@tikvahethsport

ይህን ተጭነው ይገምቱ ፤ ይሸለሙ 👇
https://t.me/tikvahethsport/33477

ማንችስተር ሲቲ ከ ማንችስተር ዩናይትድ

(ቲክቫህ ስፖርት)

@tikvahethsport

" ኢትዮጵያ ከፍላዋለች ፤ የኢትዮጵያ ህዝብ አክብሮታል " - ድምፃዊት ትዕግስት አፈወርቅ

በቅርቡ ከዚህ ዓለም በሞት የተለየው ድምፃዊ ማዲንጎ አፈወርቅ እህት የሆነችው ድምፃዊት ትዕግስት አፈወርቅ አሁን ላይ በስደት #በካናዳ_ሀገር የምትገኝ ሲሆን የወንድሟን ህልፈት በሰማችበት ወቅት እራሷን ስታ ሆስፒታል እንደነበረች ተናግራለች።

ድምፃዊት ትዕግስት ፤ የወንድሟን ህልፈት ተከትሎ የኢትዮጵያ ህዝብ ፣ የኢትዮጵያ መንግስት ላሳየው ልዩ ክብር ምስጋናዋን አቅርባለች።

ወንድሟን እስላም ፣ ክርስቲያኑ ፤ ኦሮሞው ፣ ትግራዩ ፣ አማራው አንድም ሳይለያይ አልቆሶ በክብር መቀበሩን የገለፀችው ትዕግስት ባየችው ነገር እንደተፅናናች ነገር ግን በኢትዮጵያ ውስጥ እየጠፋ ያለው የሰው ህይወት ይቆም ዘንድና ሁሉም ወደ ፍቅር እንዲመለስ እያለቀሰች ተማፅናለች።

ድምፃዊት ትዕግስት አፈወርቅ ፦

" ... ወንድሜን ኢትዮጵያ ከፍላዋለች። እግዚአብሔር ይመስገን የኢትዮጵያ ህዝብ አክብሮታል ፤ የኢትዮጵያ መንግስት አክብሮታል።

እንደ ንጉስ በክብር ተቀብሯል።

ፌንት አድርጌ ሆስፒታል ነበርኩኝ ፤ ወንድሜ ለኔ ልጄ ነው ፤ የስደት ጓዴ ነው፤ ሁሉ ነገሬ ነው። የጀግና ሞት ነው የሞተው፤ እንደ ንጉስ ነው የተቀበረው።

የማስተላልፈው መልዕክት ፤ ወንድሜ እንዲሁ እንደ ንጉስ እንደተቀበረ  ፤ #ኢትዮጵያን እንዳለ እንደዘፈነ ፤ ኢትዮጵያን እንደወደደ የክብር ሞት ነው የሞተው የኢትዮጵያ ህዝብም ብድሩን መልሶለታል።

እግዚአብሔር ኢትዮጵያን ይባርክ ፤ ኢትዮጵያን ሰላም ያድርጋት።

ነገር ግን አንድ የሚያመኝ ነገር ወንድሜ እንዲህ እንደ ንጉስ ተከብሮ ተቀብሮ እንዲህ አንጀቴ ፣ ልቤ የተቆረጠ ፤ የሚያልቀው ህዝብ ፣ ምንም በማያውቀው ፣ ደጉ ባለሀገሩ ፣ ምስኪኑ የሚጨፈጨፈውስ ... ስለነሱ ነው መልዕክቴ።

የኢትዮጵያ ህዝብ እንደድሯችን #አንድ ልንሆን ይገባል፤ ሞት ሊቆም ይገባል። እኔ ወንድሜ በክብር ተቀብሮ እንደዚህ ያመመኝ ተዋግቶ በማያውቀው ተጋድሎ የሚሞተው ህዝብ ፤ ለእሱ ህዝብ ሞት ሊቆም ይገባል ነው መልዕክቴ።

ወንድሜማ እንደ ንጉስ ነው የተቀበረው ግን እንደዛም ሆኖ አንጀቴ ተቆርጧል። ማዲንጎ ኢትዮጵያን ነው ያሳየው እስላም፣ ክርስቲያኑ ፤ ኦሮሞው ፣ ትግራዩ ፣ አማራው ሁሉ አልቅሶ ነው የቀበረው። የኢትዮጵያ ህዝብ ደግ ህዝብ ነው።

እባካችሁ ወገኖቼ ፣ ወንድሜ እንዲህ በክብር ተቀብሮ እንኳን አዝኛለሁ አንጀቴ ተቆርጧል፤ እያየች ልጇ የሚገደልባት እናት አባት ፣ እህት ወንድም የሚያልቅው እባካችሁ ... እባካችሁ ሞት ይቁም ኢትዮጵያ ላይ ፤ እግዚአብሔርን አምላክን ፍሩ ፤ ሁላችንም እንፍራ ወደ ፍቅር እንምጣ።

