የኢትዮጵያ የማስታወቂያ አባት ስርዓተ ቀብር...

በኢትዮጵያ የማስታወቂያ ሥራ ፈር ቀዳጅነት የሚታወቁት አንጋፋው ሁለገብ የኪነጥበብ ባለሙያ ውብሸት ወርቃለማሁ የቀብር ሥርዓት ዛሬ በመንበረ ጸባዖት ቅድስት ስላሴ ካቴድራል ተፈጽሟል፡፡

#ዋልተንጉስዘሸገር
@tikvahethiopiaBot @tikvahethiopia

የሙስጠፌ ወንድም ለከፍተኛ ህክምና አ/አ መጡ!

የሶማሌ ክልላዊ መንግስት ምክትል ፕሬዘዳንት ሙስጠፌ ዑመር መሐመድ ታናሽ ወንድም የሆኑት አብዲራህማን ዑመር በደገሃቡር ከተማ በደረሰባቸው በስለት የመወጋት አደጋ ለከፍተኛ ህክምና ዛሬ ጠዋት አዲስ አበባ ገብተዋል።

የፕሬዝዳንቱ ኮሚኒኬሽን አማካሪ መሐመድ ኦላድ ጥቃቱ የደረሰባቸው በትላንተናው እለት መሆኑን ገልፀው ለግዜው የጤንነታቸው ሁኔታ ላይ እና የጥቃቱን ምክኒያት በተመለከተ ማብራሪያ መስጠት እደማይችሉ ለአዲስ ማለዳ ጋዜጣ ተናግረዋል።

[በአዲስ ማለዳ ጋዜጣ]
@tikvahethiopiaBot @tikvahethiopia

ኦነግ መንግሥትን አስጠነቀቀ!

በሰላም ከምንኖርበት ስፍራ እጅግ በሚያስደነግጥ ሁኔታ በታጠቀ ኃይል በአመራሮቻችን ላይ ወረራ ተፈጽሞብናል። በወቅቱ የመጣብን ኃይል ጥቂት ሲቪሎችን ለመያዝ የመጣ ሳይሆን አንድ ጦር ለመማረክ የመጣ ይመስል ነበር።»

የኦሮሞ ነጻነት ግንባር ኦነግ «በሀገሪቱ ታሪክ እስከ ዛሬ ያልተፈጸመ» ያለው ግፍ እየተፈጸመብኝ ነው ሲል አማረረ። ኦነግ ዛሬ በሰጠው ጋዜጣዊ መግለጫ «የፖለቲካ ምህዳሩ የሰፋ መስሎን ወደ ሀገር ቤት ብንመለስም፣ መንግሥት በጦር ሠራዊቱ እና በሃብቱ (በከፍተኛ መዋዕለ ንዋዩ) በመተማመን በፓርቲያችን ላይ ግፍ እየፈጸመብን ነው» ብሏል። 

More https://telegra.ph/ETH-03-04-4

#DW
@tikvahethiopiaBot @tikvahethiopia

የካቲት 29 በኢሊሊ ኢንተርናሽናል ሆቴል እንገናኝ!

Feminist Front ሃገር በቀል በጾታ እኩልነት ላይ የሚሰራ የፌሚኒስት ወጣቶች ማህበር ነው። በአሁን ወቅት Feminist Front ከግጥማዊ ቅዳሜ ጋር በመተባበር ‘ላንቺ’ የተባለ የድጋፍ መዋጮ ለአይነ ስውራን ሴቶች በየካቲት 29, 2012 አዘጋጅቷል።

ይህ የድጋፍ መዋጮ እነዚህ ሴቶች የሚያሳልፉትን ተደራራቢ ችግር ለመጋፈጥ እና ከማህበረሰቡ የሚደርስባቸውን መገለል ለመዋጋት የሚደረግ ነው።

