ኦሮሚያ ለሲዳማ ክልል 100 ሚሊዮን ብር ስጦታ እንደሚያበረክት ገለፀ።

በዛሬው ዕለት በሀዋሳ "ጉዱማሌ" እየተካሄደ በሚገኘው የሲዳማ ክልል ይፋዊ የምረቃ ስነ ስርዓት ላይ የተገኙት የኦሮሚያ ክልል ፕሬዜዳንት አቶ ሽመልስ አብዲሳ ኦሮሚያ ክልል ለአዲሱ የሲዳማ ክልል የ100 ሚሊዮን ብር ስጦታ እንደሚያበረከት ገለፁ።

የክልሉ ፕሬዜዳንት በስነ ሥርዓቱ ላይ ባደረጉት ንግግር ወቅት ነው ይህን ይፋ ያደረጉት።

@tikvahethiopiaBot @tikvahethiopia

#Koysha

ለመጀመሪያ ጊዜ የሚኒስትሮች ምክር ቤት እቅድ አፈፃፀም ግምገማ ከአዲስ አበባ ውጭ መካሄድ ጀመረ።

የሚንስትሮች ም/ቤት የስድስት ወራት የእቅድ አፈፃፀም ግምገማ #በኮይሻ መካሄድ ጀምሯል።

ግመገማው በጠቅላይ ሚኒስትር ዐቢይ አሕመድ ነው እየተመራ የሚገኘው።

ለ1 ቀን በሚቆይው በዚህ የስራ ግምገማ ሁሉም የካቢኔ አባላት እየተሳተፉ መሆናቸውን የኢትዮጵያ ቴሌቪዥን ዘግቧል።

@tikvahethiopiaBot @tikvahethiopia

ቅሬታ ያስነሳው የአምባሳደሩ ደብዳቤ ፦

ከሰሞኑን ሶማሊ-አሜሪካዊቷ የሚኒሶታ ተወካይ የምክር ቤት አባል ኢልሃን ዑመር “ወቅታዊ የኢትዮጵያ ሁኔታ በብዙ መልኩ እጅግ የሚያሳስብ ነው” ሲሉ መግለጫ አውጥተው ነበር፡፡

ኢልሃን በርሃብ አድማ ላይ ስለሚገኙ ፖለቲከኞች የአያያዝ ሁኔታና በትግራይ ክልል ስላለው ሁኔታ አንስተው ጉድዩን “በቅርበት እየተከታተሉ” እንደሚገኙ ገልጸዋል።

ለዚህ ምላሽ እንዲሆን ደግሞ በአሜሪካ የኢትዮጵያ አምባሳደር ፍጹም አረጋ ፊርማ በአድራሻቸው የተጻፈው ደብዳቤ ይፋ ሆኗል።

“ሊያሳስብዎት የሚገባ ምንም ነገር እንደሌለ ላረጋግጥልዎት እወዳለሁ” ሲል የሚጀምረው ደብዳቤው በ “እውነታውኛ እና ተጨባጭ በሆነ ትክክለኛ መንገድ” ሁኔታዎችን መመርመሩ ስጋታቸውን ሊያቀል እና በሚዛናዊነት እንዲረዱ ሊያግዝ እንደሚችል ይገልጻል፡፡

የኢትዮጵያ መንግስት የሁሉም እስረኞች መብቶች እንዲከበሩ በሚያዙ ዓለም አቀፍ መርሆዎች እና ድንጋጌዎች መሰረት ሁሉም ታራሚዎች አስፈላጊ የጤና አገልግሎቶችን ያለ ልዩነት በነጻ እንዲያገኙ ለማድረግ በመስራት ላይ ይገኛል ነው የሚለው፡፡

በምክር ቤት ተወካይዋ የተጠቀሱት እስረኞች በጦር ኃይሎች ሆስፒታል እየታከሙ እንደሚገኙና የርሃብ አድማውን እንዳቋረጡም ይጠቅሳል፡፡

