#Update

ራስ ገዟ ሶማሌላንድ የሁለትዮሽ ስምምነት ለማድረግ " የሶማሊያ ፍቃድ "አያስፈልገኝም ፤ አልጠይቅምም " አለች።

ከሶማሊያ ተነጥላ ሶስት አስርት ዓመታት እንደሆናት የገለፀችው ሶማሌላንድ፤ ሶማሊያ የምታቀርበው " የኔ አካል ናት " የሚለው የባለቤትነት ጥያቄ ፍፁም ሀሰት ነው ስትል ገልጻለች።

የኢትዮጵያ ፌዴራላዊ ዲሞክራሲያዊ ሪፐብሊክን በሶማሊላንድ የወደብ ተጠቃሚ ለማድረግ የተፈረመው የመግባቢያ ስምምነት አንድ ሀገር ከሌላ ሀገር ጋር ከሚደርገው #የሊዝ_ኮንትራቶች የተለየ አለመሆኑን አመልክታለች።

ራስ ገዟ ሶማሌላንድ ፤ ሶማሊያ የመግባቢያ ስምምነቱን በተመለከተ ያየዘችውን አቋም እና ያወጣቻቸውን መግለጫዎች ሁሉ #ውድቅ አድርጋለች።

ከዚህ ባለፈ ሶማሌላንድ የሁለትዮሽ ስምምነቶችን ለማድረግ የሶማሊያን ፈቃድ ትፈልጋለች የሚባል ማንኛውም ሀሳብ ፍፁም ውሸት ነው ስትል ገልጻለች።

ሶማሊላንድ ኢትዮጵያን ጨምሮ ከበርካታ ሀገራት ጋር የራሷን ነጻ የሆነ ግንኙነት ስታደርግ እንደነበርና አሁንም የምትቀጥል መሆኑን ገልጻ ከአሁኑ የመግባቢያ ስምምነት በፊት በርካታ ዓለም አቀፍ እና የሁለትዮሽ ስምምነቶችን በተሳካ ሁኔታ መፈፀሟን አስታውሳለች።

ከእነዚህ ከተፈፀሙ ዓለም አቀፍ እና የሁለትዮች ስምምነቶች መካከል አንዳቸውም ከሶማሊያ ፈቃድ አልተጠየቁም ወይም አልተቀበሉም ብላለች።

ሶማሌላንድ ባለፉት 33 ዓመታት የሶማሌላንድ እና የሶማሊያ #ተቃራኒ ሁኔታዎችን ብዙ ይናገራሉ ስትልም ገልጻለች።

ሶማሌላንድ ፤ በአፍሪካ ቀንድ የበለፀገ ዲሞክራሲ እና የመረጋጋት ምልክት ሆና የውስጥ ጉዳዮቿን፣ አስተዳደሯን እና ምርጫዋን ያለአለም አቀፍ ድጋፍ በብቃት በመምራት ላይ እንደሆነች አመልክታችለች።

" ሀገራችን እና የባህር ዳርቻዋ ያለማቋረጥ / በወጥነት ከዘረፋ፣ ከሽብርተኝነት እና ከሽፍታነት የፀዱ ናቸው። " ስትል አክላለች።

በአንፃሩ ሶማሊያ ላለፉት 33 ዓመታት ከውስጥ ሽኩቻ፣ ሙስና እና ሽብርተኝነት ጋር ስትታገል፣ በዓለም አቀፉ ማህበረሰብ ዘንድ በተደጋጋሚ " የወደቀች / የከሸፈች ሀገር " ስትባል እንደነበር እና ለራሷ ጥበቃ የዓለም አቀፍ ሰላም አስከባሪ ሃይል ያስፈለጋት ሀገር መሆኗን ሶማሌላንድ ገልጻለች።

" ሶማሊያ ብዙ ጊዜ ' ብርቅዬ አፍሪካዊ ተአምር ' እየተባለች በሚነገርላት በሶማሌላንድ ላይ ያልተገባ አረዳድ እንዲኖር ከማድረግና መሠረተ ቢስ የባለቤትነት ጥያቄ ከማቅረብ ይልቅ፣ የራሷን ቤት ብታስተካክል ይመረጣል " ብላለች።

