#xabar #namangan #tayinlov
НАМАНГАН ВИЛОЯТИГА ЯНГИ БОШ ИМОМ-ХАТИБ ТАЙИНЛАНДИ

📢 Хабар берганимиздек, бугун Ўзбекистон мусулмонлари идораси раиси, муфтий Шайх Нуриддин Холиқназар ҳазратлари раисликларида Уламолар Кенгашининг кенгайтирилган йиғилиши ўтказилди. Унда бир неча масалалар қатори Наманган вилояти бош имом-хатиби Мусохон қори Аббосиддинов бошқа ишга ўтиши муносабати билан вазифасидан озод этилгани, Наманган шаҳар бош имом-хатиби вазифасида меҳнат қилаётган Абдуллоҳ домла Самадов Наманган вилояти бош имом-хатиби этиб тайинлангани эълон қилинди.

ℹ️Абдуллоҳ домла Самадов 1972 йили Наманган шаҳрида таваллуд топган. 1998 йилда Имом Бухорий номидаги Тошкент ислом институтини тамомлаган. Наманган шаҳридаги “Боқи Полвон” жоме масжиди имом-хатиби ва шаҳар бош имом-хатиби вазифаларида ишлаб келган.

🤲 Аллоҳ таолодан янги вазифага тайинланган Абдуллоҳ домла Самадовга масъулиятли ва шарафли фаолиятида муваффақиятлар тилаймиз.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#Янгиликлар

⏺Таълим муассасаларида таҳсил олаётган талабалар билан учрашув

🤩4 январ куни Наманган вилояти бош имом хатиби Абдуллоҳхон домла Саматов ва Косонсой туманида фаолияти олиб бораётган имомлар билан биргаликда юртимиздаги диний таълим муассасаларида таҳсил олаётган косонсойлик талаба ўғил-қизлар билан учрашув ўтказиб, бир пиёла чой устида суҳбатлашилди.

✅Суҳбат давомида илмнинг аҳамияти ва давлатимиз раҳбари томонидан илмга ва билимли ёшларга қаратилаётган алоҳида эътибор ҳақида тўхталиб ўтилди. Шу билан бирга, талабаларга таълим муассасасини битиргандан сўнг ўз туманларидаги масжидларда имом-хатиблик имом-ноиблик ва маҳаллаларда отинойилик вазифаларида хизмат қилишларига умид боғланди.

🗣Шунингдек, Абдуллоҳхон домла талабаларга, уларни тарбия қилган ота-оналари, таълим бераётган устозларининг орзу умидларини ва қилаётган ҳизматларини шарафли касб эгаси бўлиб, ватанга, халққа ва миллатга манфаатли бўлиш билан оқлашлари лозимлигини алоҳида таъкидлаб ўтдилар.
Шунингдек, талабаларнинг ўқишларига муваффақият тилаб дуолар қилинди ва хомийларни жалб қилган ҳолда 3 нафар талабага ўқув контракт пули тўлаб берилгани ҳақидаги сертификатлари топширилди. Учрашув сўнггида барча талабаларга қиммат баҳо совғалар ва ҳадиялар тақдим этилди.

Ўзбекистон мусулмонлари идораси Наманган вилояти вакиллиги Матбуот хизмати

Бизни ижтимоий тармоқларда
кузатиб боринг:
👇👇
🌐www.Ravza.uz | 📝Telegram
💻Instagram | 📝Facebook | 🎞Youtube