#UPDATE

ኢትዮጵያ፣ ግብፅና ሱዳን በታላቁ ህዳሴ ግድብ ግንባታ ዙርያ የሚያደርጉትን ድርድር የአሜሪካ መንግሥት ቀደሞ በታዛቢነት አሁን ደግሞ በአደራዳሪነት መግባቱን በመቃወም በአሜሪካ፣ ዋሽንግተን ዲሲ የሚኖሩ ኢትዮጵያውያን ሰላማዊ ሰልፍ እያካሄዱ ነው።

የሰልፉ አስተባባሪ እና የዲሲ ግብረ ኃይል ተወካይ አቶ ጣሰው መላከሕይወት ለቢቢሲ እንደተናገሩት፤ ዋነኛ ጥያቄያቸው አሜሪካ ከአደራዳሪነት እንድትወጣ ነው። አሜሪካ እንዲሁም የዓለም ባንክ ከአደራዳሪነት ወደ ታዛቢነት እንዲመለሱ እንደሚፈልጉም አክለዋል።

"ሰልፉን የጠራነው የአሜሪካ መንግሥት ቀደም ሲል በታዛቢነት አሁን ደግሞ በአደራዳሪነት ለመግባት ኢትዮጵያ ላይ ያልተገባ ተጽዕኖ እየፈጠረ ስለሆነ፤ ያንን ተጽዕኖ ከኢትዮጵያ እንዲያነሳ ለመጠየቅ ነው" ሲሉ ለቢቢሲ ተናግረዋል።

#BBC
@tikvahethiopiaBot @tikvahethiopia

የአዲስ አበባ ፖሊስ ኮሚሽን፦

በአዲስ ከተማ ክ/ከተማ ክልል የተለያዩ ሀሰተኛ ሰነዶችን ሲያትም የነበረ ተጠርጣሪ በህብረተሰቡ ጥቆማ ተይዞ በምርመራ እያጣራ መሆኑን የአዲስ አበባ ፖሊስ ኮሚሽን አስታወቀ፡፡

በአዲስ ከተማ ክፍለ ከተማ ወረዳ 6 ልዩ ቦታው በተለምዶ ጨው በረንዳ ተብሎ በሚጠራው አካባቢ የተያዘው ተጠርጣሪ በሀሰተኛ መንገድ ካዘጋጃቸው፦

- መንጃ ፍቃዶች፣
- የትምህርት ማስረጃዎች፣
- የተለያዩ ማህተሞች ፣
- ፓስፖርቶች፣
- ቲተሮች፣
- የልደት ካርዶችና ሌሎች የተለያዩ ሰነዶች እንዲሁም ለማተሚያነት ከሚጠቀምበት ኮምፒዩተርና የማሸጊያ ማሽን ጋር በህብረተሰቡ ጥቆማ ሊያዝ ችሏል።

@tikvahethiopiaBot @tikvahethiopia

የምዕራብ ጎንደር ዞን የቋራ ወረዳ የጸጥታ ሁኔታ...

የምዕራብ ጎንደር ዞን የቋራ ወረዳ የጸጥታ ምክር ቤት በወረዳው ያለውን የጸጥታ ሁኔታ የገመገመ ሲሆን ወረዳው ሰላማዊ የሆነ እንቅስቃሴ ላይ መሆኑን በቀረበው ሪፖርት ማረጋገጥ ተችሏል።

የፀጥታ ምክር ቤቱ የቀረቡትን ሪፖርቶች ከገመገመ በኋላ የወረዳውን ሰላም አጠናክሮ ለማስቀጠል ያመች ዘንድ መከናወን ያለባቸውን ተግባራት እንደሚከተለው አስቀምጧል:-

- ቁልፍና ንዑሳን በሮች እንዲሁም ኬላዎች እንዲጠበቁ

- የከተማ ፖትሮል የበለጠ ተጠናክሮ እንዲቀጥል

- የወረዳው ጥምር ሀይል ተግባሩን ከዚህ እንደቀደመው በቁርጠኝነት እንዲፈጽም

- በኢንቨስትመንት ቀጠና ችግር እንዳይፈጠር ከወዲሁ በእቅድ የተደገፈ ዝግጅት እንዲደረግ የቀጣይ የትኩረት አቅጣጫ ያስቀመጠ ሲሆን እነዚህንና ሌሎች ተያያዥ የጸጥታ ተግባር በመገምገም ስብሰባውን አጠናቅቋል።

[የቋ/ወ/መ/ኮ/ጉ/ጽ/ቤት]
@tikvahethiopiaBot @tikvahethiopia

25 ኤርትራውያንም በይቅርታ ከሚፈቱት ውስጥ ናቸው...

