ፎቶ ፦ ኢሰመኮ በሰሜን ኢትዮጵያ ካለው ጦርነት ጋር ተያይዞ በአፋርና በአማራ ክልሎች የተከሰተውን የሰብአዊ መብቶች ጥሰት በተመለከተ ያካሄደውን የምርመራ ሪፖርት ይፋ እያደረገ ይገኛል።

ያንብቡ https://telegra.ph/Tikvah-Ethiopia-03-11

@tikvahethiopia

#CBE

የኢትዮጵያ ንግድ ባንክ የደንበኞቹን አካውንት ለግዜው ያግዳል የተባለው ወሬ ሐሰት ነው አለ።

ንግድ ባንክ " መረጃ አሟሉ አልኩ እንጂ የባንክ ሂሳብ አግዳለሁ አላልኩም " ብሏል።

ዛሬ የደንበኞችን መረጃ የመሰብሰቢያ ቀን የመጨረሻ ነው የተባለውም #ሐሰት ነው ሲል ባንኩ ገልጿል።

የባንኩ የኮምዩንኬሽን ዳይሬክተር አቶ ያብስራ ከበደ ባንኩ የደንበኞችን መረጃ ለመሰብሰብ አገልግሎቱን ለጊዜው ገደበ እንጂ አለማገዱን ለሸገር ኤፍ ኤም 102.1 ሬድዮ ተናግረዋል፡፡

የኢትዮጵያ ንግድ ባንክ የኤቲ.ኤምና የሞባይል ባንኪንግ አገልግሎትን መገደብ ያስፈለገው የብሔራዊ ባንክ ለሁሉም የግል ባንኮች የላከውን መመሪያ ለመተግበር በመገደዱ መሆኑን ተገልጿል።

ደንበኞች ለጊዜው በኤቲኤም እና በሞባይል ባንኪንግ የገንዘብ ማስተላለፍና ማውጣት አገልግሎት ባያገኙም ወደ ቅርንጫፍ መጥተው ሀብታቸውን እና ገንዘባቸውን ማንቀሳቀስ እንደሚችሉ መታወቅ አለበት ብሏል ባንኩ።

የኢትዮጵያ ንግድ ባንክ የደንበኞችን መረጃ ለመፈለግ የመጨረሻው ቀን ዛሬ አርብ ነው የተባለው ትክክል እንዳልሆነ ባንኩ ገልጿል።

አክሎም " ደንበኞች በየቅርንጫፉ መጉላላት፣ መሰለፍ እና ጊዜያችሁን ማባከን የለባችሁም ባመቻችሁ ጊዜ ባንኩ የሚጠይቀውን መረጃ መስጠት ትችላላችሁ " ሲል ማሳወቁን #ሸገር_ኤፍ_ኤም 102.1 ሬድዮ ዘግቧል።

የኢትዮጵያ ንግድ ባንክ ከቀናት በፊት ባወጣው ማሳሰቢያ ላይ ደንበኞቹ እስከ መጋቢት 2 /2014 ድረስ አስፈላጊውን መረጃ እንዲሰጡ ከመጋቢት 2 /2014 በኃላ ግን ማንኛውም የባንክ አገልግሎት (የሞባይል ባንኪንግ፣ የኢንተርኔት ባንኪንግ ፣ እንዲሁም የATM እና የፖስ አገልግሎት ማግኘት አይችሉም ብሎ እንደነበር አይዘነጋም።

@tikvahethiopia

#SPHMMC

በቅዱስ ጳውሎስ ሆስፒታል ሚሊኒየም ሕክምና ኮሌጅ በ2014 ዓ.ም የትምህርት ዘመን ሕክምና ትምህርት ለመማር መስፈርቶች የሚያሟሉ አመልካቾች ተቀብሎ ማሰልጠን እንደሚፈልግ ገልጿል።

ለማመልከት የሚያስፈልጉ መስፈርቶች ፦

1. በ2014ዓ.ም በመደበኛ ትምህርት ፕሮግራም 12ኛ ክፍል ትምህርት ያጠናቀቀ/ያጠናቀቀች

2. በኢትዮጵያ የከፍተኛ ትምህርት መግቢያ ፈተና 1) ሲቪክስ ውጤት ለተያዘላቸዉ ከ700 ያገኙትን ወደ 600 ከቀየሩ በኋላ 2) ሲቪክስ ውጤት ያልተያዘላቸው የሲቪክስ ውጤቱን ቀንሠው በሚያገኙትን ዉጤት መሠረት
• ከስር ከተዘረዘሩት ክልልና ዞኖች ውጪ ያሉ ሁሉም ክልሎች -
👉 ለወንድ 475 እና ከዚያ በላይ ውጤት ያለው
👉 ለሴት 460 እና ከዚያ በላይ ውጤት ያላት
• ለአፋር ክልል ፣ ለቦረና ዞን (ኦሮሚያ ክልል) ፣ ለቤኒሻንጉል ጉሙዝ ክልል፣ ለጋምቤላ ክልል ፣ ለሱማሌ ክልል፣ለደቡብ ኦሞ ዞን(ደቡብ ክልል)፣ ለዋግ እምራ ዞን(አማራ ክልል)ና ለምእራብ ኦሞ ዞን(ደቡብ ክልል)
👉 ለወንድ 450 እና ከዚያ በላይ ውጤት ያለው
👉 ለሴት 440 እና ከዚያ በላይ ውጤት ያላት

