#SUDAN : የሱዳን ጦር መሪ ሌ/ጄ አብዱል ፈታህ አል ቡርሃን አዲስ ሉዓላዊ ምክር ቤት አቋቋሙ፡፡

ቡርሃን ምክር ቤቱን ያቋቋሙት በመፈንቅለ መንግስቱ የፈረሰውን ሉዓላዊ የሽግግር ምክር ቤት ለመተካት ነው፡፡

አዲስ የተመሰረተው ምክር ቤት 15 አባላት ያሉት ሲሆን ሉዓላዊ የሽግግር ምክር ቤቱን ሲመሩት የነበሩት ቡርሃን ራሳቸውን የአዲሱ ም/ቤት መሪ አድርገው ሾመዋል፡፡

ሉዓላዊ የሽግግር ምክር ቤቱን በምክትልነት ሲመሩ የነበሩት ጄነራል መሃመድ ሃምዳን ዳገሎ (ሄሚቴ)ም በአዲሱ ምክር ቤት ምክትል መሪነት እንደሚቀጥሉ ቡርሃን አስታውቀዋል፡፡

ከ15ቱ የምክር ቤቱ አባላት መካከልም 5ቱ የሃገሪቱ ጦር መሪ ጄነራሎች ናቸው፡፡

የሱዳን ጦር ከ20 ቀናት በፊት በጠቅላይ ሚኒስትር አብደላ ሀምዶክ በሚመራው የሲቪል አስተዳድሩ ላይ መፈንቅለ መንግስት መፈጸሙ ይታወሳል፡፡

መፈንቅለ መንግስቱን ተከትሎም የሲቪል አስተዳድሩ ወደ ቀድሞ ስልጣኑ እንዲመለስ የሱዳን ዜጎች በሰላማዊ ሰልፍ በመጠየቅ ላይ ናቸው፡፡

ምንጭ፦ አል ዓይን

@tikvahethiopia

#ItsMyDam🇪🇹

ሀገራችን ኢትዮጵያ እ.ኤ.አ. ከ2022 ጀምሮ ከታላቁ የኅዳሴ ግድብ በዓመት 700 ሜጋ ዋት የኤሌክትሪክ ኃይል ማመንጨት እንደምትጀምር የኢትዮጵያ የኢኖቬስን እና ቴክኖሎጂ ሚኒስቴር የአይሲቲ እና ዲጂታል ኢኮኖሚ ሚኒስትር ደኤታ ሁሪያ አሊ ማህዲ አስታወቁ።

ኢትዮጵያ በዚሁ ከመጀመሪያ ዙር እንደምታመነጭ ከሚጠበቀው የኤሌክትሪክ ኃይል አቅርቦት አጠቃላይ የሀገሪቱን የኤሌክትሪክ ኃይል አቅርቦት በ14 ከመቶ እንደሚያሳድገው ገልፀዋል።

ሚኒስትር ደኤታዋ ሁሪያ አሊ ይህን ያሳወቁት ዛሬ በይነ መረብ በተካሄደ የአፍሪካ ቴክኖሎጂ ጉባዔ ላይ ባደረጉት ንግግር ነው።

ኢትዮጵያን በኤሌክትሪክ ኃይል አቅርቦት ለማሳደግ በርካታ ፕሮጄክቶችን እያከናወነች ነው ያሉት ምኒስትር ዴኤታዋ ፥ ከዋነኞቹ ፕሮጀክቶች ግንባር ቀደሙ የታላቁ የህዳሴ ግድብ ከጥቂት ወራት በኃላ 700 ሜጋ ዋት ማመንጨት ይጀምራል ብለዋል።

@tikvahethiopia

#GERD

ታላቁን የኢትዮጵያ ህዳሴ ግድብን በተመለከተ በአፍሪካ ህብረት በኩል የሚደረገው የሶስቱ ሀገራት ድርድር ውጤት ያመጣል ብለን እናምናለን ይህንንም እንደግፋለን አሉ በኢትዮጵያ እና በአፍሪካ ህብረት የኒውዚላንድ አምባሳደር ሚካኤል አፕተን።

