va Munis ko‘chalari chorrahasigacha cheklanadi.

Masjidlar joylashgan boshqa ko‘chalarda ham avtotransport vositalarining harakati vaqtincha cheklanadi.

Fuqarolarimizdan yuzaga keladigan noqulayliklar uchun uzr so‘ragan holda, vaqtincha aylanma yo‘llardan foydalanishlarini tavsiya etamiz.

​​Bayram munosabati bilan transportning barcha turlarida qo‘shimcha qatnovlar bajariladi

Bayram munosabati bilan e’lon qilingan qo‘shimcha dam olish kunlarida yurtdoshlarimizning muqaddas ziyoratgohlar va tarixiy qadamjolarga ziyoratlarni tashkil etish, ichki turizm yo‘nalishida yurtimiz bo‘ylab sayohat qilayotgan fuqarolarga munosib transport xizmatlari ko‘rsatish maqsadida barcha yo‘nalishlarda qo‘shimcha avia, temir yo‘l va avtobus qatnovlari yo‘lga qo‘yiladi.

✈️ Jumladan, aviatsiya sohasida:

Rezident aviakompaniyalar tomonidan Toshkent shahrini viloyat markazlari bilan bog‘lovchi mahalliy yo‘nalishlarda haftasiga 300 (150) ta aviaqatnovlar bajarilmoqda.

15–18 - iyun kunlari belgilangan jadvalga muvofiq mahalliy yo‘nalishlarda 130 (65) ta aviaqatnovlar bajarilib, 13 056 ta yo‘lovchiga xizmat ko‘rsatiladi.

Bundan tashqari Namangan, Termiz, Samarqand, Farg‘ona, Urganch va Buxoro shaharlaridan 15–18 - iyun kunlari 30 (15) ta qo‘shimcha reyslar amalga oshirilishi hisobiga yana 4 020 ta yo‘lovchiga xizmat ko‘rsatish imkoniyati yaratiladi.

🚆Temir yo‘l transporti sohasida:

Bugungi kunda temir yo‘l transportida 45 ta yo‘lovchi poyezdlar 35 ta yo‘nalish (4 ta xalqaro, 31 ta mahalliy) bo‘ylab muntazam va uzluksiz yo‘lovchi tashuvlarini amalga oshirmoqda.

Qurbon hayiti bayrami munosabati bilan 14-iyundan 20-iyunga qadar “Toshkent – Xiva – Toshkent”, “Toshkent – Qo‘ng‘irot – Toshkent”, “Toshkent – Shovot – Toshkent”, “Toshkent – Termiz – Toshkent” yo‘nalishlarida harakatlanuvchi barcha yo‘lovchi poyezdlarga 4 tadan 6 tagacha qo‘shimcha vagonlar ulanib, poyezdlar tarkibidagi vagonlar soni 16 tadan 22 tagacha oshiriladi.

Shuningdek, 15 – 17-iyun kunlari yuqori tezlikda harakatlanuvchi “Toshkent – Samarqand – Toshkent” yo‘nalishidagi “Afrosiyob” elektropoyezdining qo‘shimcha qatnovi yo‘lga qo‘yiladi.

Umumiy hisobda 15-iyundan 18-iyunga qadar mahalliy yo‘nalishlardagi yo‘lovchi poyezdlar orqali 126 000 nafar yo‘lovchini tashish imkoniyati mavjud bo‘lib, shundan 13 000 nafari qo‘shimcha qatnovi yo‘lga qo‘yilgan yo‘lovchi poyezdlar orqali tashiladi.

🚌 Avtomobil transporti sohasida:

Toshkent shahrini boshqa viloyatlar bilan hamda viloyatlararo bog‘lovchi 99 ta shaharlararo yo‘nalishlarga 381 ta avtobus, 145 ta mikroavtobus biriktirilgan bo‘lib, bayram kunlarida mavjud harakat tarkibining barchasi muntazam va uzluksiz faoliyat olib borishi ta’minlanadi.

Toshkent shahridan viloyatlardagi shaharlarga 50 ta yo‘nalishda kunlik 392 ta qatnovlar orqali yo‘lovchilarga avtotransport xizmati ko‘rsatiladi.

Viloyatlararo shaharlarni bog‘lovchi 49 ta yo‘nalishda 133 ta avtobus, 97 ta mikroavtobuslar biriktirilgan bo‘lib, kunlik 338 ta qatnovlar bajariladi.