ማዲንጎ ይጠበቃል ዱብእዳ ነው የሆነብኝ፤ ቀኝ እጄ ነው የተቆረጠው ... በሰው ሀገር ፌንት ነው ያደረኩት ግን የኢትዮጵያ ህዝብ አፅናናኝ ፣ የኢትዮጵያ መንግስት እንደዛ ሲሆንለት ሳይ ፣ ህዝቡ እንደዛ ሲወጣ አንድ አደረጋት ፣ #አንድ_ናት_ኢትዮጵያ እያለ ዘፍኖ ቀብሩ ላይ እስላም ፤ ክርስቲያን ሳይል ሁሉም አንድ ሆኖ ኦሮሞው ፣ ትግራዩ አንድ ሆኖ ነው አልቅሶ የቀበረው እናም ይሄ ህዝብ ፍቅር ነው የሚያስፈልገው ፤ ለእሱ ስንል መታሰቢያነቱ ለወንድሜ ይሁን አንድ ያድርገን እባካችሁ ፤ #ሞት_ይብቃን !! "

(ድምፃዊት ትዕግስት አፈወርቅ ፤ በኢትዮ ኤፍ ኤም 107.8 ሬድዮ ላይ ለሚሰራጨው " ታዲያስ አዲስ " ለተሰኘው የሬድዮ ዝግጅት ከሰጠችው ቃል የተወሰደ)

@tikvahethiopia

#USA

አምባሳደር ማይክ ሐመር ከዛሬ ሰኞ ጀምሮ ወደ ኬንያ ፣ ደቡብ አፍሪካ እና #ኢትዮጵያ ጉዞ ያደርጋሉ።

የአሜሪካ አፍሪካ ቀንድ ልዩ መልዕክተኛ አምባሳደር ማይክ ሐመር ከጥቅምት 3 እስከ ጥቅምት 18 ቀን 2022 ወደ ኬንያ፣ ደቡብ አፍሪካ እና ኢትዮጵያ እንዘሚጓዙ የአሜሪካ የውጭ ጉዳይ መስሪያ ቤት ዛሬ አሳውቋል።

ሐመር ወደ ቀጠናው የሚመለሱት በሰሜን ኢትዮጵያ ያለው ግጭት በአፋጣኝ እንዲቆምና በአፍሪካ ህብረት የሚመራ የሰላም ድርድር እንዲጀመር ለመደገፍ ነው ተብሏል።

በናይሮቢ ቆይታቸው ከኬንያ መንግስት ባለስልጣናት፣ ዓለም አቀፍ አጋሮች፣ መንግስታዊ ያልሆኑ ድርጅቶች እና ሌሎች ሰላምን ለመፍጠር እና ሰብአዊ እርዳታን ለተቸገሩ ወገኖች ለማድረስ በቀጠናዊ ጥረቶች ላይ ከሚሳተፉት ጋር አካላት ጋር ተገናኝተው ይመክራሉ።

የአሜሪካ ውጭ ጉዳይ ሚኒስቴር መስሪያ ቤት መረጃ ባለፈው መስከረም 27 ቀን 2022 በዋሽንግተን የአሜሪካ-ደቡብ አፍሪካ የአፍሪካ እና የዓለም አቀፍ ጉዳዮች የስራ ቡድን በሰሜን ኢትዮጵያ እና በአፍሪካ ቀንድ ሁኔታ ላይ ውይይት መደረጉን የሚጠቁም ሲሆን ይህን ውይይት ተከትሎ ልዩ መልዕክተኛው ሐመር ወደ ፕሪቶሪያ በማቅናት ከደቡብ አፍሪካ መንግስት ባለስልጣናት ጋር ይገናኛሉ። በዚህም ወቅት በአፍሪካ ኅብረት የሚመራውን የሽምግልና ጥረት ለመደገፍ ስለሚደረጉ ጥረቶች ይመክራሉ።

አምባሳደር ማይክ ሐመር በአዲስ አበባ በሚኖራቸው ቆይታ ከኢትዮጵያ መንግስት እንዲሁም ከአፍሪካ ህብረት ባለስልጣናት ጋር ተገናኝተው ይመክራሉ።

በተጨማሪም ፤ በሰሜን ኢትዮጵያ ከተከሰተው ግጭት ጋር በተያያዘ የሰብዓዊ ድጋፍ ከሚሰጡ እና የድርቅ ምላሽ ከሚሰጡ የተባበሩት መንግስታት ድርጅት (ተመድ) ባለስልጣናት እና ከሌሎችም አጋሮች ጋር ይገናኛሉ።

ልዩ መልዕክተኛው ሐመር ፤ ግጭቱን ለመፍታት እና ብሄራዊ እርቅን ለማምጣት በሰብአዊ መብት ጉዳዮች ላይ ተጠያቂነትን የማስፈን አስፈላጊነት ላይ አፅንኦት ይሰጣሉ ተብሏል።

ከዚህ በተጨማሪ ፤ አምባሳደር ማይክ ሐመር በታላቁ የኢትዮጵያ ህዳሴ ግድብ ጉዳይ ላይ በአፍሪካ ህብረት ጥላ ስር የሚደረገውን ጥረት በመደገፍ የሁሉንም ወገኖች ጥቅም የሚያስጠብቅ እና የበለጠ ሰላምና የበለፀገ ቀጣና እንዲኖር በሚደረግ አስተዋጽኦ ላይም ይሳተፋሉ ሲል የአሜሪካ ውጭ ጉዳይ ሚኒስቴር መ/ ቤት አሳውቋል።

አምባሳደር ማይክ ሐመር ከሳምንታት በፊት ኢትዮጵያ መጥተው ከኢትዮጵያ መንግስት እና ከአፍሪካ ህብረት ባለስልጣናት እንዲሁም ከሌሎችም አካላት ጋር ውይይት አድርገው  እንደነበር የሚዘነጋ አይደለም።

@tikvahethiopia