የኛ ማህበር የነዚህን ሴቶች ለራሳቸው እና ለማህበረሰባቸው ለውጥን የማበርከት ተስጦ ሲያምን፣ እርሶም የዚ ድጋፍ ተሳታፊ እንዲሆኑ ተጋብዘዋል።

Contact us: @FeministFront to get your tickets

#Lanchi
#የእኩልነትትውልድ
#FeministFront
@tikvahethiopiaBot @tikvahethiopia

#HAWASSA

የሐዋሳ ከተማ ፖሊስ መምሪያ፦

- ሐሰተኛ የብር ኖቶች ህትመት ሲያካሂድ የነበረ አንድ የውጭ ዜግነት ያለው ግለሰብ በቁጥጥር ስር አውሏል።

- ፖሊስ ሰሞኑን ባካሄደው ክትትል በተደራጀ መንገድ የተሰረቁ ስምንት ሁለት እግር ብስክሌቶች እና አራት መኪኖችም በቁጥጥር ስር በማዋል በ27 ተጠርጣሪዎች ላይ ምርመራ እያካሄደ ይገኛል።

- ተሸከርካሪዎቹ ከተሰረቁ በኋላ ህጋዊ ሰውነት ያላቸው ለማስመሰል ሰነድ ተዘጋጅቶላቸው ለአገልግሎት እንዲውሉ ይደረግ ነበር።

- ተለይቶ ያልተገለፀ የውጭ አገር ዜግነት ያለው ግለሰብም ሐሰተኛ የብር ኖቶች ህትመት ሲያካሂድ ከነሙሉ ቁሳቁሱ መያዙን መምሪያው ያስታወቀ ሲሆን ምርመራም እየተካሄደበት ነው።

- አብዛኞቹ የስርቆት ወንጀሎች በረቀቀ መንገድ የተፈፀሙ መሆናቸውን የጠቆመው ፖሊስ፤ ወንጀለኞቹን በቁጥጥር ስር ለማዋል በተደረገው ጥረት የህብረተሰቡ ሚና ከፍተኛ እንደነበርም ተገልጿል፡፡

[የሀዋሳ ከተማ አስተዳደር፣ ኢቢሲ]
@tikvahethiopiaBot @tikvahethiopia

"የዘንድሮውን የ12ኛ ክፍል ፈተና በታብሌት በመጠቀም የምንፈትን እንደሆነ ላበስር እወዳለሁ" - ዶ/ር ኢንጂነር ጌታሁን መኩሪያ [የትምህርት ሚኒስቴር ሚኒስትር]

#ArtsTv
@tikvahethiopiaBot @tikvahethiopia

የዘንድሮ የ12ኛ ክፍል ፈተና ኦላይን ይሰጣል ወይ?

አዲሱ የትምህርት ሚኒስቴር ሚኒስትር ዶክተር ኢንጅነር ጌታሁን መኩሪያ በቅርቡ በቤንሻንጉል ጉሙዝ አዳሪ ትምህርት ቤትን በመረቁበት ወቅት የዘንድሮ የ12ኛ ክፍል ፈተና በኦንላይን ይሰጣል ማለታቸውን ከአርትስ ቴሌቪዥን ሰምተናል።

ይህንን ተከተትሎ ጉዳዩን ለማጣራት ወደ ፈተናዎች ኤጀንሲ አምርተን ነበር፡፡ በዛም አንድ የተቋሙን ሰራተኛ በጉዳዩ ዙሪያ ጠይቀን በሰጡን መረጃ መሰረት የሀገር አቀፍ የፈተናዎች ኤጀንሲ እስካሁን ፈተናው በወረቀት እንደሚሆን ታሳቢ አድርጎ እየሰራ መሆኑን ገልጸውልናል፡፡

