Бойлик мол-дунёнинг кўплигида эмас

Исломда инсоннинг дунёга нисбатан позицияси қандай бўлиши кераклиги борасида ниҳоятда гўзал таълимотлар мавжуд. У аввало инсоннинг қалбига юзланади ҳамда унга иффат ва улуғворлик туйғусини ўрнаштиради, очкўзлик ва баднафсликнинг ёмон эканини уқтиради.

Мол-дунёга бўлган муҳаббат бу – виждонни ҳам, танани ҳам парчалайдиган касаллик бўлиб, ўзининг ортидан шармандалик ва хорлик қолдиради. Келинг, мол-дунёга нисбатан ҳаддан зиёд муҳаббат ва уни қўлдан бой бергандаги қаттиқ қайғу ҳолати нимага сабаб бўлишини ушбу сўзлардан билиб оламиз:

"Маълум фактлардан бири шуки, фонд биржасида акция баҳоси пасайганида унда иштирок этувчиларнинг қони ва пешобидаги қанд миқдори сезиларли даражада ошиб кетади".

Бу ҳолатга Расулуллоҳ соллаллоҳу алайҳи васалламнинг сўзларидан кўра яхшироқ даво бўлиши мумкинми?

У зот алайҳиссалом айтадилар: "Бу мол ёқимли ва ширин. Ким уни нафс сахийлиги билан олса, унга барака берилади. Ким уни нафси интилиши (очкўзлик) билан олса, унга барака берилмайди. У ейди, лекин тўймайди…" (Имом Абу Довуд ривояти).

Мол-дунё гўзал рангли ва таъми ширин мевага ўхшайди. Бундай ширин ва ёқимли нарсага инсон табиати мойил бўлиши эса маълум нарса, лекин баъзи одамлар уни шунчалик истеъмол қиладики, охири ҳазм қила олмай қолади.

Улардан баъзилари бошқаларнинг қўлидаги нарсаларни тортиб олиб ўз улушига қўшиб қўяди. Яна баъзилари тўплайдию, лекин оч яшайди, емайди. Баъзиларини қашшоқлик қўрқуви ташвишга солса, бошқаларини кўпроқ нарсага эга бўлиш истаги қийнайди.

Одамларнинг энг фазилатлиси – бойлиги билан бирга саховат ва шараф соҳиби бўлганларидир. Улар мол-мулкини йўқотганда на кўз ёш тўкадилар ва на маҳзун бўладилар. Чунки уларнинг нафслари очкўзлик ва мол-мулк кўпайтиришдан йироқ.

Расулуллоҳ соллаллоҳу алайҳи васаллам айтадилар: "Эй одамлар! Бойлик молнинг кўплигидан эмас, (ҳақиқий) бойлик – нафснинг бойлигидир. Аллоҳ азза ва жалла бандасига ёзилган ризқни беради. (Уни) яхшилик ила изланг. Ҳалолни олинг ва ҳаромни тарк этинг" (Абу Яъло ривояти).

©️ Шайх Муҳаммад Ғаззолий

#ХайирлиКун

Фаришталар сенинг ҳаққингга дуо қиладиган саккиз ҳолат

• Биринчиси: Жамоат намозида биринчи сафда ҳозир бўлганингда.

• Иккинчиси: Намоз тамом бўлгандан сўнг масжидда дуо қилиб ўтирганингда.

• Учинчиси: Касал кўргани борган вақтингда.

• Тўртинчиси: Аллоҳ йўлидаги дўстингни зиёрат қилганингда.

• Бешинчиси: Биродарингни ғоибда эслаб, унинг ҳаққига дуо қилганингда.

• Олтинчиси: Инсонларга яхшиликни таълим берган вақтингда.

• Еттинчиси: Таҳоратли ҳолда уйқуга ётган вақтингда.

• Саккизинчиси: Саҳарлик тановул қилаётган вақтингда

БУҒДОЙГА ОЛДИНДАН ПУЛ БЕРИБ, ЎРНИГА СОМОН ОЛСА БЎЛАДИМИ?
#ҳалол_ҳаром

❓1199-CАВОЛ: Биз қишлоқда яшаймиз. Буғдой олишга олдиндан пул бериб қўямиз. Бу бизга буғдой пишган вақтдагидан арзонга тушади. Аммо баъзан буғдой эккан одамнинг буғдойи яхши бўлмай, ўрнига сомон ёки ер бераман дейди. Шундай ҳолатларда буғдой ўрнига сомон ёки ер олса бўладими?

