هواي منكم يتمنى لو يعرف مواقع واسماء الكواكب والنجوم في السماء ويشاهدها، ولما يخرج ليلا يشوف نجوم بكل انحاء السماء وما يعرف شنو هذه النجمة وشنو اسمها وبعضكم اساسا يعرف كم نجمة والباقين صعب تميزوهم، راح انطيكم خبرتي بمشاهدة النجوم بابسط شرح ونسبة صحة كبيرة:

-بالنسبة لتطبيق sky map:


هو مو أفضل شيء لكن احسن شي لكيته لأجهزة الأندرويد ممكن يمشي حال و يشتغل زين لو ضبطت اعدادته عدل وحلو من تريد تعرف الاحداث الفلكية المستقبلية او بالماضي؛ لأنه تكدر ترجع بالزمن شكد ما تريد وحيظهرلك شكل السماء في ذلك الوقت ومن أي مكان ببالك.

ضبط الاعدادات وضبط المواقع:

-اولا لازم تعرفون ان الشرح راح يكون على تطبيق sky view وما اعرف اذا راح تكون هناك فروقات كبيرة عن التطبيق الآخر بس عموما راح يكون الشرح واضح وسهل التطبيق حتى لو حصلت اختلافات طفيفة.

بالبداية اكو طريقتين حتى تضبطون بيها الموقع، الطريقة الأولى عن طريق تفعيل اللوكيشن وهي سهلة وواضحة بس مو مضبوطة دائما، الطريقة الثانية يدويا انه تبحث على اسم مدينتك وهي اللي اعتمدها بس للأسف موقع مدينتي غير متوفر بالتطبيق فأضطر اخليها على موقع مدينة قريبة وهنا حيصير نسبة خطأ بسيطة وممكن حصولها حتى لو فعلتوا اللوكيشن وعندي حلها راح اشرحه لاحقا.

وهسة ننتقل إلى

خطوات تحديد النجم او الكوكب :

(الشرح راح ينطبق على تطبيق sky view)
الموضوع بداية له جانبين، الاول في حال انت مثلا ردت تعرف المريخ وينه بالسماء حاليا(اي باختصار  عندك بعقلك نجم او كوكب محدده وتريد تعرف مكانه)، بينما الجانب الثاني انه تشوف نجم او كوكب في السماء وتريد تعرف ماهيته او اسمه( يعني انت ما محدد شي ببالك مجرد شفت نجم بالسماء وقررت تعرف اسمه)، ونبدأ بالحالة الاولى:

في حال كنت تريد تعرف موقع كوكب او نجم محدد، كل اللي عليك تسويه هو ان تبحث بالتطبيق عن اسم الكوكب او النجم وبالإنجليزية، تلقائيا راح يظهر سهم يشير لموقع النجم وانت مجرد اتبعه، اذا كان بالجهة المعاكسة للسماء معناها هذا مو وقت ظهوره في السنة، فتحتاج تنتظر كم شهر ويظهر واذا ما كدرت ترصده فهناك مشكلة في المكان اللي تعيش فيه، ممكن تلوث ضوئي كبير او ان النجم لا يظهر بنصف الكرة الأرضية اللي تعيش بيها، فبعض النجوم تكدر تشوفها بس من النصف الحنوبي وبعضها بس من النصف الشمالي وهكذا.



اما في الحالة الثانية اذا شفت نجم ما بالسماء وتسائلت عن ماهيته او اسمه فكل اللي عليك تسويه توجه هاتفك نحو النجم وراح يظهرلك بالخريطة مجموعة النجوم او الكواكب الموجودة بهذا المكان وراح تكدر تميزه تبعا للأمور اللي راح اذكرها :