የትግራይ ብሄራዊ ክልላዊ መንግስት 2 ሺህ 332 የህግ ታራሚዎች በይቅርታ እንዲፈቱ መወሰኑን የክልሉ ጸጥታና አስተዳደር ቢሮ ማስታወቁ ይታወቃል በይቅርታ እንዲፈቱ ከተወሰነላቸው ታራሚዎች መካከል 25 ኤርትራውያን ይገኙበታል።

#MillionHaileseilase
@tikvahethiopiaBot @tikvahethiopia

#ሼር #SHARE

የኮሮና ቫይረስ ምልክቶች፦

COVID-19 በትኩሳት እና ደረቅ ሳል ይጀምራል። ከሳምንት በኋላ የመተንፈስ ችግር ያጋጥማል። በበሽታው የተያዘ ሰው እስከ 14 ቀናት ምንም አይነት ምልክት ላያሳይ ይችላል። አንዳንድ ሰዎች የበሽታ ምልክት ሳያሳዩ በሽታውን ሊያስተላልፉ ይችላሉ።

ኮሮና ቫይረስ መድሃኒት አለው?

ቫይረሱን ከሰውነት ውስጥ የሚያስወግድ መድሃኒት የለም። ሃኪሞች በሽተኞችን እያከሙ የሚገኙት የታማሚዎችን የበሽታ የመከላከል አቅምን ከፍ በማድረግ ነው።
ለመተንፈስ የሚረዱ ቁሶችም ጥቅም ላይ ይውላሉ።

እራሴን ከቫይረሱ እንዴት ነው መጠበቅ የምችለው?

የዓለም ጤና ድርጅት የሚከትሉትን እንዲያደርጉ ይመክርዎታል፦

- እጅዎን ይታጠቡ- ቫይረሱን ሊገድሉ በሚችሉ ሳሙናዎች

- በቫይረሱ የተበከሉ ነገሮችን ሊነኩ ስለሚችሉ፤ በእጅዎ ዓይን፣ አፍ እና አፍንጫዎን ከመነካከት ይቆጠቡ።

- ወደ የሚያስነጥሱ፣ የሚያስሉ እና ትኩሳት ወዳለባቸው ሰዎች አይጠጉ። ቢያንስ የ1 ሜትር እርቀት ይፍጠሩ።

- ሲያስሉ እና ሲያስነጥሱ አፍ እና አፍንጫዎን ይሸፍኑ - ከዚያም እጅዎን ይታጠቡ። ይህን ማድረግዎ በቫይረሱ ተይዘው ከሆነ የማሰራጨት ዕድልዎን ያጠባሉ።

በቫይረሱ እርሶ ወይም ሌሎች መያዛቸውን ከተጠራጠሩ፦ እራሰዎን ያግልሉ፤ በቤትዎ ይቆዩ ሌሎችም ተመሳሳይ እንዲያደርጉ የበኩልዎን ይወጡ። 8335 ላይ በመደወል ለማሕብሰብ ጤና ኢንስቲትዩት በፍጥነት ያሳውቁ።

ምንጭ፦ BBC
@tikvahethiopiaBot @tikvahethiopia

#COVID19

ናይጀሪያ በኮሮና ቫይረስ የተጠቃ ሰው የተገኘባት ሶስተኛዋ አፍሪካዊ ሀገር ሆናለች። የቫይረሱ ተጠቂ የሆነው ግለሰብ ጣሊያናዊ ዜግነት ያለው ሲሆን፥ ናይጄሪያ ውስጥ የሚሰራና ከሶስት ቀን በፊት ከሚላን ወደ ሌጎስ የመጣ ነው ተብሏል።