💬 ЖАВОБ: Бисмиллаҳир Роҳманир Роҳим. Муайян ўлчовдаги ҳосил учун олдиндан пул бериб, пишган вақтда маҳсулотни олишликка келишув салам савдоси дейилади. Ушбу савдонинг бир қанча шартлари бор. (https://t.me/diniysavollar/398).
Келишилган вақт келганда ваъда қилинган буғдойни бера олмагани учун саволда айтилгани каби келишув қилиш жоиз эмас. Фуқаҳолар деҳқон келишилган буғдойни бера олмаса, бозордан келишилган сифатдаги буғдойни олиб беради, дейишган. Айнан ўзи эккан буғдой бўлиши шарт қилинмаган. Шунинг учун ҳам фиқҳий китобларимизда салам савдосидаги маҳсулот икки томон келишаётган ва топширилаётган вақтда бозорларда мавжуд бўлиши шарт дейилади. Агар деҳқон бозордан ҳам топиб бера олмаса, буюртмачи буғдой топилишини кутади ёки берган пулини қайтиб олади. Бошқа маҳсулот ёки келишилган маҳсулотнинг ўша кундаги қийматини олмайди. Масалан, буюртмачи деҳқон билан килоси 1000 сўмдан бир тонна буғдойга келишиб, бир миллион сўм пул берди. Муддат келган вақтда иккинчи томон келишилган буғдойни топиб бера олмади. Шу вазиятда унинг ўрнига ер ёки сомон бера олмагани каби буғдойнинг шу кундаги бозор нархида пул ҳам ололмайди, яъни, 1200 сўм бозорда бўлса, бир миллион икки юз минг сўм олиши тўғри келмайди. Бу борада фиқҳий китобларимизда мана бундай дейилган:
وَلَوْ انْقَطَعَ بَعْدَ الْمَحِلِّ فَرَبُّ السَّلَمِ بِالْخِيَارِ ، إنْ شَاءَ فَسَخَ السَّلَمَ ، وَإِنْ شَاءَ انْتَظَرَ وُجُودَهُ
“Маҳсулотни топшириш муддати келган вақтда маҳсулот топилмай қолса, маблағ эгаси, ихтиёрли бўлади. Хоҳласа, салам битимини бекор қилади (яъни берган маблағини қайтиб олади). Хоҳласа, маҳсулот топилишини кутиб туради” (“Ҳидоя” китоби). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

Ким кечаси ташқарига чиқиб осмонга қараб туриб Аллоҳ жалла ва аълони қудратини тафаккур қилиб "Роббана ма холақта ҳаза батила,субҳанака фақина аъзабаннаар"деса осмондаги юлдузлар ададича савоб берилади иншааллоҳ.

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1445 йил
Шаъбон  ойининг 26-куни пайшанба
милодий 2024-йил  7-март
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...

Алданма бу бевафо дунё нозига,
Шошил беш вақтлик намозга!
"Эртага ўқирман", деганнинг
Бугун бордик жанозасига.

👇👇👇👇👇👇
🍃🌹🍃🍃🌹🍃🍃🌹🍃

🌙 2024 ЙИЛ УЧУН ЗАКОТ, ФИТР ВА ФИДЯ МИҚДОРИ

🗣Ўзбекистон мусулмонлари идораси Фатво марказининг милодий 2024 / ҳижрий 1445 йилги Рамазон ойи учун закот нисоби, фитр садақаси ва фидя миқдори бўйича қарорлари қабул қилинди, унга кўра:

☪️ЗАКОТ
Рамазон ойи учун тилло қийматидан закот нисоби 40.000.000 (қирқ миллион) сўм этиб белгиланди.
Демак, кимда зарурий эҳтиёжидан ташқари 40 000 000 (қирқ миллион) сўм ва ундан ортиқ пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5 фоизи)ни закот ниятида ҳақдорларга беради.

☪️ ФИТР
Фитр садақасининг миқдори қуйидагича белгиланди:

буғдойдан – 14 000 (ўн тўрт минг) сўм;
арпадан – 20 000 (йигирма минг) сўм;
майиздан – 110 000 (бир юз ўн минг) сўм;
хурмодан – 180 000 (бир юз саксон минг) сўм деб белгиланди.

Ҳар ким ўз имкониятига қараб ушбу тўрт маҳсулотнинг хоҳлаган бир туридан фитр садақасини бериши мумкин бўлади.

☪️ФИДЯ
Фидя миқдори фитр садақасининг миқдори билан бир хил бўлади. Ҳар ким ўз имкониятига қараб, ушбу тўрт маҳсулотнинг хоҳлаган бир туридан фидя миқдорини ажратиши кифоя қилади.

