• أَنَا شَخصٌ وَاضِح،
‏الأُمُور المُضَبّبَة
‏والمَنَاطِق الرَّمَادِيَّة
‏لا تُناسِبنِي .💜

*#فِي _ حُب _الإسلام ..《12》*
*#بِقلم: أسرار جمعة💛.*
*ـہہہـ٨ــــہہہــــــہہہـ٨ــــہہہـ*


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ولاء: عايني وليد جاب لي شنو
و مدتْ لي علبة كِدا..

فتحتها..
لقيتها سِلسل فِضة مكتوب فيهو أسمها


وجن:حِلو شديد اللهم بارك .

ولاء: ده نفس السِلسل الـ أنا عايزاهو .

وجن: بختك، لـٰكِن مالك قاعدة تبكي ؟ .

ولاء: مُتذكرة يوم السهرة وقت سالتني نفسك فِي شنو ؟
قُلتَ ليكِ :
سِلسل فضة و يكون مكتوب فيهُ أسمي .

وجن: أي .

ولاء: يلا وليد مِنْ اليوم داك مُتذكر
و ركز فِي أنو..
انا نفسي فِي كِدا
و مشى تاني يوم طوالي و طلب أنو..
يكتبوا فيهو أسمي و طلع الليلة
مشى جابو و عملها لي مُفاجاة .

وجن: أخ الهنا والسُرور يا يُمة .

ولاء: ياخ ما فرحتَ على الهدية أكتر مِنْ أنو..
وليد مُتذكِر و حَبْ يسعدني .

وجن: حبيبتي تتهني بيهو .

ولاء: أمين يارب .

ولاء طلعتْ وأنا واصلت قراية

بعد مسافة..
سمعت صوت الباب بِدُق
قُلتّ :
أتفضل
دخل وليد

« لاحظوا ضرب الباب ما دخل طوالي
الناس تِتعلم ثقافة دق الباب
سواء فِي البيت لي أختك أو برا لو مشيتْ لي ناس ».

وليد"و هو بِمد ليها كيس": أتفضلي .

وجن: ده شنو ؟ .

وليد: الاندومي و الشوكلاتة والعطر
الكان قُلتِ لي عايزاهُم .

وجن: أيكككك أنا نسيتهُم عديل! .

وليد: أي عارف ذاكرتك ذاكرة سمك .

وجن" وهو بِتفتح الكيس": شُكراً لِلقصف ده .

وأثناء و هي بِتفتش لقتْ ليها عِلبة مُربعة
صغيرة فِي نهاية الكيس..


وجن"بِأستغراب" : ده شنو ؟!
فتحتو لقيتو خاتم فِضة !


وجن" وهي بِتضمو": ياخ أنا بحبك شديد شديد .

وليد: معليش أنا مُرتبط يا أخت .

وجن: قُلتَ لي مُرتبط .

وليد: أي مُرتبط بِعهد بيني و بين اللَّه الا أجعل فِي قلبي سواه
حتى..
يرزقني من تخشاهُ و يجمعنا بـِ حُب يرضاهُ .

وجن: بقيتْ شاعر قُلتَ لي .

وليد: أي كيف بس ؟ .

وجن: لالا تمام ماف كلام .

وليد: أها ماشة كيف مع الدراسة ؟ .

وجن: تمام الحمد للَّه .

وليد: الحمد للَّه
يلا أنا مشي الكورة .

وجن: أها يا ميسي .

وليد: هاا ميسي ده أتعلم مني .

وجن: يااااخي .

وليد: أخوكِ لعاب .

وحن: الثِقة ليفل عالي .

وليد: لازم لازم .



_

بعد مرور شهر ...



البنات ماشين كويس فِي الحِفظ
وأنتهوا مِنْ الزهراوين
" سورة البقرة و ال عمران"
اللهم بارك هِمتهُم عالية



فِي يوم جاتني يارا و بقينا نتونس..

يارا: أنتِ عارفة يا وجن أنا أكتشفتَ أني ما كُنتَ بحب صالح ولا شي
يمكن كان داك مُجرد أعجاب
و الحمد للَّه أنو..
ربنا نور بصيرتي .

وجن: الحمد للَّه .

يارا: عارفة أحلى حاجة شنو ؟ .

وجن: شنو ؟ .

يارا: أنو بقيت أصلح علاقتي مع ربنا
هسه بقيتْ مُحافظة على صلواتي
و الأذكار
و كان لاحظتِ فِي المدرسة بقيت اصلي صلاة الضُّحى
ألتزمت بيها بِسببك بقيت وقت أشوفك قاعدة تصليها فِي المدرسة أنا زاتي بِتشجع .

وجن: اللهم بارك ربنا يثبتك .

يارا: أمين أمين .

وجن: و شعورك شنو ؟

يارا: مبسوطة شديدددد
فعلاً واللَّه السعادة الحقيقة بالقُرب مِنْ اللَّه .

وجن: حصل .

يارا: صحي فِكرة أنو..
أختمر الأيام دي مُعشعشة فِي راسي
لـٰكِن ..

وجن: لـٰكِن شنو ؟ .

يارا: خايفة أنو ما التزم بيهو
و بعد أغطي شعري تاني أرجع أكشفو .

وجن: طيب حـ أسالك سؤال .

يارا: أها .

وجن: هسه فِي الصلاة لو خايفة ما تلتزمي بيها حـ تخليها عديل وما تصلي ؟ .

يارا: أكيد لا .

وجن: حـ تعملي شنو خلاص ؟ .

يارا: حـ أجاهد أنو أحافظ عليها
و أدعي ربنا انو يثبتني .

وجن: يلا نفس الحاجة في الحِجاب
وكُل الطاعات
دي أفكار مِنْ الشيطان بِقول ليكِ أنك ما بتقدري ليهو و ما حـ تلتزمي بيهو...... الخ
إنتِ ألبسي و أدعي أنو..
ربنا يثبتك

يارا: تاني عندي مُشكلة .

وجن: و اللي هي ؟ .

يارا: ما عارفة بس حاسة بِشعور غريب كِدا يعني..
أنا بحب أفك شعرك و كِدا يعني
فجأة أجي أختمر
و أخلي الميكب و البناطلين
حاسة بِصعوبة فِي الموضوع .