ነገር ግን አሁን ላይ በተለይም ዶ/ር ኢ/ር ጌታሁን ወደ ትምህርት ሚኒስቴር ከመጡ በኀላ አገልግሎቱን መስጠት በሚቻልባቸው አከባቢዎች ፈተናውን በኦንላይን ለመስጠት የታሰበ ነገር እንዳለ እንጂ እስካሁን የተረጋገጠ ነገር እንደሌለና መስሪያቤታቸውም በዚህ ጉዳይ በሚዲያ አንዳንድ ነገሮችን ከመስማት ውጪ ምንም ተጨባጭ ነገር እንዳልደረሰው አክለው ነግረውናል፡፡

#TikvahFamily

@tikvahethiopiaBot @tikvahethiopia

#GERD

የዩናይትድ ስቴትሱ ፕሬዝዳንት ዶናልድ ትራምፕና የግብፁ አቻቸው አብዱል ፋታህ አል ሲሲ በታላቁ ኅዳሴ ግድብ ድርድር ዙሪያ በስልክ መምከራቸው ተነግሯል።

በውይይቱም ትራምፕ ግብፅ ባለፈው ሳምንት በዋሽንግተን ተገኝታ በግድቡ ድርድር ሰነድ ላይ መፈረሟን አድንቀዋል። ይሁንና ካይሮ የፈረመችበትን ሰነድ አዲስ አበባ ካለማወቋም ባሻገር በጋራ የተዘጋጀ ባለመሆኑ እንደማትቀበለው ግልፅ አቋማን ማሳወቋ እና የዩናይትድ ስቴትስን ለግብፅ የመወገን አካሄድ መተቸቷ ይታወሳል።

ትራምፕ የኢትዮጵያ መንግሥት ያልተቀበለውን የስምምነት ሰነድ ግብፅ መፈረሟ በግድቡ ድርድር ላይ ለመስማማት ያላትን ጥሩ ፍላጎት እና የፖለቲካ ታማኝነት ያሳየ ሲሉ ማወደሳቸውን ከካይሮ ቤተ መንግሥት የወጣ መግለጫ አትቷል።

[አሐዱ ቴሌቪዥን]
@tikvahethiopiaBot @tikvahethiopia

#USA #EGYPT #GERD #SUDAN #ETHIOPIA

የግብፅ ፕሬዝዳንት ቃል-አቀባይ ባሳም ራዲ አሜሪካ የግድቡ ስምምነት በ3ቱም አገራት እስኪፈረም ከኢትዮጵያ ፣ ሱዳንና ግብፅ መተባበሯን እንደምትቀጥል ትራምፕ ለፕሬዝዳንት አል-ሲሲ በስልክ መናገራቸውን ገልፀዋል። የፕሬዘዳንቱ ቃል አቀባይ ግብጽ ስምምነቱን መፈረሟን አረጋግጠዋል።

#EsheteBekele
@tikvahethiopiaBot @tikvahethiopia

#COVOD19

የጣሊያን መንግስት ከኮሮና ቫይረስ ጋር በተያያዘ ትምህርት ቤቶችን እና ከፍተኛ የትምህርት ተቋማትን ሊዘጋ ነው።

ትምህርት ቤቶቹ የቫይረሱን ስርጭት ለመግታት የሚደረገውን ጥረት ለማገዝ በሚል እንደሚዘጉ የሃገሪቱን ባለስልጣናት ዋቢ ያደረገው የሬውተርስ ዘገባ ያመላክታል።

ከዚህ ጋር ተያይዞም ለሁለት ሳምንታት ይዘጋሉ ነው የተባለው፤ አሁን ላይ የቫይረሱ ስርጭት ከፍተኛ በሆነባቸው የሃገሪቱ ሰሜናዊ አካባቢዎች የሚገኙ ትምህርት ቤቶች ተዘግተዋል።

በጣሊያን የኮሮና ቫይረስ ስርጭት በከፍተኛ ሁኔታ እየተስፋፋ ይገኛል። እስካሁን ባለው መረጃም 79 ሰዎች ለህልፈት ሲዳረጉ፥ ከ2 ሺህ 500 በላይ ሰዎች ደግሞ በቫይረሱ ተጠቅተዋል።

