My rules

1. ‏لا تعطِ الحكمة لغير أهلها فتظلموها ولا تحرموها اهلها فتظلموهم *
2. I don't care
تحتاجها خصوصا حتى ما تهتم للفئه من الناس الاولى من الحديث⬆️
3. ‏اذا الشي الناس كلها تسويه هذا لا يعني ان هو صح
لهذا السبب اكره الديمقراطية/العقل الجمعي/الاتباع بدون تشكيك
4. ‏لا تحكم على الشيء(والاشخاص) قبل التحقق
جديده توني ضفتها وره ما غلطت مرتين🙂
5.نظريتي لمفهوم الغرفه:
جنت معتقد ان شخصيتي مهما حسنتها ما جاي تكدر تفوز بالمفاضله او حتى بالمقارنه وي اشخاص اخرين مثلا انا من تسولف وياي ممكن اكون شخص جيدا جدا بنظرك بس لمن اوضع بالمقارنه مع اي شخص او بين مجموعة ناس بغرفه ما تفوز شخصيتي هنا (حسب اعتقادي بذيج الفتره حسيت ان هو ولا ممكن تفوز ولا فازت مره) بس ادركت ان الخلل هو ان انا بالغرفه الغلط
انا جاي اخالف بس تفضيلات الموجودين بهاي الغرفه وهذا مو شرط لان انا سيء ممكن انا جيد بس مو نوعهم وبس
مثل مقولة هامبتون:

You can be the best strawberry icecream, but some people prefer chocolat.

اتفق وياها جزئيا لان مرات اكو شغلات هي حق مطلق ما لاحد حق ان يكرهها
مثل الانسان الكسول الي يكره الناس النشطين او شيء من هذا القبيل
6.ان تكون وحيدا خير من تكون مع الشخص الخطأ

7.ان كنت تسعى للممتاز عليك ان تتخلى عن كثير من النتائج الجيده
لا تدع نفسك تقبل دون الذي تريد فقط لان تعبت الانتظار
________
*وأيضا نظرية الجورب مال هامبتون:
اذا اطيت لواحد جورب وهذا كان كل ما تملك لا تتوقع ان همه لازم يقدرون ذلك حتى لو انته سويته مجرد لحسن نيه ايضا هذا لا يعني ان همه لازم يكنولك حسن نيه بالمقابل
(1.ساعد الناس بس لان انته تحب هيج تسوي ولا تتوقع ان لازم يردون الجميل
2.ببساطه لان واحد ظهر واطه لشخص شي هو اصلا ما رايده(الجورب) لا يعني ان هذا المستلم راح يقدر الي اخذه لان ما رايده
(مجرد اعادة صياغه رديئه صراحة للمبدأ الاول ))

#thoughts
#mine

كنت ظننت ان الدنيا بلواي تسعى
و ان الانام كُل رزقه يسعى
تاركيني واحدا يسعى
الى أن ألممت بروحك كل ما كُنت له اسعى
***
و كنت دون الناس غربة اشكو
اعجب خلو الناس لبعضهم بعضا
ففتحت انت مصرعا صدري
مقتحماً نفسي و الفؤادا

الصوره من قناة عروبة

#poem
#mine

علي حبه كمال ديني و افلح من اتبع خطاه
طوبى لقلب لحبه مخلصُ و فردوسُ لمن والاهُ
و أعور من مع حب علي احب عِداهُ
فأطهر من الرجس قلبك بالبرأةِ من عِداه
ليحل فيه حب مَن الله طهرهُ و ولاه
***
ميزان اعمال يساوي درجات جنون من يحبهُ
فالمجنون بحبه أعقلُ ويَنتقص عقله من يبغضه
والموالي له بحبل الله معتصمُ و مارقُ من يتركه
و لبليغ الكلام سيدُ و اتى العلم من بابهِ من يسأله

***

الصوره من قناة عروبة
#mine
#poem

طريقة حفظ القرأن

1.نستمع نص صفحه(قابل للزياده لحد 2) 3-5 مرات
2.نقره الايه 3 مرات من القرأن
3.نقره الايه من ذاكرتك 3 مرات
4.ننتقل للايه الي بعدها ومن نعيد القراءه من الذاكره نقولها وي الي قبلها