" እርግጥ ነው፣ ዓለም አቀፉ ማኅበረሰብ በሁለቱ አካላት መካከል ያለውን ከፍተኛ ልዩነት ይገነዘባል " ያለችው ሶማሌላንድ " እኛ ለአፍሪካ ቀንድ ቀጣናዊ ሰላምና መረጋጋት የምናደርገውን አስተዋጽኦ ዓለም አቀፉ ማህበረሰብ የሚያደንቀው ነው " ስትል ገልጻለች።

ሶማሌላንድ እንደፈለገችው በነፃነት ዓለም አቀፍ ግንኙነት የመመሥረት ሉዓላዊ መብቷን ከማስጠበቅ ወደ ኋላ ባትልም፣ ከሶማሊያ ጋር እንደ #ጎረቤት ገንቢ ውይይት ለማድረግና ሰላማዊ በሆነ መንገድ አብሮ ለመኖር ቁርጠኛ ነኝ ብላለች።

ሶማሊያ ፤ እንደ አንድ የራሷ ግዛት በምትቆጥራት ሶማሌላንድ እና በኢትዮጵያ መካከል የተፈረመውን ስምምነት " ዋጋቢስ " በማለት ውድቅ ያደረገች ሲሆን የኢትዮጵያ ድርጊት ሉዓላዊነቴን ፣ ግዛታዊ አንድነቴ የሚዳፈር ነው ብላለች።

የሀገሪቱ ፕሬዜዳንት ሀሰን ሼክ ሞሀሙድም ስምምነቱን ተከትሎ ወደ ተለያዩ ሀገራት እና ተቋማት ጋር በመደወል ውይይት አድርገዋል።

በአሁን ሰዓት ደግሞ በኤርትራ ይፋዊ ጉብኝት እያደረጉ ሲሆን የግብፅ ፕሬዜዳንት አብዱል ፈታህ አልሲሲም ወደ ግብፅ መጥተው የስራ ጉብኝት እንዲያደርጉ ጥሪ ማቅረባቸው ተሰምቷል።

#ቲክቫህኢትዮጵያ

@tikvahethiopia

#ይፈለጋል #Wanted

ሼህ አብዱ ያሲንን በመግደል የሚጠረጠረው መሀመድ ሽኩር አበባው በቁጥጥር ስር ለማዋል ፖሊስ ክትትሉን አጠናክሮ መቀጠሉን የአዲስ አበባ ፖሊስ ገልጿል።

አንዳንድ ማህበራዊ ሚዲያዎች ተጠርጠሪው እንደተያዘ በማስመሰል የሚያሰራጩት መረጃ #ሀሰተኛ መሆኑን አስታውቋል።

በማህበራዊ ሚዲያ ላይ ተጠርጣሪው ሳይያዝ እንደ ተያዘ አድርጎ መረጃ ማሰራጨት ተገቢ እንዳልሆነ የገለፀው የአዲስ አበባ ፖሊስ መሀመድ ሽኩር አበባው ያለበትን የሚያውቅም ሆነ ማነኛውም መረጃ ያለው በስልክ ቁጥር 011-1-11-01-11 ወይም በነፃ ስልክ ቁጥር 991 መረጃ በመስጠት እንዲተባበር ጥሪ ቀርቧል።

@tikvahethiopia

#Update

የሰራተኞች ፈተና ውጤት ይፋ ሆነ።

ለአዲስ አበባ ከተማ አስተዳደር ሰራተኞች የተሰጠው ፈተና #ውጤት ይፋ ሆኗል።

በአዲስ አበባ ዩኒቨርሲቲ እና በኮተቤ የትምህርት ዩኒቨርሲቲ የተዘጋጀው እና ለአዲስ አበባ ከተማ አስተዳደር ሰራተኞች ሲሰጥ የነበረው ፈተናን በሚመለከት በዛሬው ዕለት መግለጫ ተሰጥቷል።

በዚህ መግለጫም ፤ የቴክኒክና ባህሪ ብቃት ፈተናው የወሰዱት የከተማ አስተዳደሩ አመራሮች፣ ባለሙያዎችና ሰራተኞች ቁጥር 15 ሺህ 151 መሆኑ ተገልጿል።

