#AddisAbaba

የወሎ ሰፈር - ኡራኤል የመንገድ ፕሮጀክት ከቀለም ቅብ እና ከእግረኛ መንገድ በስተቀር መጠናቀቁ ተገለፀ።

የአዲስ አበባ ከተማ መንገዶች ባለስልጣን ከወሎ ሰፈር ኡራኤል ቤተክርስቲያን ሲያስገነባ የቆየውን የመንገድ ፕሮጀክት ግንባታውን አጠናቆ ለትራፊክ ክፍት ማድረጉን ዛሬ አሳውቋል።

የመንገድ ፕሮጀክቱ ግንባታ አሁን ላይ ከቀለም ቅብ እና ከእግረኛ መንገድ ግንባታ በስተቀር ሌሎች የአስፓልትና መሰል ስራዎች ሙሉ በሙሉ ተጠናቀዋል፡፡

ግንባታውን ባለስልጣን መስሪያ ቤቱ በራሱ አቅም ያከናወነው ሲሆን አጠቃላይ 1.4 ኪሎ ሜትር ርዝመትና 35 ሜትር የጎን ስፋት አለው፡፡

ለግንባታ ስራው ከ300 ሚሊዮን ብር በላይ ወጪ ተደርጎበታል፡፡

የዚህ የመንገድ ፕሮጀክት ዲዛይን የብስክሌት መስመርና የመሀል አካፋዩ ላይ በቀለም ተለይቶ የመኪና ማቆሚያ ቦታዎችን ያካተተ በመሆኑ ከተለመደው የመንገድ አሰራር የተለየ እንደሚያደርገው ባለስልጣን መስሪያ ቤቱ ገልጿጻ።

የመንገድ ፕሮጀክቱ ከቦሌ እና ወሎ ሰፈር ለሚነሱ አሽከርካሪዎች መስቀል አደባባይ መሄድ ሳይጠበቃባቸው ወደ ኡራኤልና አትላስ አካባቢዎች በአቋራጭ ለመጓዝ ያስችላቸዋል፡፡

ምንጭ፦ የአዲስ አበባ መንገዶች ባለስልጣን

@tikvahethiopia

አጫጭር መረጃዎች ፦

#Amhara, #Gashena

ጋሸና ከተማ ተቋርጦባት የቆየውን የኤሌክትሪክ ኃይል ዛሬ ማግኛቷን ተገልጿል። በአካባቢው ያሉ ሌሎች ከተሞችን የመካከለኛና ዝቅተኛ መስመር ጥገና እየተካሄደ ሲሆን በነገው እለት ፋላቂት፣ ገረገራ፣ ኮን እና በአካባቢው ያሉ ከተሞች የተቋረጠባቸውን ኃይል መልሰው ያገኛሉ ተብሎ ይጠበቃል።

#Afar

በአፋር በክልል በህወሓት ወረራ ተቋርጦ የነበረው መደበኛ የመንግስት ስራ ከነገ ጀምሮ እንደሚጀመር የክልሉ የፐብሊክ ሰርቪስና ሰው ሀብት ልማት ቢሮ አስታውቋል።

#Amhara

በአማራ ክልል በህልውና ዘመቻው ምክንያት ለአንድ ወር በላይ በከፊል ተዘግተው የቆዩት የአማራ ክልል ፍ/ቤቶች (ከጥቂቶቹ በስተቀር) ዛሬ መደበኛ ስራቸውን ጀምረዋል።

#AddisAbaba

በአ/አ ህገ ወጥ መሬት ወረራ በተሳተፉ 88 አመራሮች እና ሰራተኞች ላይ ፓለቲካዊና አስተዳደራዊ እርምጃ መወሰዱን የአ/አ መሬት ልማትና አስተዳደር ቢሮ አስታውቋል። ከ26 ሺ ካሬ ሜትር በላይ ስፋት ያላቸውና በህገ ወጥ የመሬት ወረራ የተያዙ 671 ይዞታዎች ካርታቸው እንዲመክን ተደርጎ ወደ መሬት ባንክ መመለሳቸው ሪፖርት ተደርጓል።

