እጅግ ከፍተኛ ጥበቃ ከሚደረግበት እስር ቤት ያመለጡት ፍልስጥኤማውያን …

6 ፍልስጤማውያን እስረኞች ጠንካራ ጥበቃ ከሚደረግለት እስር ቤት ካመለጡ በኋላ እስረኞቹን አድኖ ለመያዝ እስራኤል ኦፕሬሽን ጀመረች።

ከ6ቱ 5ቱ የእድሜ ልክ እስር የተፈረደባቸው ናቸው::

ከእስር ቤቱ ያመለጡት እስረኞች ለወራት ያህል የእስር ቤት ክፍላቸውን ውጪ ካለ መንገድ ጋር የሚያገናኝ ዋሻ ለመሥራት ሲቆፍሩ ቆይተዋል ተብሏል።

እስረኞቹ ትናንት ለሊት ላይ ማምለጣቸው የተገለጸ ሲሆን፤ እስረኞቹ በእርሻ ስፍራ ሲሯሯጡ የተመለከቱ አርሶ አደሮች ለእስራኤል ባለሥልጣናት ጥቆማ አድርሰዋል።

ፍልስጤማውያኑ እስረኞች ተረዳድተው ከመጸዳጃ ክፍላቸው ጀምረው የቆፈሩት ዋሻ ከእስር ቤቱ ውጪ ካለ መንገድ ጋር የሚያገናኝ ነው።

ጄሩሳሌም ፖስት እንደዘገበው ከሆነ እስረኞቹ ዋሻውን ለመቆፈር ያረጀ ማንኪያ ተጠቅመዋል። የእስራኤል ደኅንነት ኤጀንሲ በበኩሉ እስረኞቹ ከእስር ቤቱ ውጪ ካለ አካል ድጋፍ ሳያገኙ አይቀርም ብሏል።

የእስራኤል ማረሚያ ቤት አገልግሎት ኃላፊዎች የእስረኞቹን ማምለጥ፤ "ከፍተኛ የደኅንነት ውድቀት ነው" ሲሉት የፍልስጤም ታጣቂ ቡድኖች ደግሞ፤ "ጀግንነት" ሲሉ አወድሰዋል።

ከእስር ቤቱ ያመለጡት እስረኞች ዌስት ባንክ አልያም ጆርዳን እንዳይገቡ የእስራኤል ፖሊስ መንገዶችን በመዝጋት ፍተሻ እያካሄደ ነው ተብሏል። ይሁን እንጂ ዌስት ባንክ እና ጆርዳን ከእስር ቤቱ 14 ኪሎ ሜትሮች ብቻ እንደሚርቁ ተመልክቷል።

ምንጭ ፦ ቢቢሲ

@tikvahethiopia

#Update

“በኢትዮጵያ አየር መንገድ ተጭነው ወደ ካርቱም የገቡ “ጦር መሳሪያዎች ተያዙ” መባሉ ከእውነት የራቀ ነው" - የሱዳን የሃገር ግዛት ሚኒስቴር

የሱዳን የሃገር ግዛት ሚኒስቴር በኢትዮጵያ አየር መንገድ ተጭነው ወደ ካርቱም የገቡ “ጦር መሳሪያዎች ተያዙ” መባሉ “ከእውነት የራቀ” ነው ያለስ ሲሆን የጦር መሳሪያው ተገቢው የጉምሩክ ክሊራንስ ሂደት መጀመሩንም ገልጸዋል::

ሚኒስቴሩ የሱዳን ጉሙሩክ ባለስልጣናት ያዝን ያሉት “ጦር መሳሪያ” ምንም ዐይነት የህግ ግድፈት እንደሌለበት አስታውቋል::

ባለስልጣናቱ ያዝን ያሉት “ጦር መሳሪያ” ራሳቸው በሰጡት ህጋዊ ፈቃድ ተጓጉዞ ወደ ካርቱም የገባ እንደሆነ የጦር መሳሪያዎቹ ባለቤት የሆነውና ‘ዋዒል ሸምሰዲን’ የተባለው የንግድ ተቋም ገልጸዋል::