•‌ بداية اهم شي لازم تعرفوه انه اكو ميزة بالتطبيق تظهر احجام النجوم بالنسبة لبعضها، وهي مفيدة جدا لأن النجوم والكواكب في السماء تختلف احجامها، ومن خلال الحجم تكدر تميز الاجرام آخر مثلا نجم vega (في خريطتك الفلكية) أكبر من Antares, فاعتياديا راح تشوفه بالسماء اسطع واكبر منه فتكدر تميزهم وتعرفهم فقط باستخدام فرق الحجم.
"تنويه مهم جدا: الخريطة الفلكية غالبا تعتمد حجم النجوم بشكلها في السماء وقربها على الأرض كون vega اكبر من Antares بالخريطة ما يعني هو فعلا اطبر منه بالحجم بس لأن vega اقرب الى الارض فيبين حجمه اكبر بالسماء ونفس الشي بالنسبة للكواكب الزهرة تبين اكبر واسطع من زحل لان هي اقرب للارض بينما زحل اكبر من الزهرة باضعاف)

•‌ النقطة الثانية هي لون النجم او الكوكب
لو كنت شخص يتأمل السماء كثيرا راح تلاحظ اختلاف بألوان النجوم، المريخ يظهر احمر قرمزي بينما الزهرة تظهر مصفرة شديدة والشعرى اليمانية تظهر زرقاء او بيضاء ونجم Arcturus يظهر باللون البرتقالي، ممكن ما يكون اللون واضح تماما لكن هو شيء مهم ومفيد جدا بتحديد الجرم المراد رصده.

✧

•‌ أحيانا قد يكون الموقع مو مضبوط او خلل بالتطبيق او موقع مدينتك ما موجود فمايكون مضبوط شنو تسوي بمثل هاي الحالة؟ بالنسبة الي احسن مقياس هو ان تبحث عن القمر وتقارن خريطتك الفلكية وتشوف اذا كان يظهره فعلا بموقعه بالنسبة الك لو مايل شوي لو اصلا بعيد وهنا راح تعرف اذا كان وقت وموقع التطبيق مضبوطات كون القمر هو ثاني اوضح جرم بعد الشمس بسمائنا ،واذا مكدرت تضبطهم بمثالية مو مشكلة اذا صارت ازاحة طفيفة، عندي حل للموضوع؛ والحل انه تقارن موقع الجرم اللي تريد رصده بنجم اخر معروف ومن خلال النقاط اللي ذكرتها (الحجم، السطوع، اللون، قرب النجم او الكوكب من الارض( بتطبيق sky view يعطيك معلومات كاملة على النجم من بينها بعده عن الأرض) تكدر تعرف هذا النجم حتى لو حصلت ازاحة طفيفة كمثال لو كان المريخ قريب من القمر بخريطتك ان ابحث اولا عن القمر وبعدها ابحث من بين النجوم اللي بجانب القمر على نجمة لونها احمر وسطوعها جيد وشوف بخريطتك ما اذا كان على يمين او يسار القمر وان شاء الله ما راح تخطأ.

The nerd dude when the class go for camping

#memes

ياخي حلو شكد بالافلام تشوف references اهواي لنظريات مشهوره مثل ان دائما لمن يصير بعمل سينمائي معين كارثه تحل فوضى على البشريه تلكاهم جسدوا طبقات النفس البشريه مال سيغموند فرويد

او لمن تطب شخصيه للسجن او توصل مرحلة ميؤوس منها يبلش التساؤل حول المعنى من حياته كاشاره لكتاب فيكتور فرانكل او تشوف شخصيات الفيلم جسدت تقسيم فيكتور للشخصيات داخل السجن

او لمن يخلون الشخصيه الذكيه بالفيلم دائما تجيه الفكره نظريا قبل لا يفكر بأثباتها رياضيا لكتاب "the method" لارخميدس

او فكرة فيثاغورس ان يمكن تمثيل كل شيء بالرياضيات

او لمن يخلون شخصية تجسيد لفلسفة التشكيك "skepticism" او طريقة سقراط بالحوار (الجدال بالاسئله)
ولمن فريق الشخصيات يقع بمشكله؛ قائدهم يصير تجسيد لفلسلفة "stoicism"

او شخصيه لامباليه بكلشي تحت شعار الحريه المطلقه التي لا يقيدها قيد (cynicism)

