تجارب بنات

السلام عليكم
.
الزيوت الاساسية من الاشياء اللي احب تكون عندي ♥️
لها استخدامات كثيره ، و الطريقه لازم تكون دقيقة جداً لان لو زدتوا شوي منها ممكن تسبب لكم مشاكل خطيرة و ما تستخدم وحدها نهائياً انتبهوا❌ ضروري تخفف بزيوت ناقله مثل زيت اللوز و الجوجوبا و جوز الهند و الافكادو .. الخ او ماء
.
طريقتي فيها للشعر 💇🏻‍♀️:
انا الصيف اللي فات عانيت من القشره بشكل مزعج فقريت ان الخل ممتاز للقشره بس ريحته مزعجه فقررت اخلط خل و شوي من زيت الافندر و اخففه بمويه و ايضاً قلت استفيد من الخزامى لانها تقوي الشعر و تطلع البيبي هير مع الاستمرار للامانه ماشاء الله جاب نتيجه تجنن الفروه صارت نظيفه جداً ماشاء الله حتى تقلل من الافراز الدهنيه، الطريقه جبت بخاخ و حطيت فيه مويه تقريباً ثلاث ارباع العلبه و حطيت خل ابيض الين تعبت العلبه و حطيت ثلاث او اربع نقط من زيت الافندر الاساسي و ابخ مره وحده باليوم او مرتين بدون ما اغسله
.
.
الاستخدام الثاني للزيوت هو التعطير 🌸 :
قبل الشاور احياناً لما اكون رايقه احط بفواحة البخار المائيه نقاط من زيت الليمون او زيت الافندر و اشغلها و احطها بدورة المياه قبل الشاور بربع ساعه و اول ما ادخل اخذ الشاور اطفيها ما تتخيلون قد ايش الريحه تكون روقان و انتعاش
و بعد اعطر فيها بفواحة البخار الغرفه قبل النوم ، و ايضاً اعطر فيها غرفة الجلوس بالايام اللي تكون عندي فيها حساسيه بالانف و ما اتحمل المعطرات القويه تعطي ريحة خفيفه و منعشه
.
الاستخدام الثالث بالتنظيف ✨:
زي ما ذكرت لكم انا فيه اوقات تجيني حساسية بالانف و اكون بذيك الفتره ما اتحمل المنظفات 🤧 ، اجيب بخاخ و اعبيه مويه ثلاث ارباع و باقي العلبه خل و انقط فيه كم نقطة من الزيت العطري يعتبر منظف و معقم منزلي و صحي جداً
و بعد انقط من الزيوت الاساسية مباشره بفتحات مجلى المواعين و المغاسل و سله النفايات تبعد الروائح 👌🏼
.
.
هذي استخداماتي لها و ان شاء الله ناويه اتعمق اكثر فيها و استخدمها للعلاج الطبيعي سمعت انها لو استخدمت بالشكل السليم تكون ممتازه للتخلص من الم العضلات و خاصه الافندر و التخفيف من الصداع النصفي و خاصه النعناع و ايضاً سمعت انه ممكن نضيفها للمقشرات 👌🏼
.
كلها من ايهيرب
كود خصم wwk331

#اعادة_توجية_للفائدة
https://t.me/joinchat/AAAAAE9ikomNC6F3AEbR8w