የናይጄሪያ ጤና ሚኒስቴር ባለስልጣናትም ግለሰቡ ሌጎስ በሚገኝ የሕክምና ተቋም ክትትል እየተደረገለት መሆኑን ገልጸዋል። ከታማሚው ጋር ግንኙነት ነበራቸው የተባሉ ሰዎችን መለየት መጀመራቸውንም ባለስልጣናቱ ተናግረዋል።

መንግስትም የአስቸኳይ ጊዜ ዘመቻ እቅድ አውጥቶ ወደ ስራ ገብቷልም ነው ያሉት። ከዚህ ቀደም ግብፅ እና አልጄሪያ የቫይረሱ ተጠቂ የተገኘባቸው ሃገራት ነበሩ።

#BBC
@tikvahethiopiaBot @tikvahethiopia

#COVID19

"የኮሮና ቫይረስ አስጊ የሚባል ደረጃ ላይ ደርሷል" – ዶ/ር ቴድሮስ አድሃኖም

የኮሮና ቫይረስ አስጊ የሚባል ደረጃ ላይ እና ዓለም አቀፍ ስጋት ሊሆን የሚችልበት አቅም ላይ መድረሱን የዓለም ጤና ድርጅት ዋና ዳይሬክተር ዶክተር ቴድሮስ አድሃኖም ገለፁ።

የዶክተር ቴድሮስ አድሃኖም አስተያየት የተሰማው በተለያዩ የዓለም ሀገራት እየተስፋፋ የመጣውን የኮሮና ቫይረስ ለመከላከል ከፍተኛ ጥረት እየተደረገ ባለበት ወቅት ነው። ባለፉት ሁለት ቀናት ከቻይና በበለጠ በሌሎች ሀገራት አዳዲስ የቫይረሱ ተጠቂዎች መገኘታቸውም ተጠቁሟል።

በአሁኑ ወቅት ከቻይና ውጭ ኢራን እና ጣሊያን የቫይረሱ መገኛ መሆናቸው የተገለጸ ሲሆን፥ ቫይረሱም ከእነዚህ ሃገራት ወደ ሌሎች ሀገራት በሚያቀኑ ሰዎች አማካኝነት እየተሰራጨ ነው ተብሏል። ዶ/ር ቴድሮስ በሰጡት አስተያየት በቀሪው ዓለም እየታየው ያለው ነገር አሁን ላይ ትልቅ ትኩረት የምንሰጠው ነው ብለዋል።

ዋና ዳይሬክተሩ የዓለም መንግስታት ቫይረሱን ለመቆጣጠር በፍጥነት እና በጥንካሬ ሊንቀሳቀሱ እንደሚገባም አሳስበዋል። ወቅቱ የፍርሃት ሳይሆን ቫይረሱን የመቆጣጠር እና የሰዎችን ህይወት የምናተርፍበት ጊዜ ነውም ብለዋል ዶክተር ቴድሮስ በንግግራቸው።

#ቢቢሲ #ኤፍቢሲ
@tikvahethiopiaBot @tikvahethiopia

#COVID19

በፍጥነት እየተስፋፋ የሚገኘው የኮሮና ቫይረስ ኒውዝላንድ እና ሉቴኒያ ገብቷል። የኒውዝለንድ እና ሉቴኒያ መጀመሪያ የኮሮና ቫይረስ ተጠቂ ማግኘታቸውን ይፋ አድርገዋል።

@tikvahethiopiaBot @tikvahethiopia

#UPDATE

ዓለም አቀፍ መረጃ፦

- የሟቾች ቁጥር 2,859 ከፍ ብሏል
- በቫይረሱ የተጠቁ ሰዎች ቁጥር 83,706

ዛሬ ባገኘነው ሪፖርት በኮሮና ቫይረስ [#COVID19] የሞቱ ሰዎች ቁጥር 2,859 የደረሰ ሲሆን 83,706 ሰዎች ደግሞ በቫይረሱ ተጠቅተዋል። ከበሽታው አገግመው ከሆስፒታል የወጡ ሰዎች ቁጥር ደግሞ 36,636 ደርሰዋል።

