የደመወዝ ማሻሻያ / ጭማሪ ይፋ ተደርጓል ?

አጭር መልስ ፦ ሀሰት ነው ! ምንም ይፋ የተደረገ ነገር የለም።

እስካሁን የመንግሥት ሠራተኞች የደመወዝ ማሻሻያ / ጭማሪ ዝርዝር መረጃ ይፋ አልተደረገም።

በተለያዩ የማህበራዊ ሚዲያዎች ላይ በቴሌግራም ፣ በፌስቡክ እየተዘዋወረ ያለው " የፌዴራል መንግሥት ሲቪል ሰርቫንት ደመወዝ ማሻሻያ " የሚለው መረጃ ምንም ምንጩ የማይታወቅ ነው።

የተሰራጨው የደመወዝ ማሻሻያ ሰንጠረዥ ፤ የፅሁፍ ስህተቶች ጎልተው የሚታዩበት፣ የአጻጻፉ ግድፈት ያለበት፣ የድምር ጭምር ግልጽ እና ቀላል ስህተት ያለበት ነው።

ሌላው ማን ይፋ እንዳደረገው አይታወቀም።

ማህተም አላፈረበትም ፤ መረጃውንም ያወጣው መ/ቤትም አይታወቅም።

እስካሁን በይፋ ለህዝብ የተሰራጨ የደመወዝ ጭማሪ ዝርዝር መረጃ የለም።

በመሆኑንም እየተዘዋወረ ያለው የደመወዝ ጭማሪ ሰንጠረዥም ሆነ የደመወዝ ጭማሪ መረጃ ሀሰተኛ ነው።

መንግሥት በቅርቡ የደመወዝ ጭማሪ እንደሚደረግ ማሳወቁ ይታወሳል።

#TikvahEthiopia

@tikvahethiopia

#Ethiopia : ዛሬ በማህበራዊ ሚዲያዎች ሲዘዋወር የነበረው የደመወዝ ጭማሪ መረጃ " ሐሰተኛ መረጃ ነው " ሲል የኢ.ፌ.ዴ.ሪ. መንግስት ኮሚዩኒኬሽን አገልግሎት ማምሻውን ለቲክቫህ ኢትዮጵያ በሰጠው ቃል አረጋግጧል።

ዛሬ ከሰዓት አንስቶ ሲዘዋወር የነበረውን ሀሰተኛ መረጃ በርካታ ተከታይ ያላቸው አካላት / ገጾች ጭምር ምንም ሳያረጋግጡ ለህዝብ ሲያሰራጩ ነው የዋሉት።

አንዳንድ ሠራተኞች እንደ ትክክለኛ መረጃ ቆጥረውት ነበር።

ለቲክቫህ ቃላቸውን የሰጡት የኢ.ፌ.ዴ.ሪ. የመንግስት ኮሚዩኒኬሽን አገልግሎት ሚኒስትር ዴዔታ አቶ ከበደ ደሲሳ ፥ ሲሰራጭ የነበረው መረጃ ፍጹም ከእውነት የራቀ መሆኑን ተናግረዋል።

"ሐሰተኛ መረጃ ነው" ሲሉም አረጋግጠዋል።

@tikvahethiopia

#Ethiopia

" የዋጋ ንረቱ ሰራተኛውን አልፎት ሄዷል! ለዚህም የደመወዝ ማሻሽያው መዘግየት የለበትም " - ኢሠማኮ

የኢትዮጵያ ሠራተኞች ማህበራት ኮንፌደሬሽን ስለ ሠራተኞች የደመወዝ ጭማሪ ምን አለ ?

ምክትል ፕሬዝዳንት አያሌው አህመድ ፦

" መንግስት የደመወዝ ጭማሪ አደርጋለው ቢልም ገበያው በዚሁ ከቀጠለ ከሠራተኛው ከአቅሙ በላይ ሊሆንበት ይችላል።

የማክሮ ኢኮኖሚ ማሻሽያው በታወጀ በማግስቱ ስለሆነ ለመንግስት ሰራተኞች ይደረጋል የተባለው የደመወዝ ማሻሽያ ሊዘገይ አይገባም።

የተደረገውን የማክሮ ኢኮኖሚ ማሻሽያ ተከትሎ በገበያ ላይ ከፍተኛ የዋጋ ጭማሪ  እየታየ ነው።

ይህ በዚሁ የሚቀጥል ከሆነ ለመንግስት ሰራተኛው ይደረጋል የተባለው የደመወዝ ማሻሽያ ዋጋ የለውም።

የገበያው ዋጋ ቁጥጥር በሌለበት እና በተለመደው አይነት መልኩ ከተገቢው በላይ ጭማሪ የሚያሳይ ከሆነ ይጨመራል በተባለው ደሞዝ መቋቋም የማይችልበት ሁኔታ ሊፈጠር ይችላል።