Ўзбекистон мусулмонлари идораси
Фатво маркази.

Ўзбекистон мусулмонлари идораси Матбуот хизмати
#zakot #fitr #fidy #ramazon
MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1445 йил
Шаъбон  ойининг 27-куни муборак жума
милодий 2024-йил  8-март
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...

МУСУЛМОННИНГ МУСУЛМОН УСТИДАГИ ҲАҚҚИ

Абу Ҳурайрадан (розияллоҳу анҳу) ривоят қилинади. Расулуллоҳ (соллаллоҳу алайҳи ва саллам): "Мусулмоннинг мусулмон усидаги ҳаққи бештадир:
1.Саломга алик олиш.
2.Касални бориб кўриш.
3.Жанозага эргашиш.
4.(Таом ёки бошқа бирор нарсага) чақирганга жавоб қилиш.
5.Акса урганга жавоб қайтариш", дедилар. Имом Бухорий ривояти.

Муслимнинг ривоятида эса бундай келтирилади:" Мусулмоннинг мусулмондаги ҳақи олтитадир:
1.Йўлиққанда салом бериш.
2.(Таом ёки бошқа бирор нарсага) чақирганга жавоб қилиш.
3.Насиҳат талаб этса, насиҳат қилиш.
4.Агар акса уриб, ҳамд айтса,("Ярҳамукаллоҳ), деб жавоб қайтариш.
5.Касал бўлса, бориб кўриш.
6.Жанозасида қатнашиш". Имом Бухорий ва Муслим ривояти.
("Ал-Азкор"

Бахтли бўлишни хоҳлайсанми:
— орқангдан гапирган ҳар кимсага қулоқ солма;
— ҳар ваъдага ишонма;
— ҳар таниганингни ўзингга ўхшатма;
— ҳеч кимга ўз қадридан ортиқ баҳо берма;
— ахлатда ўсган "гул"дан эҳтиёт бўл;
— сени кўра олмаганларни кулиб тарк эт;
— олий мақсадинг йўлидан чалғима;
— энг оғир кунларингда ҳам ҳақдан воз кечма!

Шунда бахт эшик очади ва: "Бахтли бўлиш навбати сенда!" дея сени ўз оғушига олади.

🔴 Кимки бу ойнинг яхшиликларидан маҳрум қолса…

Абу Ҳурайра розияллоҳу анҳудан қилинган ривоятда Пайғамбаримиз соллаллоҳу алайҳи ва саллам Рамазон кириши арафасида мана бундай марҳамат қилган эканлар: “Муборак ой сизларга кириб келмоқда. Сизларга унинг рўзасини тутиш фарз қилинди. У ойда жаннат эшиклари очилади, жаҳаннам эшиклари ёпилади ва шайтонлар кишанланади. Унда минг ойдан яхшироқ бир кеча ҳам бор. Кимки бу ойнинг яхшиликларидан маҳрум қолса, ҳақиқатдан ҳам маҳрум қолгандир!”

Имом Аҳмад, Имом Насоий ва Имом Байҳақий ривояти

#Раййон_эшиги #Рамазон

БУЮК МУСОБАҚА...

Мусулмонлар катта мусобақани бошлаганлар, бу – натижаси охиратда эълон қилинадиган мусобақа!
Рўза тутган мусулмон борки мусобақа қатнашчисидир. Мукофот эса Аллоҳ таолонинг раҳмати... Розилиги... Жаннат...
Мусобақанинг битта шарти тақво, қўшимча шартлари жуда кўп: рўза, Қуръон тиловати, таровиҳ намози, ота-онага яхшилик, истиғфор, дуо, таҳажжуд, эҳсон, ифторлик қилиб бериш ва ҳоказо...
Мусобақа бир ой давом этади. Ғанимат фурсатларни қўлдан бой берманг, энг олий мукофот сизники бўлиши мумкин!!!

"Рамазон соғинчи" китобидан.
ЭСЛАТИНГ! ЗЕРО, ЭСЛАТМА МЎМИНЛАРГА МАНФААТ ЕТКАЗУР (Зориёт сураси, 55 оят).

#Ҳадис

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Ким Рамазон ойи (кечасидаги таровеҳ намозини адо этиш) фазилатига ишониб, савобини умид қилган ҳолда қоим қилса, олдинги гуноҳлари мағфират қилинади, дедилар.

Имом Бухорий ва Муслим ривоятлари.

​​​​"Қуёшдек аниқ билсанг, гувоҳлик бер! Бўлмаса, қўй!".
(Ҳоким ва Байҳақий ривоятлари).

