சின்னஞ்சிறு வயதில்
நாம் சைக்கிள் ஓட்ட கற்றுக் கொள்ளும் காலத்தில், எத்தனை முறை கீழே விழுந்தோம், எத்தனை முறை மீண்டும் எழுந்தோம் ?
எண்ணிப்பார்த்தால் கணக்கிலடங்காது !
பள்ளிப் பருவத்தில் எனக்கு சைக்கிள் ஓட்ட கற்றுக் கொடுத்தவர் என் தாய் மாமா. வளைந்தும் நெளிந்தும் நான் ஓட்டும் சைக்கிளைப் பிடித்துக் கொண்டு அவரும் என் கூடவே நெளிந்து வளைந்து ஓடி வருவார்.
அவ்வப்போது இடுப்பில் ஒரு குத்து. "இடுப்பை வளைக்காதே... எத்தனை தடவை சொல்றேன்..."
நானும் கீழே விழுந்து விடாமல், சைக்கிளும் கீழே விழுந்து விடாமல், பேலன்ஸ் செய்து பிடித்தபடி, உற்சாகக் குரல் கொடுத்துக் கொண்டு கூடவே ஓடி வருவார். "அப்படியே ஓட்டு, அருமையா ஓட்டறே... ஓட்டு ஓட்டு..."
உடன் ஓடி வரும் மாமா சைக்கிளை பிடித்திருக்கும் தைரியம் ஒரு பக்கம் இருந்தாலும், உள்ளுக்குள் கொஞ்சம் உதறல்தான் !
"மாமா ...விட்டுடாதீங்க மாமா...விழுந்துடுவேன் " என்றபடி நானும் திக்கித் திணறி பெடல் செய்து ஓட்ட,
"விட மாட்டேன்... பிடிச்சுக்கிட்டு உன் கூடவேதான் ஓடி வருவேன்..." என்று மாமாவும் ஓடி வர, இப்படியே சில நாட்கள் சைக்கிள் நன்றாகவே ஓடியது.
ஒரு நாள். பேசிக்கொண்டே சைக்கிளை பிடித்தபடி என்னுடன் வந்த மாமா திடீர் மௌனமானார். மாமா ஏன் எதுவும் பேசாமலே பின்னால் ஓடி வருகிறார் ?
தலையை திருப்பி பின்னால் பார்க்காமலேயே ,"மாமா... மாமா..."என்று நடுக்கத்துடன் நான் குரல் கொடுக்க ...
மாமாவின் பதில் குரல் கேட்கவில்லை.
சைக்கிளை ஓட்டிக் கொண்டே தலையை திருப்பிப் பார்த்தால்....
மாமா எங்கோ வெகு தூரத்தில் நின்றபடி என்னை பார்த்துக் கொண்டிருக்கிறார். எப்போது அவர் என்னை விட்டு விட்டார் என்று எனக்கே தெரியாது.
தூரத்தில் நின்று கையை ஆட்டிக் கொண்டு ,"வெரி குட்... நல்லா ஓட்டறே... அப்படியே ஓட்டு..." என்று உற்சாகக் குரல் கொடுத்தார்.
அவ்வளவுதான்!
"மாமா..." என்ற பெரும் அலறல் எழுப்பியது மட்டும்தான் தெரியும். அடுத்த சில நொடிகளில் சைக்கிள் ஒரு பக்கம், நான் ஒரு பக்கம்.
தூரத்தில் நின்றிருந்த மாமா வேக வேகமாக ஓடோடி வந்தார்,
விழுந்த என்னை தூக்கி விட..!
முழங்காலில் ஏற்பட்டிருந்த சிராய்ப்பை தடவி விட்டபடி,
"இவ்வளவுதாண்டா சைக்கிள் ஓட்டறது... இப்படித்தான் ஓட்டணும்... தைரியமா ஓட்டு... இனிமே தனியாவே நீ ஓட்டிடுவே..!" என்று அவர் தட்டிக் கொடுக்க, அப்போது மாமாவின் மீது எனக்கு கோபம் வந்தாலும்,
இப்போது நினைத்துப் பார்க்கிறேன்.