አምባሳደሩ ይህ ያሉት በውሃና ኢነርጂ ሚኒስቴር ተገኝተው ከሚኒስቴሩ ሚኒስትር ዶ/ር ኢ/ር ሃብታሙ ኢተፋ ጋር በተለያዩ ጉዳዮች ዙሪያ በመከሩበት ወቅት ነው።

በዚሁ ግዜ ነው አምባሳደሩ የአፍሪካ ህብረት አደራዳሪነትን እንደሚደግፉ አሳውቀዋል።

በቀጣይ ግዜም የዜሮ ካርበን ልቀት መጠን ግብን ለማሳካት በአፍሪካ ህብረት በኩል የገንዘብ ድጋፍ ለማድረግ ሃገራቸው ማቀዷን ገልጸው ከዚህ ውስጥ #ኢትዮጵያ አንዷ መሆኗን ጠቁመዋል።

ሚኒስትሩም በጠቅላይ ሚኒስትር ዶ/ር አቢይ አህመድ መሪነት ባለፉት ሁለት አመታት ከ4 ቢሊየን በላይ የተለያዩ አይነት ችግኞት መተከላቸውን ገልጸው ይህ ተግባር የአባይ ወንዝ ጨምሮ በሃገሪቱ ያሉ የውሃ አካላትን ደህንነት ለመጠበቅ የሚያስችል ነው ብለዋል።

የህዳሴ ግድብም ለሱዳንና ልግብፅ ያለውን ጥቅም አስረድተዋቸዋል።

ሚኒስትሩና አምባሳደሩ በቀጣይ በጋራ በሚሰሯቸው ታዳሽ ሀይል ልማት፤ የውሃና ሳኒቴሽን፤ ድርቅን፣ የአከባቢ ጥበቃና እንክብካቤ እንዲሁም የአየር ንብረት ለውጥን በተመለከቱ ጉዳዮች ላይ መምከራቸው ተገልጿል።

@tikvahethiopia

#Amhara

የአማራ ክልል አደጋ መከላከል እና ምግብ ዋስትና ፕሮግራም በክልሉ ያሉ ተፈናቃዮች ቁጥር ከ2 ሚሊዮን ማለፉን ሪፖርት አደረገ።

ህወሓት በክልሉ ላይ በከፈተው ጦርነት ምክንያት 1 ነጥብ 14 ሚሊዮን ዜጎች ተፈናቅለዋል።

918 ሺህ ዜጎች ደግሞ በኦሮሚያ እና ቤኒሻንጉል ጉሙዝ ክልሎች በተፈጠሩ ግጭቶች መፈናቀላቸውን ተቋሙ አስታውቋል፡፡

በአጠቃላይ በአማራ ክልል የተፈናቀሉ እና ለእለት እርዳታ የተዳረጉ ዜጎች ቁጥር 2 ሚሊዮን 55 ሺህ ደርሷል።

በተቋሙ የቅድመ ማስጠንቀቂያ እና ምላሽ ዳይሬክተር አቶ ጀምበሩ ደሴ በህወሃት ጥቃት ምክንያት የሚፈናቀሉ ዜጎች ቁጥር እየጨመረ መሆኑን አመልክተዋል።

ከዋግ እና ሰሜን ወሎ ወረዳዎች ተፈናቅለው በደሴ እና ኮምቦልቻ ተጠልለው የነበሩ ተፈናቃዮች በድጋሚ መፈናቀላቸው የሀብት እጥረቱን እንዳባበሰው አቶ ጀምበሩ አክለዋል፡፡

በደሴ እና ኮምቦልቻ ከተሞች ከ500 ሺህ በላይ ተፈናቃዮች ተጠልለው ለ300 ሺህ ያህሉ ለአንድ ወር የሚበቃ ምግብ እና ሌሎች አልባሳት አድርሰን ነበር የሚሉት አቶ ጀምበሩ የህወሃት ታጣቂዎች ወደከተሞቹ መግባታቸውን ተከትሎ “የሰጠናቸውን ድጋፍ ትተው ወደ ደብረብርሃን እና ሌሎች ቦታዎች ተሰደዋል” ብለዋል፡፡