የነጋዴው ማህበረሰብም መንግስት የሚያወጣውን መመርያ ተክትሎ የማይጎዱበትን ጭማሪ ካልሆነ በስተቀር በዘፈቀድ ምርቶች እየተደበቁ ሰራተኛው ለአላስፈላጊ ወጪ የሚደረግ ከሆነ አሁንም መልሶ ከችግር የሚወጣበት ሁኔታ አይኖርም።

መንግስትም በቂ የደመወዝ ማሻሽያ ፤ ነጋዴውም ምክንያታዊ ጭማሪ ካላደረገ በገበያው ይበልጥ ቀውስ ሊፈጠር ይችላል።

ለዚህ ደግሞ ቁጥጥር ማድረግ ያለበት መንግስት እና ህብረተሰቡ ነው።

በገበያው ላይ ምን እንዳለ መንግስት ያውቀዋል ፤ ምክንያቱም የዋጋ ንረቱ ሰራተኛውን አልፎት ሄዷል ለዚህም የደመወዝ ማሻሽያው መዘግየት የለበትም። "

#Ethiopia #ShegerFMRadio

@tikvahethiopia

የፌደራል ቤቶች ኮርፖሬሽን ኪራይ ክፍያዎን በቴሌብር!!

ወርሃዊ የኪራይ ቤቶች ክፍያዎን በቴሌብር ሱፐርአፕ በቀላሉ በመፈጸም ጊዜዎን ቆጥበው ድካምዎን ይቀንሱ!

ቴሌብር ሱፐርአፕን onelink.to/fpgu4m ይጫኑ፤ ሕይወትዎን ያቅልሉ!

ለማንኛውም ጥያቄ ወይም አስተያየት በ https://t.me/EthiotelecomChatBot 24/7 ያግኙን!

#Ethiotelecom #telebirr #DigitalAfrica #SmartAfrica #DigitalEthiopia #RealizingDigitalEthiopia

የቆጣቢዎች ቅሬታ እና የተሰጠ ምላሽ !

• " በ36 ወራት ቤት አስረክባችኋለሁ ብሎን ነበር ግን ሳንረከብ 3 ወር ሆነን " - ቆጣቢዎች

• " ክፍያ በምናሸጋሽግበት ወቅት የፕሮጀክቱን የጊዜ ሰሌዳ ይገፋዋል " - ሐምብራ ቢዝነስ ግሩፕ

የ " ሐምብራ ቢዝነስ ግሩፕ " የመኖሪያ ቤት ግንባታ ቆጣቢዎች " ድርጅቱ በገባነው ውል መሠረት ቤቱን አላስረከበንም ሲሉ ለቲክቫህ ኢትዮጵያ በሰጡት ቃል አማረሩ።

የቅሬታ አቅራቢዎች ነን ያሉ ቆጣቢዎች ያጋጠማቸውን ችግር ይዘው ወደ ቲክቫህ ኢትዮጵያ መጥተዋል።

ቆጣቢዎቹ " ድርጅቱ በ36 ወራት ቤቱን አስረክባለሁ ብሎን ነበር ግን እስካሁን አላስረከቡንም። ይኸው 3 ወር ሆነን " ብለዋል።

" በአንዱ ሳይትም ቆፋሮ አልጀመሩም። ካስፈለገ ቦታውን ሂዶ ማዬት ይቻላል " ሲሉ ገልጸዋል።

" ውላችንን ፤ ገንዘብም የከፈልንበትን ደረሰኝ (ወደ እነርሱ የገባበትን) ማሳየት ይቻላል። ይሄ ሆኖ ሳለ በተደጋጋሚ ደብዳቤ ብንጽፍም አንሰማም አሉ " ያሉት ቆጣቢዎች " እኛ ከፍያ ጨርሰን አስረክበናል። በብራችን እንዲሰሩ ነው የጠበቅነው። ሁለት ብሎኮች አሉ። ብሎክ “ኤ” ሳይት ላይ ትንሽ ከፍ ብሏል። ብሎክ “ቢ” ደግሞ ገና ቁፋሮም አልተጀመረም " ብለዋል።