وجن: طيب يا قلبي تعالي نمشي واحدة واحدة
أول حاجة..
ليه حـ تخلي الميكب و البناطلين ؟
حـ تعملي فُل ميكب و تلبسي بنطلون و طونكة عادي
لـٰكِن..
فِي البيت أو مع صحباتك و مُجتمع كُلو نساء
العِلة بِتجي وين ؟
أنو الرجال يشوفوكِ بيهو يعني..
ما حـ تطلعي بيهو برا البيت بس

تاني حاجة..
نجي لِنقُطة أنو..
حاسة بِصعوبة فِي الموضوع..
أكيد حـ تحسي بِصعوبة عارفة ليه ؟
؛ لانو أنتِ قاعدة تخالفي هوى نفسك

ما حـ أقول ليكِ الموضوع ساهل
؛ لانو جهاد النفس فعلاً صعب جِداً جِداً
الا لمن سهله اللَّه له
لـٰكِن..
ما مستحيل
عارفة ليه هو صعب ؟ .

يارا: ليه ؟ .

وجن: لانو نفِسنا أمارة بِالسؤء
فـ أنتِ لمِن تخالفي نفسك دي ما حاجة هينة
فـ جزاء ليكِ و على مُجاهدتك
ربنا حـ يكرِمك بِالجنة
قال تعالى: ﴿وأَمَّا مَنْ خَافَ مَقامَ رَّبِهِ ونَهَى النَفْسَ عَنِ الهَوى فإنَّ الجَنَةَ هِيَ المَأوى﴾ .

يارا: أن شاء اللَّه حـ أجاهد
و أخالف هوى نفسي
؛ عشان ربنا يرزقني الجنة .

وجن:مادام تُبتِ و عايزة تخالفي نفسك
؛ عشان ربنا
أبشري واللَّه لن يرُدك الكريم .

يارا: قبلتْ البُشرى .

وجن: مُمكِن نعمل يوم فِي الأسبوع
نسميهو " يوم البنات "
نِجتمع كُلنا
و كُل مرة فِي بيت واحدة
نعمل الحاجات البِنحبها
نِتمكيج، نفك شعرنا و نغني
لـٰكِن..
أنشودات دينية بِدون موسيقى .

يارا: حبيتْ جِداً .

وجن: خلاص نضرب لي ناس سمر نكلِمهُم .


ضربتَ لي أية و دخلنا سمر فِي المُكالمة
و ريناهم الفِكرة و عجبتهُم شديد
و أتفقنا الليلة العصُر حـ يكون فِي بيتنا
و قفلنا على كِدا..

يارا طلعت مِني قدمتها لمِن الباب
بعدين مشيتْ كلمتَ أمي
وقالت :
حـ تعمل لينا سينابون

بعدهُ مشيت المطبخ..
عملتَ كرواسون و كيكة و عصير


رتبتَ غُرفتي و طلعتَ عِلبة الميكب و مكوة الشعر مِنْ الدولاب
بعدهُ بقيت أقرآ لمِن..
سمعت أذان العصر
صليتَ و قريتْ أذكار المساء


بعدهُ بِمسافة..
سمعتَ صوت الباب

قُمتَ فتحتَ..
لقيتهم ناس سمر
فضلتهم و مشيتْ جبتَ ليهم العصير

بعد شربوا قُلتَ ليهم :
أرح غرفتي


دخلنا الغرفة..

سمر: وبعلي عندك مجموعة ميكب كاملة .

وجن: أي .

سمر: اللهم بارك
غايتو أنا عايزة أعمل .

وجن: طوالي أعملوا العايزنو
أصلا ده يومنا يوم البنوت .

أية: خلاص نعمل ماسك أول بعدين الميكب .

وجن: أتفق .

عملنا ماسكات و بقينا نتصور و نتهابل
بعدهُ غسلناهو

سمر شالت الميكب و وقفت فِي التسريحة و أية بقت تعمل ليها فيهو
و أنا قاعدة أعمل لي يارا
بعد خلصنا مِنهُم هُم بقوا يعملوا لينا
أصلاً ما عملنا كتير خفيف بس
و كوينا شعرنا و فكيناهو

شِلتَ مِنْ أمي واحد مِنْ تيابها بِطقمو
يارا لِبستو و لِبست الأكسسواراتْ
و أنا و سمر ماسكين مُفراكات نظام مايك
و قاعدين نغني ليها أنشودة
"عروسة النور"
و أية تصور فيها نظام هي المُصور
و هي شغالة تِتخجل و تتكشم

وجن: عَرُوسَةُ النُّورُ تَاجُ البَدْرِ يُبْرِزُهَا .

سمر: نَجْمًا يَشِعُّ بِأَنْوَارٍ وَ أَنْوَارِ .

وجن: مُبَارَكٌ زَوْجَهَا جَاءَتْ عَلَى دُرَرٍ .

سمر: زَوْجُ النَّقَاءِ بِتَتْوِيجٍ وَ إِبْهَارٍ .

وجن: كُلُّ القُلُوبِ تَنَاهَتْ فِي السَّنَا فَرَحًا .

سمر: بِالحُسْنُ يَبْرُقُ فِي حُسْنٍ وَإِصْرَارِ .

وجن: عَلَى جَبِينِ سَعَادَتِي وَ أَفْكَارِي .

سمر: تَجْرِي الحُرُوفُ بِأَشْوَاقٍ وَ أَزْهَارِ .

وجن: هَذِي هَيَا قَدْ سَرَتْ لِلسَّعْدِ فِي أَمَلٍ .

سمر: تَرْوِي الجَمَالَ بِأَلْبَانٍ وَ أَطْيَارِ .

وجن: أَسْمَاءُ تَرْسُمُ أَلْحَانَ الوَفَا كَلِمًا .

سمر: يَبْدُو بَدِيعًا عَلَى خَيْرٍ وَ إِيثَارِ .

وجن: وَ مَرْيَمٌ تَرْتَوِي بِالحُبِّ قَدْ بَعَثَتْ .

سمر: أَلْفَاظَهَا فَرْحَةً تُرْوَى بِأَمْطَارِ .

وجن: كَذَاكَ شَيْمَاءُ تَسْقِي الرُّوح بَهْجَتَهَا .

