لستة الدعم المنتظمة السودانية🇸🇩✌️🏾

🔰 لدعم القنوات السودانية🔰

👇🏾🇸🇩قنواتنا على التلغرام🇸🇩👇🏾

❶سـودانـيـز🇸🇩☻نـكـات♡🔐℡

❷خواطر مترجمة 🌹

‼️#النشر 10 م
‼️#الحذف 06 ص

‼️الحذف تلقائي
🔰اي مخالفة ⏪ حذف قناتك

👈🏾🇸🇩اضغط هنا للانضمام الى اللستة🇸🇩👉🏾

شبب ف زول بعرف ليه زول/ة شغال ف وزارة الماليه

بس عندي شويه استفساااار البيقدر يساعدني اتفضل 😔🙂

@khalid_gold

‏البحصل في السودان دا م عندو تفسير غير انو أجدادنا القدماء بنو السودان بقروش حرام

Countdown🔥🔥🔥

7day🔥🔥🔥🥺

اللهم انت تعلم ما في بالي فااا يسره لي وحققه لي ي رب💛🙇‍♂️

حتماً سيستجيب 🍁✨

دسووني ي شبب🙇‍♂️💛

للتذكيييير 💛💛💛💛🔥

‏من الدروس البحاول أتعلمها الفترة دي ف سبيل الراحة النفسية وتقويم "الأنا" التسليم بفكرة إنه أنت ف كثير من الأحيان قد تكون غير مرغوب بل البعض قد يراك ناقص وآخر قد ل يعترف بقيمتك أصلآ فمسيرها بقاعدة
We can t be all things to all people but at least we can be a friend to ourselves🍁
‏لأنه من وجهة نظري سبب صدماتنا وحزننا وخذلاننا ف كثير من الأحيان سببه يرجع لإنه إحنا بننتظر من الناس التقييم والمكانة "الإحنا" خاتينها لنفسنا "إحنا" لذلك لما التقييم والتقدير دة م يجي ع نحو الإحنا وضعناه لأنفسنا .. بنحزن ونتأثر بل البعض قد يصل بيه الحال لوجع القلب وفقدان الثقة

‏وأنا برى إنه الدافع من رغبتنا ف إنه الناس تنظر لينا أو تقييمنا بالطريقة الأحنا بننظر بيها لنفسنا وبنقيم بيها ذواتنا سببه "خوفنا" من إنه نترك للناس معيار التقييم من منظارهم هم ومن منظورهم هم .. ويرجع برضو لعدم قدرتنا وتقبلنا لحقيقة إنه ف شخص آخر قد يراك بمنظور غير منظورك لنفسك .. ‏فكل محاولات التصنع القاعدين نراها من الناس وقد نلجأ ليها إحنا بدورنا ف وقت من الأوقات خلال المناسبات والإجتماعيات وبدايات العلاقات وحتى السوشيال ميديا كل أجواء التصنع دي المحرك السلوكي ورائها ف كثير من الأحيان م Show off ع قدر م هو "محاولة إختباء" من حقيقتنا...

‏إتفقت أم إختلفت الموضوع ببساطة سببه تدخل "الأنا - Eggo" بطريقة ما .. حتى الناس المظلومة والبتلاقيها حزينة بعد العلاقات وحزينة بعد تجارب معينة وإجتماعيات معينة وتعليقات وألخ السبب وراء الحزن "الأنا" الأنا بتاعتك كانت مستنية تقييم بطريقة تليق بيها .. بطريقة ترضيك .. طريقة ترضي ذاتك
‏ودة ف كثير من الأحيان قد لا يتوفر .. لذلك من باب أولى الإنسان يوطن نفسه بحقيقة إنه ف ناس ممكن تشوفك ناقص وناس تانية دمك تقيل وناس تانية حتجي تشوفك العكس وناس تانية بترى إنك م بتفهم أصلآ .. وناس تانية ع النقيض بتقدرك تمام التقدير .. في شخص آخر قد يشوفك تصلح لعلاقة وآخر لأ...

