عجبني plato كل شويه جاي اجرب بيه لعبة مختلفة
هذا بروفايلي بيه اذا تردون تلعبون ضدي لعبة (عدا الشطرنج والي بيهن نرد)

سادة التعليقات جان رزلتها
وانا هم ما بيه حيل اشرح فأبختصار احب اكول انجبي وخلص

خل اشرح احسن
اولا ما استندت على كلامها بأساس علمي حديث هي ببساطه وقعت بمغالطة ان الزيادة فوك الكمية الموصى بها سامه

وبأعتبار ان اغلب المراجع يوصون ان الكمية الكافية هي
40 ng/dL
فهي معتبرة 70 زيادة سامة
ونست هي فقرتين مهمات
اولا التوصية ما تطيك الكمية المثلى وانما تطيك الكمية الي تسد الاحتياج
The sufficient intake to prevent deficiency

يعني مثلا جانت التوصيات حول البروتين تقارب 50 غرام باليوم او ما يعادل 0.8 غرام لكل كيلو غرام الي هي فقط الكمية الكافية لمنع سوء التغذية (يعني تاكل الي يبقيك على الحافه)
ومع ذلك كان الاغلب بالدراسات بيهم نقص بروتين بسبب زيادة نسبة البروتين النباتي الناقص بالاحماض الامينية وبالتالي الجسم ما يكدر يستخدمه بجودة عالية (البروتين الناقص بالاحماض الامينية مثل لمن اطيك 5000 طابوكه وجيس اسمنت واحد فما تكدر تستفاد من ال5000 طابوكه)

على كل حال ال optimal intake
يعني الكمية المثالية الي المفروض تاخذها هي ضعف الكمية الموصى بها
يعني حوالي 1.6 غرام لكل كيلو غرام (طبعا اذا انت وزنك زايد ما تحسب الكيلوات الزايدة)

ولهذا السبب التوصيات الاخيرة لمن قلبوا الهرم الغذائي خلوا هاي الكمية من البروتين كتوصية افضل


نفس الموضوع بالنسبة للD3
الكمية الكافية هي لحد ال40
جوه ال40 عندك نقص
فوك الاربعين لحد ال100 هاي زيادة مفيدة
المستوى المثالي ان تحافظ عليه بين 70 و 100

من يوصل 250 يلا يدخل بالسمية وهاي عود اذا انت سبع لهاي الدرجه 🙃
واذا وياه K2 يصير افضل بعد
#health

وايضا كمية الارتباط بينه وبين امراض اهواي خارقة مثل الاكتئاب وامراض المناعة الذاتية مثل systemic lupus وامراض القلب فشي طبيعي لمن تعتقد ان كل المشاكل يسببها نقصه
#health
#memes

نايس واحد انتبه للشغله هاي
#science

للامانه اتفق هنتر احسن☕
(هذا جواب طالب بأمتحان الكتروني)

تقى عاشور - Toka Ashour
قناة عظيمة
#tips

بالمناسبة مره شفت ميم يكول ان عدد الناس الي ماتوا بالحروب بكل تاريخ البشرية اقل من الي يموتون بالاجهاض ب80 سنة
ورحت اتاكد هسه

"The woman psychological health was threatened by the pregnancy"

What does that even mean?

"The woman aborted for social or economic reasons"

Seriously?!☕☕

الاسباب الاقتصادية ما تبرر القتل هيج

يعني سؤال منطقي ليش اكو طلاب يكملون دراساتهم رغم فقرهم بقروض دراسيه يمكن تبقه وياهم لعمر ال40؟

ليش اكو pink tax ?
مصطلح يعني ان كلشي تقريبا يصير اغلى بمجرد ان يكون موجهه للنساء

ممكن تسوي قميص للرجال وتبيعه ب15 بس نفس الشؤكة اذا سوت قميص للنساء تبيعه ب20
هذا بسبب ان النساء اسهل بالتسويق والاستهلاك

فليش احنه بمجتمع ممكن ياخذ قروض لعقود من عمره وممكن يصرف هلكد على شعارات تسويقيه ومع ذلك يستصعب ان يربي طفل بل يختار قتله بدل محاوله تربيته على الاقل

بأختصار انت هسه لو يخيرونك بين ان تنقذ حياة شخص او ان تربح مليون دولار؟ تختار المليون دولار وتخلي الشخص يموت؟ فما بالك لو كنت انت الي كتلته علمود الفلوس الي غالبا تكون بالزايد بضعة الاف الدولارات مو مليون اصلا
مع العلم العلاقات الغير شرعية اعتقد حاسبها هو بال social resean