سمر: وَ تَنْتَقِي حُبَّهَا مِنْ غَيْرِ إِقْتَارِ .

وجن: كُلُّ التَّبَارِيكِ تَجْرِي يَا هَيَا وَ بِهَا ..

سمر: كُلُّ الدُّعَاءِ إِلَى رَحْمَانِنَا البَاِرِي .

وجن: بِأَنْ يُفِيضَ عَلَيْكِ اللَّهُ نِعْمَتَهُ .

سمر: ذُرِيَّةً تَزْدَهِي فِي كَوْنِنَا السَّارِي .


تاني بقينا نزغرد وهي تِتبسم ساي
عايشة الدور بِكُلو



تاني بِقينا نلعب ولد، بنت، نبات و جماد..

وجن: يلا أستوب .

سمر: يا يارا أستوب خلاص وقفي .

وجن: أها بِتكُم ؟
أنا فريال .

سمر: فادية .

وجن: فادية ولا ملانة وهيهي .

اية: أنا فاطمة .

يارا: أنا فاصوليا .

وجن: قُلنا أسم بِت و ليس اسم نبات .

يارا: أي بتي فاصوليا .

وجن: أعملي صِفر سريع .

اية:بالغتِ لـٰكِن !
هسه حصل شُفتِ ليكِ بت أسمها فاصوليا ؟ .

يارا: أي فِي واحدة فِي الفيس داخلة بِكِدا .

أية: هييي ماف أيَّ بت أسمها فاصوليا صفري .

سمر: سيبي الخرخرة يا يارا .

يارا: يا جماعة دي بتي و أنا حُرة فيها بسميها الاسم العايزاهو .

وجن: سمح خلوها..
أرح نواصل .

سالنا مِن الباقي و واصلنا لِعبتنا...

سمر: يلا يا أية أختاري الحرف .

أية: حرف الدال .


بِقينا نكتِب سريع..


فجأة !..

سمر قالتْ :
أستوووب
وقفنا مِنْ الكتابة


سمر: أها بِتكُم ؟
أنا داليا .

يارا: دانة .

أية: مالك علينا عايزة توقفي قلوبنا .

سمر: أنا قربتَ أجري بس أتماسكتَ .

أية: أنا دعاء .

وجن: أنا بتي داؤودة .

يارا: بسم اللَّه داؤوده ده شنو كمان ؟! .

وجن: أسم بتي .

يارا: مِنْ متين فِي بت أسمها داؤودة! .

وجن: من لمِن بقى فِي بت أسمها فاصوليا .

يارا: أعملي صِفر يا وجن .

وجن: أبيت يا زولة
بِتي و أنا حُرة فيها بسميها الاسم العايزاهو .


بقينا نِتناقر بعد عوارة حتى..
عملنا أنا و يارا الاتنين صِفر
هي فِي فاصوليا وأنا فِي داؤودة


بعده مشيتْ جِبتَ الجبنه، الكيك، السينابون و الكرواسون

و جبتَ الموكيت فرشتو و قعدنا فِي الارض
و بقينا نتونس..

أية: وجن اليشوفك هسه فِي البيت
عكس خالص مِنْ الـ فِي الشارع .

وجن"بِأستغراب": كيف يعني ما فهمتْ! .

أية: يعني برا البيت بِتكوني بِدون ميكب
و العباية واسعة و الشعر و لا سبيبة ظاهرة و لا بِتتلفتِ يمين و لا شمال
بِتوقع ما بتعرفي القاعد منو فِي الشارع زاتو
يعني الزول الما بِعرفك بِقول البت دي كئيبة
و هسه ميكب و بنطلون
يعني..
أنا مُفتكرة الناس المُلتزمين ديل
ناس كئيبين و ما مبسوطين فِي الحياة دي
فاهماني ؟

وجن: أي فهمتك
يلا عايني يا حِلوة الزول المُلتزم ده
ما معناهو باعد عن الحياة
كُل القِصة أنو باعد عن الحرام

يعني..
حرام تعملي ميكب برا البيت
و يشوفوا ناس ما مِنْ محارمك
يبقى حـ أبعد مِنْ الحرام
أنو..
أعملو برا البيت
لـٰكِن..
ده ما بيعني أنو أخلي الميكب
حـ أعملو فِي البيت أو عِرس إسلامي كُلو نساء

و أكيد حـ أكون شخصية مُختلفة
الـ فِي البيت و برا البيت
برا البيت حـ ألتزم بِحِجابي و حياءي
يعني ما ينفع أضاحك مع ده
و أهظر هِنا، و أتلفت فِي الشارع
و ألفت الأنظار
لـٰكِن..
فِي البيت أو لو فِي مُجتمع كُلو نساء
بضحك و بهظر و بِتونس

و اللَّه الناس المُلتزمين ديل أكتر ناس فرفوشين و مبسوطين فِي الحياة دي
بس هُم بيعرفوا حدودهُم
وأنا قاعدة أجاهد أنو أكون مِنهُم .

سمر: صراحة أنا قايلة ماف ونسة بِدون قطيعة و ما حـ تكون أصلاً حِلوة لو ما فيها
لـٰكِن..
الليلة لقيتْ عكس كِدا !
و عجبتني شديد .

وجن: يلا هسه عشان أنِحنا أتونسنا
و أتكلمنا عن حاجات تخُصنا
و أصلاً حـ نِستفيد شنو لو أتكلمنا فِي الناس و أديناهُم حسناتنا ؟
و لا شي مُش

سمر: فعلاً .

أية: يا وجن و اللَّه أنتِ حببتيني فِي الألتزام شديد .

سمر: حتى أنا واللَّه .

وجن: الحمد للَّه
ربنا يهدينا و يصلحنا
و يجعلنا فتيات صالِحات .

البنات: أمين .



أخر حاجة..
عملنا جلسة فضفضة كُل واحدة
فضفضتَ و قالت الجواها
و طبطبنا على بعض


وأنتهى يومنا على كِدا " يوم البنات " ♡.





#على_الهامِشْ:


أنَ حياةَ المُلتزِم ليستْ خاليةُ مِنْ..
الترفُه و اللِعب كما يزعِم البعضْ

و إنما كان سيدُ البشرِ عليهُ أفضل الصلاةِ
واتمُ التسليم يضحك و يتسامر
مع أصحابه و مع أهل بيتهُ
_لِصاحبهُ

#كبروا 💛🌻.

