#EURO2024

የቱርክ ብሔራዊ ቡድን ደጋፊዎች እና የጆርጅያ ብሔራዊ ቡድን ደጋፊዎች ከጨዋታው አስቀድሞ በስታዲየሙ ውስጥ ግጭት ውስጥ መግባታቸው ተገልጿል።

የሁለቱ ብሔራዊ ቡድን ደጋፊዎች በስታዲየሙ ውስጥ ቁሳቁሶችን ሲወራወሩ መስተዋላቸው ተነግሯል።

አሁን ላይ በስታዲየሙ የተፈጠረውን ግጭት በአካባቢው የሚገኙ የፀጥታ አካላት ገብተው ማረጋጋታቸው ተዘግቧል።

@tikvahethsport     @kidusyoftahe

#EURO2024

የጆርጅያ ብሔራዊ ቡድን በታሪኩ የመጀመሪያው የሆነውን በአውሮፓ ዋንጫ ውድድር ዛሬ ከቱርክ አቻው ጋር በሚያደርገው ጨዋታ ይጀምራል።

ጆርጅያ ባለፉት አስራ ሁለት ወራት በታሪክ ትልቁ የሆነውን የ 8ለ0 ድል እንዲሁም በታሪክ ትልቁ የሆነውን የ 7ለ1 ሽንፈት አስመዝግበው በአውሮፓ ዋንጫው ቀርበዋል።

በቀድሞ ፈረንሳዊ ተጨዋች ዊሊ ሳኞል የሚመራው የጆርጅያ ብሔራዊ ቡድን በ3-5-2 አሰላለፍ በመስመር በኩል ባሏቸው ተመላላሾች ጫና ፈጥሮ መጫወትን ይመርጣሉ።

@tikvahethsport     @kidusyoftahe

#EURO2024

የቼክ ሪፐብሊክ ብሔራዊ ቡድን በአውሮፓ ዋንጫ ከሚወዳደሩ ብሔራዊ ቡድኖች መካከል በአማካይ በእድሜ ትንሹ ብሔራዊ ቡድን ነው።

እንዲሁም የአዘጋጇ ሀገር ጀርመን ብሔራዊ ቡድን በውድድሩ ከሚሳተፉ ብሔራዊ ቡድኖች በአማካይ በእድሜ ትልቁ ብሔራዊ ቡድን ሆነዋል።

በአማካይ በእድሜ ትንሽ ቡድኖች የትኞቹ ናቸው ?

- ቼክ ሪፐብሊክ :- 25.5 አማካይ እድሜ

- ቱርክ :- 25.8 አማካይ እድሜ

- እንግሊዝ :- 26.1 አማካይ እድሜ

- ኔዘርላንድ :- 26.3 አማካይ እድሜ

- ዩክሬን :- 26.3 አማካይ እድሜ

በአማካይ በእድሜ ትልቅ ቡድኖች የትኞቹ ናቸው ?

- ጀርመን :- 28.6 አማካይ እድሜ

- ስኮትላንድ :- 28.3 አማካይ እድሜ

- ፖላንድ :- 27.8 አማካይ እድሜ

- ዴንማርክ :- 27.7 አማካይ እድሜ

- ስዊዘርላንድ :- 27.7 አማካይ እድሜ

@tikvahethsport     @kidusyoftahe

#EURO2024

የአልባንያ ብሔራዊ ቡድን ከደቂቃዎች በኋላ ከክሮሽያ ብሔራዊ ቡድን ጋር በሚያደርገው ጨዋታ በጣልያን ከተሸነፈበት የመጀመሪያ ጨዋታ የሁለት ተጨዋቾች ለውጥ አድርጓል።

ብሔራዊ ቡድኑ አርማንዶ ብሮሀን በሬይ ማናህ እንዲሁም ቃዚም ላቺን በታውላንት ሴፌሪን ተክቶ ወደ ሜዳ ይገባል።

የክሮሽያ ብሔራዊ ቡድን በበኩሉ ሽንፈት ካስተናገደበት የስፔን ጨዋታ ውስጥ ሶስት ተጨዋቾችን ተጠባባቂ አድርጎ ጨዋታውን የሚጀምር ይሆናል።