ከዚህ ውስጥ የአመራሩ ቁጥር 4 ሺህ 213 ሲሆን የፈተውን ማለፊያ ውጤት ያመጡት 1 ሺህ 422 ናቸው። ይህም 34 በመቶው አመራሮች አልፈዋል። አመራሩ ለማለፍ ከ60 በመቶ በላይ ማምጣት ይጠበቅባቸዋል።

ፈተናውን የወሰዱ የሠራተኞች ቁጥር 10 ሺህ 257 ሲሆኑ ያለፉት 5 ሺህ 95 ናቸው ተብሏል። ይህም 50 በመቶ ነው። ሰራተኞች ለማለፍ ከ50 በመቶ በላይ ማምጣት አለባቸው።

ለፈተና ከተቀመጡት አጠቃላይ ቁጥር 681 የሚሆኑት በተለያየ የስነ ምግባር ጥሰት ከፈተና ውጪ መሆናቸውን እና 441 የሚሆኑት ደግሞ በፈተና ስፍራ ያልተገኙ መሆናቸው ተገልጿል።

ቲክቫህ ኢትዮጵያ መረጃው ከኢፕድ እና ከአዲስ አበባ ፐብሊክ ሰርቪስና የሰው ልማት ቢሮ ነው ያገኘው።

@tikvahethiopia

ሶማሊያ እና ኤርትራ ምን መከሩ ?

የሶማሊያው ፕሬዜዳንት ሀሰን ሼክ ሞሀሙድ ወደ ኤርትራ አቅንተው የሁለት ቀን የስራ ጉብኝት አድርገው ወደ ሞቃዲሾ ተመልሰዋል።

ፕሬዜዳንቱ ጉብኝታቸውን በተመለከተ ማብራሪያ ሰጥተው ነበር።

በማብራሪያቸውም ፤ " ኤርትራን በተደጋጋሚ ጎብኝቻለሁ። ኤርትራ ለኛ እንደ ቤታችን ናት " ብለዋል።

ወደ ኤርትራ የሄዱት ፦
- ኤርትራ ከፍተኛ ድጋፍ እያደረገች ባለችበት በሶማሊያ ሽብርተኝነትን መዋጋት ዙሪያ ለፕሬዝዳንት ኢሳያስ አፈወርቂ ገለጻ ለማድረግ፤
- ከሰሞኑ በቀጠናው እየተስተዋለ ስላለው ተለዋለዋጭ ሁኔታ ላይ ለፕሬዝዳንት ኢሳያስ ገለጻ ለማድረግ፤
- በአካባቢው ስለላለው ሁኔታ የሶማሊያን አቋም ለፕሬዜዳንት ኢሳያስ ለማስረዳት ነው ብለዋል።

ፕሬዜዳንቱ ፤ " ኤርትራ ሁልጊዜም ከሶማሊያ ጎን ናት፤ ለዚህም እናመሰግናለን " ሲሉ ተደምጠዋል።

" ኤርትራ የሶማሊያን አንድነት፣ ሉዓላዊነትና የግዛት አንድነት ለማስጠበቅ ስትደግፍ ቆይታለች ይህም የኤርትራ ዓለም አቀፍ አቋም ፤ አሁንም ይህንን አቋም ክቡር ፕሬዝዳንቱ ዛሬ ደግመውኛል፤ ለዚህም እናመሰግናለን " ሲሉ ተናግረዋል።

የኤርትራ መንግሥት ምን አለ?

