Выбары выбарамі, а мы вяслуем у лепшую будучыню незалежна ад выніку галасавання.🚣

Ужо на наступных выходных мы будзем ісці па рацэ Буг на байдарках, і ў нашай цёплай кампаніі яшчэ ёсць тры месцы.

Дарэчы, бюджэт вандроўкі паменшыўся да 560 злотых: замест гатэлю мы будзем ночыць ва ўтульных дамках на беразе ракі. Калі ў вас няма іншых планаў, паехалі!

Надвор'е таксама выправіцца🌞

Сябры, у нашай ініцыятывы з'явіўся інстаграм 👀, давайце сябраваць і там таксама:

https://www.instagram.com/time4nature.today/

Да таго ж, мы адкрылі рэгістрацыю на чэрвень. Кожны раз мы робім праграму крышачку іншай, і гэты раз не будзе выключэннем: свята летняга сонцастаяння не можа прайсці незаўважна! 🌞

Дзяліцеся спасылкамі з сябрамі. Будзем радыя пабачыцца ўжо праз месяц!🦉

https://time4nature.tilda.ws/

Некалькі дзён таму нам на вочы трапіў вось гэты фотаздымак, зроблены недзе ў Заходняй Вірджыніі фатографкай-аматаркай Donnie Dania.
Stunning! Ці не так?

Тыя, хто быў з намі ў парку ў Белавежы, напэўна ўзгадаюць дуб, літаральна "прашыты" маланкай па ўсёй сваёй даўжыні.

☝️🏻Памятайце, што калі пачынаецца навальніца, не варта хавацца пад вялікімі дрэвамі, якія растуць паасобку. А калі раптам моцны дождж застане вас у гарах (ну, раптам вы туды збіраецеся гэтым летам), то трэба як мага хутчэй сысці з перавалаў і хрыбтоў ніжэй, пазбягаючы адкрытых месцаў.

Дарэчы, праз прагноз надвор'я мы ў апошні момант перанеслі сплаў Бугам на бліжэйшыя выходныя. Але пра гэта - у наступным допісе.

На мінулых выходных надвор'е не спрыяла плану на байдаркі, але на гэтым тыдні яно нарэшце дае нам зялёнае святло.

Праграма і кошт выправы крыху змяніліся, а таму дасылаем інфармацыю цалкам яшчэ раз.👇🏼

Сустракаемся ў суботу 31 траўня на чыгуначным вакзале ў мясцовасці Бяла Падляска а 8.55. З Варшавы (Усходняга вакзалу) туды едзе цудоўны хуткі цягнік а 7.27. Як ужо ўзгадвалася раней, у дарозе можна выпіць ранішнюю каву ў вагоне-рэстарацыі.☺️

Перад стартам зладзім кароткую экскурсію - заедзем у гістарычную стайню ў Янаве Падляскім. Гэта вельмі знанае і прыгожае ў рэгіёне месца. Далей мы цэлы дзень плывём Бугам у 2-мясцовых байдарках ад самай мяжы з Беларуссю. Досвед не мае значэння: яшчэ на беразе будзе інструктаж, у кожнага будзе ратавальная камізэлька, а калі нават хтосьці разгубіцца, плынь вас і так панясе далей ад мяжы.😉

Цягам дня - выхад на кароткі шпацыр па мясцовасці Мельнік, ланч на беразе, а таксама назіранне за птушкамі і аповеды пра іх. Траса агулам - каля 20 км, прайсці яе мы плануем да 19-й гадзіны.

Пасля заканчэння сплаву - трансфер да месца начлегу, дзе ў нас таксама будзе вячэра і саўна для жадаючых. У нядзелю пасля сняданку мы працягнем культурніцкую праграму і пакажам вам цікавае месца паломніцтва, а пасля разам з’ямо абед перад дарогай дадому і падзелімся ўражаннямі.

Ад’езд са станцыі Семятычэ ў нядзелю хуткім цягніком а 15.36.

Кошт выправы: 680 злотых, уключае ў сябе арэнду байдарак, трансферы, страхоўку, уваход да стайні, ланч і вячэру ў суботу, начлег і сняданак у нядзелю, біноклі і працу гіда. Самастойна аплочваюцца квіткі на цягнік і абед на выбар у нядзелю.

Каб далучыцца да групы пішыце
@meet_upupa_epops.

Каго ў лесе з'елі?

Суботні прывіт, спадарства!
Хадзілі па лесе, пабачылі вось такое дзівацтва, падумалі, трэба вас запытацца..

Не 💩 райскай птушкі, не расліна і не грыб. Гэта істота складаецца ўсяго з адной (!) клеткі, але можа ўтвараць калоніі, якія нагадваюць грыбы ці проста аморфную слізістую масу. На фота - слізевік (ад "слізі", не ад "слёзаў", выбачце памылку, гэта ўсё Т9 вінаваты). Называецца прыгожа- лікагала драўнінная, па-ангельску 'wolf's milk' (бо людзі раней так баяліся ваўкоў, што думалі, нібыта малако ваўчыцы мае быць падобнага колеру, бо з крывёю).

Страшэнна цікавыя стварэнні, гэтыя слізевікі. Пагугліце ў вольны час! 🤓