#ሬውተርስ #ኤፍቢሲ
@tikvahethiopiaBot @tikvahethiopia

በነገራችን ላይ በአሜሪካ በኮሮና ቫይረስ [COVID-19] የሞቱ ሰዎች ቁጥር 11 ደርሷል፤ 10 ሰዎች የሞቱት ከዋሽንግቶን ስቴት ሲሆን አንድ ሰው ደግሞ ካሊፎርኒያ ነው።

@tikvahethiopiaBot @tikvahethiopia

#UPDATE

ዓለም አቀፍ መረጃ፦

ዛሬ ባገኘነው ሪፖርት በኮሮና ቫይረስ [#COVID19] የሞቱ ሰዎች ቁጥር 3,252 የደረሰ ሲሆን 95,143 ሰዎች ደግሞ በቫይረሱ ተጠቅተዋል። ከበሽታው አገግመው ከሆስፒታል የወጡ ሰዎች ቁጥር ደግሞ 51,435 ደርሰዋል።

@tikvahethiopiaBot @tikvahethiopia

#COVID19

በአሜሪካዋ ካሊፎርኒያ ግዛት አንድ ሰው በኮሮና ቫይረስ መሞቱን ተከትሎ የአስቸኳይ ጊዜ አዋጅ ታውጇል። ትላንት በግዛቷ የ71 ዓመት አዛውንት በቫይረሱ ሳቢያ ለህልፈት ተዳርገዋል፤ አዛውንቱ ባለፈው ወር መነሻዋን ሳንፍራንሲስኮ ባደረገችው መርከብ ሳይሳፈሩ እንዳልቀረ ተገልጿል።

የአሁኑ የአስቸኳይ ጊዜ አዋጅ የቫይረሱን ስርጭት ለመቆጣጠርና የሚያደርገውን ጉዳት ለመቀነስ ያለመ ነው ተብሏል። ከዚህ ቀደም ዋሽንግተን እና ፍሎሪዳ የአስቸኳይ ጊዜ አዋጅ ማወጃቸው ይታወሳል።

ከኋይት ሃውስ የወጡ መረጃዎች ደግሞ የኮሮና ቫይረስ ምርመራ በመላው አሜሪካ ለማድረግ የሚያስችል ዝግጅት መደረጉን ያመላክታል።

ለኮሮና ቫይረስ ምላሽ ለመስጠት የተቋቋመውን ቡድን የሚመሩት ምክትል ፕሬዚዳንቱ ማይክ ፔንስ ማንኛውም አሜሪካዊ በህክምና ባለሙያ ከታዘዘ ግዴታ ምርመራ ማድረግ እንዳለበት ገልጸዋል።

#BBC #ኤፍቢሲ
@tikvahethiopiaBot @tikvahethiopia

#UPDATE

ዶ/ር ደረጀ ዱጉማ የጤና ሚኒስቴር ሚኒስትር ዴኤታ ሆነው ተሹመዋል። ከዚህ ቀደም የኦሮሚያ ጤና ቢሮ ሀላፊም ሆነው ሰርተዋል። ከመቐለ ዩንቨርስቲ በህክምና ትምህርት ዲግሪ ያገኙ ሲሆን ከጣልያኑ ፓርማ ዩንቨርስቲ በአለም አቀፍ ጤና ላይ ያተኮረ ትምህርት ተከታትለው ከስምንት አመት በፊት ሁለተኛ ዲግሪያቸውን አግኝተዋል።

ምንጭ፦ fidelPost.com

@tikvahethiopiaBot @tikvahethiopia

42ኛው የካራማራ የድል በዓል የመታሠቢያ ቀን!