முதலில் சைக்கிள் ஓட்ட கற்றுக் கொடுக்கும்போதே, "எப்போதும் நான் உன் கூடவே வர மாட்டேன். ஏதாவது ஒரு சமயத்தில், நான் விலகிக் கொண்டு உன்னை தனியாக ஓட்ட வைத்து விடுவேன் " என்று என் மாமா உண்மையைச் சொல்லி இருந்தால்,
நான் பயந்து போயிருப்பேன். அந்த பயத்தின் காரணமாகவே ஒருபோதும் சைக்கிள் ஓட்ட கற்றுக் கொண்டிருக்கவே மாட்டேன்.
"கூடவே நான் இருப்பேன் ; ஒரு போதும் உன்னை கை விட மாட்டேன் " என்று என் மாமா கொடுத்த ஒரு பொய்யான தைரியம்தான், ஒரு புதிய விஷயத்தை, சைக்கிள் ஓட்டுதலை, நான் கற்றுக் கொள்ள வைத்தது.
நினைத்துப் பார்த்தால் நம் வாழ்க்கையில், நாம் முன்னேறுவதற்காக, எத்தனையோ பேர், ஒரு சில பொய்யான உற்சாகங்களை கொடுத்து நம்மை ஓட விடுகிறார்கள் ; ஊக்குவித்து வருகிறார்கள்.
அவர்கள் சொல்வது பொய் என்றாலும், அதனால் நாம் உற்சாகம் பெற்றிருப்போம் ; ஒரு படி வாழ்க்கையில் முன்னேறி இருப்போம் !
அத்தனை பேருக்கும் நன்றி சொல்ல ஆரம்பித்தால் ,
அதற்கு இந்த ஒரு ஆயுள் போதாது..!
"பொய்மையும் வாய்மை யிடத்த புரைதீர்ந்த
நன்மை பயக்கும் எனின்."
"குற்றம் அற்ற நன்மையைத் தரும் என்றால் உண்மை சொல்ல வேண்டிய இடத்தில் பொய்யும் சொல்லலாம்."
John Durai Asir Chelliah
(மீள் பதிவு)
நாம் சைக்கிள் ஓட்ட கற்றுக் கொள்ளும் காலத்தில், எத்தனை முறை கீழே விழுந்தோம், எத்தனை முறை மீண்டும் எழுந்தோம் ?
எண்ணிப்பார்த்தால் கணக்கிலடங்காது !
பள்ளிப் பருவத்தில் எனக்கு சைக்கிள் ஓட்ட கற்றுக் கொடுத்தவர் என் தாய் மாமா. வளைந்தும் நெளிந்தும் நான் ஓட்டும் சைக்கிளைப் பிடித்துக் கொண்டு அவரும் என் கூடவே நெளிந்து வளைந்து ஓடி வருவார்.
அவ்வப்போது இடுப்பில் ஒரு குத்து. "இடுப்பை வளைக்காதே... எத்தனை தடவை சொல்றேன்..."
நானும் கீழே விழுந்து விடாமல், சைக்கிளும் கீழே விழுந்து விடாமல், பேலன்ஸ் செய்து பிடித்தபடி, உற்சாகக் குரல் கொடுத்துக் கொண்டு கூடவே ஓடி வருவார். "அப்படியே ஓட்டு, அருமையா ஓட்டறே... ஓட்டு ஓட்டு..."
உடன் ஓடி வரும் மாமா சைக்கிளை பிடித்திருக்கும் தைரியம் ஒரு பக்கம் இருந்தாலும், உள்ளுக்குள் கொஞ்சம் உதறல்தான் !
"மாமா ...விட்டுடாதீங்க மாமா...விழுந்துடுவேன் " என்றபடி நானும் திக்கித் திணறி பெடல் செய்து ஓட்ட,
"விட மாட்டேன்... பிடிச்சுக்கிட்டு உன் கூடவேதான் ஓடி வருவேன்..." என்று மாமாவும் ஓடி வர, இப்படியே சில நாட்கள் சைக்கிள் நன்றாகவே ஓடியது.
ஒரு நாள். பேசிக்கொண்டே சைக்கிளை பிடித்தபடி என்னுடன் வந்த மாமா திடீர் மௌனமானார். மாமா ஏன் எதுவும் பேசாமலே பின்னால் ஓடி வருகிறார் ?