Shuningdek, Qurbon hayiti bayrami munosabati bilan “Toshkent”, Abu Saxiy hamda hududiy avtovokzallardan kunlik grafik asosida qatnovchi reyslardan tashqari zaruratdan kelib chiqib, qo‘shimcha reyslar tashkil qilinadi.

Qo‘shimcha reyslar orqali avtobuslarda 13 000 dan ortiq yo‘lovchilar o‘z manziliga yetkaziladi.

‼️ Eslatib o‘tamiz, yo‘lovchilar avia, temir yo‘l va avtobus chiptalarini www.uzairways.com, www.chipta.railway.uz, www.avtoticket.uz saytlari hamda ATTO va UzBus mobil ilovalari orqali onlayn xarid qilish mumkin.

Diqqat, e’lon!
Toshkent shahar, Mirobod tumani, Abduravf Fitrat koʻchasi “Xamza-Toʻqimachi” temir yoʻl bekatlari oraligʻining 3 km 4-piketda joylashgan qoʻriqlanadigan temir yoʻl kesishmasini tubdan ta’mirlash ishlarini olib borish maqsadida 2024-yilning 14-iyun soat 22:00 dan 15-iyun soat 6:00 gacha harakat cheklanishi rejalashtirilganligi ma’lum qilinadi.

Mazkur cheklanish quyidagi yoʻnalishlarga ta’sir koʻrsatadi:
1. 40-sonli Sergeli mavzesi 12-daha - "Toshkent vokzali" avtobus
2. 52-sonli "Toshkent vokzali" - Uchuvchilar shaharchasi avtobus
3. 61-sonli "Yangiobod mavzesi"- Xalqaro Aeroporti-2 avtobus
4. 66-sonli "Toshkent vokzali" - Sputnik-17 harbiy qism avtobus
5.106-sonli Uchxoz mahallasi -Saodat savdo markazi avtobus

Ushbu vaqt oraligʻida quyidagi bekatlarda avtobuslar harakati vaqtincha toʻxtatiladi:

1. Qumariq koʻchasi “Uchuvchilar shaharchasi”
2. Lokomotiv koʻchasi “Lokomotiv koʻchasi”

Keltirilgan noqulayliklar uchun uzr so'raymiz.

Toshkent shahar transport va yo'l transport infratuzilmasini rivojlantirish bosh boshqarmasi jamoasi.

TRANSPORTCHILAR ERTA TONGDAN XALQ XIZMATIDA

Bugun, 16-iyun “Qurbon hayiti” namozi o‘qilishi munosabati bilan masjidlarga kelib-ketishda poytaxtimiz aholisiga qo‘shimcha qulaylik yaratish maqsadida Toshkent shahri jamoat transporti (avtobus va metro) faoliyati tongi soat 03:00 dan boshlab yo‘lga qo‘yildi.

Shahar avtobus yo‘nalishlari va metropoliten soat 03:00 dan 10:00 ga qadar yo‘lovchilarga bepul xizmat ko‘rsatdi.

Тelegram | Facebook | Instagram | YouTubе | Linkedin |

Telegram tarmog'idagi kanalida 2- va 12-avtobus parklariga tegishli bo'lgan avtobuslar tashqi ko'rinishi hamda yo'nalish ko'rsatuvchi yozuvlar qo'lda yasalib olingani yuzasidan tanqidiy post e'lon qilingan. Keyinchalik bu post boshqa telegram sahifalarda ham repost qilingan.

Mazkur masala yuzasidan Toshkent shahar transport va yo'l transport infratuzilmasini rivojlantirish bosh boshqarmasi tomonidan tashuvchi bo'lgan “Toshshahartransxizmat” AJga mazkur tanqidiy postni hamda unda ko'rsatilgan masalalarni atroflicha o'rganib, qisqa muddatlarda kamchiliklarni bartaraf etish yuzasidan ko'rsatma berildi. Ko'rsatma ijrosi yuzasidan “Toshshahartransxizmat” AJ tomonidan rasmiy munosabat bildiriladi.

Bundan tashqari mazkur holatlarni takrorlanishini oldini olish maqsadida boshqarmaning tegishli bo'linmalariga mazkur holatlar yuzasidan kunli monitoring va tekshiruvni kuchaytirish bo'yicha ko'rsatma berildi. "Ko dnu" telegram kanali ma'muriyati, muammoni e'lon qilgan boshqa telegram sahifa egalari hamda ularning obunachilariga befarq bo'lmaganlari uchun boshqarma nomidan o'z minnadorchiligimizni bildiramiz.