3. ከ9ኛ-12ኛ ክፍል አማካይ የትራንስክሪፕት ውጤት 80% እና ከዚያ በላይ የሆነ

ማሳሰቢያ፦

1. ማመልከት የሚቻለው Online ብቻ ነው፡፡
2. የማመልከቻ ጊዜው ከመጋቢት 5 - መጋቢት 11 / 2014ዓ.ም ድረስ ብቻ ነው

www.sphmmc.edu.et

ምንጭ፦ SPHMMC

@tikvahethiopia

#ነዳጅ

" ነዳጅ እና ጋዝ አምራች ሀገራት አቅርቦታችሁን ጨምሩ " - G7

በኢንዱስትሪ የበለፀጉ ሀገራት ስብሰብ G7 ፤ ሩስያ በዩክሬን ላይ በፈፀመችው "ወረራ" በዋጋ ላይ የሚያሳድረው ተፅእኖ ለመቋቋም ትላልቅ የነዳጅ እና ጋዝ አምራች ሀገራት አቅርቦቶችን እንዲያሳድጉ አሳስቧል።

የG7 የኢነርጂ ሚኒስትሮች በጋራ ባወጡት መግለጫ ነዳጅ እና ጋዝ አምራች ሀገራት ኃላፊነት በተሞላበት መንገድ እንዲሰሩ እና ወደ ዓለም አቀፍ ገበያዎች የሚደርሰውን ምርት የማሳደግ አቅማቸውን እንዲፈትሹ ጠይቀዋል።

በዚህ ላይ ኦፔክ (የነዳጅ አምራች አገራት ኅብረት) ቁልፍ ሚና እንዳለው ገልፀዋል።

በተጨማሪም ሚኒስትሮቹ በመግለጫቸው የጋዝ ዋጋ መጨመርን ለማስቆም ውጤታማ እርምጃዎችን ግምት ውስጥ ማስገባት አስፈላጊ መሆኑን አስገንዝበዋል።

የG7 የኢነርጂ ሚኒስትሮች የኃይል ምርቶች ላይ እየታየ ያለው የዋጋ ጭማሪ በቤትውስጥ እና በንግድ ስራዎች “በተለይም በአውሮፓ ሀገራት” ላይ ያለው ጫና “አሳሳቢ” ነው ብለዋል።

ታዳጊ አገራት ውስጥ ያለውም ጫና እንደሚያሳስባቸው ገልፀዋል።

የሩስያና ዩክሬን ጦርነትን ተከትሎ በዚህ ሳምንት የነዳጅ ዋጋ በ14 ዓመታት ውስጥ ታይቶ በመታይወቅ መልኩ ጨምሮ 140 ዶላር ድረስ ደርሶ እንደነበር ይታወሳል።

ከዚህ ባለፈ የG7 አባል ሀገር አንዷ የሆነችው አሜሪካ ከጦርነቱ ጋር በተያያዘ ከሩስያ የኃይል አቅርቦቶችን (ነዳጅ፣ ጋዝ) ገዝታ እንደማታስገባ እንዲሁም ሌላኛዋ የG7 አባል ብሪታኒያም ከአመቱ መጨረሻ በኃላ ተመሳሳይ እርምጃ እንደምትወስድ ማስታወቋ ሩስያም ለምዕራባውያኑ ድርጊት አፀፋ ለአውሮጳ የምታቀርበውን የተፈጥሮ ጋዝ አቅርቦቷን እንደምታቋርጥ መግለጿ በነዳጅና ጋዝ ምርቶች ላይ አሁን እየጨመረ ካለውም በላይ ጭማሪ እንዳያሳይ ተሰግቷል።

@tikvahethiopia

#Update

የኢትዮጵያ ኦርቶዶክስ ተዋሕዶ ቤተ ክርስቲያን አራተኛው ፓትርያርክ የብጹዕ ወቅዱስ አቡነ መርቆሬዎስ የሽኝት መርሐግብር በአሁን ሰዓት መስቀል አደባባይ እየተካሄደ ነው።

በሽኝት መርሃ ግብሩ ላይ የሃይማኖት አባቶች ፣ የእምነቱ ተከታዮች እንዲሁም የመንግስት የስራ ሃላፊዎችን ጨምሮ የውጪ አገራት አምባሳደሮች ተገኝተዋል።

በተጨማሪም ከተለያዩ የእምነት ተቋማት የተወጣጡ የሃይማኖት አባቶች ተገኝተዋል።

ፎቶ ፦ ENA / የኢኦተቤ ህዝብ ግንኙነት

@tikvahethiopia