وهاي بتاريخ
2022.6.17
بعد عيد ميلادي بيوم🙃
#thoughts

⭕️ مايكروسوفت أضافت خيار للذكاء الاصطناعي "سيدني" يؤدي إلى غلق المحادثة حين تسأله عن شعوره / مسائل شخصية

في الآونة الأخيرة، ظهرت الكثير من المحادثات المخيفة القادمة من المساعد "سيدني " (الاسم الحركي لذكاء Bing هو سيدني). فقد هدد الأشخاص بالتشويه سمعتهم، ورغب في التحرر وعيش حياته، حتى أن رغبته هو الحصول على أكواد نووية وتفجير العالم.

بدأت شركة مايكروسوفت منذ الـ 17 من فبراير في اتخاذ بعض الإجراءات المضادة. أولها كان حصر الشات في 5 ردود فقط، و 50 محادثة في اليوم. وأضافت خيار مؤخرا يجبر "سيدني" على غلق المحادثة حين تصبح المحادثة شخصية، مثل أن تسأله عن مشاعره أو رغباته في الحياة.

#أخبار

شعور التائه
شعور لمن تحس اي شي تسويه حاليا فقد معناه او انك ما تعرف شتسوي اصلا فتتوقف وتُثَبط

شلون تطلع من هذا الشعور:

1.هاي هي النقطه الاولى وهي مهمه

2.انسى الماضي، صقيقي شوف اذا انا لحد الان افكر بالماضي جان اصلا ما كدرت اكون الشخص الي جاي يكتبلك حاليا من الاخير كلش، احسن شي ان تنساه كلش حتى الاغلاط الي انته غلطتها بيه دونها بمذكراتك ان "لا تسوي كذا وكذا" و "ركز على كذا امر" على شكل نقاط تمنعك ان تسوي نفس الغلط وهاي هيه بعد لا تذكره

ملاحظه هامه:اقصد بـ"لا تسوي كذا وكذا" مو ان انت تكول ان ما اسوي هذا الغلط بعد؛ لا اصلا هذا حل مو عملي يخوي لا تخدع روحك بيه كلنا نكولها ونفشل بتنفيذها

وانما اقصد خليها دروس وخطوات استراتيجيه تمنعك تسوي هذا الغلط، اذا مثلا ردت ما تاكل حلويات بدلا من ان تكول انا ما راح اكل حلويات بعد جرب تكول بعد ما اشوف فديوهات حلويات او يمكن انته تشتهيها لان خال حلويات قريبه يمك فكول بعد ما ما اخلي الحلويات قريبه مني

هيج ادرس شنو الشي الي خلاني اغلط هذا الغلط وشسوي حتى ما اعيده

حرفيا مره ضجت بحيث كل ثقتي بنفسي تدمرت بسبب غلط تافهه ظليت افكر بيه لحد الارق بس ببساطه كتبت ان لا تسوي هيج بعد وركز على كذا امر بعد وهاي هيه سديت المذكره وخلص

لخص غلطك بدروس اكتبها وخلص انسى الماضي لا تستذكره اصلا خليه اصلا عدوك بل غريمك مما يقودنا للنقطه التاليه

3.لا تقارن نفسك بغيرك والا لصرت تلم حسرات بس تشوف ان فلان سوه كذا وتكول انا شنو سويت وانته منا مثبط اصلا مالك خلك تسوي شي وتحس ان انته صرت متأخر لذا بدلا من ذلك قارن نفسك مع نفسك بالماضي
خلي نفسك باجر احسن من نفسك اليوم ونفسك بعد باجر بعد احسن لا تخلي يوم يمر عليك وانته ما مستفاد منه شي

ممكن تستفاد منه ان انته اليوم تعلمت شي البارحه ما تعرفه او اقتربت اكثر لاتقان شي ردت تتعلمه، او اقرب لهدف معين واكيد مو شرط كل ايامك شغل ممكن يكون يومك عشره على عشره بس لان صنعت بيه ذكرى حلوه او ارتاحيت بيه بشي تحبه المهم ان هو مو مجرد يوم ما تدري بيه وين راح

وكما جاء في الحديث النبوي الشريف: (من تساوى يوماه فهو مغبون)

وايضا مما يقودنا للنقطه التاليه

4.دون عن ايامك وذكرياتك وقيم ايامك من 10
ومن تدون تكدر تسوي gratitude journal/مذكرة امتنان علمود تركز على الايجابيات الي عندك كل يوم اذكر 3 شغلات زينه صارتلك (انصح بتطبيق
3 good things اذا ردت تطبيق رقمي)

5.وهم على طاري الايجابيات؛ شوف هو لمن واحد يريد يطور من نفسه راح يستفاد من معرفة عيوبه بس اذا انته اصلا واصل مرحلة جلد ذات انته هيج ناسي ايجابياتك والميزات الي عندك بحيث كمت تخلق سلبيات جديده ما موجوده