Toshkent shahar transport va yo'l transport infratuzilmasini rivojlantirish bosh boshqarmasi jamoasi.

Ijtimoiy tarmoqlarda, xususan "Ко дну" telegram kanalida Toshkent shahridagi 159-sonli yo'nalishda avtobuslar yurishi to'xtab qolganligi yuzasidan tanqidiy maqola e'lon qilingan. Aynan shu masalada Toshkent shahar transport va yo‘l-transport infratuzilmasini rivojlantirish bosh boshqarmasiga fuqarolardan ham bir nechta murojaatlar kelib tushgan. Mazkur masala yuzasidan quyidagilar ma'lum qilinadi.

2024-yil 14-iyun kuni Toshkent shahar transport va yo‘l-transport infratuzilmasini rivojlantirish bosh boshqarmasiga “Toshshahartransxizmat” AJning “2-avtobus saroyi” filialiga qarashli 159-sonli “Uchxoz mahallasi-Navro‘z bozori” yo‘nalishga belgilangan jadvaldan kam avtobuslar ishga chiqarib kelinganligi, bir necha kundan beri mazkur yo'nalishga umuman avtobuslar chiqarishni imkoni bo'lmaganligi, hozirgi kunda mazkur yo'nalishga biriktirilgan barcha avtobuslar nosoz holga kelganligi va ushbu yo‘nalish xizmatlaridan foydalanuvchi yo‘lovchilarning o'rinli e’tirozlari bo‘lganligi sababli xizmat ko‘rsatish yuzasidan tuzilgan brutto shartnomasini muddatidan oldin bekor qilinishni hamda mazkur yo'nalishni qayta tenderga joylashtirib berishni so'rab murojaat kelib tushgan.

Hozirda Toshkent shahar transport va yo‘l-transport infratuzilmasini rivojlantirish bosh boshqarmasi va “Toshshahartransxizmat” AJ o'rtasida tuzilgan brutto shartnomasini belgilangan tartibda bekor qilib, mazkur yo'nalish barcha tashuvchilar ishtirok etishi uchun qayta tenderga joylashtirish uchun tegishli ishlar amalga oshirilmoqda. Amaldagi qonunchilik talablariga muvofiq yangi g'olib aniqlanganidan so'ng belgilangan tartib va muddatlarda 159-sonli yo'nalishni qayta tiklash ishlari amalga oshiriladi.

Toshkent shahar transport va yo‘l-transport infratuzilmasini rivojlantirish bosh boshqarmasi jamoasi tashuvchi tomonidan keltirilgan mazkur noqulayliklar uchun yo'lovchilardan uzr so‘raydi.

Hurmat bilan,
Toshkent shahar transport va yo‘l-transport infratuzilmasini rivojlantirish bosh boshqarmasi jamoasi

O'zbekiston Respublikasi Transport vazirligi, Toshkent shahar hokimligi hamda Toshkent shahar transport va yo‘l-transport infratuzilmasini rivojlantirish bosh boshqarmasiga yo'lovchilardan Taxtapul Darvozasi ko'chasi bo'ylab mazkur ko'chaning kapital ta'mirlash vaqtida jamoat transporti to'xtatilganligi va qurilish yakunidan keyin yo'nalish tiklanib berilmaganligi yuzasidan ko'plab murojaatlar kelib tushmoqda.

Mazkur murojaatlarni o'rganish natijasiga ko'ra bugungi kunda haqiqatdan ham Taxtapul Darvozasi ko'chasi bo'ylab jamoat transporti harakati mavjud emasligi, avvalgi mazkur ko'chadan harakatlangan yo'nalishlar Taxtapul Darvozasi ko'chasi yonidagi Ahmad Donish hamda Taxtapul ko'chasi bo'ylab yo'lga qo'yilganligi ma'lum bo'ldi.

Mazkur masala Toshkent shahar transport va yo‘l-transport infratuzilmasini rivojlantirish bosh boshqarmasi tomonidan "Ochilishi rejalashtirilayotgan yo‘nalishlarining harakat xavfsizligi talablariga muvofiqligini aniqlash" komissiyasining navbatdagi yig'ilishida muhokamaga kiritilib, komissiyaning ijobiy xulosasi olinganidan so'ng Taxtapul ko'chasi bo'ylab jamoat transporti harakatini qayta tiklash masalasi ijobiy hal etilishi mumkinligi ma'lum qilinadi.