ክሮሽያ ሁለቱን ተከላካዮች ጆሲፕ ስታንሲች እና ማሪን ፖንግራቺች በጁራኖቪች እና ኢቫን ፔርሲች ስትተካ አጥቂው አንቴ ቡዲሚር በበኩሉ ብሩኖ ፔትኮቪችን ተክቷል።

ኢቫን ፔሪሲች በቋሚ አሰላለፍ መካተቱን ተከትሎ የማንችስተር ሲቲው የመስመር ተጨዋች ጆስኮ ግቫርዲዮል የግራ መሐል ተከላካይ ሆኖ እንደሚጫወት ይጠበቃል።

@tikvahethsport     @kidusyoftahe

#EURO2024

በአውሮፓ ዋንጫ ውድድር የምድብ ሁለተኛ ጨዋታ የስኮትላንድ ብሔራዊ ቡድን ከስዊዘርላንድ አቻቸው ጋር ያደረጉትን ጨዋታ 1ለ1 በሆነ አቻ ውጤት አጠናቀዋል።

የስኮትላንድ ብሔራዊ ቡድን ግብ ስኮት ማክ ቶሚናይ ከመረብ ሲያሳርፍ ጆርዳን ሻኪሪ ስዊዘርላንድን አቻ ማድረግ ችሏል።

የስዊዘርላንዱ ተጨዋች ጆርዳን ሻኪሪ በሶስት የአውሮፓ ዋንጫ ውድድሮች ላይ ግቦችን ማስቆጠር ችሏል።

ስዊዘርላንድ ጥሎ ማለፉን ለመቀላቀል ስትቃረብ ስኮትላንድ በበኩሏ የመጨረሻ ጨዋታዋን ማሸነፍ ቀጣዩን ዙር የመቀላቀል እድልን እንድታገኝ ያደርጋታል።

የምድብ ደረጃቸው ምን ይመስላል ?

1️⃣ ጀርመን :- 6 ነጥብ

2️⃣ ስዊዘርላንድ :- 4 ነጥብ

3️⃣ ስኮትላንድ :- 1 ነጥብ

4️⃣ ሀንጋሪ :- ምንም ነጥብ

በምድቡ የመጨረሻ ጨዋታ እሁድ ስዊዘርላንድ ከጀርመን እንዲሁም ስኮትላንድ ከሀንጋሪ ይገናኛሉ።

@tikvahethsport     @kidusyoftahe

#EURO2024

በአሰልጣኝ ጋሪዝ ሳውዝጌት የሚመራው የእንግሊዝ ብሔራዊ ቡድን በምሽቱ የዴንማርክ ጨዋታ በመጀመሪያ ጨዋታው የተጠቀመውን አሰላለፍ ይዞ ወደ ሜዳ ይገባል።

በጨዋታው አሌክሳንደር አርኖልድ በተለመደው መልኩ የመሐል ሜዳውን የዴላን ራይስ ጋር ተጣምሮ የሚመራው ይሆናል።

የማንችስተር ሲቲው ተጨዋች ፊል ፎደን በበኩሉ በጨዋታው በግራ መስመር ተጨዋችነት ብሔራዊ ቡድኑን ያገለግላል።

ኬራን ትሪፔር ለእንግሊዝ ብሔራዊ ቡድን ሀምሳኛ ጨዋታውን የሚያደርግ ይሆናል።

የዴንማርክ ብሔራዊ ቡድን በበኩሉ በመጀመሪያው አሰላለፍ ከተጠቀመበት ስብስብ የአንድ ተጨዋች ለውጥ አድርጎ ወደ ሜዳ ይገባል።

ክርስቲያን ኤሪክሰን በተመሳሳይ ከሁለቱ የፊት መስመር አጥቂዎች ጀርባ የአስር ቁጥር ሚናን በመያዝ ይጫወታል ተብሎ ይጠበቃል።

@tikvahethsport     @kidusyoftahe

#EURO2024

በአሰልጣኝ ሉቺያኖ ስፓሌቲ የሚመራው የጣልያን ብሔራዊ ቡድን ዛሬ ምሽት ከስፔን ጋር በሚያደርገው ጨዋታ በመጀመሪያው የአልባኒያ ጨዋታ የተጠቀመውን አሰላለፍ ይዞ ይገባል።