የኤርትራ መንግሥት ፕሬዝዳንት ኢሳያስ አፈወርቂ እና ፕሬዜዳንት ሀሰን ሼክ መሀሙድ ባለፉት ሁለት ቀናት በሁለትዮሽ፣ አህጉራዊ እና ዓለምአቀፋዊ ጉዳዮች ላይ ሰፊ እና ጥልቅ ውይይት አድርገዋል ብሏል።

ሁለቱ መሪዎች በሁለትዮሽ ጉዳዮች ዙሪያ በጋራ እንደሚሰሩ መስማማታቸውን እና በቅርቡ የሁለትዮሽ እና ቀጣናዊ ጉዳዮች ላይ ሰፊ መግለጫ እንደሚያወጣ አስታውቋል።

NB. የሶማሊያው ፕሬዜዳንት ሀሰን ሼክ ሞሀሙድ ኤርትራ በነበሩበት ወቅት የግብፁ መሪ አብዱል ፈታህ አል ሲሲ ግብፅን እንዲጎበኙ ግብዣ አድርገውላቸዋል። የኢትዮጵያ እና የራስ ገዟ ሶማሌላንድ የመግባቢያ ስምምነት ከተፈረመ በኃላ የሶማሊያው ፕሬዝዳንት በቅድሚያ ስልክ ደውለው የተነጋገሩ ከአል ሲሲ ጋር እንደነበር አይዘነጋም።

@tikvahethiopia

#Update

" እግዚአብሔር አምላክ አትሙቺ ያላት ነብስ ሆናነው እንጂ እጅግ አስቸጋሪ ሁኔታ ውስጥ ነበርን " - ከእገታ የተለቀቁ ግለሰብ

ታህሳስ 19 ለቁልቢ ንግስ በዓል ወደ ቁልቢ ደርሰው ሲመለሱ በታጣቂዎች የታገቱ 11 ሰዎች መለቀቃቸውን ቤተሰቦቻቸውን እንዲሁም አንድ የተለቀቀ ታጋችን ዋቢ በማድረግ ቪኦኤ ሬድዮ ዘግቧል።

አንድ ከእገታው ነፃ የሆነ ስሙ እንዲገለፅ ያልፈለገ ግለሰብ ፤ ወደ ቁልቢ ሲሄዱና ሲመለሱ ጥቃት እንደደረሰባቸው ገልጿል።

ታህሳስ 17 ወደ ቁልቢ ሲሄዱ ከወለንጪቲ ወጣ ባለ ቦታ ዘረፋ የተፈፀመባቸው ሲሆን ሲመለሱ ታህሳስ 19 በታጣቂዎች ጥቃት ተከፍቶባቸዋል።

አስተያየት ሰጪው ፤ " ዋናውን የአዋሽ ፓርክ በር አልፈን ያልታወቁ ታጣቂዎች ተኩስ ከፈቱና የነበርነው 19 ሰዎች ነበር ከ19ኙ 5 ሰዎች ህይወቱ አልፎ እዛው አስክሬናቸው ከመኪናው ጋራ ተቃጠለ። እኛ በህይወት ያለነውን 11 ሰዎች ውረዱ ... ውረዱ ብለው አስወርደውን በማናቃቸው ኃይሎች ታግተን በጣም እሩቅ የሚባል 10 ሰዓት የሚፈጅ እግረ መንገድ ወደማናቅበት ተራራማ አካባቢ ከተቱን " ብለዋል።

አጋቾቹ እገታውን ከፈፀሙ በኃላ የተለያየ መጠን ያለው ገንዘብ የጠየቁ ቢሆንም ታጋቾች ግን አቅም እንደሌላቸው ነግረዋቸዋል። በዚህ ምክንያት ከፍተኛ ድብደባ እና እንግልት እንደፈፀሙ ተመላክቷል።

ታጣቂዎቹ ሲጠይቁ የነበረው ገንዘብ ከ100 ሺህ ብር አንስቶ እስከ 250 ሺህ ብር የሚደርስ መሆኑን የገለፁት ከእገታ ነፃ የሆኑት ግለሰብ " እኛ ይህን ገንዘብ ማግኘት አንችልም አቅማችን አይፈቅድም አልናቸው በጨረሻ ተስፋ ሲቆርጡ ገርፈው ለቀቁን " ብለዋል።

" ምሽት 4 ሰዓት ነው የተነሳነው ነግቶ ነው ከወልጪቲ ወጣ ብለን ቤተሰብ ጋር ደውለን በኮንትራት መኪና ወደቤት የሄድነው " ሲሉ አክለዋል።

