2026 ஆம் ஆண்டு சட்டமன்ற தேர்தலில் திமுக தலைமையிலான மதச்சார்பற்ற முற்போக்கு கூட்டணியில் அங்கம் வகிக்கும் முக்குலத்தோர் புலிப்படை தலைவர் கருணாஸ், மனிதநேய ஜனநாயக கட்சியின் தலைவர் தமிமுன் அன்சாரி ஆகியோருக்கு தலா ஒரு தொகுதி ஒதுக்கப்பட்டுள்ளது. இவர்கள் இருவரும் உதயசூரியன் சின்னத்தில் போட்டியிடுகின்றனர்.

இந்த நிலையில், இன்று மார்ச் 28ஆம் தேதி மார்க்சிஸ்ட் கம்யூனிஸ்ட் கட்சியின் மாநிலக்குழு அலுவலகத்திற்கு நேரில் #CPIM மாநிலச் செயலாளர் பெ. சண்முகத்தை சந்தித்து வாழ்த்து பெற்றனர். கட்சியின் மூத்த தலைவர் நூர் முகமது, மாநில செயற்குழு உறுப்பினர்கள் கே.கனகராஜ், கே.சாமுவேல்ராஜ், எஸ்.கண்ணன், டி.ரவீந்திரன் உள்ளிட்டோர் உடன் இருந்தனர்.

இடுக்கி மாவட்டம் தேவிகுளம், கஞ்சிகுழி, தொடுபுழா தொகுதிகளிலும், கோட்டயம் மாவட்டம் வைக்கம், கடுதுருத்தி, புதுப்பள்ளி தொகுதிகளிலும் இடது ஜனநாயக முன்னணி (LDF) நடத்திய பொதுக்கூட்டங்களில் #CPIM அரசியல் தலைமைக்குழு உறுப்பினர் விஜூ கிருஷ்ணன் உரையாற்றினார்.

கேரள சட்டமன்றத் தேர்தலை முன்னிட்டு இடதுசாரி ஜனநாயக முன்னணி வேட்பாளர்களுக்கு ஆதரவாகப் பேசிய தோழர் விஜூ கிருஷ்ணன், நரேந்திர மோடி அரசின் விவசாயி எதிர்ப்பு, பெண்கள் எதிர்ப்பு மற்றும் தொழிலாளர் எதிர்ப்பு கொள்கைகளைக் கடுமையாகத் தோலுரித்துக் காட்டினார்.

இக்கொள்கைகளை முறியடிக்க இடதுசாரி ஜனநாயக முன்னணி அரசு எடுத்து வரும் மக்கள் நல மாற்றுத் திட்டங்களை அவர் முன்னிலைப்படுத்தினார். மேலும், பெரும்பாலான கொள்கைகளில் காங்கிரஸும் ஐக்கிய ஜனநாயக முன்னணியும் (UDF) பாரதிய ஜனதா கட்சியுடன் கைகோர்த்துள்ளதை அவர் சுட்டிக்காட்டினார்.

பருவம் தப்பி பெய்த கனமழையையும் பொருட்படுத்தாமல், இக்கூட்டங்களில் இடது ஜனநாயக முன்னணி வேட்பாளர்களின் ஆதரவாளர்களும் நலம் விரும்பிகளும் பெருமளவில் கலந்து கொண்டனர்.