ይህ መሆኑ “በፊትም የነበረብንን የሀብት እጥረት የባሰ አክብዶብናል” ሲሉ አቶ ጀምበሩ ተናግረዋል።

አሁን ላይ ደብረብርሃን፣ መካነሰላም፣ እብናት፣ መቄት፣ መርጦለማርያም፣ ደባርቅ፣ ዳባት፣ ደሃና እና ሰሃላ ቦታዎች ላይ በጦርነቱ ለተፈናቀሉ ዜጎች የአስቸኳይ ጊዜ ድጋፎችን እያደረሱ መሆኑንም ገልጸዋል ዳይሬክተሩ፡፡

ምንጭ ፦ አል ዓይን
ፎቶ ፦ አሚኮ

@tikvahethiopia

የኢትዮጵያ ወንጌላዊት ቤተክርስቲያን መካነ እየሱስ የቶምቦላ ሎተሪ ዕጣ መቼ ይወጣል ?

የኢትዮጵያ ወንጌላዊት ቤተክርስቲያን መካነ እየሱስ የቶምቦላ ሎተሪ ዕጣ ጥቅምት 10 ቀን 2014 ዓ/ም እንደሚወጣ ሲጠበቅ ነበር ፤ ነገር ግን የዕጣው ማውጫ ቀን ተራዝሞ ነበር።

በአገሪቷ የተለያዩ አካባቢዎች ሲሸጥ የቆየው የሎተሪ ትኬት በወቅቱ ምክንያት ሁኔታ በአንዳንድ አካባቢዎች የተሸጡና ያልተሸጡ ትኬቶችን ሪፖርት ማግኘት ባለመቻሉና የሁሉም አካባቢዎች የሽያጭ ሪፖርት ተሰብስቦ እስኪጠናቀቅ ድረስ ጊዜ በመውሰዱ ምክንያት ዕጣው ሳይወጣ ሊቆይ እንደቻለ ተገልጿል።

ቤተክርስቲያንቱ ለገቢ ማሰባሰቢያ ከብሔራዊ ሎተሪ አስተዳደር ፈቃድ በመውሰድ ያዘጋጀችው የቶምቦላ ሎተሪ ሽያጭ መስከረም 10/ 2014 ዓ.ም የተጠናቀቀ ሲሆን የዕጣ ማውጫ ቀኑ የሽያጭ ሪፖርቱ ተሰብስቦ እስኪጠናቀቅ ድረስ የተራዘመ መሆኑን የብሄራዊ ሎተሪ አስተዳደር አሳውቋል።

@tikvahethiopia

" በሚቀጥሉት 3 ወራት ዕጣ የወጣባቸውን 68 ሺህ የጋራ መኖሪያ ቤቶች ለዕድለኞች ለማስረከብ እየሰራን ነው " - የአዲስ አበባ ቤቶች ኮርፖሬሽን

የአዲስ አበባ ቤቶች ኮርፖሬሽን በሚቀጥሉት 3 ወራት ዕጣ የወጣባቸውን 68 ሺህ የጋራ መኖሪያ ቤቶች ለዕድለኞች ለማስረከብ እየሰራ መሆኑን ለኢዜአ ገልጿል።

ኮርፖሬሽኑ ዕጣ ወጥቶባቸው ወደ ባለዕድለኞች ያልተላለፉ 68 ሺህ የጋራ መኖሪያ ቤቶችን በቀጣይ 3 ወራት ለባለቤቶቹ ለማስተላልፍ እየሰራን ነው ብሏል።

በሌላ በኩል ከተማ አስተዳደሩ በተያዘው በጀት ዓመት 139 ሺህ ቤቶችን በመገንባት ላይ እንደሆነና ቤቶቹ በተለያየ የግንባታ ደረጃ ላይ እንደሚገኙ ተገልጿል።