የዛሬ 42 አመት ተስፋፊው የመሀመድ ዚያድባሬ ኃይል ካራማራ ላይ አከርካሪው ተሠበረ። በውጤቱም በምስራቅ 700 ኪ.ሜ እንዲሁም በደቡብ 300 ኪ.ሜ ዘልቆ በወረራ ይዞት ከነበረው የኢትዮጵያ ሉዓላዊ ግዛት ተጠራርጎ ወጣ ።

ወድቃ የነበረችው ሰንደቃችንም ዳግም ተነስታ በክብር ከፍ አለች።

ይህን በአባቶቻችን ደምና አጥንት እና በእናቶቻችን ደጀንነት ያገኘነውን የመላ ኢትዮጵያውያን የጋራ ደማቅ የድል ታሪክ ለማክበር ድሉ በተገኘበት ዛሬ የካቲት 26 ከጠዋቱ 4:00 ጀምሮ በኢትዮ ኩባ ወዳጅነት ፓርክ (በትግላችን ሐውልት) ላይ ለማክበር ዝግጅት ተጠናቋል።

በዝግጅቱ ላይ፦

- በጦርነቱ ወቅት በአመራር ላይ የነበሩ የቀድሞ ሠራዊት ከፍተኛ መኮንኖች (ጀኔራሎችን ጨምሮ ) ሌሎች መስመራዊ መኮንኖች

- ለድሉ መገኘት ቁልፍ ሚና የተወጡ የጀግናው አየር ኃይላችን አብራሪዎች

- በጦርነቱ የተሳተፉ ባለሌላ ማዕረግተኛ ወታደሮች (የጀብድ ሜዳይ የተሸለሙ ጭምር )

- በጦርነቱ ቤተሠቦቻቸውን ያጡ የኩባ ተማሪዎችና የህፃናት አንባ ልጆች

- ለኢትዮጵያ ድጋፍ በመስጠት በጦርነቱ የተሳተፉ ሀገራት አምባሳደሮች /ተወካዮቻቸው እና ሌሎች ጥሪ የተደረገላቸው እንግዶች ይገኛሉ ።

በመሆኑም ታሪክና ሀገር ወዳድ የሆናችሁ ዜጎች በዕለቱ በቦታው ላይ ተገኝታችሁ የመታሠቢያ በዓሉን በድምቀት እንድታከብሩ ተጋብዛችሗል።

የበዓሉ ጊዜያዊ አስተባባሪዎች፣ ኮረማሽ የጉዞ ማህበር ከማይክ መላከ የኢትዮ- ኩባ ወዳጅነት ማህበር እና በኢትዮጵያ የኩባ ኤምባሲ ጋር በመተባበር።

#EliasMeseret
@tikvahethiopiaBot @tikvahethiopia

ለፍቅር እንሩጥ ጥላቻን እናምልጥ በሚል መሪ ቃል የተለያየ ሀሳብ ያላቸወን የፓለቲካ ፓርቲ አመራሮችን፣ አክቲቪስቶችን፣ ታዋቂ ግለሰቦችንና አርቲስቶችን ያሳትፋል የተባለውና የካቲት 15 2012 ዓ.ም በአዲስ አበባ ሊካሄድ የነበረው ሩጫ መራዘሙ ይታወሳል፡፡

አዘጋጆቹ ለቲክቫህ ኢትዮጵያ በላኩት መልዕክት ውድድሩ መጋቢት 20 እንዲካሄድ ከአዲስ አበባ ከተማ መስተዳድር የፍቃድ ደብዳቤ ማግኘቱን ገልጸውልናል፡፡

ይህን አስመልክቶም የፊታችን ቅዳሜ ከረፋዱ አራት ሰዓት ላይ በዮድ አቢሲኒያ ጋዜጣዊ መግለጫ እንደሚሰጥና ሁሉም ሚዲያዎች በቦታው ተገኝተው የዚህን የሰላም ሩጫ ሂደቶች እንዲዘግቡ አዘጋጆቹ ጥሪ አስተላልፈዋል፡፡