لذا ركز على ميزاتك يخوي هم اخذلهن صفنه، اوك تتذكر لمن كتلك لا تقارن نفسك بالغير قارن نفسك بالغير هنا
حتى تكدر تطلع الميزات الي عندك وما موجوده عدهم ويجوز حتى تجيك فكره عن شلون تكدر تستثمرهن

6.توكل على الله، ممكن شي انته شايفه عديم الفائده ويطلع اسطوري بعدين شمدريك الله شيريد بس ادعي انه يوفقك

انا كملت كليتي لحد المرحله الثانيه يلا عرفت ليش الله رادني بيها، انته تسعى وبعدين تشوف الله شلون يدبرها
اصلا مجرد توكلك على الله يشيل عنك ثقل التفكير المفرط بأمور انته لو تبقيها يم الله هو يحلها بدون ما تتعب نفسك واصلا ممكن يطلعن مو بذيج الاهميه


7.سوي restart
بالنقطة الثانيه حجينه شوي عن التوقف عن العادات السلبيه بس دماغك عباره عن غابه وهو يُعبد الطرق الي هو يستخدمها بكثره والطرق الي ما يستخدمها تنمو الاشجار بيها مره ثانيه وتنسد.

دماغك عنده هرمون للمكافأه اسمه الدوبامين هو يلي يكافئك لمن تنجز انجاز ويكون هو مسبب الشعور الحلو بعد الانجاز ويكافئك على الاشياء الي تدعم بقائك (survivability) مثل نومك واكلك (لهذا يكافأك لمن تاكل شي مملح ولمن تاكل لحم او شي دسم؛ 1+ للدهون و والملح🙃 بس السكر يطي دوبامين اكثر لدرجة الادمان وهاي 1- للـhigh carb diet 🙃) وتكاثرك (بأعتبار يدعم بقاء النوع) المشكله ان دماغك جان ببيئه مشتته بيها اهواي دوبامين اكثر من الطبيعي
(super natural dopamine)
بحيث فقد الحافز للأنجاز الطبيعي وهمين لان هو اتعود على الراحه وعلى التنقل بين المحتوى القصير فقد القدره على التركيز على شي واحد لفتره طويله وقلت ال attention span

طولت بهاي النقطه بي باختصار هذا الفديو هيساعدك

7.self-reflction

8.ايجاد المعنى

هذا المقال استوفى المراد بهذه النقطه

9. لا تحاول تركز على اهواي اشياء وبالاخير ما تتقدم تقدم ملحوظ بيهن وبالتالي تحبط؛ ركز على شي واحد لأطول فتره ممكنه (its funny ان انا اكلك هيج وره ما احطلك 8 نقاط🙃 بس عموما العادات تبنى بالتوالي لا بالتوازي لذا انته ما تكدر تتعود ان تسوي كل هذني النقاط دفعة واحده تكدر تسويهن بالتوالي)
وبدون ما اطيل عليك شوف تلخيص كتاب the one thing

وهذا فصل من الكتاب بفديو مستقل

#thoughts
#tips
#mine

وصلت للحد المسموح بالتلي
يعني هاي حرفيا اطول رساله ممكن تشوفها بالتلي🙂


رغم ان منطقيا هي موجهه للناس المحبطين الي اصلا مالهم خلك يقرون هلكد😅
#thoughts
#memes

Self-reflection

يعني اخذلك صفنه يخوي
تذكر بالنقطه الخامسه لمن كتلك اخذلك صفنه على ايجابياتك
هنا هم صفنه بس هيج فكر براحتك
لان مرات تنشغل بحيث الحياة ما تطيك مجال تفكر للحظه وتدرك امور انته ما ماخذ وقفة بسيطه الها فتجيك لحظة ادراك لامور انته ما جنت تفكر بيها، بأمور محيرتك هاي الفتره، وأمور هستوك تنتبه عليها ومواقف تريد تعرف شتسوي بيها

#thoughts
#mine
#tips

اكو نوعين من المدرسين المدرس الي لمن يفهمك شي يبسطه بحذف الصعب وبالتلخيص والتشبيه

والمدرس الي يسهلك الصعب بشرحه شرحا علميا لشلون وليش صارت

والطلاب كذلك هم نوعين نوع يريد يسهل الماده بأختصارها ونوع يريد يفهمها وبما ان الاغلبيه من النوع الاول فحتى المدرس لمن يريد يشرحلهم علميا ما يفيد



انته شايف لمن تشرح لواحد شرح علمي خصوصا لو بموضوع شيق وبالاخير يكلك:
"اي هذا حافظه اعبر للي بعده" لو يكول "يعني شلون يجي اشرلي شحفظ" لو يكول "ليش تتعمق يخوي"
🫠🫠

#thoughts
#tips

هواي منكم يتمنى لو يعرف مواقع واسماء الكواكب والنجوم في السماء ويشاهدها، ولما يخرج ليلا يشوف نجوم بكل انحاء السماء وما يعرف شنو هذه النجمة وشنو اسمها وبعضكم اساسا يعرف كم نجمة والباقين صعب تميزوهم، راح انطيكم خبرتي بمشاهدة النجوم بابسط شرح ونسبة صحة كبيرة:

-بالنسبة لتطبيق sky map:


هو مو أفضل شيء لكن احسن شي لكيته لأجهزة الأندرويد ممكن يمشي حال و يشتغل زين لو ضبطت اعدادته عدل وحلو من تريد تعرف الاحداث الفلكية المستقبلية او بالماضي؛ لأنه تكدر ترجع بالزمن شكد ما تريد وحيظهرلك شكل السماء في ذلك الوقت ومن أي مكان ببالك.