በመልካም ጤንነት ላይ ይገኛሉም ነው የሚለው ደብዳቤው፡፡

የአምባሳደሩን ደብዳቤ የተመለከቱት የኦሮሞ ፖለቲካ እስረኞች የጠበቆች ቡድን በአሜሪካ የኢትዮጵያ ኤምባሲ የኦሮሞ እስረኞችን አስመልክቶ የካቲት 20፣ 2021 እ.ኤ.አ ያወጣው መግለጫ አሳሳችና ትክክል ያልሆነ ብሎታል።

በአምባሳደር ፍጹም አረጋ ደብዳቤ በእጅጉ አዝነናልም ሲሉ ገልፀዋል።

https://telegra.ph/Ethiopia-02-22

ሲዳማ ለትግራይ ክልል የ15 ሚሊዮን ብር ድጋፍ አደረገ።

ዛሬ በይፋ የምስረታ በዓሉን ያከናወነው የሲዳማ ክልላዊ መንግስት ለትግራይ ክልል የ15 ሚሊዮን ብር ድጋፍ ማደረጉ ተሰምቷል።

ሲዳማ ከገንዘብ ድጋፍ በተጨማሪ ለትግራይ ክልል የፓትሮል እና የአምቡላስ ተሽከርካሪዎች ድጋፍ አድርጓል።

በሌላ በኩል ዛሬ በሀዋሳ "ጉዱማሌ" በነበረው የሲዳማ ክልል ምስረታ በዓል ክልሎች እና ከተማ አስተዳደሮች ለሲዳማ ክልል ስጦታ አበርክተዋል በዚህም ኦሮሚያ 100 ሚሊዮን፣ አዲስ አበባ 50 ሚሊዮን፣ አማራ 30 ሚሊዮን፣ ደቡብ 20 ሚሊዮን፣ ሶማሌ 10 ሚሊዮን፣ አፋር 7 ሚሊዮን፣ ሀረሪ 5 ሚሊዮን፣ ጋምቤላ 2 ሚሊዮን የገንዝበ ስጦታ አበርክተዋል።

በተጨማሪ ሻሸመኔ ከተማ 1.5 ሚሊዮን ፣ ምዕራብ አርሲ ዞን 1 ሚሊዮን ብር የገንዘብ ሥጦታ እንዲሁም በርከታ የሰንጋዎችን አበርክተዋል።

ይህ መረጃ የአቶ ደስታ ዳንኤል ነው።

@tikvahethiopiaBot @tikvahethiopia

በትግራይ የኤርትራ ወታደሮች ጉዳይ ?

ከዚህ ቀደም በተደጋጋሚ የትግራይ ክልል የጊዜያዊ አስተዳደር ከፍተኛ አመራሮች በትግራይ ክልል ውስጥ የኤርትራ ወታደሮች ንብረት ዘርፈው ወደ ኤርትራ መውሰዳቸውን /ድንበር ተሻግረው ወደ ትግራይ ክልል ዘልቀው መግባታቸውን ሲገልፁ ነበር።

በቅርቡ እንኳን የትግራይ ክልል የኮንስትራክሽን ፣ መንገድ እና ትራንስፖርት ቢሮ በርካታ የኮንስትራክሽን ማሽኖች፣ ንብረቶች ወደ ጎረቤት ሀገር ኤርትራ መሸጋገራቸውን ገልፆ የተወሰዱትን ንብረቶች ለማስመለስም ከፌዴራል መንግስት ጋር ንግግር እንደሚደረግ ገልፆ ነበር።

የትግራይ ነዋሪዎችም በርካታ ጊዜያት በተዘጋጁ የውይይት መድረኮች ላይ የኤርትራ ሰራዊት ወደ ትግራይ መግባቱን በመግለፅ በአስቸኳይ የኢትዮጵያን ምድር ለቀው እንዲወጡ እንዲደረግ ሲጠይቁ ነበር።

በዛሬው ዕለት ደግሞ በትግራይ ክልል የሰሜናዊ ዞን ጊዜያዊ አስተዳደር ምክትል አስተዳደር ሙሉብርሃን ኃይሉ የኤርትራን ወታደራዊ መለዮ ለብሰው የህዝቡን ንብረት የሚዘርፉና ሴቶችን የሚደፍሩት "ህወሓት" የፈጠራቸው ወንበዴዎች ናቸው ብለዋል።