Hurmat bilan,
Toshkent shahar transport va yo‘l-transport infratuzilmasini rivojlantirish bosh boshqarmasi jamoasi.

Telegram ijtimoiy tarmoqdagi "Ko dnu" kanalida Toshkent shahridagi 114 yo‘nalishda yo‘lovchi va avtobus haydovchisi o‘rtasida bo‘lib o‘tgan holat yuzasidan tanqidiy video va maqola eʼlon qilingan.

Mazkur holat Toshkent shahar transport va yo‘l-transport infratuzilmasini rivojlantirish bosh boshqarmasi masʼul xodimlari tomonidan nazoratga olinib, tashuvchi «Toshshahartransxizmat» AJ masʼullariga mazkur holatni batafsil o‘rganish, haydovchi aybdor deb topilgan taqdirda nisbatan tegishli choralar ko‘rish va jamoatchilikka axborot berish yuzasidan ko‘rsatma berildi.

Tekshiruv natijasi bo‘yicha haydovchi xatti-harakatlari har tomonlama, to‘liq va xolisona o‘rganilib natijasi bo‘yicha jamoatchilikka axborot beriladi.

Toshkent shahar transport bosh boshqarmasi.

В Telegram-канале социальной сети "Ко Дну" опубликовано критическое видео и статья об инциденте между пассажиром и предположительно водителем автобуса на 114-м маршруте в г. Ташкенте.

Ответственными сотрудниками управления транспорта и развития дорожно-транспортной инфраструктуры г. Ташкента данный инцидент взят под контроль. Перевозчику АО «Тошшахартрансхизмат» дано предписание детально изучить ситуацию и в случае подтверждения фактов такого поведения со стороны водителя принять к нему соответствующие меры.

По результатам изучений общественности будет предоставлена подробная информация.

Главное управление транспорта города Ташкента.

Ijtimoiy tarmoqlarda jamoat transporti haydovchisi joriy yil 27-iyun kuni Shota-Rustaveli va Bobur ko'chalari kesishmasida svetoforning qizil chirog'iga harakatlanganligi to'g'risidagi videolavha tarqatildi. Mazkur holat Toshkent shahar transport bosh boshqarmasi tomonidan nazoratga olinib, Toshkent shahar IIBB YHXBga yetkazilib qonuniy chora ko'rish so'raldi. Befarq bo'lmagan va mazkur videoni yuborgan haydovchiga o'z minnadorchiligimizni bildiramiz. Yo'llarda harakat xavfsizligini ta'minlash barchamizning burchimiz. Yakunida Toshkent shahar IIBB YHXB tomonidan ko'rilgan qonuniy chora to'g'risida jamoatchilikka axborot beriladi.

Toshkent shahar transport bosh boshqarmasi.

В социальных сетях распространилось видео о том, что 27 июля т.г. водитель автобуса на пересечении улиц Шота-Руставели и Бобура продолжил своё движения на запрещающий сигнал светофора. Данный случай взят на контроль со стороны Главного управления транспорта г. Ташкент. Видео было отправлено в УБДД ГУВД г. Ташкента для принятия законных мер в отношении этого водителя. Благодарим водителя отправившего данное видео для публикации. Обеспечение безопасности дорожного движения долг каждого из нас. По итогам принятия законных мер со стороны УБДД ГУВД г. Ташкента общественности будет предоставлена информация.

Главное управление транспорта г. Ташкент.

Toshkent shahar IIBB YHXB tomonidan mazkur qoidabuzarlik sodir qilgan haydovchiga nisbatan qonuniy chora ko'rilganligi va ma'muriy qoidabuzarlik to'g'risidagi bayonnoma rasmiylashtirilganligi ma'lum qilinadi. Toshkent shahar transport bosh boshqarmasi kelgusida ham Toshkent shahar IIBB YHXB boshqarmasi bilan hamkorlikda qoidabuzarlik sodir qilgan barcha haydovchilarga nisbatan qat'iy kurashish ishlari davom ettiriladi.

Toshkent shahar transport bosh boshqarmasi.

Сообщаем о том, что сотрудниками УБДД ГУВД г. Ташкент к водителю нарушителю были приняты законные меры и оформлен протокол об административном правонарушении. Главным управлением транспорта совместно с УБДД ГУВД г. Ташкента будут продолжена работа по борьбе с водителями нарушителями ПДД.

Главное управление транспорта г. Ташкента