#KonsoZone : አቶ ዳዊት ገበየሁ የኮንሶ ዞን ዋና አስተዳዳሪ ሆነው ተሹመዋል።

የኮንሶ ዞን የሽግግር ምክር ቤት እያካሄደ በሚገኘው 3ኛ አስቸኳይ ጉባኤ አቶ ዳዊት ገበየሁ የዞኑ ዋና አስተዳዳሪ አድርጎ ሾሟል።

ሹመቱን ተከትሎ አቶ ዳዊት ቃለ መሃላ ፈጽመዋል።

@tikvahethiopia

#HalabaZone : ዶ/ር መሀመድ ኑርዬ የሀላባ ዞን ዋና አስተዳዳሪ በመሆን ተሹመዋል፡፡

የሀላባ ዞን ምክር ቤት 4ኛ ዙር 6ኛ ዓመት 4ኛ አስቸኳይ ጉባኤ እያካሄደ ሲሆን ዶ/ር መሀመድ ኑርዬ ዋና አስተዳዳሪ አድርጎ ሾሟል።

@tikvahethiopia

የመምህራን ጉዳይ !

" በትግራይ ክልል የሚገኙ ዩኒቨርሲቲዎችና የወልዲያ ዩኒቨርሲቲ መምህራን ጊዚያዊ ምደባ ይሰጣቸዋል " - ዶ/ር ሰለሞን አብርሃ

በትግራይ ክልል የሚገኙ 4 ዩኒቨርሲቲዎች እና የወልዲያ ዩኒቨርሲቲ መምህራን ጉዳይን በተመለከተ ለትምህርት ሚኒስቴር የአስተዳደርና መሰረተ-ልማት ጉዳዮች ዳይሬክተር ጀነራል ሰለሞን አብርሃ (ዶ/ር) ጠይቀናል።

የትግራይ ዩኒቨርሲቲዎች እና የወልዲያ ዩኒቨርሲቲ መምህራን ተቋማቱ አዲስ አበባ ባላቸው የጉዳይ ማስፈጸሚያ ቢሮ አማካኝነት ደሞዝ እየተከፈላቸው መሆኑን ሰለሞን አብርሃ (ዶ/ር) ለቲክቫህ ተናግረዋል።

እስከ ግንቦት 30/2013 ዓ.ም በሚሰሩበት ዩኒቨርሲቲ ደሞዝ የተከፈላቸው መምህራን አሁንም ክፍያ እየተፈጸመላቸው መሆኑን ዋና ዳይሬክተሩ ገልጸዋል።

ይሁን እንጂ በሥራ ላይ እንደነበሩ ማስረጃ ማሳየት ያልቻሉና ሚያዝያ/ግንቦት ደሞዝ ያልተከፈላቸው መምህራን፤ ሥራ ማቆማቸው ወይም ውላቸው መቋረጡ እየተጣራ መሆኑን ጠቁመዋል።

ደሞዝ እየተከፈላቸው ያሉ የአራቱ በትግራይ ክልል የሚገኙ ዩኒቨርሲቲዎችና የወልዲያ ዩኒቨርሲቲ መምህራን በተለይ የመምህራን እጥረት ባለባቸው የአገሪቱ ዩዩኒቨርሲቲዎች ጊዚያዊ ምደባ እንደሚሰጣቸው ገልጸዋል።

More : https://t.me/joinchat/RYD_4tbNBwRoKR2h

@tikvahuniversity @tikvahethiopia

ችሎት !

በእነ እስክንድር ነጋ ላይ ዐቃቢ ህግ የሚያቀርባቸው ምስክሮች ስም ዝርዝር በመገናኛ ብዙሃን እንዲገለፅ ተወሰነ፡፡

ምስክሮቹ ከነገ ጥቅምት 10 ቀን 2014 ዓ.ም ጀምሮ በግልፅ ችሎት እንዲመሰክሩ ተወስኗል፡፡

ይህ የተወሰነው የእነ እስክንድር ነጋን የዛሬ የጥቅምት 9 ቀን 2014 ዓ.ም የክስ ቀጠሮ በተመለከተው የፌዴራሉ ከፍተኛ ፍርድ ቤት ልደታ ምድብ 1ኛ የጸረ ሽብር እና ሕገ መንግሥታዊ ጉዳዮች ወንጀል ችሎት መሆኑን አል ዓይን ዘግቧል።