ምክትል አስተዳዳሪው ከኢዜአ ጋር በነበራቸው ቆይታ ፦

- በውጭ አገር ያሉ እና በእግራቸው ጫካ ለጫካ የሚኳትኑ ቀሪ የህወሓት አባላት በማህበራዊ ድረ-ገጾች የሀሰት ፕሮፖጋንዳ በመንዛት የትግራይን ህዝብ ለማታለል እየሞከሩ ነው ብለዋል።

- የክልሉን ወቅታዊ ሁኔታ በአካል ተገኝቶ መዘገብ ለሚፈልግ የመገናኛ ብዙሃን በሩ ክፍት ነው ብለዋል።

- "ህወሓት" በክልሉ የፈጠራቸውን ስራ አጥ ወጣቶች መሳሪያ በማስታጠቅ እና የኤርትራን ወታደራዊ መለዮ በማልበስ ሴቶችን እንዲደፍሩ በማድረግ በኤርትራ ወታደሮች ላይ ለማሳበብ ጥረት እየተደረገ ነው ብለዋል።

ተጨማሪ በ Instant View ያንብቡ።
https://telegra.ph/TigrayRegion-02-22

#Attention😷

በኢትዮጵያ ተጨማሪ 14 ሰዎች በኮቪድ-19 ሞቱ።

ባለፉት 24 ሰዓታት ውስጥ የ14 ሰዎች ህይወት ሲያልፍ ከተደረገው 5,960 የኮቪድ-19 የላብራቶሪ ምርመራ ደግሞ 735 ሰዎች በበሽታው መያዛቸው ተረጋገጠ።

ትላንት 347 ሰዎች ከበሽታው አገግመዋል።

ኮቪድ-19 ወረርሽኝ በኢትዮጵያ ከተከሰተበት ጊዜ አንስቶ 153,541 ሰዎች በቫይረሱ ሲያዙ ከነዚህ መካከል ፣2,293 ሰዎች ሞተዋል፤ 131,713 ሰዎች ከበሽታው አገግመዋል።

አሁን ላይ 346 ሰዎች በፀና ታመው በህክምና ክትትል ላይ ይገኛሉ።

#Purpose #Tikvah
@tikvahethiopiaBot @tikvahethiopia

#Update

እጅግ የተከበሩ የዓለም ሎሬት ዶክተር ጥበበ የማነ ብርሃን ስርዓተ ቀብር ነገ ከቀኑ 8 ሰዓት ከ30 በቅድስት ስላሴ ካቴድራል ቤተ-ክርስቲያን ይፈጸማል።

ዛሬ የኢትዮጵያ እርቀ ሰላም ኮሚሽን የሎሬቱን ህልፈት የሚዘክር መርሃ ግብር አካሂዶ እንደነበር ኢዜአ ገልጿል።

በመርሃ ግብሩ ላይ የሃይማኖት አባቶች፣የኮሚሽኑ አባላትና ጥሪ የተደረገላቸው እንግዶች ተገኝተው ነበር።

@tikvahethiopiaBot @tikvahethiopia

13 ቀናት የቀሩት የ12ኛ ክፍል ሀገር አቀፍ ፈተና...

በኮቪድ - 19 ወረርሽኝ ምክንያት በ2012 ዓ/ም ሳይሰጥ የቀረው የ2012 የሀገር አቀፍ የ12ኛ ክፍል ፈተና ከየካቲት 29 ጀምሮ ለመስጠት ዝግጅቶች እየተደረጉ እንደሚገኙ ይታወቃል።

ኢቢስ ቲቪ ከቀናት በፊት ትምህርት ሚኒስቴርን ዋቢ አድርጎ ባወጣው መረጃ የ12ኛ ክፍል አገር አቀፍ ፈተና ወረቀቶች ማተም እንዲጀመር ትዕዛዝ ተሰጥቶ ስራዎች እየተሰሩ ነው።

ትዝእዛዝ የተሰጠው ለብርሃንና ሰላም ማተሚያ ድርጅት ሲሆን ከየካቲት 21 እስከ የካቲት 27 የፈተና እና የመልስ መስጫ ወረቀቶች በመላ ሀገሪቱ ባሉ ፈተና ጣቢያዎች ይሰራጫሉ ተብሎ ይጠበቃል።