தலையை திருப்பி பின்னால் பார்க்காமலேயே ,"மாமா... மாமா..."என்று நடுக்கத்துடன் நான் குரல் கொடுக்க ...
மாமாவின் பதில் குரல் கேட்கவில்லை.
சைக்கிளை ஓட்டிக் கொண்டே தலையை திருப்பிப் பார்த்தால்....
மாமா எங்கோ வெகு தூரத்தில் நின்றபடி என்னை பார்த்துக் கொண்டிருக்கிறார். எப்போது அவர் என்னை விட்டு விட்டார் என்று எனக்கே தெரியாது.
தூரத்தில் நின்று கையை ஆட்டிக் கொண்டு ,"வெரி குட்... நல்லா ஓட்டறே... அப்படியே ஓட்டு..." என்று உற்சாகக் குரல் கொடுத்தார்.
அவ்வளவுதான்!
"மாமா..." என்ற பெரும் அலறல் எழுப்பியது மட்டும்தான் தெரியும். அடுத்த சில நொடிகளில் சைக்கிள் ஒரு பக்கம், நான் ஒரு பக்கம்.
தூரத்தில் நின்றிருந்த மாமா வேக வேகமாக ஓடோடி வந்தார்,
விழுந்த என்னை தூக்கி விட..!
முழங்காலில் ஏற்பட்டிருந்த சிராய்ப்பை தடவி விட்டபடி,
"இவ்வளவுதாண்டா சைக்கிள் ஓட்டறது... இப்படித்தான் ஓட்டணும்... தைரியமா ஓட்டு... இனிமே தனியாவே நீ ஓட்டிடுவே..!" என்று அவர் தட்டிக் கொடுக்க, அப்போது மாமாவின் மீது எனக்கு கோபம் வந்தாலும்,
இப்போது நினைத்துப் பார்க்கிறேன்.
முதலில் சைக்கிள் ஓட்ட கற்றுக் கொடுக்கும்போதே, "எப்போதும் நான் உன் கூடவே வர மாட்டேன். ஏதாவது ஒரு சமயத்தில், நான் விலகிக் கொண்டு உன்னை தனியாக ஓட்ட வைத்து விடுவேன் " என்று என் மாமா உண்மையைச் சொல்லி இருந்தால்,
நான் பயந்து போயிருப்பேன். அந்த பயத்தின் காரணமாகவே ஒருபோதும் சைக்கிள் ஓட்ட கற்றுக் கொண்டிருக்கவே மாட்டேன்.
"கூடவே நான் இருப்பேன் ; ஒரு போதும் உன்னை கை விட மாட்டேன் " என்று என் மாமா கொடுத்த ஒரு பொய்யான தைரியம்தான், ஒரு புதிய விஷயத்தை, சைக்கிள் ஓட்டுதலை, நான் கற்றுக் கொள்ள வைத்தது.
நினைத்துப் பார்த்தால் நம் வாழ்க்கையில், நாம் முன்னேறுவதற்காக, எத்தனையோ பேர், ஒரு சில பொய்யான உற்சாகங்களை கொடுத்து நம்மை ஓட விடுகிறார்கள் ; ஊக்குவித்து வருகிறார்கள்.
அவர்கள் சொல்வது பொய் என்றாலும், அதனால் நாம் உற்சாகம் பெற்றிருப்போம் ; ஒரு படி வாழ்க்கையில் முன்னேறி இருப்போம் !
அத்தனை பேருக்கும் நன்றி சொல்ல ஆரம்பித்தால் ,
அதற்கு இந்த ஒரு ஆயுள் போதாது..!
"பொய்மையும் வாய்மை யிடத்த புரைதீர்ந்த
நன்மை பயக்கும் எனின்."
"குற்றம் அற்ற நன்மையைத் தரும் என்றால் உண்மை சொல்ல வேண்டிய இடத்தில் பொய்யும் சொல்லலாம்."
John Durai Asir Chelliah
(மீள் பதிவு)
👍41💯3❤2👏2🎉2
B2A FREE TAMIL TEST BATCH pinned «Group 2 result published (interview post only)»