‏ف شخص قد يشوفك جميل وآخر قد لا يتفق .. ممكن شخص يستعين بيك ف مشكلة وآخر يشوفك لا تصلح أصلآ .. فاا منظار الناس مختلف ومتباين ودة بيرجع لإختلاف ثقافات الناس وإختلاف معرفتها وطبعها وطريقة تربيتها ومنظورها وجودة عشرتها ... لذلك كل م تعايشت مع الحقيقة دي كل م حترتاح ومؤشر صدماتك حيقل...

أخيييييرآ

لو كل إنسان وطن نفسه ع الحقيقة دي ووجد طريقة للتعايش معاها دة من شأنه يحفظ سلامته النفسية ويديهو خاتمة لحاجات كتيرة ممكن يكون لازال بيبحث ليها عن تفسير .. وإنه تقييم الناس وقبولهم لينا ف كثير من الأحيان قد يأتي مخالف لأهوائنا لذلك وجب ضرورة أن لا نقسوا ع أنفسنا!💛🍁

#ĞŐŁĐĔŇ_ცŐΎ🍁

خسارة الـ best friend ما ساهله ، أنت بتخسر صاحب عشت معاهو كل حالاتك، كل لحظة فشل، كل لحظة نجاح، طلعات وذكريات وكلام كتير بينكم، حاجات مشتركة عملتوها سوا، بتخسر نفسك البتحبها معاهو ، زول كنت بترتاح معاهو و بتحبو و بتخسر حاجات لسبب ما معروف وما مقنع اصلا ،،عمرها ما كانت ساهله 🙂

في مصطلح مؤمن بيو جداً اسمه sleep on it ، بمعنى ما تاخد قرارات حلوة ولا كعبة في لحظة حدوث الموقف ، ارتاح شوية وما تتكلم ونوم ولما تصحى الموضوع هيبقى أبسط بالنسبة ليك والإنبهار بالموقف أو الغضب الشديد ناحيتو حيكون خف كتير فتاخد قرار سليم

الدنيا دي سيئة شديد .. بتخليك تشوف الناس ع حسب مكانتم عندك وم بتكون قادر تشوف الحقيقة ومهما حاولت تشوف الحقيقة ف شي داخلك بيخليك تتجاوز الحقيقه وم تصدقه بحكم قلبك م راضي لانو اتعود يشوف الناس ديل بمشاعر تانية مختلفة .. once انو الناس ديل اتغيرو وفضلت انت ثابت والحقايق بدات تظهر .. هنا قلبك مهما حاولت معاه علشان يصدق الشايفو بيحاول هو كمان يقنعك بالعكس بسبب العاطفة او المشاعر اللي انت كنت خاتيها للناس ديل .. فهتكون ف صراع ف الحاجة دا ليين يفوز زول فيكم ويقنع التاني بالحقيقه وف الحالتين انت الخسران كدا كدا هتضع ضحية انت .. فااا مهما آمنت بمشاعرك لشخص حرفياً هتتألم /ممكن يموت وتتألم/ممكن ينفصل عنك وتتألم/اي كانت الاسباب انت هتتألم وهتتوجع وهيحصل فيك العجب خصوصا لو كنت شخص بتقدم مشاعرك بصدق تااااام