በፀጥታ በኩልም ከፈተናው ስርጭት ጀምሮ እስኪጠናቀቅ ድረስ ሰላማዊ እንዲሆን ዝግጅቶች እየተደረጉ መሆኑ እየተሰማ ነው።

የ2012 ፈተናን 450 ሺህ ተማሪዎች እንደሚወስዱት ይጠበቃል።

ፈተናው ረጅም ጊዜ በመዘግየቱ በተማሪዎች ላይ እንዲሁም በወላጆች ላይ ከፍተኛ የስነልቦ ጫና መፍጠሩ ሲገለፅ ቆይቷል። አሁን ፈተናው ሊሰጥ 13 ቀናት ብቻ ነው የቀሩት።

ተፈታኝ ተማሪዎች እያደረጋችሁት ያለው ዝግጅት ምን ይመስላል ? ወላጆች ልጆቻችሁ ለፈተናው ብቁ ሆነው እንዲቀርቡ እያደጋችሁት ያለው የስነ ልቦና ዝግጅትስ እንዴት ይገለፃል ? ት/ ቤቶች ተማሪዎቻችሁ ፈተናውን በውጤት ያጠናቅቁ ዘንድ ምን አስተዋፅኦ እያደረጋችሁ ነው ?

ሀሳብ ያላችሁ በአስተያየት መስጫው ማካፈል ይቻላል።

@tikvahethiopia

ትላንት ለሊት 6 ሰዓት ገደማ በሚዛን ማረሚያ ተቋማ መዝናኛ ክበብ የተነሳው እሳት አደጋ የከፋ ጉዳት ሳያደረስ መቆጣጠር ተችሏል !

በቤንች ሸኮ ዞን በሚዛን ማረሚያ ተቋም መዝናኛ ክበብ ላይ ተከስቶ የነበረው ድንገተኛ እሳት አደጋ በፀጥታ ሃይል እና በሚዛን አካባቢ ማኅበረሠብ ትብብር በቁጥጥር ስር መዋሉ ተሰምቷል።

የተነሳው የእሳት ቃጠሎ በማረሚያ ተቋሙ መዝናኛ ክበብ ላይ ሲሆን ከታራሚዎች መኖሪያ ጋር ግንኙነት እንደሌለውም ተገልጿል።

ኮማንደር ዳዊት ጢሞቲዎስ የቤንች ሸኮ ዞን ሰላም እና ፀጥታ መምሪያ ኃላፊ በስልክ የካቲት 15 ቀን 2013 ዓ.ም ከለሊቱ 6 ሰዓት ገደማ በሚዛን ማረሚያ ተቋም በመዝናኛ ክበብ ላይ የተከሠተው ድንገተኛ የእሳት አደጋ በፀጥታ ኃይሉና በሚዛን አካባቢ ነዋሪዎች ርብርብ በቁጥጥር ስር መዋሉን ተናግረዋል።

የተከሠተው እሳት አደጋ ከታራሚዎች መኖሪያ ጋር ምንም አይነት ግንኙነት ያልነበረውና ብዙ ጉዳት ሳያደርስ በቁጥጥር ስር መዋል መቻሉን የገለፁት ኮማንደር ዳዊት የሚዛን አካባቢ ማኅበረሠብ የተከሠተውን የእሳት አደጋ ለመቆጣጠር የፀጥታ አካሉ ጎን በመቆም ላደረገው ትብብር ምስጋና አቅርበዋል።

የተፈጠረው ድንገተኛ የእሳት አደጋ በፀጥታ ኃይሉ እና በህዝቡ ትብብር በቁጥጥር ስር የዋለ በመሆኑ ማኅበረሠቡ ከስጋት ነፃ ሆኖ እንደወትሮው ሁሉ የአካባቢውን ሰላም እንዲጠብቅ ኃላፊው ማሳሰባቸውን ከቤንች ሸኮ ዞን ያገኘነው መረጃ ያሳያል።

@tikvahethiopiaBot @tikvahethiopia