في حال اذا نريد نوازن بين التكرارات على الايات
نقره من الايه الثانيه للاخيره ومن ثم من الثالثه للاخيره وهكذا

#thoughts

شايف لمن تسولف سالفه ويكلولك لا تسولفها مو لان السالفه مو زينه وانما يكلولك لان محد يستمع هيج سوالف فاتركها لا تنبذ مثل ما نُبِذت هاي السوالف

زين وبعدين ؟
اذا انا هاي السوالف جزء مني راح اظل كاتمها بس لان محد يريد يسمعها

راح يكولون غالبا هاي السوالف الها طبقتها الخاصه الي تسولفها بس مربط الفرس هذا :
"هو وين تلكه هذوله الي يسولفونها🙂"

لهذا السبب تظل بحواراتك وي الناس تكعد تشخص همه من يا نوع
Are they from my people or not
لهذا السبب اجه المبدأ الاول عندي
"لا تعطِ الحكمة لغير اهلها فتظلموها ولا تحرموها اهلها فتظلموهم"

#thoughts
#mine
#tips

عندي مشكله بتشخيص عقليات الناس حسبالي انا حليتها لمن تعلمت احلل طريقه تفكيرهم المشكله اعمق من هيج حبتين

اولا جانت المشكله ان انا اشوف امل بناس، همه ما شايفنه بروحهم مثلا جنت اسولف وي واحد بسوك هرج اشتغل ويانه مره وهو امي ما يعرف يقره ويكتب ان يتعلم كتابه وسولفت وياه شلون من شلون ممكن يتعلم الى شنو ممكن يتعلم من مهارات ثانيه يكدر يشتغلهن، راح تكلي: وين المشكله ؟ المشكله ان هو جان ميؤوس منه دون ان ادرك ذلك😑

ثانيا عندي مشكله بتشخيص نوعية العقليات خصوصا بالفرق بين المستمع لان هو مهتم والمستمع لان هو مستمع جيد
هاي الفقره هي الي تخليني اطول مرات بسالفه المقابل ما مهتملها
او اسوء لربما اعتقد ان هو مهتم
المستمع الجيد ما راح يشارك بالحوار وممكن يخلص صبره ويمل

ثالثا اللي ذكر باولا وثانيا كانت عندي مشكله انه صرت اكون علاقات او حتى صداقات وي العقليات الي انا "حسبالي" هي من النوعيه المنشوده بينما يتبين لاحقا ان هم ليسوا كذلك و دون قصد احيانا!
رغم ان هاي مو مشكله بس المشكله اذا تكونت العلاقه بهاي الطريقه وي عقليات انا اكتشفت متأخرا ان هي من النوع الي انا ما احب اسولف وياه اصلا

جان حسبالي ان طول اول حوار الي اسويه وي المقابل هو السبب بتكوين العلاقه لان المقابل راح تتكون صورة ان انا هم مرتاح للحديث معه بسبب طول حواري وياه

فأجتني فكرة ان احط مجموعة اسئله المقابل على هاي الاسئله راح يحدد اذا الحوار راح يكمل لو لا

اذا كان جواب النوعيه المنشوده على هذا السؤال هو X
فأذا كان جواب المقابل هم X اذا هو المنشود

واذا كان جواب المقابل ليس X بس هو اما قريب على X او جواب جيد و لا بأس به

اذا هو شخص جيد عموما لا بأس به وان لم يكن كالمنشود

واذا كان جواب الشخص المقابل غير مناسبٍ جدا اذا يجب حينها ان يتوقف الحوار ونبحث عن مخرج منه

ومع ذلك وديتي المفرطه في بدايه الحوار قبل طرح السؤال قد توصل فكرة خاطئة عند طرح السؤال لان ما سيدور في عقل المقابل اني كنت مرتاحا معه والان بسؤالي اياه اريد ان اتعرف عليه و اتقرب منه خصوصا لان السؤال قد يبدو لهم شخصيا