.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

*#فِي _ حُب _الإسلام ..《13》*
*#بِقلم: أسرار جمعة💛.*
*ـہہہـ٨ــــہہہــــــہہہـ٨ــــہہہـ*


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏بعد مرور 6 شهور ...

الليلة نازلين أمتحانات..
الصباح ناس البيت دعوا لي بِالتوفيق

ناس سمر جوا طلعنا..
وصلنا المدرسة بقينا نراجع و نحل أمتحانات قديمة

جرس الامتحان ضرب..
دخلنا القاعات
و كُل زول قعد فِي المكان المُخصص ليهو

بقيت أقرأ أية الكرسي و المعوذتين
المراقبة جات وزعت لينا الورق
و قالت لينا :
قولوا بسم اللَّه وأبدوا

بقينا نحل و الأمتحان كان حِلو شديد
الحمد للَّه
كان أمتحان قران

بعد أنتهيت بقيت أراجع بِالمسطرة
اللي هي بخُتَ المسطرة تحت السؤال مُباشرة و باقي الأسئلة بتكون مغطية

كِدا تركيزي كلو بكون فِي السؤال
و بالطريقة دي ما بخلي مكان فاضي بِسبب اني ما شفتو

طبعاً فًي المراجعة برجع بحل الامتحان مِنْ أول و جديد وما بعاين لي اجابتي الأولى، بعدين أجاوب و أشوف هل اجابتي التانية مطابقة مع الأولى ولا لا

إذا مطابقة معناتو صح
إذا لا معناتو فِي خلل و بقعد أفكر لمِن أتذكر الاجابة الصحيحة

راجعتَ تلاتة مرات و لسه زمن الامتحان


فجأة !..

سرحتَ وأتذكرتَ كيف البنات ختموا قبل أسبوع و كُلهم أختمروا اللهم بارك
حتى سمر و أية و يارا
و أغلب البنات قصوا زي مدرسي جديد
و بقوا فستان
لِدرجة ناس المدرسة زاتهم غيروا لينا الزي

و قالوا بدل يكون بنطلون و فستان لمِن الركبة
الأفضل يكون فستان طويل
و فعلاً ده الحصل

و البنات بقوا كُتار بِيصلوا صلاة الضُحي
زمان كُنتَ قاعدة أصلي براي
هسه اللهم بارك قاعدين نفرش تلات فرشات
حرفياً كِمية تغير حصل فيهم
تاني أذكرت أنو..
المُسابقة بين الجِمعيات حـ تكون بعد النتائج و أتذكرت تفاصيل تدريبنا ليها

صحيت مِنْ سرحتي بِصوت الجرس..
جمعتَ ورقتي و طلعتَ

لقيت ناس يارا برا سألتهم الامتحان كان كيف قالوا :
حِلو

فطرنا و بقينا نراجع لِلامتحان التاني
أمتحان كيمياء
فِي اليوم عندنا أمتحانين
بعد ساعة دخلنا...

عدا الزمن سريع و كان حِلو برضو
أصلاً أنا بحب الكيمياء جِداً جِداً

و طلعنا على البيت..
طمنتَ ناس البيت انو..
الامتحان كان حِلو و كِدا

أكلتَ وبديتْ آقرا..




..


الليلة أخر يوم للامتحانات..

المدرسة كُلها جابت معاها تلفوناتها
طبعاً بعد أخدنا أذن مِنْ المُديرة و سمحت لينا
مِنْ جينا داخلين جمعوا مِننا التلفونات
و ختوهم فِي مكتب المُديرة قالوا بعد نطلع مِنْ الامتحان نشيلهم

أمتحنا أخر أمتحانين وطلعنا نزغرد
أما سمر ما عرفتها قاعدة تزغرد ولا تصرخ
غايتو قالت دي زغاريت

شِلنا تلفوناتنا مِنْ المُديرة و بقينا نِتصور

تاني أتلمينا كُل البنات و عملنا فيديو قاعدين نزغرد فيهو كُلنا
و أتصورنا مع الاستاذات


المُديرة قالت لينا :
النتائج يوم الاربعاء
و لازم تجيبي ولي أمرك
و الخميس المُسابقة

والليلة كان يوم الثلاثاء

بعدهُ شلنا كُلنا أرقام بعض
أما بنات الجِمعية عملتَ قروب فِي التليجرام أسمو " جِمعية القرآن الكريم"
و ضِفتهُم كُلهُم


طلعنا على البيت..

وصلنا كُل زول دخل بيتو بعد ودعنا بعض..

مِنْ دخلت البيت كِدا مِن جنب الباب شغالة أزغرد أو بالأصح أتهابل
؛ لأني ما بعرف أصلاً
و أكورك لي ناس البيت


وجن: يا أمي وأخيرًا خلصنا أمتحانات زغرتي .


بس مع دخلتِ البرندة كِدا أشوف ليك ضيفة !
وشي قلب طماطم عديل
ولاء بِقت تضحك فيني بِتحت تحت

لـٰكِن الحمد لله الضيفة طلعت ظريفة اللهم بارك
شغالة لي حمد اللَّه على السلامة
حمد اللَّه على السلامة

قُلتَ ليها :
اللَّه يسلمك
و سلمتَ عليها

بعد مشتْ أمي ضحكت فيني ضِحك !
و ولاء دي علقتْ عديل .

ولا أشتغلتَ بِالموضوع
واصلت هبالتي وبقيت أرقص لمِن..
قُلت :
بس .

وقت وليد جا
قُلتَ ليهو :
الا يطلعنا بِمُناسبة أنو..
خلصتَ مِنْ الأمتحانات
و وافق .



صلينا العشاء و طلعنا..