ታጣቂዎቹ ሲለቋቸው ስለነበረው ሁኔታ ለማንም እንዳይናገሩ እንዳስጠነቀቋቸው የገለፁት እኚሁ ስሜ አይገለፅ ያሉ ግለሰብ  በወቅቱ በጥይት እጇን የተመታች ባለቤቱን ጨምሮ 3 ሴቶች ሳይታገቱ መቅረታቸውን አመልክተዋል።

" እግዚአብሔር አምላክ አትሙቺ ያላት ነብስ ሆናነው እንጂ እጅግ አስቸጋሪ ሁኔታ ውስጥ ነበርን። የሚለበስ ነገር የለ፣ የነበርነው በቲሸርት ነው ብርዱ ውርጩ ዝናቡ ከነድብደባው ከፍተኛ ስቃይ ነበር። ከእኛ መሃል አንድ ልጅ ግንድ ላይ አስረው የደበደቡት እጅግ በጣም ተጎድቷል፤ ከአንገቱ እስከ እግሩ ቁስል ብቻ ነው። እሱን ሆስፒታል እንዲሄድ አድርገናል። " ሁኔታውን ገልጸዋል።

አጋቾቹ እነማን ናቸው ? በሚል ለተነሳላቸው ጥያቄ " ከ20 በላይ ፤ 25 ወይም 30 ይጠጋሉ። የተወሰኑት ፀጉር አላቸው ፤ የወታደር ልብስ የበከተ አይነት ሬጀር ያደረጉ ነበሩ፤ ግማሾቹ ጭንብል አላቸው። ያስፈራል በጣም። ስለማንነታቸው አይነግሩንም ነበር። ወስደው ሁለት ተራራ መሃከል ባለ ዋሻ ውስጥ አስገቡን ለሽንት ብቻ ነበር የሚወጣው ፤ ግማሹ ኦሮሚኛ፣ ግማሹ አፋርኛ በቃ ድብልቅልቅ ያለ ቋንቋ ነው የሚሰማው ይሄ ነው የሚባል አይደለም። ድብልቅልቅ ያለ ነው። የሚጠራሩትም በኮድ ስም ነው " ሲሉ መልሰዋል።

ታግተው ከተለቀቁት መካከል የአንዱ ቤተሰብ የሆኑ አባት ሁሉም ታግተው የተለቀቁ የአካል እና ከፍተኛ የስነልቦና ጉዳት እንደደረሰባቸው ለሬድዮ ጣቢያው ተናግረዋል።

ይህ መረጃ ባለቤትነቱ የቪኦኤ ሬድዮ ጣቢያ ነው።

@tikvahethiopia

አዲስ አበባ ከተማ የተለየ ወታደራዊ እንቅስቃሴ አለ ?

ትላንት እንዲሁም ዛሬ በተለያዩ የማህበራዊ መገናኛ ዘዴዎች ብዙ ተከታይ ያላቸው ገፆች እና ግለሰቦች ፤ " በአዲስ አበባ የተለየ ወታደራዊ እንቅስቃሴ እንዳለ፣ የመፈንቅለ መንግሥት ሙከራ እየተደረገ እንደሆነ፣ 4 ኪሎ አካባቢ የተኩስ ድምፅ እንደሚሰማ የሚገልፁ መረጃዎች " እያዘዋወሩ ይገኛሉ።

መሰል መረጃዎችን እያሰራጩ የሚገኙት ገፆች እና ግለሰቦች ሶማሊያን እንደግፋለን በሚል የሚንቀሳቀሱ የሶማሊያ አክቲቪስቶች ሲሆኑ አንዳንድ ኢትዮጵያውያን የማህበራዊ ሚዲያ ተጠቃሚ ዜጎችም ሲያጋሯቸው መመልከት ተችሏል።

አንዳንድ የግብፅ ገፆችም እና ግለሰቦችም ተመሳሳይ መልዕክቶችን ሲያሰራጩ የነበረ ሲሆን የእነሱንም መልዕክቶች አንዳንድ የኢትዮጵውያን ዜጎች ሲያጋሯቸው ነበር።

እነዚህ አካላት እያሰራጩ ስላሉት ጉዳይ ምልከታ ያደረግን ሲሆን የተባለው አይነት ነገር አዲስ አበባ ውስጥ ፈፅሞ እንደሌለ ለማረጋገጥ ችለናል።