#DireDawa

በድሬዳዋ ኤርፖርት የጦር መሳሪያ ፍንዳታ ተከሰተ ተብሎ በተለያዩ ማህበራዊ ሚዲያዎች የተላለፈው መረጃ ሐሰት መሆኑ የድሬዳዋ ሲቪል አቪየሺን ቅርንጫፍ ፅ/ቤት አሳውቋል። ትላንት ከቀኑ 10:50 ላይ የአውሮፕላኑን አቅጣጫና የርቀት መለኪያ፣ የኃይል መቆጣጠሪያና የመገናኛ መሳሪያ፣ በኤሌክትሪክ ኃይል መጨመር (high voltage) ምክንያት በተከሰተ ቃጠሎና ፍንዳታ የኃይል መቆጣጠሪያ ስርዓቱ ላይ አደጋ ደርሷል። በኃላ ችግሩን በማስተካከል ዛሬ ጥዋት 1፡00 ሰዓት ጀምሮ የአውሮፕላን በረራ እንዲካሄድ ተደርጓል።

@tikvahethiopia

#ALERT🚨

የኮቪድ-19 ሪፖርት ፦

ባለፉት 24 ሰዓት ውስጥ ከተደረገው 6,262 የላብራቶሪ ምርመራ 1,864 ሰዎች ለቫይረሱ ተጋላጭ ሆነው ተገኝተዋል።

በተመሳሳይ በ24 ሰዓት የ6 ሰዎች ሞት ተመዝግቧል።

210 ሰዎች በፅኑ ታመዋል።

@tikvahethiopia

#ቴሌግራም

በተለያዩ የዓለም ሀገራት ሚገኙ የቴሌግራም መተግበሪያ ተጠቃሚዎች በአገልግሎቱ ላይ ችግር እንዳጋጠማቸው በ " ዳውን ዲቴክተር " በኩል በመግለፅ ላይ ይገኛሉ።

አንዳንዶች ሙሉ በመሉ አገልግሎት መቋረጥ ፣ አንዳንዶች ፎቶ እና ቪድዮ አለመላክ፣ አንዳንዶች የሚላኩላቸውን መልዕክቶች በአግባቡ አለመድረስ ፣ የአገልግሎት ፍጥነት መቀነስ የመሳሰሉትን ሪፖርት እያደረጉ ናቸው።

የአገልግሎት ፍጥነት መቀነስ ባለፉት ቀናትም ያጋጠማቸው ችግር መሆኑን ሪፖርት ያደረጉ አሉ።

እስካሁን ድረስ ድርጅቱ በተገልጋዮች በኩል ስለሚቀርቡት ችግሮች ምላሽ አልሰጠም።

ውድ የቲክቫህ አባል እርሶ ባሉበት ሀገር ከላይ ከተጠቀሳት መካከል ያጋጠሞት ችግር አለ ?

✅ አዎ ! አለ
❌ የለም

@tikvahethiopia

" ሁሉም ነገር ወደነበረበት ተመልሷል " - ቴሌግራም

ቴሌግራም ከአገልግሎት መቆራረጥ ጋር በተያያዘ በተገልጋዮች ሲቀርቡ ለነበሩ አስተያየቶች ምላሽ ሰጥቷል።

ቴሌግራም " አንዳንድ ተጠቃሚዎች የግንኙነት ችግሮች አጋጥሟቸው ይሆናል ነገር ግን ሁሉም ነገር ወደነበረበት ተመልሷል " ብሏል። ለተፈጠረው ሁኔታም ይቅርታ ጠይቋል።

ድርጅቱ የተፈጠረውን ችግር በዝርዝር ባያስረዳም የአገልግሎት መቋረጥ አጋጥሞ እንደነበር ነገር ግን ሁሉንም ነገር ማስተካከል መቻሉን ገልጿል።