لذا يجب اذا
1. بدء الحوار برسميه ولو قليله
2. ‏عدم التأخر بطرح السؤال

#thoughts
#mine
#tips

اتراني سيدي احظى بنظرة
واراك وراية النصر تعلو في يديك

وهل احظى بأن اجالسك رواحا وغداة
فأراوي مسامعي من سجي كلامك

وكلامك النور و انت النور و بن الانوارِ
وهو سردُ من علوم الله التي الله اودعك

ويُنسي نورك قلبي الهموم
وهل تراود الهموم جليسك؟

الهي فرجٌ لصابر صبره نافذُ
وهو عبدك التواق الى وليكَ

منتظر لاخذ الثأر و لدولةٍ
وللخليفه الذي وعدت به ارضكَ

و لوعدك ان للمستضعفين نصرٌ
وان لهم العقبى على امركَ

#poem
#mine

حاولت اخلي بكل بيت اقتباس من دعاء الندبه
ما عدا اقتباس من الزياره الجامعه الكبيره
"كلامكم نور"

بالنسبه الي اعتقد الصفه الجوهريه الي يبحث عنها بشريك الحياه عموما
هي العفويه لان العفويه اذا كانت هي الصفة الغالبه على طبع الشخص راح يصير:
-لا يكذب
-‏لا يخادع
-‏ولا راح يهتم للمظاهر
وهم غالبا هاي الفئه تنسه تفضيلات مقاييس الجمال عدها حتى

ممكن حتى اذا سالته على تفضيلاته وحطلك لسته معينه مثلا، راح تلكه ان همه بالاخير حبوا شخص بيه مابيه 70 بالميه من لستة الصفات الي ذكروها

-‏لا يتظاهر(هاي النقطه حلوه لان هم ما راح تخليه simp)

-نقطه ثانيه ان صعب تخلي على علاقه عفويه طابع جدي او طابع جنسي
(هاي النقطه الي تخليني استغرب شلون الناس يزوجون ال childhood friend مالتهم ما يكدرون يحطون الجانب الجدي او الجنسي من الزواج على هيج علاقه وغالبا يفشلون حسب ما شفت اهواي ناس محاولين هيج بس لكيت نادرا ما ينجحون واغلبهم راح من يكبر يزوج الثانيه ويعتبر حجة "هاي الاولى ازوجتها علمود اهلي" لو حجة "جنت صغير ما اعرف وما حاب"

#thoughts
#tips
#mine

جمالها بروحها

جمالها ان رأيته خِلت انك لم ترَ جمالا قبلهُ
جمالها تقصر الطرف عنه
فإن وقعت عيناك عليه لن تعدلا عنهُ
جمالها إن غازلتهُ
غارت روحها قائلة ما بِه عني يُقصر طرفَهُ
***
روحها الورد اذ الشهد المصفى مِنهُ
ودها يرعى و لا يزعج نحلاً مَنُهُ
إن كانت بلسما فأن الشفا مِنه
***
محبوبةً إذ اتخذ الحب منها علامةُ
صدوقةً فأن كذِبت أظهرت أبتسامةُ
رؤوفةً فهي كحمامة
طائفةً عليَ كالغمامة

#mine
#poem

الدايت الي اتبعه وليش

اول شي لازم تغير من نظام عالي الكارب منخفض الدهون الى نظام عالي الدهون منخفض الكاربوهيدرات (Low carb diet)
يعنى تاكل اقل كارب ممكن بس تعوضه بدهون لان النظام منخفض الدهون لا اساس علمي له (اضغط واقرأ المقال)
الدهون الي تستعملهن كلها من مصادر حيوانيه (بيض /كيمر عرب/لحم)
عدا الراشي والزيوت غير المكرره وغير الهدرجه و زيت الزيتون(بالمناسبه ما يتقلى بيه خصوصا اذا بحراره عاليه بس هو عموما راح تحتاج تكلي بس البيض وقليه بزبده حيوانيه او دهن حر (شخصيا استعمل خليط منهن))

جدول وجبات(كل ما سيلي بدون خبز)