Расулуллоҳ соллаллоҳу алайҳи ва саллам миш-мишлар, ноаниқ хабарлар ва турли тушунмовчиликлар юзага келганда, хабарнинг аниқлигини қуёшни билгандек билсанг, гапир ва гувоҳлик бер, бўлмаса, йўлингдан қолма, у ҳақда гапирма, демоқдалар.

Гўзал намунамиз - Расулуллоҳ соллаллоҳу алайҳи ва салламнинг бу таълимотлари бизга қанчалар зарурлигини ўйлаб кўринг, эй дўстларим.

Ҳадиси шарифни уч-тўрт бора ўқиб, ёдлаб олсак, бошқалар у ёқда турсин, шахсан ўзимиз учун ҳам жуда кўп фойда оламиз.

​​ РАМАЗОН ОЙИ УЧУН БЕШ МАСЛАҲАТ

Рамазон – мусулмонлар учун чинакам шодиёна. Бу ойда савоб амалларни кўпайтириб улуғ ажрларга эга бўлайлик. Сиз азизларга рамазон ойи учун бешта маслаҳатни тавсия қиламиз.

Биринчи
Жуда кўп таом еманг, сувни ҳам камроқ ичинг. Саҳарлик қилаётганда киши кун бўйи оч юришини ўйлаб кўп еб қўяди. Натижада ошқозон фаолияти қийинлашиб, киши дангаса ва беҳафсала бўлиб қолади. Ёдда тутинг, рамазон очлик ойи эмас, балки иймон-эътиқод синаладиган ойдир. Келинг, рамазон ойини Пайғамбаримиз соллаллоҳу алайҳи васаллам тавсия қилганларидек нафсимизни жиловлаб, ошқозонимизнинг учдан бирини овқатга, учдан бирини сувга қолган учдан бирини ҳавога тўлдирайлик.

Иккинчи
Сахийликни кўпайтиринг. Пайғамбаримиз Муҳаммад соллаллоҳу алайҳи васаллам доимо сахий бўлганлар. Айниқса, рамазон ойида саховатлари янада ошиб кетган. Бу муқаддас ойда ким саховатпешалик қилса унга улуғ савоблар ёзилади. Иложи борича рамазоннинг ҳар кунида сахийлик қилинг. Биргина Қадр кечасида қилинган хайр-саховатга Аллох жуда кўп савобларни ваъда қилган. Саховатли бўлайлик, иншоаллоҳ улуғ ажрлар эгасига айланайлик.

Учинчи
Беш маҳал намозга қоим бўлинг. Рамазон ойида кечалари таровеҳ намозига одамлар ёғилиб келади. Аммо кундузлари намоз ўқувчилар бир оз сийраклашгандек бўлиб қолади. Албатта таровеҳ намозининг ажри улуғ, Бироқ ёдда тутинг, Аллоҳ таоло бизга кунда беш маҳал намоз ўқишни фарз қилган. Фарз амални мукаммал адо этишда сусткашлик қилманг.

Тўртинчи
Рамазон – Қуръон ойи! Бу муқаддас ойда кўпчилик Қуръонни бир неча бор хатм қилиш пайида бўлади. Баъзиларимиз Қуръонни уч маротаба, баъзиларимиз беш маротаба хатм қиламиз. Бу ажойиб мусобақага ўхшайди. Айниқса, оятлар маъноси тушуниб ўқилганда савоби янада улуғ бўлади. Шу муқаддас ойда Қуръон ўқиб қалбимизни нурга тўлдирайлик.

Бешинчи
Тақводор бўлайлик. Аллоҳ таоло бандаларига тақво қилишни буюриб, Бақара сурасининг 183-оятида қуйидагича марҳамат қилади: “Эй, имон келтирганлар! Сизлардан олдинги (уммат)ларга фарз қилингани каби сизларга ҳам рўза тутиш фарз қилинди, шояд (у сабабли) тақволи бўлсангиз”.

Оятда айтилганидек рўзадорлик ортидан тақводор бўлишга чақирилмоқда. Тақводор одам ўз нафсини жиловлайди. Шубҳали нарсалардан узоқ бўлади. Тақво сўзи кўп тилларда мавжуд эмас. Унинг асл маъноси “Аллохдан қўрқиш, У белгилаган ҳадлардан ошмаслик ва охиратни ўйлаб яшашдир”. Тақво фақат Аллоҳдан қўрққанимиз баробарида унга бўлган чексиз муҳаббатимиз сабаб бўлса янада яхши.