@tikvahethiopiaBot @tikvahethiopia

#Election2012

የኢትዮጵያ ብሄራዊ ምርጫ ቦርድ ከአሜሪካ ተራድኦ ድርጅት (ዩ ኤስ አይ ዲ) ጋር የ30 ነጥብ 4 ሚሊየን ዶላር የድጋፍ ስምምነት ተፈራረመ።

የድጋፍ ስምምነቱን የኢትዮጵያ ብሄራዊ ምርጫ ቦርድ ሰብሳቢ ወይዘሪት ብርቱካን ሚደቅሳ እና በኢትዮጵያ የዩኤስ አይ ዲ ዳይሬክተር ሲን ጆንስ ተፈራርመውታል።

ድጋፉ ቦርዱ ቀጣዩን ሃገራዊ ምርጫ ፍትሃዊ፣ ተአማኒ እና ዴሞክራሲያዊ በሆነ መንገድ ለማከናወን እያደረገ ያለውን ጥረት ለማገዝ ይውላል ተብሏል።

#ETHIOFM107.8
@tikvahethiopiaBot @tikvahethiopia

#COVID19

አጫጭር መረጃዎች ከቢቢሲ፦

- ጃፓን እና ኢራቅ የቫይረሱን ስርጭት ለመግታት በማሰብ ትምህርት ቤቶችን ዘግተዋል። ይህ በቻይና የተለያዩ አካባቢዎችም ተተግብሯል።

- ሳውዲ አረቢያ ለመንፈሳዊ ጉዞ ማንም አይምጣ ስትል እገዳ የጣለች ሲሆን እገዳው ቀጣዩን የሃጅ ጉዞ ይመልከት አይመልከት አልታወቀም።

- ኢራን ዜጎቿ የሚያደርጓቸውን አላስፈላጊ የአገር ውስጥ ጉዞዎች እንዲሰርዙ ያሳሰበች ሲሆን በመዲናዋ ቴህራን እና በሌሎች ከተሞች የአርብ ፀሎትን ሰርዛለች።

-አውስትራሊያ ከቻይና የሚነሱ ተጓዦች ወደ ግዛቷ እንዳይገቡ አግዳለች።

- በቫይረሱ 17 ሰው የሞተባት ጣልያን 11 ከተሞችን ዘግታለች።

- ግሪክ ፌስቲቫሎችን በሙሉ ሰርዛለች።

#BBC

@tikvahethiopiaBot @tikvahethiopia

#UPDATE

አስረኛው የፌዴራል እና የክልል ፖሊስ ኮሚሽነሮች የጋራ ጉባኤ ዛሬ በሰመራ ከተማ ተጀመረ። በጉባኤው የፌዴራል ፖሊስ ኮሚሽን አመራሮች፣ የዘጠኝ ክልሎች እና የሁለቱ ከተማ አስተዳደሮች ፖሊስ ኮሚሽነሮች እየተሳተፉ ይገኛሉ።

@tikvahethiopiaBot @tikvahethiopia

አብን ጠርቶት የነበረውን ሰላማዊ ሰልፍ ሰርዟል!

የአማራ ብሄራዊ ንቅናቄ /አብን/ የአመራሮቹን እና የአባላቱን እስር አስመልክቶ የካቲት 22 ቀን 2012 ዓ/ም በተመረጡ የአገሪቱ ከተሞች ለማካሄድ ጠርቶት የነበረውን ሰላማዊ ሰልፍ መሰረዙን አስታውቋል። ሰልፉ "የመንግስት በኩል የታየውን በጎ ጅምርና ሌሎች ተደራራቢ የፖለቲካ ተግባራትን ከግምት ውስጥ በማስገባት እንደማይካሄድ" ስለመወሰኑ ነው ያስታወቀው።

https://telegra.ph/NAMA-02-28

#AlAin
@tikvahethiopiaBot @tikvahethiopia

#GERD

የነጻነትና እኩልነት ፓርቲ በታላቁ የህዳሴ ግድብ ድርድር ዙሪያ መንግስት ግልጽ፣ በቂ እና ወቅታዊ መረጃ ለህዝብ እንዲሰጥ እና በፕሮጀክቱ ዙሪያ በሚደረግ ድርድር የሀገራችንን ብሄራዊ ጥቅሞች ለማስጠበቅ ቅድሚያ ሰጥቶ እንዲሰራ አሳስቧል።