ዛሬ 4 ኪሎን ጨምሮ መላው አዲስ አበባ ላይ በመዟዟር ምልከታ አድርገናል። ምንም አይነት ያልተለመደ ወታደራዊ እንቅስቃሴ የለም ፣ ተኩስ የሚባልም ነገር የለም።

አዲስ አበባ በተመለከተ እየወጡ ያሉት መረጃዎች በጠቅላላ ሀሰተኛ መሆናቸውን አረጋግጠናል።

መሰል ሀሰተኛ መረጃዎች እየተሰራጩ ያሉት ሆን ተብለው ነዋሪዎችን ስጋት ላይ ለመጣል እንደሆነ ለመረዳት ተችሏል።

በተለይ ኢትዮጵያ እና ራስ ገዟ ሶማሌላንድ የመግባቢያ ስምምነት ከተፈራረሙ በኃላ ሶማሊያን በመደገፍ የተለያዩ ብዙ ተከታይ ያላቸው ግለሰቦች እና ገፆች ኢትዮጵያን በተመለከተ የተፈበረኩ መረጃዎችን እያሰራጩ እንደሆነ ለማታዘብ ተችሏል።

ከዚህ ባለፈ በሶማሊያ የሚገኙ ኢትዮጵያውያን ላይ ጥቃት እንዲደርስ የሚቀሰቅሱ ፅሁፎችን ሲያጋሩ ታይተዋል።

እነዚህ የውጭ ሀገር ሰዎችና በርካታ ተከታይ ያላቸው ገፆች የሚያሰራጯቸውን መልዕክቶች የሚያጋሩ የሀገራችን ሰዎችም ስለመኖራቸው መረዳት ተችሏል።

@tikvahethiopia

#ቅኝት

" ኢትዮጵያውያን ከሶሚሊያ ይውጡልን " እስከ " ጠቅላይ ሚኒስትሩ የኖቤል ሽልማት ይነጠቅ " ዘመቻ !

ከሰሞኑን #የሶማሊያ እና #የግብፅ አክቲቪስቶች እንዲሁም " ሶማሊያን ነው የምንደግፈው " የሚሉ የኢትዮጵያ አክቲቪስቶችና ታዋቂ ሰዎች በማህበራዊ ሚዲያ ሰፊ ዘመቻ ከፍተዋል።

ጉዳዩ ኢትዮጵያ የባህር በር ለመጠቀም እድል ይሰጣታል ከተባለውና ከሶማሌላንድ ጋር ካደረገችው የመግባቢያ ስምምነት በኃላ የመጣ ነው።

ከስምምነቱ ማግስት ጀምሮ የሶማሊያ መንግሥት ኢትዮጵያ ላይ መግለጫ የማውጣት፣ አጉል ዛቻ የማድረግ ፣ ኢትዮጵያውያን እንደ * ወራሪ * እንዲታዩ የማድረግ ስራ ሲሰራ ነበር።

የሀገሪቱ ብሄራዊ የመንግሥት የዜና አውታሮች እና ቴሌቪዥን ጣቢያዎች፣  አክቲቪስቶች እንዲሁም የግብፅ ሰዎች #የተናበበ በሚመስል መልኩ ኢትዮጵያን ጫና ውስጥ ይከትልናል ያሉትን ሁሉ እያደረጉ ይገኛሉ።

ቀላል የማይባል የተከታይ ቁጥር ያላቸው ገፆች #ነጭ_ውሸት ከማሰራጨት ባለፈ ኢትዮጵያውን እንዲጠቁ የማድረግ ዘመቻ እያደረጉ ነው።

ለአብነት ፤ " አዲስ አበባ ውስጥ መፈንቅለ መንግሥት እየተደረገ ነው ፣ መዲናዋ በተኩስ እየተናጠች ነው ፣ የሀገሪቱ መንግሥት  ለሁለት ተከፋፍሏል ፣ እርስ በእርሱ እየተዋጋ ነው፣ ኢትዮጵያ በሁሉም መልኩ ተዳክማለች " የሚሉ ነጭ ውሸቶችና እና ሀሰተኛ የፕሮፖጋንዳ ስራዎች እየሰሩ ይገኛሉ።

