கார்ப்பரேட் நண்பர்களுக்கு மோடி அரசின் சலுகை மழை; சாமானிய மக்கள் தலையில் வரிச்சுமை!

மோடி அரசின் 10 ஆண்டு கால 'கார்ப்பரேட் ஆதரவு' அரசியலை அம்பலப்படுத்தும் அதிர்ச்சித் தகவல்கள்:

கடந்த 8 ஆண்டுகளில் மட்டும் பெருநிறுவனங்களுக்கு வழங்கப்பட்ட வரிச் சலுகைகளால் அரசுக்கு ₹7.41 லட்சம் கோடிவருவாய் இழப்பு. 2014 இல் 61.65% ஆக இருந்த கார்ப்பரேட் வரியின் பங்கு, தற்போது 44.32% ஆகக் குறைக்கப்பட்டுள்ளது.

சாமானியர்களின் அத்தியாவசியப் பொருட்கள் மீது GST விதிக்கும் அரசு, கார்ப்பரேட் நிறுவனங்களுக்கான வரியை 30% லிருந்து 15-22% ஆகக் குறைத்துள்ளது. "மக்களின் கல்விக்கும், சுகாதாரத்திற்கும் பயன்பட வேண்டிய ₹7.41 லட்சம் கோடி மக்கள் பணம், கார்ப்பரேட் முதலாளிகளுக்கு தாரை வார்க்கப்பட்டுள்ளது."

- தோழர் ஆர்.சச்சிதானந்தம், எம்.பி., மாநிலக்குழு உறுப்பினர் #CPIM #TaxInjustice #ModiGovernment #GSTBurden #CorporateTaxCuts

விழுப்புரம் மாவட்டம், சொர்ணாவூர் மேல்பாதி கிராமத்தில் சாதி மறுப்பு காதல் திருமணம் செய்த தலித் கிறிஸ்தவர் சமூகத்தைச் சேர்ந்த தேவ ஜெசிபிரியா ஆணவப் படுகொலையைக் கண்டித்தும், சாதி ஆணவப் படுகொலைக்கு எதிராக விரைந்து சட்டம் இயற்ற வலியுறுத்தியும், பாதிக்கப்பட்ட குடும்பத்தில் ஒருவருக்கு அரசு வேலை வழங்கிட வேண்டும் எனவும், குற்றவாளிகள் அனைவரையும் கைது செய்ய வலியுறுத்தியும் #TNUEF சார்பில் விழுப்புரம் நகராட்சி திடலில் கண்டன ஆர்ப்பாட்டம் நடைபெற்றது.

இந்நிகழ்வில் தமிழ்நாடு தீண்டாமை ஒழிப்பு முன்னணியின் மாநில பொதுச் செயலாளர் பி.சுகந்தி, துணைப் பொதுச் செயலாளர் பழ.வாஞ்சிநாதன், விழுப்புரம் மாவட்ட செயலாளர் எம்.கே.முருகன், தலைவர் எஸ்.முத்துக்குமரன் மற்றும் #DYFI மாவட்ட செயலாளர் எஸ்.அறிவழகன், #AIDWA மாவட்ட செயலாளர் இலக்கிய பாரதி உள்ளிட்ட ஏராளமான பங்கேற்றனர்.

உதவித் தொகையை உயர்த்தக் கோரி செவ்வாயன்று சென்னையில் மாற்றுத்திறனாளிகள் ஆணையர் அலுவலகம் முன்பு தமிழ்நாடு அனைத்துவகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் சார்பில் மறியல் போராட்டம் நடைபெற்றது.

இதில் ஊனமுற்றோர் உரிமைக்கான தேசிய மேடையின் அகில இந்திய தலைவர் எஸ்.நம்புராஜன், மாநிலத் தலைவர் தோ.வில்சன், பொதுச் செயலாளர் பா.ஜான்சிராணி உள்ளிட்ட பலர் பங்கேற்றனர்.

கொச்சியில் ரூ 449 கோடியில் அதிநவீன புற்றுநோய் ஆராய்ச்சி மையம்: கேரள முதல்வர் பினராயி விஜயன் திறந்து வைத்தார்!

கேரள மாநிலம் கொச்சியில் ரூ. 449 கோடி செலவில் கட்டப்பட்ட உலகத்தரம் வாய்ந்த புற்றுநோய் ஆராய்ச்சி மையத்தின் (CCRC) புதிய கட்டடத்தை முதலமைச்சர் பினராயி விஜயன் திறந்து வைத்தார். எர்ணாகுளம் அரசு மருத்துவக் கல்லூரி வளாகத்தில் 12.63 ஏக்கர் பரப்பளவில், 9 அடுக்குகளுடன் இந்த பிரம்மாண்ட மையம் உருவாக்கப்பட்டுள்ளது.

6.35 லட்சம் சதுர அடி பரப்பளவில் அமைந்துள்ள இக்கட்டடத்தில், சிக்கலான அறுவை சிகிச்சைகளுக்காக 12 சிறப்பு அரங்குகள் மற்றும் ரோபோடிக் அறுவை சிகிச்சை வசதிகள் ஏற்படுத்தப்பட்டுள்ளன. புற்றுநோய் குறித்த மேம்பட்ட ஆராய்ச்சிகளுக்காக 10,000 சதுர அடி பரப்பளவில் தனிப்பிரிவு ஒதுக்கப்பட்டுள்ளது. மொத்தம் 360 படுக்கைகள் கொண்ட இந்த மையத்தில், முதற்கட்டமாக 100 படுக்கைகள் பயன்பாட்டிற்கு வந்துள்ளன. சிறந்த சூழலியல் வடிவமைப்பிற்காக ‘எட்ஜ்’ (EDGE) சான்றிதழைப் பெற்ற கேரளத்தின் முதல் மருத்துவமனைக் கட்டடம் என்ற பெருமையை இது பெற்றுள்ளது. #CochinCancerCentre #PublicHealthcare #HealthcareForAll #CancerResearch #LDFGovernment

அசாம் முதல்வர் ஹிமந்த பிஸ்வா சர்மா, சிறுபான்மை முஸ்லிம் சமூகத்தை நோக்கித் துப்பாக்கியால் சுடுவது போன்ற வீடியோவை பாஜகவின் அதிகாரப்பூர்வ ட்விட்டர் (X) பக்கம் வெளியிட்டது. இதனைக் கண்டித்து, டெல்லி ஜந்தர் மந்தரில் #CPIM சார்பில் போராட்டம் நடைபெற்றது.