@tikvahethiopiaBot @tikvahethiopia

ተጨማሪ መረጃ ለቲክቫህ ቤተሰቦች፦

'ለፍቅር እንሩጥ ጥላቻን እናምልጥ' የጎዳና ላይ ሩጫ አዘጋጆች በTIKVAH-ETH በኩል ለሚመዘገቡ የቤተሰቡ ተሳታፊዎች 250 ብር የነበረውን የቲቨርት ዋጋ 150 ማድረጋቸው ይታወሳል አሁንም ይኸው ምዝገባ ቀጥሎ ሩጫው ሲቃረብ ለተመዝጋቢዎች የቲሸርቶች የሚገኙባቸውን ቦታዎች የምናሳውቅ ይሆናል፡፡

ለመመዝገብ፡- https://forms.gle/H3R8nxTamrMPyieN7

@tikvahethiopiaBot @tikvahethiopia

ጤና ሚኒስቴር፦

"የቀድሞ የኦሮሚያ ብሔራዊ ክልላዊ መንግስት ጤና ቢሮ ሃላፊ ክቡር ዶ/ር ደረጀ ዱጉማ የኢፌድሪ ጤና ሚኒስቴር ሚኒስትር ዴኤታ ሆነው ተሾሙ:: መልካም የስራ ጊዜ!"

@tikvahethiopiaBot @tikvahethiopia

#UPDATE

የኦሮሚያ ኢንተርናሽናል ባንክ እንዲሁም የባንኮች ማህበር ፕሬዝዳንት በመሆን ሲያገለግሉ ነበሩት አቶ አቢ ሳኖ የኢትዮጵያ ንግድ ባንክ ፕሬዝዳንት ሆነ እንደተሾሙ ዋዜማ ሬድዮ ዘግቧል።

ምንጭ፦ ዋዜማ ሬድዮ
@tikvahethiopiaBot @tikvahethiopia

በባሌ ዞን ጎባ ከተማ በህግ ጥላ ስር ለሚገኝ ተጠርጣሪ የአልኮል መጠጥ ደብቆ ለማቀበል የሞከረ ግለሰብ በአንድ ዓመት ከሁለት ወር እስራት እንዲቀጣ መደረጉን የጎባ ወረዳ ፍርድ ቤት ገለፀ።

የጎባ ወረዳ ፍርድ ቤት በአቶ ሄኖክ ዳምጤ ላይ የፍርድ ውሳኔውን ያሳለፈው የካቲት 25 ቀን 2012 ዓ.ም በዋለው ችሎት ነው፡፡

ግለሰቡ ለቅጣት የተዳረገው የካቲት 24 ቀን 2012 ዓ.ም ከቀኑ ዘጠኝ ሰዓት አካባቢ በጎባ ከተማ ፖሊስ ጣቢያ በነፍስ ማጥፋት ወንጀል ተጠርጥረው በህግ ጥላ ስር ለሚገኙ ጓደኞቹ በድብቅ የአረቄ መጠጥ ለማስገባት ሲሞክር በጥበቃ ላይ በነበሩ የፖሊስ አባላት እጅ ከፍንጅ በመያዙ ነው፡፡

#ENA
@tikvahethiopiaBot @tikvahethiopia

#ATTENTION

በአሁን ሰዓት በባሌ ሮቤ የአንበጣ መንጋ በስፋት እየታየ እንደሚገኝ የሮቤ ቲክቫህ ቤተሰቦች ሪፖርት አድርገዋል። መንጋው ጉዳት እንዳያደርስ ለመከላከል የሚደረግ ጥረት እየተመለከትን አይደለም ያሉት ቤተሰቦቻችን መንጋው ጉዳት ሳያደርስ ሁሉም አካል ትኩረት እንዲሰጥ አሳስበዋል።

#Melaku
@tikvahethiopiaBot @tikvahethiopia