የስፔን ብሔራዊ ቡድን በበኩሉ ክሮሽያን ከረታበት የመጀመሪያ ጨዋታው የአንድ ተጨዋች ለውጥ አድርጎ ጣልያንን የሚገጥም ይሆናል።

የስፔን ብሔራዊ ቡድን በሳውዲ አረቢያ ሊግ ለአል ናስር የሚጫወተውን ተከላካዩ አይመሪክ ላፖርቴ በቋሚ አሰላለፍ አካቷል።

የመጀመሪያ ጨዋታውን በቋሚነት የጀመረው ናቾ ፈርናንዴዝ መጠነኛ ጉዳት እንዳጋጠመው ሲገለፅ ጨዋታውን በተጠባባቂነት ይጀመራል።

ከሁለቱ ብሔራዊ ቡድኖች የሚያሸንፈው ቡድን ከወዲሁ ምድቡን በበላይነት በማጠናቀቅ ጥሎ ማለፉን መቀላቀሉን ያረጋግጣል።

@tikvahethsport     @kidusyoftahe

#EURO2024

የፖላንድ ብሔራዊ ቡድን በኔዘርላንድ ከተሸነፈበት የመጀመሪያ ጨዋታ የአራት ተጨዋቾች ለውጥ በማድረግ ወደ ሜዳ የሚገቡ ይሆናል።

የኦስትሪያ ብሔራዊ ቡድን በበኩሉ በፈረንሳይ ከደረሰበት ሽንፈት የሶስት ተጨዋቾች ለውጥ አድርገው ወደ ሜዳ ይገባሉ።

የኦስትሪያ አሰልጣኝ ራልፍ ራኚክ በራሱ ላይ ግብ ያስቆጠረውን ዎበር ጨምሮ በፈረንሳይ ጨዋታ በመሐል ተከላካይነት የተጠቀሟቸውን ሁለት ተከላካዮች ተጠባባቂ አድርገዋል።

የፊት መስመር ተጨዋቹ ማርኮ አርናቶቪች በበኩሉ ሚሼል ግሪጎራሽን በመተካት በቋሚ አሰላለፍ ተካቷል።

የፖላንድ ወሳኝ ተጨዋች ሮበርት ሌዋንዶውስኪ በምሽቱ ጨዋታም በጉዳቱ ምክንያት ለብሔራዊ ቡድኑ በቋሚ አሰላለፍ ገብቶ ግልጋሎት አይሰጥም።

@tikvahethsport     @kidusyoftahe

#EURO2024

በአውሮፓ ዋንጫ ውድድር የምድብ ሁለተኛ ጨዋታ የፈረንሳይ ብሔራዊ ቡድን ከኔዘርላንድ ብሔራዊ ቡድን ጋር ያደረጉትን ጨዋታ 0ለ0 በሆነ አቻ ውጤት አጠናቀዋል።

ፈረንሳዊው የመሐል ሜዳ ተጨዋች ንጎሎ ካንቴ በመጀመሪያዎቹ ሁለት የአውሮፓ ዋንጫ የምድብ ጨዋታዎች የጨዋታው ኮከብ ተብሎ መመረጥ ችሏል።

ውጤቱን ተከትሎ የመጀመሪያ ሁለት ጨዋታዎችን የተሸነፈው የፖላንድ ብሔራዊ ቡድን ከውድድሩ የተሰናበተ የመጀመሪያው ቡድን መሆኑ ተረጋግጧል።

የምድብ ደረጃቸው ምን ይመስላል ?

1️⃣ ኔዘርላንድ :- 4 ነጥብ

2️⃣ ፈረንሳይ :- 4 ነጥብ

3️⃣ ኦስትሪያ :- 3 ነጥብ

4️⃣ ፖላንድ :- ምንም ነጥብ

በምድቡ የመጨረሻ ጨዋታ ሐሙስ ፈረንሳይ ከፖላንድ እንዲሁም ኔዘርላንድ ከኦስትሪያ ጋር የሚጫወቱ ይሆናል።

@tikvahethsport     @kidusyoftahe