3-4 بيضات قلي (ممكن تخليهن اومليت حتى تاكلهن بدون خبز بشكل اسهل)
كيمر عرب/جبن عرب/اي جبن لا يحوي زيت النخيل بمكوناته مثال :كيري
مكسرات/حمص بطحينه/كاكو دارك
الغده
اي انواع اللحم عادي بدون قيد (وكلش عادي لو قلي واصلا يفضل الغده يكون قلي حتى ما تحتاج تاكل تمن اهواي وياه بس بدون خبز )سمك /لحم/دجاج/كباب اصلا يفضل يقتصر الغده عليهن ان امكن (مثلا اذا الغده سمك اكل السمك وعوف التمن ان امكن رجاءا)
بالنسبه للتمن ممكن تقلل مقداره ومع ذلك تشبع كالأتي: خلي وياه هواي خضروات وخليه اخر واحد بالتسلسل (مثلا اكل اللحم قبله) مثلا انا وي صحن تمن واحد اكل 2 لحم+فلفل اخضر+طرشي+ثوم متبل+خضره هيج مستحيل اكمل ماعون تمن(+على كل حال هاي الخضروات وي اي شي تاكلهن هم عادي مثلا اذا راح تتغده سمج مثل ما كلنه قبل شوي اكلهن وي السمج هم ممكن يساعدن بالشبع)

وبالنسبه للفاكهه يفضل تعتمد على الخضروات اكثر ان امكن
(مثلا الخضروات الي حجيناهن وي التمن او زلاطه/فلفل/جزر/خيار/خضره/الطرشي+الليمون عادي وياهن) باليوم
مما يعادل صحنين على الاقل
اذا ما كدرت تعتمد على الخضروات كليا الفاكهه ممكنه وجبه مره باليوم ويفضل تكون قبل الريوك ب15-10دقايق
(شاي دارسين سيساعد بهاي الحاله بعدهن او بعد كل وجبة كارب عموما(ماكو بهذا الجدول وجبة كارب بس هاي الفاكهه و الايام الي بيها الغده تمن)
+تعلم على الصيام المنقطع بدايةً جرب ما تتريك الا لمن تجوع (عادي حتى اذا اقترب موعد الريوك على الغده هو هذا المطلوب) او جرب تشيل السناكات بين الوجبات
بعدين تكدر تشيل العشا فتظل من غده البارحه لحد ريوك اليوم وبمرور الوقت راح تكدر تقرب بين الريوك والغده اعتمادا على شكد راح تظل صايمه مثلا
بصيام 18 ساعه(من ضمنها 8 ساعات نوم) ب 6 ساعات اكل
فمثلا تبلش بصيام 12 ساعه وشوي شوي تكدر تزود عدد ساعاتك
(الصيام كل يومين يوم الثالث اخذ راحه اذا ردت بس اذا ما اشتهيت صوم عادي واخذ شوي ملح بالصيام سيساعد خصوصا لو نلح هيملايا او ملح بحر)

ملاحظه هامه: اذا تريد تجرب هذا الجدول اخذلك قبله اسبوع امنع الحلويات بيه بس وقلل بيه الخبز تدريجيا
#thoughts
#tips
#mine
#nutrition
#health

مَنْ لَمْ يَكُنْ عَقْلُهُ مِنْ أَكْمَلِ مَا فِيهِ، كَانَ هَلَاكُهُ مِنْ أَيْسَرِ مَا فِيهِ.
-الامام علي بن الحسين السجاد عليه وعلى ابائه وجده واله الصلاة و السلام
#quote

عَليُ علىٰ اعلى راجلا من راكبِ الجمل
فما أنتي بنافية ذكر ابا حسنِ
ولا انتي ولا حفص بأسمى من النبإِ
***
من ولاكِ ضل ومن والى الهدى هُديا
شيعتكِ ترتوي من كدر العيون وشيعته أُسقيوا الحوضا
صفيت منابعهم وغيرهم كدر يصب على بعضه البعضا
والحق لازمهم وغيرهم اختلفوا باختلاف اهوائهم بُطلا
#mine
#poem

ما تسهترش بقيمة ان الدنيا جايه تمام معاك
#quote
#tips

هاي القصيده كتبتها لان انا جاي اكتب شعر غزل على شخص خيالي اصلا

وكنتِ خيالا في اشعاري من قبل ان اراكِ
فالمرء يعرف ملامح توائمهِ من قبل يراهُ
ورسمتُ صورتك في بالي
من قبل ان ارى كيف صوركِ اللهُ
ثم فاق جمالك مخيلتي
والله احسن تصويره
ومن قبل تربيتك على رأسي
فؤادي احس بودِك يغمرهُ
لكن كفكِ حواني
بمديدٍ لايقاس حنانهُ
#mine
#poem