واكو الي بيها فكرة ان ممكن بالمستقبل البشريه تعيش بمحاكاه للجنه؛ حياه سعيده داخل محاكاه وهاي فكرة روبرت نوزيك

او فكرة اليوتوبيا والديستوبيا
"utopia" and "dystopia"

وعادة الفكره السائده بالافلام حاليا ان يخلونها تبدو كيوتوبيا كأنطباع اولي بعدين يراويك الديستوبيا المخفيه

او الصراع النفسي للشخصيات الي ترتكب جريمتها للمره الاولى الي مقتبس من رواية الجريمة والعقاب

ومفارقة هل العقل حسي لو مجرد كيميا الي تصير بأفلام الخيال العلمي لمن الشخصيات الذكيه علميا تتحكم بالغير عن طريق مركبات كيميائيه والذكيه نفسيا تتلاعب بيهم نفسيا كهندسة اجتماعية او ما شابه

وفكرة Plutarchos الي تشوفها لمن شخصيه تطور بمسلسل تدريجيا بحيث هو بالجزء الأخير ما يشبه نفسه كليا بالجزء الاول

هاي غير ان اكو افلام تتمحور كليا حول مسأله فلسفيه وحده مثل
lord of the rings

او على حاله نفسيه معينه

فكرة ان البشر يحتاجون ابطال خارقين من نيتشيه
وبعد افكار مثل الين واليانغ من البوذيه; والكارما والحياة السابقه واعادة الخلق من الهندوسيه

#thoughts
#mine
#tips

حكاية خيالية في عالم فيزياء الكم

رحلة خيالية رائعة يأخذنا فيها المؤلف روبرت جيلمور في جولةٍ داخل عالم فيزياء الكم، بما فيه من نظريات غريبة عن طبيعة الجسيمات دون الذَّرية، التي يستخدمها العلماء في العصر الحديث لوصف العالم المادي.

رواية أبطالها الإلكترونات والنيوترونات والبروتونات والفوتونات والكواركات، يُوضِّحُ جيلمور من خلالها بعض المفاهيم الأساسية العصية على الفهم في ميكانيكا الكم. تذهب أليس إلى بلاد الكم —التي هي نسخةٌ جديدةٌ تمامًا من بلاد العجائب، وحجمها أصغر من حجم ذرَّة— ويُوضِّحُ كل معلم ترتاده هناك جانبًا مختلفًا من نظرية الكم. هناك تقابل أليس عددًا من الشخصيات الاستثنائية، التي تتعرَّفُ من خلالها على مبدأ عدم اليقين، والدوالِّ الموجية، ومبدأ باولي، وغيرها من المفاهيم المُحيِّرة، بتناول جديد يجعلها جميعًا سهلة الاستيعاب. ومن ثَمَّ فالكتاب مقدمة مفيدة وشائقة في فهم جوانب كثيرةٍ من العالم الذي نعيش فيه، وهو مُدعَّمٌ برسومات توضيحية من إبداع المؤلف نفسه.

❍ 3 مارس اقتران القمر بنجم Pollux

❍ 7 مارس القمر بدر

❍ 13 مارس اقتران القمر بنجم Antares

❍ 19 مارس القمر يقترن بكوكب زُحل

❍ 22 مارس القمر يقترن بكوكب المشتري

❍ 24 مارس القمر يقترن بكوكب الزهرة

❍ 26 مارس اقتران القمر بعنقود الثريا النجمي

❍ 28 مارس القمر يقترن بكوكب المريخ

❍ 31 مارس الأوج القمري

اوه شت🫠

بس ترا صدك مفيده تساعدني بطلاقة حواراتي ولمن احاول اشرح لواحد اكدر احاكي تفكيره واعرف هو شنو ما فاهم
(ولهذا مرات ابالغ واغلط نفس اغلاطه🫠) او همين على كولة المنشور "لتعويض شعورك بالوحده" 🌚
#memes
#thoughts

اتذكرت بعد 4
كل شويه اتذكر واحد🙃
#thoughts