ዛሬ ምሽት በተለያዩ ሀገራት የሚገኙ የቴሌግራም ተጠቃሚዎች አንዳንዶቹ የሙሉ አገልግሎት መቋረጥ፣ አንዳንዶች ፎቶና ቪድዮ ለመላክ መቸገር፣ አንዳንዶች በፍጥነት መልዕክት አለመድረስ እንዲሁም የፍጥነት መቀነስ የመሳሰሉ ችግሮች እንዳጋጠሟቸው ሪፖርት ሲያደርጉ ነበር።

@tikvahethiopia

#UPDATE

የኮቪድ-19 ቀውስ ዓለም አቀፍ መረጃ፦

🇴🇲 ኦማን በመንግስት ሆነ በግል ዘርፍ ያሉ ሰራተኞች ሙሉ በሙሉ መከተባቸውን የሚያረጋግጥ የክትባት ሰርተፍኬት ሳይኖራቸው ወደስራ ቦታቸው እንዲገቡ እንደማይፈቀድ አሳውቃለች።

🇫🇷 ፈረንሳይ በአዲስ አመት ዋዜማ ጥብቅ እርምጃዎችን እንደምትወስድ ነገር ግን የሰዓት እላፊ ገደብ እንደማትጥል አሳውቃለች። በሚቀጥሉት 3 ሳምንታት ሁሉም ህዝባዊ መሰባሰቦች ለቤት ውስጥ ዝግጅቶች በ2 ሺ እና ከቤት ውጭ ደግሞ በ5 ሺ ሰዎች እንደሚገደቡ እንደሚደረግ ታውቋል።

🇮🇹 በጣልያን ከኮቪድ-19 ጋር በተያያዘ የሚሞቱ ሰዎች ቁጥር እየጨመረ ይገኛል። ትላንት 142 ሰዎች መሞታቸው ሪፖርት ተደርጓል፤ እሁድ 81 ሰዎች መሞታቸውን የጤና ሚኒስቴር መረጃ ያሳያል።

🇩🇰 ዴንማርክ ከፍተኛ የኮቪድ-19 ኬዝ አስመዝግባለች። ባለፉት 24 ሰዓት 16,164 ሰዎች በቫይረሱ መያዛቸው ሲረጋገጥ ወረርሽኙ ከጀመረ ጊዜ አንስቶ በቫይረሱ የተያዙ ሰዎች ቁጥር ከ15ሺ ሲሻገር ይህ የመጀመሪያ ነው።

🏴󠁧󠁢󠁥󠁮󠁧󠁿 እንግሊዝ ለአዲሱ ዓመት ዋዜማ ተጨማሪ ገደቦች እንደማትጥል ቦሪስ ጆንሰን አሳውቀዋል። የምሽት ክለቦችና ሰዎች በብዛት የሚገኙባቸው ዝግጅቶች ይቀጥላሉ የተባለ ሲሆን ሁሉም ሰው ግን ተጋላጭ የሆኑትን ከማግኘቱ በፊት ሊመረመርና ማስክ ማድረግን ጨምሮ ሌሎች ጥንቃቄዎች ሊያደርግ ይገባል ተብሏል።

🇬🇷 ግሪክ በሀገሯን እየጨመረ የመጣውን የኮቪድ-19 ወረርሽኝ ለመግታት ገደቦችን ጥላለች። በሱፐር ማርኬቶች፣ በህዝብ ትራንስፖርት፣ በመመገቢያ ቦታዎች ማስክ ማድረግ ግዴታ ነው ተብሏል። ባር እና ሬስቶራንቶች እኩለ ሌሊት ላይ መዘጋት አለባቸው የተባለ ሲሆን በመዝናኛ ስፍራዎች ላይ የሚቆሙ ደንበኞች እንደማይፈቀድና በ1 ጠረጴዛ ከፍተኛው የ6 ሰዎች ገደብ መሆኑ ተገልጿል።

@tikvahethiopia