ችሎቱ ዐቃቤ ሕግ በግልፅ ችሎት እንዲያቀርባቸው የታቀዱ ምስክሮች ስም ዝርዝር ለመገናኛ ብዙሃን እንዳይገለጽ ያቀረበውን የጽሁፍ አቤቱታ ውድቅ አድርጓል፡፡

በዐቃቤ ህግ ምስክርነት በግልጽ ችሎት የሚቀርቡ ዘጠኝ ምስክሮች ስም ዝርዝር ለመገናኛ ብዙሃን እንዲገለጽም ወስኗል፡፡ ውሳኔውን ተከትሎ የምስክሮቹ ስም ዝርዝር ይፋ ሆኗል፡፡

Credit : አል ዓይን

@tikvahethiopia

#ተጨማሪ ፦

በነ አቶ እስክንድር ነጋ ላይ ከነገ ጥቅምት 10 ቀን 2014 ዓ.ም. ጀምሮ በግልፅ ችሎት እንዲመሰክሩ ዐቃቤ ሕግ የዘረዘራቸው ሰዎች 9 ሲሆኑ ዐቃቤ ህግ ቀሪ የ12 ምስክሮች ስም ዝርዝር ነገ ደግሞ ጧት እንዲቀርብ ታዝዟል።

ዘጠኙ መስካሪዎች ፈንታሁን አሰፋ፣ መንበረ በቀለ፣ ወርቁ ታደሰ፣ ፍፁም ተሰማ ፣ ደረጀ ግዛው፣ ቴዎድሮስ ለማ፣ ያየህ ብርሃኑ ፣ ጌትነት ተስፋዬ እና ትንሳኤ ማሞ ናቸው።

ከላይ ከተጠቀሱት 9 ምስክሮች መካከል ሁለቱ ነገ ምስክርነታቸውን ይሰጣሉ ተብሎ እንደሚጠበቅ ባልደራስ ፓርቲ በይፋዊ የማህበራዊ ትስስር ገፁ አሳውቋል።

@tikvahethiopia

#ETHIOPIA😷

ሀገራችን ኢትዮጵያ 🇪🇹 ተጨማሪ 20 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 20 ሰዎች ሲሞቱ ከተደረገው 5810 የላብራቶሪ ምርመራ ደግሞ 386 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 555 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#SouthWollo : የደቡብ ወሎ ዞን አደጋ መከላከል እና ምግብ ዋስትና ፅ/ቤት ከሰሞኑን በደቡብ ወሎ ዞን አንዳንድ አካባቢዎች በአዲስ በተቀሰቀሰው ጦርነት ብቻ ከ250 ሺህ በላይ ወገኖች መፈናቀላቸውን አመልክቷል።

የፅ/ቤቱ ኃላፊ አቶ መሳይ ማሩ ዛሬ ለጀርመን ድምፅ በሰጡት ቃል ፥ ካለፈው ሳምንት መጀመሪያ ጀምሮ እንደአዲስ በተቀሰቀሰ ጦርነት በደቡብ ወሎ ዞን በርካቶች ከቀያቸው እየተፈናቀሉ ነው ብለዋል።

የተፈናቃይ ቁጥር ከቀን ወደቀን እየጨመረ ነው ያሉት አቶ መሳይ ፤ እየተፈናቀሉ ያሉት አረጋውያን፣ ሴቶች እና ህፃናት ፤ ከዛሬ ነገ ችግሩ ይፈታል ብለው ጫካ ለጫካ የቆዩ ወገኖች ናቸው ብለዋል።

ከዚህ በፊት በደሴ ከተማ 450 ሺህ ተፈናቃዮች የነበሩ ሲሆን አሁን ግን የተፈናቃዮች ቁጥር 700 ሺ መድረሱን አመልክተዋል።

ኃላፊው ፥ ተፈናቃዎችን ለማስተናገድ መጠለያ ከፍተኛ ችግር መሆኑን አንስተዋል፤ ከዚህ ቀደም 24 ትምህርት ቤቶች ተፈናቃዮችን ይዘው የነበረ ሲሆን አሁን ላይ 45 ት/ቤት ደርሷል።