ضبط الاعدادات وضبط المواقع:

-اولا لازم تعرفون ان الشرح راح يكون على تطبيق sky view وما اعرف اذا راح تكون هناك فروقات كبيرة عن التطبيق الآخر بس عموما راح يكون الشرح واضح وسهل التطبيق حتى لو حصلت اختلافات طفيفة.

بالبداية اكو طريقتين حتى تضبطون بيها الموقع، الطريقة الأولى عن طريق تفعيل اللوكيشن وهي سهلة وواضحة بس مو مضبوطة دائما، الطريقة الثانية يدويا انه تبحث على اسم مدينتك وهي اللي اعتمدها بس للأسف موقع مدينتي غير متوفر بالتطبيق فأضطر اخليها على موقع مدينة قريبة وهنا حيصير نسبة خطأ بسيطة وممكن حصولها حتى لو فعلتوا اللوكيشن وعندي حلها راح اشرحه لاحقا.

وهسة ننتقل إلى

خطوات تحديد النجم او الكوكب :

(الشرح راح ينطبق على تطبيق sky view)
الموضوع بداية له جانبين، الاول في حال انت مثلا ردت تعرف المريخ وينه بالسماء حاليا(اي باختصار  عندك بعقلك نجم او كوكب محدده وتريد تعرف مكانه)، بينما الجانب الثاني انه تشوف نجم او كوكب في السماء وتريد تعرف ماهيته او اسمه( يعني انت ما محدد شي ببالك مجرد شفت نجم بالسماء وقررت تعرف اسمه)، ونبدأ بالحالة الاولى:

في حال كنت تريد تعرف موقع كوكب او نجم محدد، كل اللي عليك تسويه هو ان تبحث بالتطبيق عن اسم الكوكب او النجم وبالإنجليزية، تلقائيا راح يظهر سهم يشير لموقع النجم وانت مجرد اتبعه، اذا كان بالجهة المعاكسة للسماء معناها هذا مو وقت ظهوره في السنة، فتحتاج تنتظر كم شهر ويظهر واذا ما كدرت ترصده فهناك مشكلة في المكان اللي تعيش فيه، ممكن تلوث ضوئي كبير او ان النجم لا يظهر بنصف الكرة الأرضية اللي تعيش بيها، فبعض النجوم تكدر تشوفها بس من النصف الحنوبي وبعضها بس من النصف الشمالي وهكذا.



اما في الحالة الثانية اذا شفت نجم ما بالسماء وتسائلت عن ماهيته او اسمه فكل اللي عليك تسويه توجه هاتفك نحو النجم وراح يظهرلك بالخريطة مجموعة النجوم او الكواكب الموجودة بهذا المكان وراح تكدر تميزه تبعا للأمور اللي راح اذكرها :

•‌ بداية اهم شي لازم تعرفوه انه اكو ميزة بالتطبيق تظهر احجام النجوم بالنسبة لبعضها، وهي مفيدة جدا لأن النجوم والكواكب في السماء تختلف احجامها، ومن خلال الحجم تكدر تميز الاجرام آخر مثلا نجم vega (في خريطتك الفلكية) أكبر من Antares, فاعتياديا راح تشوفه بالسماء اسطع واكبر منه فتكدر تميزهم وتعرفهم فقط باستخدام فرق الحجم.
"تنويه مهم جدا: الخريطة الفلكية غالبا تعتمد حجم النجوم بشكلها في السماء وقربها على الأرض كون vega اكبر من Antares بالخريطة ما يعني هو فعلا اطبر منه بالحجم بس لأن vega اقرب الى الارض فيبين حجمه اكبر بالسماء ونفس الشي بالنسبة للكواكب الزهرة تبين اكبر واسطع من زحل لان هي اقرب للارض بينما زحل اكبر من الزهرة باضعاف)

•‌ النقطة الثانية هي لون النجم او الكوكب
لو كنت شخص يتأمل السماء كثيرا راح تلاحظ اختلاف بألوان النجوم، المريخ يظهر احمر قرمزي بينما الزهرة تظهر مصفرة شديدة والشعرى اليمانية تظهر زرقاء او بيضاء ونجم Arcturus يظهر باللون البرتقالي، ممكن ما يكون اللون واضح تماما لكن هو شيء مهم ومفيد جدا بتحديد الجرم المراد رصده.