مشينا الحديقة..
ركبنا السفينة أنا و ولاء
وليد قال :
عندو صحبو هنا فِي الحديقة ماشي ليهو و جاي

أنحنا ركبنا و قبل تِشتغل ذي الناس
ولاء قالت لي نازلة
قُلتَ ليها :
تستحملي بس يا زولة

ولاء قاعدة يميني و شمالي فِي بت
ياخ صنتْ لي أضاني بِالكواريك
أما الوراي شغالة تولول ساي و تقول :
وااااي يا أمي وااااي
نزلوووووني
و البت الجنبها داختْ

أما ولاء دي فِي عالم تاني
شغالة تتشهد ساي

يمكن أنا الوحيدة المُصنددة فيهُم
ولا عليَّ و شغالة أصور ساي


بعد مسافة..
وقفت نزلنا والبت الدايخة ورا ديك رشيناها بِموية و بقينا ماسكنها لمِن نزلنا مِنْ السلم البِطلعوا بيهو لِلسفينة

قعدناها فِي كراسي
بعد فترة بقتْ كويسة
و قالتْ :
تاني راكبة !

غايتو ما تابتْ

أما ولاء دي قالت توبة و حلفت تاني ما راكبة


وليد جانا و بقينا نتونس..

وجن: وليد أسمع النُكتة دي .

وائل: أها .

وجن: فِي واحدة خوافة أسمها ولاء
ركبت السفينة وأثناء ما هي شغالة بقت تتشهد و بعد نزلت قالت توبة تاني ما بركب .

وليد بقى يضحك ضِحك !

ولاء: خوافة براكِ .

وجن: هسه أنا سالتك يا زول؟
الحرامي فِي راسو ريشة .


بقينا نشغلها ليها..
بعدهُ أتفقنا نمشي سينما الخيال..


أها قطعنا التذكرة و دخلنا
قعدنا فِي الكراسي أدونا النظارات لبسناها و قفلوا الانوار

فتحوا الفيلم
و لمِنْ ما هو شغال بِرشوا فينا رغوة
و الكراسي بِتتهز مرة تمشي يمين مرة يسار

و الفيلم مُضحك شديد
بِالحالة قالوا فليم رعب
ما مُخيف نهائي

بِجيبوا وحش يجي يتلصق فِي الشاشة كأنو عايز حـ يطلع
وتاني غوريلا كبيرة
و مرة ديناصور
وتاني زومبي

غايتو عباطة فِي عباطة

المُشكلة وين ؟
أنو فِي بنات كانو خايفين
و فِي واحدة بقتْ تبكي عديل


بعد أنتهى طلعنا برا..

وليد: البنات بِبكوا و أنتوا تضحكوا ! .

وجن: نعمل شنو الفيلم مُضحك شديد .

ولاء: حصل ياخ .

وجن: أرحكم نركب القطر .

ولاء: القطر أب سكتين ده ؟ .

وجن: أي .

ولاء: ده حق شُفع ياخ .

وجن: شفع شنو عايني ديلاك كُبار و راكبين .

ولاء: أرح خلاص .

مشينا قطعنا تذكرة و أنتظرنا لمِن دورهم خلص و ركبنا
قالوا نربط الحِزام

ولاء: حزام شنو عليك اللَّه عايني القطر كيف ما بِحتاج .

وجن: البسي سريع .

لبستْ بعد عوارة واتحرك..

ولاء: ده شنو الهبل ده وماشي براحة كِدا .

بس بعد جُملتها دي القطر سخن وبقى يمشي سريع لمِن قاعد يطلع شرارة
نتيجة لِسرعتو و أحتكاكو بِالسكة

ولاء بدتْ الجرسة

أنحنا قايلنو حق شفع وبمشي براحة
لـٰكِن..
طلع عكس توقعنا


الدور خلص نزلنا..

لفينا شوية و أتونسنا

و أخر شي..
أشترينا إسكريم
و وليد أشترى لينا غزل البنات ♡.



على_الهامِشْ:

قال تعالى ﴿ ألم نشرح لك صدرك ﴾.
"اللهم بعُمق هذه الآية اسأل الله ان يرح قلبك ويزيل همك إنّه على كلّ شيء قدير♡

#أستغفروا💛🌻.

.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

حسبي الله ونعم الوكيل ولا اله الا الله محمد رسول الله يااااا جماعه بيحصل شنو في امدرمان 🥺😭😭😭😭😭😭😭😭😭😭😭😭😭😭😭😭😭😭

ربنا بستتر يا رب ويصلح حالنا با رب

••
صَباحُ الخَيرِ …

" إنَّ الله لا يبتلي أحدٍ بشيءٍ دون أن يلهمه القوة والصبر عليه ، لا يُكلِّف الله نفسًا إلا وسعها.. لن يضع في طريقك عقبات لن تستطيع تجاوزها ، لن يبتليك بشيء يُفقِدك عقلك وصوابك ، لن يجعل أقدارك أصعب من أن تتحمَّلها ، امتحان الله دائمًا ما يكون على قدر صبرنا وقوة تحمُّلنا.. هو العالم بشؤون عباده ، ولن يُكلِّفنا برحمته ولطفه ما لا نطيق ، أو ما لا نستطيع تجاوزه.. الله أحنّ وأرحم من أن يُحمِّلنا ما لا نستطيع تحمُّله "
🍂💜

*#فِي _ حُب _الإسلام ..《14》*
*#بِقلم: أسرار جمعة💛.*
*ـہہہـ٨ــــہہہــــــہہہـ٨ــــہہہـ*


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏يوم الأربعاء ...


الليلة يوم النتائج..
و أمي الـ حـ تمشي معي
قبل أمشي قُلتَ ليهم :
جهزوا الهدايا
بقوا يضحكوا فيني


طلعنا أنا وأمي..
الليلة طبعاً ما حـ نمشي أنا و ناس سمر مع بعض
كُل واحدة حـ تجي بِطريقتها مع أهلها

وصلنا..
أمي ضيفوها مكان أولياء الأمور
و أنا مشيت لي صحباتي
بقينا نتونس

بعد مسافة قالوا :
زمن النتيجة خلاص

وقفنا طابور والأهل قاعدين فِي كراسي
و خاتين تربيزة كِدا فيها الهدايا

المُديرة: النتيجة مُشرفة جِداً
نسبة النجاح عامة 94
الناس دي كُلها صفقت..