ከት/ቤት በተጨማሪ የመንግስት ሼድ ፣ የግል ሼድ ፣ የተጀመሩ የመንግስት የቢሮ ግንባታዎች ጭምር ለተፈናቃይ መጠለያ እንዲሆን እየተደረጉ መሆኑንም አክለዋል።

በተለይ መርሳ፣ ድሬ ሩቃ ከሚባሉ አካባቢዎች አጠቃላይ ሊባል በሚችል ደረጃ ህዝቡ አካባቢውን ጥሎ መምጣቱን ገልፀው ፤ ከባቲ እስከ ሀርቡ የመንግስት ት/ቤቶች በተፈናቃዮች ተይዘዋል ሲሉ ለሬድዮ ጣቢያው ተናግረዋል።

Photo : File (Dessie Commu.)

@tikvahethiopia

#Waghimra : በአማራ ክልል የዋግኽምራ ብሄረሰብ አስተዳደር የአደጋ መከላከል እና ምግብ ዋስትና ፅ/ቤት በጦርነት ቀጠና ያሉ ከ635 ሺህ በላይ ወገኖች በከፋ የረሃብ አደጋ ውስጥ እንደሚገኙ አመልክቷል።

የፅ/ቤቱ ኃላፊ አቶ መልካሙ ደስታ ለጀርመን ድምፅ ዛሬ በሰጡት ቃል ፤ በዋግኽምራ በጦርነት ቀጠና ያሉ ከ635 ሺ በላይ ሰዎች ለከፋ የረሃብ አደጋ መጋለጣቸውን ተናግረው ዓለም አቀፍ ረጂ ድርጅቶች እስካሁን ተግባራዊ ምላሽ አልሰጡም ሲሉ ወቅሰዋል።

በአካባቢው መብራት፣ ውሃ ፣ኔትዎርክ የለም መንገድም ተዘጋግቷል ያሉት አቶ መልካሙ ከፍተኛ የሆነ የምግብ አቅርቦት ችግር መኖሩን አመልክተዋል።

በተለይም የጤና አገልግሎት መስተጓጎሉን ስር የሰደደ ህመም ያለባቸው ወገኖች መታከም እንደማይችሉ አክለዋል።

አቶ መልካሙ ፥ ብሄረሰብ አስተዳደሩ ያለበትን ሁኔታ ዝርዝር ጉዳዮችን በሚመለከታቸው አካላት በማቅረብ ለልዩ ልዩ ረጂ ድርጅቶች ድጋፍ እንዲያደርጉ ቢጠየቅም እስካሁን መልስ እንዳልተገኘ ፤ በአስከፊ ሁኔታ ችግር ላይ የወደቀውን ማህበረሰብ መታደግ እንዳልተቻለ ተናግረዋል።

የዋግኸምራ ብሄረሰብ አስተዳደር የኮሚኒኬሽን ቢሮ ኃላፊ አቶ ጳውሎስ በላይ በበኩላቸው ፤ ከነሃሴ 1 ጀምሮ መሰረታዊ ፍጆታዎችን በገበያ ማግኘት እንደማይቻል ገልፀዋል።

አቶ ጳውሎስ ፥ " ጨው፣ ዘይት፣ በርበሬ፣ ሽሮ የለም፤ ቢኖርም ዋጋው ውድ ነው ፣ ባንኮችም ብሎክ ስለሆኑ ብርም የለም ፤ ከአካባቢው እየወጣ የሚመጣው ሰው የሚናገረው ሰቆቃ ነው" ብለዋል።

በሌላ በኩል ፥ በበርካታ ወረዳዎችም የአንበጣ መንጋ በማሳ ላይ የቀረችውን ቀሪ የአርሶ አደር ሰብል እያወደመ ነው ሲሉ ለሬድዮ ጣቢያው ተናግረዋል።

@tikvahethiopia

#ጥንቃቄ_መልዕክት !

ለአሶሳ ከተማና አካባቢዋ ነዋሪዎች ፦

ነገ ጥቅምት 10 ቀን 2014 ዓ.ም የከባድ መሳሪያ ቶክስ ሙከራ ስለሚኖር በአሶሳ እና አካባቢው የሚኖሩ ነዋሪዎች መረጃውን በማወቅ ከድንጋጤ ነፃ በመሆን የተለመደ የስራ ተግባራቸውን እንዲከውኑ የቤኒሻንጉል ጉሙዝ ፖሊስ መልዕክት አስተላልፏል።

@tikvahethiopia