እንዲሁም " ኢትዮጵያውያን ሶማሊያ ውስጥ ምን ይሰራሉ ? ፣ ጠራርገን እናስወጣቸው፣ ወደ ሀገራቸው እንሸኛቸው ፣ ወራሪ ናቸው " የሚሉ ለጥቃት የማመቻቸትና የጥላቻ ቅስቀሳዎችን ከዚህ አለፍ ሲልም የግድያ ዛቻዎችን እስከማስተላለፍ ደርሰዋል።

ከዚህ በተጨማሪም ፤ የኢትዮጵያ ጠቅላይ ሚኒስትር ከዚህ ቀደም ኢትዮጵያ ከኤርትራ ጋር ሰላም እንድትፈጥር ላደረጉት ስራ የተሰጣቸው ዓለም አቀፉ " የኖቤል የሰላም ሽልማት " እንዲነጠቁ የሶማሊያ ሰዎች ዘመቻ ማድረግ ጀምረዋል።

ዘመቻው በብሄራዊ የሶማሊያ ቴሌቪዥን ጣቢያ እና ብሄራዊ ዜና አገልግሎት ጭምር ሰፊ ሽፋን ተሰጥቶት ሰዎች እንዲፈርሙት እየተደረገ ይገኛል።

ይህንን ዘመቻም የግብፅ አክቲቪስቶችም አብረው እያሟሟቁት ይገኛሉ።

NB. የኖቤል የሰላም ሽልማት አንዴ ከተሰጠ እንደማይሻር / እንደማይነጠቅ ይታወቃል፤ በስቶክሆልምና በኦስሎ ያሉት የሽልማት ሰጪ ኮሚቴዎች አንድም ጊዜ ሽልማትን ለመሻር/ ለመንጠቅ አስበው አያውቁም።

በአጠቃላይ የሶማሊያ ሰዎች " የሀገሪቱ ጠቅላይ ሚኒስትር ኖቤል ሽልማት ይነጠቅ " ከማለት አንስቶ ኢትዮጵያውያን ላይ ጥቃት እንዲከፈት ፣ በአዲስ አበባ እና ክልል ያለው ህዝብ እንዲሸበር በማህበራዊ ሚዲያ እየሰሩ ያሉትን ዘመቻ የግብፅ ሰዎችም ሲደግፏቸው ታይቷል።

በዚህ የሶማሊያ እና የግብፅ ሰዎች የጋራ የሚመስል የማህበራዊ ሚዲያ ዘመቻ #የሀገራችን_ዜጎችም ሲሳተፉ መመልከት ተችሏል።

በጉዳዩ ላይ ቃላቸውን ለቲክቫህ ኢትዮጵያ የሰጡት ስማቸውን እንዲጠቀስ ያልፈለጉ የኢትዮጵያ ዲፕሎማት ፤ ኢትዮጵያ ማንንም ባልወረረችበት ፣ የሰው ሀገር ባላጠቃችበትና ፍትሃዊ ጥያቄ በመጠየቋ ብቻ የሀገራችን ዜጎች ሆነው ከሶማሊያ እና ግብፅ ጋር በማበር የሚያደርጉት ድርጊት እንዳሳዘናቸው ገልጸዋል።

" የኖቤል ሽልማት ማሻር፣ ጠቅላይ ሚኒስትሩን ከስልጣን ማስወረድ ፣ የሀገሪቱን መንግሥት መቀየር ይህ ሁሉ #ኢትዮጵያውያንን ብቻ የሚመለክት ነው " ያሉ ሲሆን " በሀገር ውስጥ የቱንም ያህል ተቃውሞ፣ ቅሬታ ቢኖረን እንዴት ከሌላ ሀገር ሰዎች ጋር ለዛውም ለኢትዮጵያ መልካም ከማያስቡ ሰዎች ጋር እናብራለን ? ይህ ተገቢ አይደለም መታረም አለበት ፤ ማንኛውም የውስጥ ጉዳዮች በውሥጥ ማለቅ አለባቸው " ብለዋል።

#ኢትዮጵያ

@tikvahethiopia