بدوا يذيعوا الأسماء قالوا :

فيحاء تاج السر 92
أنصدمنا شديد معقولة الأولى جايبة 92 !
فيحاء طلعت أدوها هديتها

تاني قالوا :

وعد عبد السلام 93.4

حتى ياداب فهمنا أنو..
قاعدين يندهو مِنْ العاشرة و ماشين لي تحت
و وقت يندهوا الواحدة بِتمشي هي و أمها يسلموا للاستاذات و تشيل نتيجتها والهدية

المُديرة: رحيق سيد احمد 94.5

رحيف طلعت أدوها النتيجة و هديتها

المُديرة: سمر محمد 95

يا اللَّه فرحتَ ليها شديد

المُديرة: أية حسن 96.8

يا سلام أية بت مجموعتي و صحبتي

تاني زاعوا كم بت و مِنْ ضِمنهم يارا

و قالوا :
فِي هدية لِلعضو الأكثر فعالية
و أختاروا مُزدلفة

وتاني هدية لِلطالبة المِثالية
و أختاروا سيدة

الاتنين بنات جِمعيتي فرحتَ ليهم جِداً


المُديرة: جاتْ اللحظة الحاسمة...
بِِرايكم منو هي ألاولى الحاصلة على نسبة 99 ؟ .

البنات قالوا كُلهم بِصوت عالي :
ووووجن صِديق .

المُديرة: أيوا صح
الأولى المُتميزة وجن صِديق المُتحصلة على نسبة 99 مُبارك مُبارك لكِ .

طلعتَ برا مشيتْ لي أمي حضنتها
بعدين مشينا سوا على الاستاذات سلمنا عليهم و عبروا لي عن مدى سعادتهم بي..


لبسوني ميدالية طلعتها لبستها لي أمي
و بستَ راسها
أمي بقت تبكي و نص البنات بِكوا
و تاني أدوني حاجة كبيرة كِدا مُغلفة بِي كيس هدايا على ما أظن دي شنطة
و تاني أدوني ساعة و شهادة تقدير


صورونا أنا وأمي مع بعض
بعدين مُشرفة الصف أتصورتَ معي


الأمهات باركوا لي..
وتاني مشيتْ لي صحباتي باركتَ ليهم و باركوا لي..

طلعنا أنا وأمي و هي مبسوطة بِي شديد

وصلنا البيت وريتهم النتيجة
و كُلهم أنبسطوا
و قالوا لي :
رفعتِ راسنا


وليد: ماشاء اللَّه تبارك اللَّه
99 عديل ؟!
ياخ أنتِ حصلتِ التُرابي .

ولاء: هسه لو كان عايش كان أداها أملاكو .

وليد: هو كان قال لِأمتحان الشهادة .

وجن"بِهظار": الحق تاني أسلم ليكم بِالمناديل .

ولاء: مناديل لـٰكِن .

بعدو كُل زول طلع لي هداية
وليد جاب لي تلفون
ولاء جابت لي فستان بِي طقمو
أمي جابت لي بوكس عبايات كامل
أما أبوي غمتْ لي قروش

ياخ فِرحتَ فرح
و كان يوم لطيف جِداً ♡.


..

تاني يوم ...


الليلة يوم المُسابقة:

لبستَ لِبس المدرسة و شلتَ الملابس الـ أتفقنا نلبسها فِي كيس
شلتَ الضيافة شايلة معي حلاوة
و باقي البنات كُل واحدة حـ تجيب معاها حاجة

ناس سمر جوني سلمتَ عليهم و أتحركنا..

وِصلنا المدرسة و هنا أفترقنا
كُل واحدة مشت لِمجموعتها
و أنا و أية مشينا مع بعض..


لميتَ البنات..
شِلنا ورق أستكنوز كتبنا فيهو عبارات لطيفة و جِبنا دباسة
بقينا ندبس الورق فِي كيس الحلاوة
و تاني كتبنا كلمات عن الحِجاب و لصقناهو برضو
و جبنا فشار ، كيك، فانتا و بلح بِالنارجين... الخ
كُل الحاجات دي رصيناها فِي التربيزة بِطريقة ظريفة كِدا

راجعنا البوستر بِتاعنا
يلا كان كاتبينها فيهو أية عن الحِجاب و فضلهُ و شروطهُ..
أصلاً اليوم دايرين نشجع عن الحِجاب و فقراتنا أكتر شي عنهُ

و فِي نُص البوستر فِي رسمة لِلكعبة
و بِالجنبة اليمين كاتبين أنشودة عن الحِجاب و تاني عملنا قلوب صغيرة بِورق مُلون و فِي كُل قلب كتبنا أسم بِت مِن بنات الجِمعية و لصقنا الورق ده فِي البوستر فِي شكل قلب

وتاني فِي بوستر تاني كُل واحدة كتبتْ فيهو قِصتها حقت الحِفظ و الصعوبات الواجهتها و شعورها..


بعدهُ كُل جمعية بقتْ تزين فِي مكانها
؛ لانو كُلنا حـ نادي أدوارنا فِي أماكن مُختلِفة و بعدين حـ يقيموا الجِمعية مِن ناحية التزيين و الأداء و كِدا يعني..


علقنا البوستر و مزدلقة لسه ما جات و هي جايبة المِنفاخ
أتوكلنا و بقينا ننفُخ فِي البالونات
و كُل مرة واحدة تطرشق أية بِتقول :
عقدوا
و فعلاً صوتها زِي الطلق
غايتو ضِحكنا ضِحك!
بعد مسافة مُزدلفة جات وأنقذتنا

نفخناهم سريع بِالمنفاخ
و عملنا نُصهم فِي شكل قوس
مُثبت فِالارض و تجي مارة بِتحتو

تاني عملنا واحدين فِي الحيطة
ربطنا كُل تلاتة مع بعض و علقناهم

المُهم مكانا بقى رهيب شديددد
و عملنا أخر بروفة .





زمن المُسابقة جا..

دخلنا واحد مِنْ الفِصول لبسنا الزي
يلا كان كالآتي..
الطِرح نُص توب كبيرة بِاللون الأسود طقم مع العباية
و الباندانة التحت الطرحة بِاللون الأبيض
و الأسبورت بِالأبيض


أية: مُزدلفة لفتك بِتاعت الطرحة حِلوة شديد اللهم بارك .

مُزدلفة: أنتِ الأحلى .

سيدة: أي رهيبة لو ممكن تلفي لي حقتي .

مُزدلفة: مِن عيوني .

