ليش ما الكه صفه بسيطه "المفروض " تكون من طبع الفطره البشريه اصلا
يعني الي كاعدين كلهم هسه شكد يمر عليكم اشياء كل يوم مرور الكرام
واكو اشياء انتم حسبالكم انتم تعرفوها بس انتم ما صفنتوا للحظه حتى تسألون نفسكم هل تعرفونها فعلا مثلا امي والابراج حسبالها هي تعرف بس من سالتها شني الابراج كامت تصفن
من جنت بالابتدائيه جانوا يكولون انا اسئل اهواي و المضحك بالموضوع ان لحد الان بالجامعه نفس الشي طلاب الجامعه نفس تفكير الابتدائيه!!
وليش اصلا يعتبر ان انا اسئل هواي شي غريب او شاذ
بل الغريب هو ان الدكتوره الي ما تعرف شنو اوربيتال (لان ما تعرف اصلا شنو ميكانيكا الكم) جاي تشرح الرنين لطلاب هم ما يعرفون شنو اوربيتال اصلا ومحد يسأل!!
لان همه لو حسبالهم همه يعرفونه لو مغلسين اصلا

ثانيا ليش احس اصلا ان انا نمت وانا طفل وكعدت وانا بالغ وكل الاشياء انكلبت الي جان المفروض صح، صار محد يسويه والي جان غلط ،صار شائع والكل يسويه فصار هو الافتراضي الجديد
الفضول مثال بس مو بس الفضول كلشي هسه، لو تشوف طفل يركض وره بزونه بحجاره تشوف ان المشهد عادي من كد ما انعاد الف مره بس اذا شفت طفل يسقي بزونه هنا تستغرب لان رغم ان هو الطفل الثاني هو الصح الا ان انته جنت متوقع ان مو هذا الي مفروض يصير
تكرار الشي يخليه معتاد وبعدين يصير حقيقه حتى اذا هو غلط

ثالثا كمت حتى اتسائل بنفسي هو انا راح ابقه محافظ على كل مثالياتي رغم ان العالم نقلبت مثالياته

المهم هو كال انته طالع رون كلش
وانا اكول انا بالاتجاه الصح بس التيار هو انعكس🙂

انا باقي على سايدي بس انتم كلكم طالعين رون فتشوفوني انا هو "الرون"

#thoughts
#mine

كرها تبدي لي وتضمر محبةً
مشتاقة ان أُشغلت عنها بدت عبوسةً
غضبانةً تقصر طرفها باكيةً
***
تَسبُني و هي في الخفا
سجدت تحمد ربها
اذ عُدت لها من بعد بُعدِ سالما
#mine
#poem
الصوره من قناة عروبه

‏في دقيقة يَهذي طربًا وفي التالية يَكتئب.

— هاروكي موراكامي
@ktab7

Exactly how my mood looks like:
#thoughts