የተቋሙ ጠበቃ የሆኑት ሲራጁዲን ሃሚድ ተያዙ የተባሉትን ጦር መሳሪያዎች በህጋዊ መንገድ እንደገቡ መግለጻቸውን የአል ዐይን ኒውስ ዘግቧል::

‘ዋዒል ሸምሰዲን’ ለሲቪል ግልጋሎት የሚውሉ ጦር መሳሪያዎችን ከውጭ የማስገባት እና የመነገድ ፈቃድ ያለው ድርጅት ነው፡፡

በዝርዝር ያንብቡ : telegra.ph/Al-Ain-News-09-06

Credit : AL AIN NEWS (አል ዓይን ኒውስ)

@tikvahethiopia

በተለያዩ ጉዳዮች ላይ የሀሳብ ልዩነት ሊኖር ይችላል ሀገር ግን እስከመጨረሻው ድረስ ሀገር ናት ፤ እናት ናት 🇪🇹 !

የኢትዮጵያ ስም በክፉ ሲነሳ ሮጠው ቀድመው ለብዙሃን ለማሰራጨት የሚጥሩ በእግጥም ለኢትዮጵያ ክፉ የሚመኙ አካላት እንዳሉ በተለያየ ጊዜ መመልከት ተችሏል።

እንደማሳያ ትላንት SUNA/ሱና የሰራውን ፍፁም ከእውነት የራቀ፣ ሀሰተኛ፣ የተዛባ እና እጅግ በጣም አደገኛ ዘገባ አንድ እና ሁለቴ ሳያጣሩ የኢትዮጵያ ስም በክፉ መነሳቱን አንድም በጥላቻ፣ በሌላ መልኩ ለራሳቸው የተቃውሞ ሀሳብ ማጠናከሪያ ለመጠቀም ሲሯሯጡ የነበሩ ሰዎች ታይተዋል።

መረጃው ሱና ባወጣበት ቅፅበት የኢትዮጵያ አየር መንገድን አንዳች ምላሽ ሳይጠይቁ/የአየር መንገዱን መግለጫም ሳይጠብቁ የአንዱን ወገን እጅግ አደገኛ ዘገባ በድስታ ሲያሰራጩ የተዩ ብዙ ናቸው።

ይህንን ካደረጉት መካከል የተለያዩ ዓለም አቀፍ ሚዲያዎች፣ በኢትዮጵያ ጉዳይ የሚፅፉ የውጭ አክቲቪስቶች ፣የሀገር ውስጥ አክቲቪስቶች ፣ ማህበራዊ ሚዲያን መሰረት ያደረጉ ሚዲያዎች ይገኙበታል።

አንዳዴ ባገኙት አጋጣሚ ሁሉ ተከታይ ለማፍራት እና የራሳቸውን ስሜት ለማጋራት፣ የሚፈልጉትን አጀንዳ ለማራመድ ሲሉ በአግባቡ መጣራት ያለባቸውን የተለያዩ ዘገባዎች አንድ ጊዜም መለስ ብለው ሳያዩ ለህዝብ የሚያጋሩ ሀገር ከሌለ እነሱም እንደሌሉ አውቀው መጠንቀቅ አለባቸው።

መንግስትን ፣ ፓርቲን መደገፍ አለመደገፍ ፣ የመንግስት ተቃዋሚዎችን ፓርቲዎችን መደገፍ አለመደገፍ ምንም ችግር የለውም ሚሊዮኖች ለሚኖሩበት ሀገር ፣ ላሳደች ሀገር፣ ክፋ ማሰብ እጅግ አሳፋሪና አደገኛ ድርጊት ነው።

@tikvahethiopia

የሀይማኖት አባቶች በመላ ሀገሪቱ ያወጁት የፀሎት እና ፆም ቀናት ከትላንት ጳጉሜ አንድ ጀምሯል።

የፀሎት እና ፆም መርሀግብሩ እስከ ጳጉሜ አምስት ድረስ ይቀጥላል።

ስለኢትዮጵያ እና ስለህዝቧ ሰላም ፣ ደህንነት የሚያሳስበው ፣ በችግር ላይ ያሉ ዜጎችም መፍትሄ ያገኙ ዘንድ፣ ሀገር ሰላም እንድትሆን ፣ ደም መፋሰሱ፣ መሳደዱ እንዲገታ፣ የእናቶችና ህፃናት ፣ የአረጋውያን መንገላታት መጎሳቆል እንዲቆም ሁሉም በየሀይማኖቱ ፈጣሪው የሚማፀንባቸው ቀናት ናቸው።