يعني ان اغلبية الحالات كما موضح 92 بالميه منها ما تشمل الابناء الغير شرعيين ولا حتى تشمل الاسباب الاقتصادية

اما مسألة ان خو ما تعيشه بفقر؟! يعني برأيك لازم نقتل اطفال الفقراء حتى ما يعيشون بفقر
او نقتل الفقراء كلهم؟

مسألة ان ما تجيبهم للدنيا هاي عود لمن تمنع الحمل مو لمن همه اجوا اصلا للدنيا خلص راح يصير تعريفك للحياة يعتمد على احداثيات موقع الشخص هل هو ببطن امه ام خارجها

اذا على هذا الحجي لازم تقتله وهو جوه بطنها خاف لمن تطلعه منها تصير جريمة قتل واغلب حالات الاجهاض كذلك

ومرات اسوء يستعملون انبوبه تشبه ال vacuum تشفطه شفط



اما مسألة ان الرجل بالعلاقة قد لا يعتمد عليه بهاي الحاله
فمثل ما هو موضح فأكثر من 90 بالمية من حالات الاجهاض ما تشمل الاسباب الاقتصادية ولا الاجتماعيه ولا العلاقات الغير شرعية خصوصا ان الابناء في العلاقات الغير شرعية مقبولين بأغلب المجتمعات الغربية

وايضا قد يتم الاجهاض دون علم الرجل اصلا لان حسب ميثاق سيداو فالمرأه الها حق الولادة بمفردها وحضور الرجل غير ضروري


اما مسألة ان هي حرة تقرر بنفسها
فانا الي حق الانتقاد حتى لو كانت هي صاحبة القرار

ممكن انت هسه تطلع بالشارع وتلكه اطفال اخلاقهم سيئة وتنتقد تربية امهم الهم رغم ان هي هم مسؤوله عنهم والها الحرية بتربيتهم مثل ما تريد

اذا انت ما تعتبر فقدان حياة بشر خسارة هاي وجهة نظري بس انا اعتبرها خسارة للبشرية جمعاء

يعني مثلا فراداي جان فقير لدرجة ان دراسته نفسها جانت واسطات
فتخيل لو امه اجهضته ماذا كانت البشريه ستخسر؟
وايضا ليش تسأل الشرع اذا انت مقرر الاختيار اصلا بغض النظر عن الشرع

وكأنما انا اجي اسألك تريد جاي لو قهوه وتكلي اريد قهوه واكلك لا هاك هذا شاي احسن!

الاسباب الاقتصادية اكثر شي يتم الحديث عنه رغم يشكل اقل من 5 بالميه
واذا تريد تحجي على الشرع فأكو ايه بالقرأن خاصه لهاي الحاله
فقرة يجي رزقة وياه ترا مو نكته

قوانين الاجهاض مستندة على نقاط اخلاقية نسبية
وكونها نسبية يعني ان هي مو شرط تلزمني لان ممكن شي انت تشوفه اخلاقي واتا اشوفه غير اخلاقي
النقاط الشرعية تلزمني اكثر حسب رأيي

الموضوع مثل ان انت جبت طشت ماي وحطيت بيه عشرة الاف قطرة ماي وقطرة وحدة من الزيت

انت ما راح تنتبه لالاف القطرات من الماء بس راح تكدر تشوف قطرة الزيت

نفس الشي هنا ان اكو كومه حالات تنجح وتندمج بالمجتمع وانت ما تدري شنو جانت ظروفهم بالبداية والله رزقهم

بس لمن حالة وحده تفشل وتصير فقيرة فعلا راح كبل تلومونه ليش انجب ابناء وانتم لو تسوون استطلاع بسيط لحالات الافراد من اول يوم قبل زواجهم راح تنتبهون ان اكو حالات اهواي انتم ما تنتبهون عليها بس لان هي ما طلعت من المجتمع لخط الفقر

حالات الفشل هي الي تبرز اما حالات النجاح صعب بل حتى مستحيل قياسها بدقة لان انت بكل يوم تعيشه وبكل خطوة تخطوها تحتاج توفيق من الله فما تعرف شنو كان ممكن يصير وما صار بسبب رحمة الله

منو الاصعب بالقياس اذا تريد تقيس النجاح لازم تلاحظ توفيق الله وهذا محد يقيسه لان رحمته فوق الادراك البشري عموما

واذا تريد تقيس حالات الفقر ممكن تقيسها بأي تعداد سكاني عادي يعني
#thoughts@thoughts_diary
#health

#memes
#nutrition