فااا خليك مقتنع وراضي تماماً انك لو دخلت مجال المشاعر بصفة عامة - اصحاب - بيست - ارتباط - كراااش - زواج .. كل شي ليه علاقة بالحب/مشاعر وبحت بالعندك بكل صدق لو دخلت المجال خليك متأكد ومستعد لكل شي يحصل واستحملو لانو لكل شي جانب سمح/كعب .. مهما كنتو كويسين هتتألم وهنا بجي دور فايدة الحاجة دي انو علشان م يحصل وجع لشخص فيكم لازم قبل تختار زولك وتبدا المجال دا معاه لازم تتأكد انو هو فعلياً وظاهرياً مبادلك نفس الحاجة دي او لا وبتكون ظاهرة فلمن انت يكون عندك مشاعر ليه وتعرف انو هو ولو بنسبة ١٠٪؜ عندو سيم سيم كدا ممكن تاخد risk وتعبر ليه وتبدو تزيدو النسبة مع بعض بحيث م يتألم شخص فيكم ولو م كان ف تبادل بنفس الجهد او مناسب لجهد الطرف التاني هيحصل فيكم عجايب وف كل الاحوال انت هتخاطر بس ع الاقل خليك مقتنع

كلامي دا م معناته انو تتجاوز مشاعرك وم تربط ووووالخ لالا.. بقصد انو خليك عارف خطورة الموقف ولو انت م قادر ع الموضوع دا حاول انك م تاخد ال risk دا .. قرار انك تبادل وتدي مشاعرك او تربط دا بيدك ١٠٠٪؜ المشاعر والحب اختيار وقرار رضيتم او لا .. اينعم كبداية م بيدك بس انك تواصل وتتعمق فيه دا بيدك as u wish فااا عشان كدا الناس تحاول تفهم بعض وتختار صح وتكون واضحه وصريحه والاحترام والتقدير اهم من كل شي ولو حصل وصادف انك وقعت مع شخص بيبادلك نفس الشي امسك فيه كويس وقدر م تحس انو عايز ارخي اطرح ليه زيادة و وري انك قاعد ترخي وساعدو ف انو يرجع طبيعي معاك زي م كان وووالخ الوضوح بينكم مهم حتي لو الطرف التاني يزعل طالما الوضوح بخصوص الحقيقه وهكذا .. و ان شاء الله م تصلو لمرحلة انكم تتخلو عن المشاعر بصفة كاملة سواء ب اسباب ناس او ب إقتناعك انها مؤذية وبس يعني☺️🙏

"حين يخسر الإنسان توقّعاته في الشيء الذي أراده حقًا، لا أحد يستطيع أن يعيد إليه طمأنينته نحو أي شيء."

-
الملايين من الناس توقفوا عن كونهم مرهفي الحس،
وأصبحوا متبلدي المشاعر،
فجعلوا بينهم وبين الآخرين طبقة سميكة،
لتجنب التعرض لأي أذى من قبل أي شخص،
ولكنهم دفعوا ثمن ذلك غاليًا أيضًا،
فبالفعل لا يستطيع أحد إيذاءهم،
ولكن لا يستطيع أحد أن يجعلهم سعداء أيضًا.

-

أغلقوا الأبواب علموهم احترام الفرص..🖤

صباح الخير 🤍✨

يقولون إن الفرص تأتي مرة واحدة فقط. أنا شخصيا لا أؤمن بذلك.

ستأتي الفرص مرارا وتكرارا لأولئك الذين يبذلون جهودهم في الاستعداد. ستظهر فرص أفضل مع مرور الوقت.

الامتناع عن اتخاذ القرارات بناء على الخوف من فقدان فرصة عظيمة. لكي نكون أكثر دقة، لا تتخذ قرارات بناء على أي خوف.

أفهم أنه في بعض الأحيان تشعر وكأنك تقدم تضحية. لكن في الواقع، أي خيار في حياتنا ينطوي على تضحية. لذلك، على سبيل المثال، إذا اخترت الاستقرار مع عائلتك على فرصة عمل فاخرة في الخارج أو العكس، فأنت تقدم تضحية على أي حال. ما عليك سوى اختيار ما هو أكثر منطقية بناء على ظروفك بدلا من عظمة الفرصة. كن مطمئنا أنه إذا فاتتك هذه المرة، فسوف تظهر مرة أخرى في الوقت الصحيح.

فقط كن مستعدا!