#NewsAlert

በመሰረታዊ የንጽህና መጠበቂያ ቁሳቁሶች ላይ በተለይም በወር አበባ ንዕህና መጠበቂያ ምርቶች ላይ የቀረጥና ታክስ ማሻሻያ መደረጉን የገንዘብ ሚኒስቴር አስታወቀ፡፡

በዚህም መሰረት የሴቶች ወር አበባ መጠበቂያ ( ሞዴስ) እንዲሁም የህፃናት ንዕህና መጠበቂያ ( ዳይፐር) በሀገር ወስጥ የሚያመርቱ ፋብሪካዎች ከውጭ የሚያስገቡት ጥሬ እቃ ከታክስ ነጻ እንዲሆን ተወስኗል፡፡

እነዚህ የተጠቀሱትን የንጽህና መጠበቂያ ቁሳቁሶች ከውጭ ሲገቡ ደግሞ ቀድሞ ከነበረውን ከፍተኛ የታክስ ምጣኔ ከ30 በመቶ ዝቅ ተደርጎ ታክሱ 10 በመቶ ብቻ እንዲሆን ተወስኗል፡፡

በአሁኑ ወቅት በሀገራችን የሴቶች የወር አበባ ንጽህና መጠበቂያ (ሞዴስ) አምራች ኢንዱስትሪዎች 8 መሆናቸውን ከገንዘብ ሚኒስቴር ያገኘነው መረጃ ያሳያል።

@tikvahethiopia

#GERD #SUDAN

የሕዳሴው ግድብ የውሃ ጉዳይ ሚኒስትሮች የሶስትዮሽ ስብሰባ !

የኢትዮጵያ፣ ግብጽ እና ሱዳን የውሃ ጉዳይ ሚኒስትሮች በዛሬው ዕለት ሊያካሂዱት ታስቦ የነበረው የበይነ-መረብ ስብሰባ ሱዳን ባለመገኘቷ ምክንያት ሳይካሄድ ቀርቷል።

የዕለቱ ሰብሳቢ የሆነችው ኢትዮጵያ ባስተላለፈችው ጥሪ መሰረት የግብጽ ልዑክ እንዲሁም የአፍሪካ ህብረት ባለሙያዎች እና ታዛቢዎች ተገኝተዋል፡፡

ኢትዮጵያ የአፍሪካ ህብረት የሰየማቸው ባለሙያዎች ባዘጋጁት ሰነድ ላይ ያሏትን የልዩነት ሃሳቦች ለአፍሪካ ህብረት የአስፈጻሚ ምክርቤት ሊቀመንበር በማሳወቅ ሰነዱን ለሶስትዮሽ ድርድር እንደግብዓት ለመጠቀም መስማማቷ ይታወሳል፡፡

ሆኖም የልዩነት እና አንድነት ሃሳቦችን ለማጠናቀር የታሰበው የዛሬው ስብሰባ በሱዳን አለመገኘት ምክንያት ሳይካሄድ ቀርቷል፡፡

ይኸው ለአፍሪካ ህብረት አስፈጻሚ ምክርቤት ሊቀመንበር በኢትዮጵያ በኩል ተገልጿል፡፡

(የውሃ መስኖና ኢነርጂ ሚኒስቴር)

@tikvahethiopia @tikvahethiopiaBOT

ችሎት!

በ10 የሀገር መከላከያ ሰራዊት ከፍተኛ አመራሮች ላይ መርማሪ ፖሊስ የ14 ሰዎችን የምስክርነት ቃል መቀበሉን ገለፀ።

የፌዴራል የመጀመሪያ ደረጃ ፍ/ቤት አራዳ ምድብ የጊዜ ቀጠሮ ችሎት "ከህወሃት ቡድን ተልዕኮ በመቀበል" ወንጀል ድርጊት የተጠረጠሩ 10 የመከላከያ ሰራዊት ከፍተኛ አመራሮችን ጉዳይ ተመልክቷል።

በዚህ መዝገብ ፦

• ኮሎኔል ሃረጎት በርሄ፤
• ሌተናል ኮሎኔል ሙሉ አለሙ፤
• ብርጋዴል ጄነራል ይልማ ከበደ ፤
• ኮሎኔል በረከት ወልደአብየዝጊ፤
• ሌቴናል ኮሎኔል ግደይ ገብረየሱስ፤
• ሻለቃ ሃሳቡ መሃመድ፤
• መቶ አለቃ ጸሃየ ሃይሉ፤
• ኮሎኔል ይርጋለም ፍቃዱ ይገኙበታል።

ተጠርጣሪዎቹ ለሕውሃት ቡድን ወታደራዊ ድጋፍ መስጠታቸውንና በመንግስት በጀትም በድብቅ ለትግራይ ልዩ ሃይል ስልጠና ሲሰጡ እንደነበር ፖሊስ ማስረጃ አግኝቻለሁ ብሏል።