@tikvahethiopiaBot @tikvahethiopia

#COVID19

ውድ የቲክቫህ ቤተሰቦቻችን የኮሮና ቫይረስ [COVID-19] ካለባቸው ሀገራት ከመጣችሁና ትኩሳት ፣ ሳልና የመተንፈስ ችግር ካጋጠማችሁ ላስቸኳይ የህክምና እርዳታ 8335 እንድትደውሉ የጤና ሚኒስቴር አደራ ብሏችኃል።

@tikvahethiopiaBot @tikvahethiopia

የኮሮና ቫይረስ [COVID-19] ያለባቸው ሀገራት፦

China
South Korea
Cruise ship (Diamond Princess)
Italy
Iran
Japan
Singapore
Hong Kong
United States
Germany
Kuwait
Thailand
France
Bahrain
Taiwan
Malaysia
Spain
Australia
United Kingdom
Vietnam
United Arab Emirates
Canada
Macau
Iraq
Russia
Oman
Switzerland
Austria
Croatia
Greece
India
Philippines
Finland
Israel
Lebanon
Pakistan
Sweden
Afghanistan
Algeria
Belarus
Belgium
Brazil
Cambodia
Denmark
Egypt
Estonia
Georgia
Lithuania
Nepal
Netherlands
New Zealand
Nigeria
North Macedonia
Norway
Romania
Sri Lanka

@tikvahethiopiaBot @tikvahethiopia

የኢትዮጵያ ዩኒቨርሲቲዎች የዓለም ደረጃ!

በተባበሩት አረብ ኢምሬቶች [UAE] የሚገኘው የዓለም ዩኒቨርሲቲዎች ደረጃ ማእከል ሁለት ሺህ ዩኒቨርሲቲዎችን አወዳድሮ ባወጣው ደረጃ መሠረት አምስት የኢትዮጵያ ዩኒቨርሲቲዎች ተካትተዋል።

ማእከሉ ደረጃውን ለማውጣት ዩኒቨርሲቲዎቹ በየአገራቸው ያላቸውን ደረጃ፣ የሚሰጡትን የትምህርት ጥራት፣ ራሳቸው ያስተማሯቸውን ተማሪዎች የመቅጠር ምጣኔ፣ የፋኩሊቲያቸው ጥራት እንዲሁም በጥናት እና ምርምር ዘርፍ ያላቸው ብቃት በመስፈርትነት ተጠቅሟል።

በዚሁ መሠረት ከሁለት ሺህ ዩኒቨርሲቲዎች መካከል፦

አዲስ አበባ (1 ሺህ 040ኛ) ፣ ጎንደር (1 ሺህ 547ኛ) ፣ መቐለ (1 ሺህ 588ኛ) ፣ ጅማ (1 ሺህ 786ኛ) እና ባሕር ዳር (1 ሺህ 780ኛ) ደረጃ በመያዝ የተካተቱ ዩኒቨርሲቲዎች ሆነዋል።

በዓለም አቀፍ ደረጃ የአሜሪካኖቹ ሀርቫርድ ፣ ማሳቹስቴትስ ኢንስቲትዩት ኦፍ ቴክኖሎጂ እና ስታንፎርድ ዩኒቨርሲቲ ከአንደኛ እስከ 3ኛ ያለውን ደረጃ ይዘዋል፡፡ ከ1 እስከ 10ኛ ደረጃ ካሉ ዩኒቨርስቲዎች ውስጥ ከእንግሊዞቹ የኦክስፎርድ (4ኛ) እና የካምፕሪጅ (5ኛ) ዩኒቨርሲዎች በስተቀር በሙሉ የአሜሪካ ዩኒቨርሲቲዎች ናቸው፡፡

[የዓለም ዩኒቨርሲቲዎች ደረጃ ማእከል፣EBC]
@tikvahethiopiaBot @tikvahethiopia