ከቤቶቹ ግንባታ በተጨማሪ አስፈላጊ መሠረተ ልማቶች እንዲሟላላቸው ከሌሎች ሴክተር መ/ቤቶች ጋር በትብብር እየተሰራ መሆኑን ኮርፖሬሽኑ አሳውቋል።

የአዲስ አበባ ቤቶች ልማት አስተዳደር በበኩሉ ከተማ አስተዳደሩ የጋራ መኖሪያ ቤቶቹን በሽርክና፣ በመንግሥትና በግል አጋርነት እያስገነባ መሆኑን አሳውቋል።

በመንግስት ከሚገነቡ የጋራ መኖሪያ ቤቶች በተጨማሪ ከ12 ሺ በላይ ዜጎች በማሕበር እንዲደራጁ በማድረግ የቤት ባለቤት የሚሆኑበትን አማራጭ ለመፍጠርም እየተሰራ መሆኑን የቤቶች ልማት አስተዳደር ገልጿል።

ቤቶቹ ሲገነቡ የገንዘብ ችግር እንዳያጋጥም ከኢትዮጵያ ንግድ ባንክ እና ከገንዘብ ሚኒስቴር ጋር በቅንጅት እየተሰራ መሆኑንም ተቋሙ ጠቁሟል።

በአዲስ አበባ ከተማ ከ650 ሺህ በላይ ቤት ፈላጊዎች ተመዝግበው የቤት ባለቤት ለመሆን ገንዘብ እየቆጠቡ መሆኑን የቤቶች ልማት ኮርፖሬሽን መረጃ እንደሚያመለክት ኢዜአ ዘግቧል።

@tikvahethiopia

አሜሪካ በኤርትራ ላይ አዲስ ማዕቀብ ጣለች።

የአሜሪካ ግምጃ ቤት በድረገጹ እንዳስታወቀው በሁለት የኤርትራ ባለስለጣናት እና በ4 ተቋማት ላይ ማዕቀብ ጥሏል።

አሜሪካ ኤርትራ ላይ አዲስ ማዕቀብ የጣለችው በሰሜን ኢትዮጵያ ካለው ጦርነት ጋር በተያያዘ መሆኑን አሳውቃለች።

እንደ አሜሪካ ግምጃ ቤት መረጃ ማዕቀቡ የተጣለባቸው ግለሰቦች አብርሃ ካሳ ነማርያም የኤርትራ ብሄራዊ ደህንነነት ቢሮ ሀላፊ እና የኤርትራ ህዝብ ዲሞክራሲ እና ፍትህ ንቅናቄ የኢኮኖሚ አማካሪ የሆኑት ሀጎስ ገብረህይወት ናቸው።

በተጨማሪም የኤርትራ መካላከያ ሰራዊት እና የኤርትራው ገዢ ፓርቲ ህዝባዊ ግንባር ለዴሞክራሲና ፍትሕ (ህግደፍ) ማዕቀብ እንተጣለባቸው የአሜሪካ ግምጃ ቤት አስታውቋል።

የኤርትራ ገዢ ፓርቲ ነብረት የሆነው ህድሪ ትረስት እና የቀይ ባሕር ንግድ ኮርፖሬሽንም ማዕቀቡ የተጣለባቸው ተቋማት መሆናቸው ታውቋል።

የአሜሪካ ግምጃ ቤት ማዕቀቡ የተጣለባቸው ተቀዋማት እና ግለሰቦች በአሜሪካ ያላቸው ንብረት እንዳይንቀሳቀስ እና የጉዞ እገዳን ያካትታል።

ማዕቀቡ የተጣለባቸው ግለሰቦች እና ተቋማት በትግራይ ክልል በንጹሃን ላይ የሰብአዊ መብት ጥሰት ፈጽማዋል በሚል መሆኑንም ግምጃ ቤቱ አስታውቋል።

አሜሪካ ከዚህ ቀደም ከትግራይ ክልለ ጋር በተያያዘ በኤርትራ ጦር ዋና አዛዥ በጀነራል ፊሊጶስ ወልደዮሐንስ ላይ ማዕቀብ መጣሏ ይታወሳል።

ምንጭ፦ አል አይን

@tikvahethiopia