እስካሁን የተጠርጣሪዎችን ቃል የመቀበል ስራ የተከናወነ ሲሆን በኤርፖርት የደረሰውን  የጉዳት መጠን መረጃ ማምጣቱን አስታውቋል።

በውጭ ሀገር ላሉ የህወሓት ቡድን ደጋፊዎች ሃሰተኛ መረጃ በማቀበል ጭምር በመከላከያ ሰራዊቱ ላይ የተለያዩ የወንጀል ተግባራት ለመፈፀም መንቀሳቀሳቸውን ፖሊስ አረጋግጫለሁ ብሏል።

በተጨማሪም ቀሪ የምርመራ ስራ ለማከናወንና የተለያዩ የቴክኒክ፣ የሰውና የሰነድ ማስረጃ ለማሰባሰብ 14 ተጨማሪ የምርመራ ጊዜ ያስፈልገኛል ብሏል።

ተጠርጣሪዎቹ በበኩላቸው ”መርማሪ ፖሊስ የወንጀል ተሳትፏችንን ለይቶ ሊያቀርብ ይገባል፣ በጉዳዩ ላይ የሁላችንም ተጠያቂነትና የወንጀል ተጠርጣሪነት ተመሳሳይ ሆኖ መቅረብ የለበትም ” ሲሉ ተከራክረዋል።

የግራ ቀኝ ክርክሩን ያዳመጠው ፍርድ ቤቱ መርማሪ ፖሊስ ከጠየቀው 14 ቀናት 11 ቀን በመፍቀድ ለጥር 6 ቀን 2013 ዓ.ም ተለዋጭ ቀጠሮ ይዟል። ~ ENA

@tikvahethiopia

#Attention

የመተከል ተፈናቃዮች አሁንም የታጣቂዎች ጥቃት ስጋት አንዳለባቸው ለኢትዮ ኤፍ ኤም 107.8 ሬድዮ ጣቢያ ተናገሩ።

ከመተከል ዞን ተፈናቅለው ቻግኒ የሚገኙ ተፈናቃዮች ምሽት ላይ ማንነታቸውን የማናውቃቸው ሰዎች አይተውን ይሄዳሉ እዚህም መጥተው እንዳይጨርሱን ስጋት ላይ ነን ሲሉ ተናግረዋል፡፡

ከጓንጓ ወረዳ መንግስት ኮሚኒኬሽን ጽህፈት ቤት የተገኘው መረጃ 22 ሺህ የሚደርሱ ተፈናቃዮቹ እየተጠበቁ ያሉት በጥቂት ሚሊሺያዎች ብቻ ነው፡፡

ካለው ስጋት አንጻር መንግስት መከላከያ ሰራዊት አልያም ፌደራል ፖሊስ ያምጣልን ሲሉ ተፈናቃዮቹ ጠይቀዋል፡፡

የጓንጓ ወረዳ መንግስት ኮሚኒኬሽን ጽ/ቤት ሀላፊ አቶ ብርሀኑ መኮንን፥ ተፈናቃዮቹ ያሉበት አካባቢ ጫካ ያለበት በመሆኑ ያለባቸውን ስጋት እኛንም አሳስቦናል ሲሉ ተናግረዋል፡፡

ተፈናቃይ መስለው ተቀላቅለው የመጡ ሰዎችንም ይዘናል ሲሉ ገልፀዋል።

ቻግኒ አካባቢ 22 ሺህ ተፈናቃይ ያለ ሲሆን እስካሁን ድረስ በአዊ ዞን አጠቃላይ 47 ሺህ 996 ተፈናቃይ እንዳለ አቶ ብርሀኑ ተናግረዋል፡፡

ምንጭ፦ ኢትዮ ኤፍ ኤም 107.8
@tikvahethiopia

#AstraZeneca

ብሪታንያ በአስትራዜኔካ ኩባኒያ የተሰራውን የኮሮና ቫይረስ ክትባት መስጠት ዛሬ ታህሳስ 26 ጀምራለች ፥ የኩላሊት እጥበት ታካሚ የሆኖ የሰማኒያ ሁለት ዓመት አረጋዊ ይህን ክትባት ለመከተብ የመጀመሪያ ሆነዋል።

ግማሽ ሚሊዮን የአስትራዜኔካ ክትባቶች ዝግጁ ሆነዋል ሲሉ የሀገሪቱ የጤና ባለሥልጣናት አስታውቀዋል።

ይሄኛው ክትባት በፋይዘር ባዮንቴክ ከተቀመመው ክትባት ዋጋው ረከስ እንደሚል ደግሞም እጅግ ከባድ ቅዝቃዜ ባለው ማቀዝቀዣ መቀመጥ ያለበት ባለመሆኑ ለማጓጓዣ ቀለል ያለ መሆኑ መገለፁን ቪኦኤ አስነብቧል።

@tikvahethiopiaBot

#COVID19Ethiopia

የባለፉት 24 ሰዓት የኮቪድ-19 ሪፖርት :

• የተደረገ የላብራቶሪ ምርመራ - 4,157
• በበሽታው የተያዙ - 297
• ህይወታቸው ያለፈ - 2
• ከበሽታው ያገገሙ - 243

አጠቃላይ 125,919 ሰዎች በበሽታው መያዛቸው ሲረጋገጥ ፤ የ1,950 ሰዎች ህይወት አልፏል፤ 112,610 ሰዎች ደግሞ ከበሽታው አገግመዋል።

262 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

* የቀጠለ ...