مُزدلفة ظبطتَ ليهم طِرحهم و كُلهُم بقوا نفس التحجيبة و حاجة فِي مُنتهى الحلاوة


مُزدلفة: أنا مُتحمسة شديد .

جيهان: أنا متوترة .

وجن: ما تِتوتروا وقدموا أفضل ما عِندكم حتى لو ما فُزنا المُهم أنو نفيد الناس
و يارب بنات كُتار يلبسوا الزي الشرعي .

البنات: أمين .



طلعنا برا..

لقينا ناس الفنون لابسين تياب
و ناس الانجليزي أسكيرتِ أسود و فنيلة بيضاء و جكت جينز
و ناس القراءة لابسين فساتين


صراحة أنحنا كُنا أحلى قروب
و عندنا هيبة كِدا بِالأسود
و مِنْ طلعنا كِدا و ماشين نقعد فِي مكانا المُخصص الناس دي مُـركزة معانا شديد


طبعًا المُسابقة نساء فقط
و التصوير ممنوع الا المُصورة الجايبنها ناس المدرسة بس


المُقدمة رحبتْ بِالناس أول وبدتْ المُقدمة
وأول جِمعية كانتْ جِمعية القراءة...


طلعوا كُلهم مكانهُم المخصص ليهُم..
كانوا ذي 10 بت كِدا..
و بقوا يقدموا عرضهم
طبعاً كان بِالعربي الفُصحى..



كان كالآتي..

سلوى كانت قاعدة حزينة جات أمنية
قالت ليها :
ما بكِ ؟ .

سلوى: ماذا أفعل قد وصلتْ الأمور بيني و بين صديقتي إلى طريق مسدود؟! .

أمنية: سأجيبْكِ مِثلُ ما قالَ أدهم شرقاوي فِي كِتابهُ..

فأقولُ لكَ:
فِي العلاقات لا يوجدْ طريق مسدود،
هُناك دوماً منفذٌ ما نعبرُ مِنهُ!
لِتأخذ العلاقة شكلاً آخر غير الذي هي عليه الآن،

فإما أنْ تعودَ أقوى مما كانتْ عليهِ،
فبعض العلاقات كخيطان الصوف،
كلما ازدادت تشابكاً ازدادتْ متانة!
ونحن مدينون لِلخلافات أحياناً
؛ لأنها تُرينا حجمنا في قلوب الآخرين،
وترينا حجم الآخرين في قلوبنا !

وقد تصبحُ علاقة فاترة جداً،
لا هي بالحيَّة ولا بالميتة،
تماماً كالمريض الميْت دماغياً،
فلا هو مع الأموات فيُدفن،
ولا هو مع الأحياء فيقوم !

وقد تنتهي العلاقة إلى الأبد،
وهذا بحد ذاته منفذ،
فإن قيل لكَ:
أن الحياة لا تقِفْ على أحدٍ فصدِّقْ!

وصدِّق أيضاً أنه ليس المهم الحياة،
وإنما طعمها يا صاحبي،
فتشبّث بأولئك الذين يجعلون لحياتك طعماً !
يا صاحبي،
كُل العلاقات تُصاب بلحظة فتور،
وهذا لا يعني نهايتها،
إنها استراحة المِحاربين مِن وعثاء الحياة،
أحياناً نحنُ نحتاج هَذهِ المساحة والمسافة مِن الفتور،
لِننطلق أقوى من قبل!
اُنظر للسهم فِي يد الرامي،
كيف يضعه في كبد القوس،
ويرجعه بِقوة شديدة إلى الوراء، ثم يقذفه،
فينطلق سريعاً وثاقباً وواثقاً من مسيره،
لولا هذا التراجع ما كان له هذه القوة،
والعلاقات كذلك !

والسّلام لِقَلبكْ .

سلوى: هل تقصُدين إننا سنِرجع أفضل مِنْ قبل ؟

أمنية: بِالتاكيد .

سلوى: أشكُرك جِداً على لُطفك و لِتطمئنك فؤادي .

أمنية: على الرُحب و السعى .


# أمنية :

عِـندما وجدتُ سلوى
و وجهْها شاحِبُ
و الحُزنُ يظهرُ على ملامحْها لمْ أتحمل رؤيتها هَكذا..

ذهبتُ إليها و سالتْها :
ماذا بِكِ ؟
و مِنْ ماذا مُنزعجة ؟

كأنْها كانتْ تِنتظرْ أن..
يسالْها شخص هذا السؤالِ !

أصبحتْ تبوحُ لي
بِكُلِ ما فِي قلبها..

بعدها طبطبتُ على قلبِها
و طمأنتها

رُغم أني..

أحتاجُ مَنْ يواسيني .



جات هديل وقالتْ :

يا صاحبي
ليس كل منْ واساكَ خاليًا مِن الحُزن..
لعلهُ عِرف َمعنى أن..
يحزن المرءُ ولا يجد أحدًا يواسيه
ولا كل من أعطاكَ ثريٌّ
لعله عرف جيدًا معنى أن يحتاج المرء ولا يجد
ولا كل من ربَت على كتفك ليس له هَمٌ
:لعله أراد أن يدعو بطريقةٍ أخرى، فيقول صامتًا وهو يُطبطب عليكَ
ها أنا أربتُ على أكتاف الناس فاربِت على كتفي يا الله ...


بعدو قدموا كذا كِتابِ بالطريق دي..

عرضهم أنتهى الناس صفقوا ليهم ورجعوا .


المُقدمة: كُنتُم رائعين
والأن جِمعية الأنجليزي .


أعضاء الجمعية طلعوا مشوا المكان المُخصص ليهم..

سمر: .................................




#على_الهامِشْ :


‏يُؤجرُ المرءُ رغم أنفه!

”ليستْ كل الأُجورِ تأتي بمُتعة الطاعة، كثير منهَا ما يأتيكَ من سَريرِ المَرضِ، وجرحِ القلبِ، وانكسارِ الخاطرِ، وقَهرِ الضّيمِ، ومَشقّةِ السَّيرِ، وجُوعِ الفَقر، وسهر الهم، ومرارةِ الغربة، وحزن الفَقدِ، وحسْن التسليم والاحتساب، وتعب المُجاهدة، ومغالبة الهوى“

- أدهم شرقاوي.


