راح اقبط انا سنه من تدوين المذكرات
وتقريبا هاي احسن شي سويته بحياتي يعني اذا حاولت ان احصر فوائدها التي لا يمكن حصرها فستكون الاتي:

اولا :التقاط الافكار
If you don't write it; you lose it

افكار تجيك وانته سرحان وانته تسبح بالحمام وانته بالتاكسي وقبل لا تنام بس تنساهن بسهوله من تكتبهن تحتفظ بيهن
حتى حواراتك وي نفسك راح تستفاد من كتابتهن مما يقود الى النقطه التاليه

ثانيا: راح يزداد وعيك بذاتك
راح تعرف اكثر عن طريقة تفكيرك وشنو الاوقات والاشياء الي بيها مزاجك مو زين والاوقات الي انته بيها انته بذروة انتاجيتك وهكذا تكدر تخطط احسن (انصح ان تخلي تقيم لايامك من 10 هم)
وايضا تكون متتبع عادات مثل ان اكو اشياء انته حسبالك ان انته ما جاي تكثر منهم من تراقب نفسك يطلعن اكثر مما تعتقد وممكن الشغلات الي حسبالك انته تسويها بكثره تطلع تسويها اقل مما تعتقد
مثل ان انته حسبالك ان انته ما جاي تاكل حلويات اهواي وما جاي تسهر اهواي وبعدين تدون وتلكه نفسك تاكل حلويات وتسهر اكثر مما كنت تعتقد، والعكس بالنسبه للعادات الايجابيه

ثالثا: طلاقة الكلام وتقديم الافكار
الكتابه تساعدك ان تصفي افكارك خصوصا اذا تكتب بورقه وقلم بعيدا عن المشتتات وتدربك على ان ترتب افكارك بترتيبك لفقرات كتابتك فأبداعك بتقديم الفكره كتابةً سينعكس على تقديمك للافكار شفهيا ويصقل اسلوبك
وممكن اصلا يغير طريقة تفكيرك حرفيا
(انا كمت ادون حواراتي الي صارت واريد احتفظ بيها وحتى الحوارات الخياليه وي الاشخاص الي اعرفهم بحيث اسولف وياهم بخيالي وممكن احضر لكلامي الواقعي او اذا عندي presentation بهاي الطريقه)

رابعا:خفف عن عقلك
عقلك يسوي كلشي بدءاً من تنفيذ المهام الى التخطيط للمهام القادمه والتقاط المعلومات الي يتعرض ويُلهم منها الافكار، وحتى الشؤون العاطفيه

استعمل التدوين كسكرتير لتخفف عن عقلك يسجلك مهامك ويخططلك ويسجلك المعلومات الي تتعرض الها وتناقش وياه افكارك وحتى شؤونك العاطفيه؛ يحفظلك الاشياء الي تحبها وذكرياتك وتفضفضله ويذكرك بالجانب الايجابي (gratitude journal) وحتى الافكار السلبيه تكتبها حتى تتخلص من التفكير بيها
(مره قريت طريقه ان تكتب الي يضوجك بورقه وتذبها حتى تطي انطباع لعقلك بالتخلص منها بس مو شرط بالنسبه الي اتخلص من الورقه مجرد انا كتبت الفكره اعتبرتها اتخزنت بمكان منفصل وماكو داعي اخليها ببالي)

وبعد اكو فوائد كومه بالهبل فوتوا انتم اكتبوها🙃

#tips
#thoughts
#mine

ما عرفت قيمة هاي الجمله الا مؤخرا
#thoughts
#memes

جنت اريد اسمع قبل لا انام بس ما اريده يشتغل وانا نايم واكره ان اقاطع نعاسي بأن اكوم اطفي الموبايل
وانتبهت ان البرنامج بيه هاي الميزه
وبيه تسريع هم (0.5X-3X)
#tips

اذكر ان انا شفت على ناشينال جيوغرافيك برنامج وضح ان هاي الطريقه تستعمل لخلق اعضاء جديده من الخلايا الجذعيه
#tips
#thoughts

When Richard Feynman Met Albert Einstein | by Sunny Labh | Cantor’s Paradise
https://www.cantorsparadise.com/when-richard-feynman-met-albert-einstein-b92533e4a580

بالنسبه ال "🤡"
Bro, are you alright?

Like seriously do you have any mental disorder??🫠
#memes

ياليت من اهل القنوات الي بقناتي انهُ ينشرون الفكرة هاية بقناتهم .

ليش ما نكون شباب واعين شوية ونكول الحق ، ان كل الي جاي نشوفة بلانترنت بنسبة ٩٠ بلمئة ماهو الا محتوى سخيف وأوضع لايك بخشمك وبكوعك واصبع قدمك الصغير وأضفرك واتحداك وما الى شابه ذلك من سخافات لا تحتمل ، ف ليش ما ننشر ثقافة الأعراب اللغوي ونتعلم ماهو النحو ومعنى الأعراب ونعرف المعاجم للكلمات بدل ما نستمع لفلانة شنو تعاركت وية فلان ووالله علان لان رفع الحظر من علانة وما حط فولو الها علأنستغرام فجر إمها لايكات ؟

اقلها نتعلم شي لمصحلتنة ولحفظ هويتنة كعرب بعد ما صارت اسخف لغة سائدة بلأرض الي هي الانكليزية الي مالها لا اساس ولا رباط اصلا بس تعال وسويلك قاعدة وهاي هي خلص! ولو نجي نقارنها بلغتنة السامية الجزلة راح نشوفها لا تلحق شسعُ نعلِ العربية بأيِّ شكل كان!

ف ادعوا اصحابنة بلقنوات الثانية على دعم الشباب للبحث عن ماهو مقوي للغتهم التي سترفع من فكرهم ك عرب ؛ مثل المعارف بللغة ، الفاعل ماهو ، المفعول به ، الأفعال المتعدية التي تنصب مفعولين او ثلاث ، الفرق بين الأسم والحرف والفعل ، الفرق بين الأسم والفعل ، علامات الترقيم او التنقيط ، الفرق بين ظ و ض ، احكام التلاوة وغيرها ، احكام التنوين وشد والخ .. بدل الشوائب الفكرية بضغط الكيعان والخشم للايك والعياذ بالله!