በኣል ነጃሺ መስጊድ ላይ ተፈፀመው ጥቃት ዛሬ እንዲህ በይፋ በሚዲያዎች ከመገለፁ በፊት በሶሻል ሚዲያ ላይ የተነገረ ቢሆንም የትኛውም የመንግስት ሆነ ለመንግስት ቅርብ የሆነ ሚዲያ ስለጉዳዩ ሲናገር አልተደመጠም።

ሌሎች ዓለም አቀፍ ሚዲያዎችም በግንኙነት አለመኖር ሳቢያ መረጃ ማግኘት ኣልቻሉም።

ከኣርብ ምሽት ጀምሮ በማህበራዊ ሚዲያ በተሰራጨው የፎቶ ማስረጃ እና የእምነቱ ተከታዮች እያነሱት ባለው ጥያቄ እንዲሁም ጫና የመንግስት ሚዲያዎች ሊዘግቡት ችለዋል።

ኣካባቢው ላይ የግንኙነት መቋረጥ እንዲሁም ከመንግስት ሚዲያዎች ውጭ ያሉ ሚዲያዎች ወደ ስፍራው ሄደው ዘገባ እንዳይሰሩ ኣመቺ ሁኔታ አለመኖሩ ሚዛናዊ መረጃ ለማግኘት እጅግ ፈታኝ እንደሆነ ቀጥሏል።

በኣካባቢው ላይ መገኘት የሚችሉ ሚዲያዎች የሚመሩት በማህበራዊ ሚዲያው ጫና መሆኑ ደግሞ ጉዳዩን ይበልጥ እያወሳሰበው ይገኛል።

@tikvahethiopiaBot @tikvahethiopia

#AlNejashiMosque

የኢትዮጵያ የእስልምና ጉዳዮች ምክር ቤት ም/ፕሬዝዳንት የሆኑት ዶክተር ጄይላን ከድር በኣል ነጃሺ መስጂድ ላይ ስለደረሰው ጉዳት ከ2 ቀናት በኋላ ጉዳዩን የሚያጣራ ቡድን ይፋ እንደሚደረግ መናገራቸውን ቢቢሲ አስነብቧል።

ቢቢሲ በጉዳዩ ላይ በስፋት የሰራው ዘገባ ማስፈንጠሪያውን በመጫን ማንበብ ይቻላል : https://www.bbc.com/amharic/news-55526508

@tikvahethiopiaBot

ወ/ሮ ህይወት እና ልጃቸው አጋዚ ስዩም በዋስ ከእስር እንዲወጡ ፍርድ ቤት ወሰነ !

የአምባሳደር ስዩም መስፍን ባለቤት ፈለገ ህይወት በርሔ እና ልጃቸው አጋዚ ስዩም የ50,000 ብር ዋስ አስይዘው እንዲወጡ ፍርድ ቤት መፍቀዱን ኤፍቢሲ / FBC ዘግቧል።

ይህ የፈቀደው የፌዴራል የመጀመሪያ ደረጃ ፍ/ቤት አራዳ ምድብ የጊዜ ቀጠሮ ችሎት ነው፡፡

የአ/አ ፖሊስ ኮሚሽን በስዩም ባለቤት ፈለገህይወት በርሔ እና በልጃቸው አጋዚ ስዩም ላይ ምርመራውን አጠናቆ እንዲቀርብ እና የምርመራ መዝገቡን ይዞ እንዲቀርብ ታዞ ነበር።

ፖሊስ ግን መዝገቡን በሌላ መርማሪ ቢሮው ስለተቆለፈ መዝገቡን ይዤ አልቀረብኩም የሚል ምላሽ ነው የሰጠው።

ፖሊስ ለቀሪ ምርመራ ስራ ከኢንሳ የስልክ ልውውጥ መረጃ ለማምጣት ተጨማሪ 14 ቀን ጠይቋል።

የተጠርጣሪዎቹ ጠበቃ ይህን ማስረጃ ለማምጣት ብቻ ተጠርጣሪዎችን አስሮ ማቆየት ተገቢነት የለውም ሲል የዋስትና ጥያቄ አንስቷል፡፡

ችሎቱ መርማሪ ፖሊስ ያቀረበው ምክንያት አልተቀበለውም ፤ የዋስትና ጥያቄያቸው ተገቢ ነው ሲልም የ50 ሺህ ብር ዋስ አስይዘው እንዲወጡ ፍቅዷል፡፡

ከሀገር እንዳይወጡ እግድ እንዲጣልም አዟል።

@tikvahethiopiaBOT @tikvahethiopia