What does the universe expand into?

-The universe is not expanding into anything. The universe is everything that exists, so there is no space or matter beyond the universe for it to expand into. Instead, the expansion of the universe refers to the increase in the distance between galaxies and other celestial objects within the universe itself.

#science

شايف لمن تنصدم بشي غبي جدا واهواي ناس مصدكه بيه
وتروح تنام وتتسائل عن ما الذي يحصل في المجتمع 🙂

مثل شعورك بأول مره اكتشفت نظرية الجندر🌚

بالضبط هذا شعوري هسه
جاي يتكرر اهواي اخر فتره لان اهواي جاي اناقش اغبياء من كل الطوائف والالوان🙂

#tips
#thoughts

تصير تحس ب

يمكن دا مش مكاني

والزمان دا مش زماني

عدنه ديج 24 ساعه واكف بالباب خصوصا بالشفت الليلي ما مقصر والنعم منه

Screens are NOT the reason kids need

+خذ فيتامين دي نص الشعب معوزه🙃

#tips

المضحك ان وكالة الانباء العراقية (جهة رسمية) جاي تستخدم vpn لتنشر خبر ببرنامج محجوب لتكول البرنامج محجوب لمستخدمين محجوبين

شعور التائه
شعور لمن تحس اي شي تسويه حاليا فقد معناه او انك ما تعرف شتسوي اصلا فتتوقف وتُثَبط

شلون تطلع من هذا الشعور:

1.هاي هي النقطه الاولى وهي مهمه

2.انسى الماضي، صقيقي شوف اذا انا لحد الان افكر بالماضي جان اصلا ما كدرت اكون الشخص الي جاي يكتبلك حاليا من الاخير كلش، احسن شي ان تنساه كلش حتى الاغلاط الي انته غلطتها بيه دونها بمذكراتك ان "لا تسوي كذا وكذا" و "ركز على كذا امر" على شكل نقاط تمنعك ان تسوي نفس الغلط وهاي هيه بعد لا تذكره

ملاحظه هامه:اقصد بـ"لا تسوي كذا وكذا" مو ان انت تكول ان ما اسوي هذا الغلط بعد؛ لا اصلا هذا حل مو عملي يخوي لا تخدع روحك بيه كلنا نكولها ونفشل بتنفيذها

وانما اقصد خليها دروس وخطوات استراتيجيه تمنعك تسوي هذا الغلط، اذا مثلا ردت ما تاكل حلويات بدلا من ان تكول انا ما راح اكل حلويات بعد جرب تكول بعد ما اشوف فديوهات حلويات او يمكن انته تشتهيها لان خال حلويات قريبه يمك فكول بعد ما ما اخلي الحلويات قريبه مني

هيج ادرس شنو الشي الي خلاني اغلط هذا الغلط وشسوي حتى ما اعيده

حرفيا مره ضجت بحيث كل ثقتي بنفسي تدمرت بسبب غلط تافهه ظليت افكر بيه لحد الارق بس ببساطه كتبت ان لا تسوي هيج بعد وركز على كذا امر بعد وهاي هيه سديت المذكره وخلص

لخص غلطك بدروس اكتبها وخلص انسى الماضي لا تستذكره اصلا خليه اصلا عدوك بل غريمك مما يقودنا للنقطه التاليه

3.لا تقارن نفسك بغيرك والا لصرت تلم حسرات بس تشوف ان فلان سوه كذا وتكول انا شنو سويت وانته منا مثبط اصلا مالك خلك تسوي شي وتحس ان انته صرت متأخر لذا بدلا من ذلك قارن نفسك مع نفسك بالماضي
خلي نفسك باجر احسن من نفسك اليوم ونفسك بعد باجر بعد احسن لا تخلي يوم يمر عليك وانته ما مستفاد منه شي

ممكن تستفاد منه ان انته اليوم تعلمت شي البارحه ما تعرفه او اقتربت اكثر لاتقان شي ردت تتعلمه، او اقرب لهدف معين واكيد مو شرط كل ايامك شغل ممكن يكون يومك عشره على عشره بس لان صنعت بيه ذكرى حلوه او ارتاحيت بيه بشي تحبه المهم ان هو مو مجرد يوم ما تدري بيه وين راح