#أستغفروا💛🌻.
.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

- قبل فترة بتكلم مع وحدة قلت ليها ما شفتي فلان ما شاءالله اتزوج ربنا يتم ليه على خير

فقالت لي: ان شاءالله ما يكملو مع بعض وفعلا بعد شهور من الزوج سمعت بيه انفصل وخفت شديد مع انو هي كان بتهظر ما من قلبها خالص وزعلت جدا لمن سمعت الانفصال 💔

- شاب بحكي : قالت لي أمي بغضب لما رفضتُ الزواج من بت عجبتها و صريت على الزواج من حبيبتي

" اللّٰه يقطعك انت وهي " وهسي بعد خمس سنوات من زواجنا و بعد علاجنا المستمر عرفنا أننا نحن الاتنين بنعاني من العقم المستمر ...💔
نعم أمي لقد قُطعنا وقُطِع نسلنا ، فليبارك اللّٰه في دعواتك لنا .

- من جانب آخر ..

وحدة قالت كان صحبتي بتهظر معاي بناكل في شوكولاته وشلتها منها وجريت قالت لي
"تبقى بالساحق الماحق والمرض المتلاحق" والليله أنا بعاني من سرطان سحقني ، وأمراض متلاحقة ..💔

- في رمضان ، وحدة منتظرة ضيوفها، وبتجهز في الفطور قبل الوقت يتنهي ، ولدها عمرو ثلاث سنوات خطف حبة سمبوسة ، ومن تعبها قالت

" إن شاء اللّٰه ما تكملها " ، واول ما طلع باب الشارع وضربتو عربيه من جنب باب بيتهم، ف مات ، وسمبوسته ما كملها...💔

- واحد بحكي قال : لم يدعُ لي بالهداية حين شاهدني أعزف العود ، بل قال لي حينها (جعلها تنكسر ) ، ولم تطلع شمس ذلك اليوم إلّا ويدي ملفوفة بالجبس .
" لقد كانت دعوة أب "💜

- تقول إحداهن : ثوب أعجبني و لم يعجبها ، فقالت ( إن شاء الله ينقطع ثوبك ) ، و في نفس اليوم قطعوا ثوبي في غرفة العمليات .
" لقد كانت دعوة أم 💔

"اب عندو تلاته اولاد طوالي بسرقو عربية ابوهم يتفسحو بيها اليوم دا ابوهم قال ليهم ما تطلعو واتصل ليهم قال ليهم ان شاءالله ما تجو راجعين زاتو " ما عدا ساعة جابو ليهو اولادو التلاته جنازة في البيت 💔


اتجنَّبوا الأذِية بالدعاء، حتى ولو كان ما من القلب وخلوا كلمة ماشاءالله تبارك الله في السنتكم دايما😴💜✨👩‍🦯

إذا تنازل الرجال ضاعت النساء ..

قدمت امرأةٌ إلى مكة تريد الحج والعمرة، وكانت من أجمل النساء، فلما ذهبت ترمي الجمار، رآها عمر بن أبي ربيعة الشاعر المعروف، وكان مغرمًا بالنساء والتغزل بهن، فكلمها فلم تُجبه، فلما كانت الليلة الثانية تعرض لها، فصاحت به:
إليك عني فإني في حرم الله وفي أيام عظيمة الحرمة) فألح عليها فخافت من افتضاح أمرها فتركته ورجعت الى خيمتها
فقالت لأخيها في الليلة الثالثة: (أخرج معي فأرني المناسك) فلما رأى عمر بن أبي ربيعة أخاها معها مكث في مكانه ولم يتعرض لها، فأنشدت قائلة:
تعدو الكلابُ على مَنْ لا أسودَ لهُ
وتتّقي صولةَ المُسْتأسدِ الضاري
فلما سمع أبو جعفر المنصور هذه القصة قال: (وددت لو أنه لم يبق فتاة من قريش إلا سمعت بهذا الخبر)
وكان بإحدى البلاد امرأة صالحة عاقلة وكانت معها فتاة، فإذا أرادت الخروج من البيت تقول لإبنها: (أخرج مع أختك فإن المرأة دون رجل يحميها ويوسع لها الطريق كالشاة بين الذئاب يتجرأ عليها أضعفهم)

رسالة إلى الآباء والأمهات واﻹخوة والأزواج، هذا تعرض لها وهي في بيت الله، فكيف بأسواقنا وشوارعنا؟!

لا تتركوا بناتكم أو أخواتكم أو زوجاتكم بين الباعة والشباب،
ليس شكًا فيهنوإنما حرصًا عليهن وحفظًا لهن،خاصة في هذا الوقت الذي انتشر فيه الفساد وقل فيه الحياء..

أسأل الله العظيم رب العرش العظيم أن يحفظ
نساء المسلمين ويحيطهن برعايته وستره

" يمتص القرآن الحزن مِن القلب ف إذا قرأته حزيناً كان كالضماد و إذا قرأته سعيداً ضاعف تلك السعادة هو دواء القلب فلا تهجره 💙.."
صبااح الخير ❤️✨

همسة صباحية ✨❤️

ليس عليك إسعاد كل الناس
‏ولكن عليك أن لا تؤذي أحداً من الناس
‏وإعلم أن التسامح أكبر مراتب القوة
‏وحُب الإنتقام احد مظاهر الضعف
وإياك أن تدخل في نوايا الناس
‏فلا يعلم ما في القلوب إلا علاّم الغيوب..
💙💙💙💙💙❤️❤️✨✨✨✨

‏تكبُر في عيني الأشياء التي تُقدم بلطف مهما
كانت صغيرة ..

‏رغبتي فيكِ كانت حقيقية جدًا لم أكن عندها تحت تأثير القات. أو أغنيةأو ما شابه كنت أدرك وأعي
بأني أريدكِ بطريقةأعمق مما أظن وتظنِ

‏"وإذَّا تَخَلى النّاسُ عنَّك جَميُّعهَم
  ورأيَت ظِّلًا قَد أتَّاك فَذَّا أنَّا" .

‏«يبعث الله في طريقك ما يوقظك بين
الحين والآخر، أنت الذي ظننت لوقتٍ
طويل أنك مستيقظ