" ቤታችንን ያስረክቡን ይህ ካልሆነ ደግሞ ይዞታውን ወደ ቤት ገዢዎች ማስተላለፍ ካለባቸው ያስተላልፉ " ሲሉ ጠይቀዋል።

ቅሬታ አቅራቢዎች ቶሎ ችግሩ ካልተፈታ ወደ ሕግ እንደሚወስዱት አመልክተዋል።

ቲክቫህ ኢትዮጵያ ከቆጣቢዎች የመጣውን ቅሬታ ይዞ የሐምብራ ቢስነስ ግሩፕን ጠይቀዋል።

ድርጅቱም ፥ " ቤት እናስረክባለን ብለን ያሰብነው ጊዜ በ3 አመታና በ3 አመት ተኩል ይጠናቀቃል ብለን ነበር። የማተሪያል ዋጋ ጭማሪዎች ፣ የማተሪያል Avalability ፤ ከባንክ ጋር ተያይዞ ያለ የፋይናስ አቅርቦት ይህንን ነገር ማድረግ እንዳንችል የያዙን ነገሮች ናቸው " ብሏል።

" በተለይ ከዋጋ ጭማሬ ጋር በተያያዘ የማተሪያል ጭማሪ በሚኖር ሰዓት ላይ በውሉ መሠረት ደንበኞች እስከ 10% የሆነውን ድርጅቱ የሚሸከመው ሆኖ ከ10% በላይ ከሆነ ግን ለደንበኞች አሳውቆ ጭማሪ ማድረግ እንዳለባቸው ውሉ ይጠቅሳል " ሲል ገልጿል።

" ያን በምናቀርብ ሰዓት ደንበኞች አቅም ያንን የሚችል ሆኖ አላገኘነውም " ያለው ድርጅቱ " የአብዛኛው ደንበኞቻችን በጭማሪው መሠረት እየጨመሩ የመቀጠል አቅም ስለሌላቸው ከደንበኞች ጋር የደረስነው Individual አግሪመንቶች አሉ " ብሏል።

" ስለዚህ 'ጭማሪ በሚሆን ጊዜ ያለን ብቸኛ አማራጭ ማቆራረጥ ነው' በሚሉ ሰዓት የክፍያ ማሸጋሸጎች እና ክፍያ በምናሸጋሽግበት ወቅት የፕሮጀክቱን የጊዜ ሰሌዳ ይገፋዋል " ሲል አስረድቷል።

" ፕሮጀክቱን ማጠናቀቅ ያልተቻለው በዋጋ ንረት ሳቢያ ነው። የጊዜ ማራዘሚያዎችን አድርገን ከደንበኞቻችን ጋር ግንባታውን እንቀጥላለን " ብሏል።

ያንብቡ 👇
https://telegra.ph/Tikvah-Ethiopia-08-09

#Ethiopia

" ማንኛውም ማሻሻያ ወይም የደመወዝ ስኬል ለውጥ ካለ ሕጋዊ ሰውነት ባላቸው እና በሚመለከታቸው አካላት ይፋ ይደረጋል " ሲል የሲቪል ሰርቪስ ኮሚሽን አሳውቋል።

ውሳኔዎቹ ሲኖሩ በዝርዝር ጥናቶችና የበጀት አጸዳደቅ ሥርዓትን ተከትለው የሚካሄዱ እንደሆኑ ገልጿል።

የትኛውንም አይነት መረጃ ሁልጊዜም በቀጥታ ጉዳዩ ከሚመለከታቸው አካላት ማጣራት እና ማገናዘብ ከስህተት ይታደጋልም ብሏል።

የትላንትናው አይነት የደመወዝ ማሻሻያን የሚመለከት ሐሰተኛ መረጃ እውነታዎችን ሊያዛባ እንደሚችል ጠቁሟል።

ይህም ግራ መጋባትን ከማስከተሉም ባለፈ ያልተፈለገ እንድምታ ሊያስከትል እንደሚችል አመልክቷል።

" መሰል የሚሊየኖችን ሕይወት የሚነካ ሐሰተኛ መረጃ ማሰራጨት ተገቢነት የለውም " ሲል አስገንዝቧል።

#CivilServiceCommission

@tikvahethiopia