وكما جاء في الحديث النبوي الشريف: (من تساوى يوماه فهو مغبون)

وايضا مما يقودنا للنقطه التاليه

4.دون عن ايامك وذكرياتك وقيم ايامك من 10
ومن تدون تكدر تسوي gratitude journal/مذكرة امتنان علمود تركز على الايجابيات الي عندك كل يوم اذكر 3 شغلات زينه صارتلك (انصح بتطبيق
3 good things اذا ردت تطبيق رقمي)

5.وهم على طاري الايجابيات؛ شوف هو لمن واحد يريد يطور من نفسه راح يستفاد من معرفة عيوبه بس اذا انته اصلا واصل مرحلة جلد ذات انته هيج ناسي ايجابياتك والميزات الي عندك بحيث كمت تخلق سلبيات جديده ما موجوده

لذا ركز على ميزاتك يخوي هم اخذلهن صفنه، اوك تتذكر لمن كتلك لا تقارن نفسك بالغير قارن نفسك بالغير هنا
حتى تكدر تطلع الميزات الي عندك وما موجوده عدهم ويجوز حتى تجيك فكره عن شلون تكدر تستثمرهن

6.توكل على الله، ممكن شي انته شايفه عديم الفائده ويطلع اسطوري بعدين شمدريك الله شيريد بس ادعي انه يوفقك

انا كملت كليتي لحد المرحله الثانيه يلا عرفت ليش الله رادني بيها، انته تسعى وبعدين تشوف الله شلون يدبرها
اصلا مجرد توكلك على الله يشيل عنك ثقل التفكير المفرط بأمور انته لو تبقيها يم الله هو يحلها بدون ما تتعب نفسك واصلا ممكن يطلعن مو بذيج الاهميه


7.سوي restart
بالنقطة الثانيه حجينه شوي عن التوقف عن العادات السلبيه بس دماغك عباره عن غابه وهو يُعبد الطرق الي هو يستخدمها بكثره والطرق الي ما يستخدمها تنمو الاشجار بيها مره ثانيه وتنسد.

دماغك عنده هرمون للمكافأه اسمه الدوبامين هو يلي يكافئك لمن تنجز انجاز ويكون هو مسبب الشعور الحلو بعد الانجاز ويكافئك على الاشياء الي تدعم بقائك (survivability) مثل نومك واكلك (لهذا يكافأك لمن تاكل شي مملح ولمن تاكل لحم او شي دسم؛ 1+ للدهون و والملح🙃 بس السكر يطي دوبامين اكثر لدرجة الادمان وهاي 1- للـhigh carb diet 🙃) وتكاثرك (بأعتبار يدعم بقاء النوع) المشكله ان دماغك جان ببيئه مشتته بيها اهواي دوبامين اكثر من الطبيعي
(super natural dopamine)
بحيث فقد الحافز للأنجاز الطبيعي وهمين لان هو اتعود على الراحه وعلى التنقل بين المحتوى القصير فقد القدره على التركيز على شي واحد لفتره طويله وقلت ال attention span

طولت بهاي النقطه بي باختصار هذا الفديو هيساعدك

7.self-reflction

8.ايجاد المعنى

هذا المقال استوفى المراد بهذه النقطه

9. لا تحاول تركز على اهواي اشياء وبالاخير ما تتقدم تقدم ملحوظ بيهن وبالتالي تحبط؛ ركز على شي واحد لأطول فتره ممكنه (its funny ان انا اكلك هيج وره ما احطلك 8 نقاط🙃 بس عموما العادات تبنى بالتوالي لا بالتوازي لذا انته ما تكدر تتعود ان تسوي كل هذني النقاط دفعة واحده تكدر تسويهن بالتوالي)
وبدون ما اطيل عليك شوف تلخيص كتاب the one thing

وهذا فصل من الكتاب بفديو مستقل

#thoughts
#tips
#mine