የሀይማኖት አባቶች ያወጁት የፆም እና ፀሎት ቀናት አዲሱን አመት በሰላም እንድንቀበል ያለመ ነው።

ከቀናት በፊት የኢትዮጵያ የሀማኖቶት ተቋማት ጉባኤ ባቀረበው የሰላም ጥሪ አገሪቱ ያጋጠማት ወቅታዊ ችግር በይቅርታና በፍቅር እንዲፈታ የተለያዩ እምነት የሚከተሉ ዜጎች በየሐይማኖታቸው የልዩ ፀሎቱ ተሳታፊ እንዲሆኑ ጥሪ ማቅረቡ አይዘነጋም።

ፎቶ ፦ ፋይል

@tikvahethiopia

#Update

የአንጋፋው ድምፃዊ ዓለማየሁ እሸቴ የሽኝት መርሃ ግብር በመስቀል አደባባይ እየተካሄደ ነው።

በአንጋፋው ድምፃዊ የክብር ሽኝት የአዲስ አበባ ከንቲባ ወይዘሮ አዳነች አቤቤና ሌሎች የመንግስት የስራ ሀላፊዎች፣ ቤተሰቦቹ፣ አድናቂዎቹ፣ የሙያ ባልደረቦቹ ተገኝተዋል።

ከመስቀል አደባባዩ የስንብት መርሃ ግብር በኋላ የቀብ ሥነ ሥርዓቱ በመንበረ ፀባኦት ቅድስት ሥላሴ ቤተክርስቲያን የሚፈፀም እንደ ኤፍ ቢ ሲ ዘገባ።

@tikvahethiopia      

ቁጥሮች ...

ከነሃሴ 15 ቀን 2013 እስከ ጳጉሜ 1 ቀን 2013 ዓ/ም ድረስ ኢትዮጵያ 3,379 ሳዑዲ አረቢያ ውስጥ በችግር ላይ የሚገኙ ዜጎቿን መልሳልች።

ወደሀገራቸው ከተመለሱት መካከል 1,094 ህፃናት ናቸው።

አሁንም የራሳቸውንና ቤተሰባቸውን ህይወት ለመቀየር ሲሉ ሀገራቸውን ጥለው የተሰደዱና እጅግ በጣም በከፋ ችግር ላይ የሚገኙ ወንድም እህቶቻችን በሳዑዲ አረቢያ ይገኛሉ፤ ዜጎቻችን ለመመለስ የሚሰራው ይበልጥ ተጠናክሮ ሊቀጥል ይገባል።

በሌላ ቁጥራዊ መረጃ ፦ ነሃሴ 28 ቀን 2013 እና ነሃሴ 29 ቀን 2013 ዓ/ም ከሊባኖስ 82 ዜጎቻችን (ሁሉም ሴቶች) እንዲሁም የመን፣ ኤደን ከተማ 120 ዜጎቻችን ለሀገራቸውን በቅተዋል።

ሀገር 🇪🇹 በከፋን ፣ በችግራችን ፣ በጉድለታችን ጊዜ መሸሸጊያችን ፤ መጠለያችን ናት ፤ የሁላችንም ዞሮ መግቢያ ናት፤ ሰላሟን ፣ ደህንነቷን፣ ፍቅር እና አንድነቷን ብቻ እንመኝላት።

በስደት ላይ የምትገኙ ወንድም እና እህቶቻችን መጪው አዲሱ አመት ያሰባችሁት ሁሉ የሚሳካበት ፤ በችግር ላይ የምትገኙም ለሀገራችሁ 🇪🇹 የምትበቁበት ዓመት እንዲሆን ቲክቫህ ኢትዮጵያ ይመኛል።

NB : ቲክቫህ ሁሉንም ቁጥሮች የሰበሰበው ከውጭ ጉዳይ ሚኒስቴር ይፋዊ የማህበራዊ ትስስር ገፅ ነው።

@tikvahethiopia